ذبحتني الحكه والالتهابات

[ام باسلل]

السلام عليكم يعطيكم العافيه بس بقيت استفسر شنو احسن غسول طبيعي للاماكن الحساسه لان الحكه والالتهابات ذابحتني صار سنه وانا كل شهر عند الطبيب ما كو فايده آخر شي قال لي ما اقدر اعطيك ادويه بعد لان راح اتاثر على الكله واستخدمت كل انواع التحاميل وما كو فايده قلي الدكتور غسلي بماي وملح وخل والسستر قالت لي غسلي بمنقوع البابونج ما ادري شرايكم شسوي غسلت بمره وبعد ما كو فايده والله تعبت:0bee2e8d89:

 

[كندوش]

اي حبيبتي انتي تنقعي بالبابونج حطيه بطشت وماي دافي وقعدي وفي بالصيدليه تحاميل العلبه فيها وحده او ثنتين ماني ذاكره بالضبط تكون كبيره شوي هذي وايد زينه وتحاميل بيتادين بعد
والله يشافيج انشالله

 

[нάγoηά cнεмίsтяγ]

يـابعد عمـري الله يشافيج انشـالله
ان شـاء الله بيكون هذا حل لج بس انتي ادعي الله ان يشـافيج
اكلي كل يوم قفشـة عسل طبيعي
وبالنسبة للغسـول اذا فيج التهابات بالجلد أفضل شي غسـول سيباميد
انا فيني التهاب بالجلد ونصحني طبيب بغسـول سيباميد لأنّ اهوه للبشرة الحساسه
وبصـراحة وايد حلو وارتحت عليـه وربي يشافيج انشـالله لا تنسين العسل ترا والله معجـزة سبحان الله

 

[math2020]

شربي ماي وايد هذا هو الحل

 

[TeAcHeR_BeZaRiN]

ولله في وحدة نفس مشكلتج وحاطة موضوع انها ما تخلصت من الالتهابات الا لما قامت تاكل ربوبة بالصبح وبالليل !!

جربي منتي خسرانة شي حبيبتي

 

[نعومة حدى]

ماتجوفين شر ياقلبي

يمكن سبب التهابات الى تحسين فيها يمكن يكون من قلة شرب الماى
سوى تحليل

عشان جذى انصحج شربي كل يوم لتر ونص ماى يوميا واذا عليج الدورة شربي لترين

انصحج من تجربة ومعناه صارت لى شخصيا

وجربي سوى الى قالوة لج البنات ملح وبابونج زين كل يوم تسوينة مرتين باليوم

ومتجوفين شر مرة ثانية

 

[ام باسلل]

مشكورين حبيباتي والله لا يحرمني منكم يا خواتي

 

[رهوف]

احسن غسول سيتيال للالتهابات غسلي منه خارجي وخففيه وسوي دش مهبلي والميرمية بعد عجييييييييييييبة للالتهابات فوحي كمية وسوي غسول داخلي وخارجي ... وما تشوفين شر ان شاء الله

على فكرة ترا الاتهابات المستمرة تكون بسبب قلة البكتيريا المفيده اللي بالرحم والامعاء ... اهم شي تاكلين روب كل يوم وتشربين اكتيفيا