ذبحتني كلتوس ماتيوووز

[3wash_pink]

كيــفكون ياجمولاتي

أنا عندي مشكله بنجلط من وراها عندي قطيوه ماتستحي كله ادور الخوره والسكيك من بلغت بس قبل كانت تستحي شوي عند بابنا تقعد تحت الدري الحين كلش فصخت الحيا ماتنعطى ويه ماقامت تعبر وترد لنا امس كله ابجي وعند الباب قاعده وحاطه لها اكل صج تأزمت ربيتها وانا دايره بالي عليها من خذيتها ابد مامرضت ونظافتها تحبب الناس فيها من قطرة للاذون لي تنظيف اسنانها وتمشيط شعرها صيدليه صرت وكل شي عن القطاوه اعرفه من الانترنت مايخلي شي..
وحريصه لاني عندي عيال وكلنا نحب كلتوسه بس الكل يعرف ان الامراض وارده ومعديه للانسان..يعني تكرمون حتا ترابها دايم نظيف لان تكرمون البراز مو زين ايتم بالتراب 24 ساعه..وانا وغير جذي احسن تراب لها ويتغير كل يومين ثلاث..
ادري طولت عليكم بس عشان تعرفون شعوري من خذيتها واهيا عنونه استوعبت ان ريلي يحب قطيوتنا بس مايبي يوديها البيطري فاعتمدت علا نفسي ان كماليات النظافه الشخصيه للقطوه تكون متوفره دوم عندي..
والحمدلله ماصار فيها اي شي عنايه شامله معتنيه فيها..
بس كلشي سويته الحين ماله معنى لييش لان جليلة الحيا انا امس كله ابجي عليها ومبطله الباب علا امل ترد وصج ردت الساعه تسع وانا ماره يم المطبخ الا اسمع خرخشت اكلها..شنوو استانست لكن المنظر كان شنيع كنت احاتي تكون متعوره طاقينها..
الحمدلله مافيها جروح بس مبين انها سوت شي مو زين واهيا سياميه ردت لي جنها عتوي اسود من القذاره وعيونها وطوقها حتى صار اسود..يالكلبه وين كنتي مدلعه بالبيت انتي شمطلعج الليل بطوله وانا اسبحها الماي اسود وصخ وصخ واهيا موعاجبها صج اشتهيت اكفخها..
خلصت من تسبوحتها وانا انشفها الا اشوف عند حنجها بقعه حمره جنها حساسيه اكزمه..
اخترعت
ييت لاذونها سوووووووووووده من داخل واهيا قبل حتى لمعه مافيهم من النظافه..
واييب قطرة الاذون وانظف وربي عصب علي ريلي..أبجي من حرتي احب هالقطيوه انا مربيتها وعيالي يموتون عليها تنام عند ريولهم بالليل..بديني انا دايره بالي عليها..كل مايت فترة تزاوجها قالي خل تطلع حرام عليج خل تستانس اقوله واحنا مو حرام عليك تعادينا باجر وترا عندنا بعايلتنا ينطرون من الله صج تعادينا عشان يعايرون لان مايحبون القطاوه حمولتي..
الحين شسوي فرضا الي بحنجها فطريات خو الي باذونها عندي قطره تنظيف وعلاج..
ريلي مايبي يسوي لها عقم يقولي حرام وانا هم اقول جذي
بس وبعدين تتم بس تلقالها فرصه تطلع وماترد والله ينشلع قلبي تعلقت فيها صارت حبيبتنا
بس سالفة انييب لها ذكر ريلي مايرضا لان اهيا قطوتنا شيطانه وتغرد وايد ليل نهار مو شرط تبي تتزوج اهيا شكلها بالعه راديو..

ودمتم سالمين ^_^ حشى قصه​

 

[ZAMessi]

مو موديتها بيطري ولا مرة؟ تطعيماتها شلون عيل؟
و بعدين الحرام مو انكم تسوون لها عملية الحرام انكم ماتخلونها تتزوج ولا تبون تسوولها عملية شتسوي تنتحر؟ @@
يا تسوون العملية و ترتاحون و تريحونها
يا عطوها حق احد ثاني
لان اولا اذا كانت مسوية شي مع قطو بالشارع ٩٠٪ فيها داء الكلب و يذبحها خلال ١٠ ايام و يعدي الناس الي معاها او يكون ايدز او اي مرض ثاني و اذا مو مطعمة المصيبة صارت مصيبتين
الي باذونها جرب لان انا نقذت قطو من الشارع قطو شيرازي و اول ما خذيته وديته البيطري و اذونا كانت سوووده من داخل و قالي جرب و عطاني قطرة و عالجته
٧٠٪ يكون الي بحنجها فطريات و الفطريات تعدي و انا قطوتي عادتني من شهر ٩ ليلحين اثرها موجود
الحل يا تسوون لها عملية يا تزوجونها !
ترا العملية فيها وايد ايجابيات حق القطو نفسه!
اول شي كثرة التزاوج تييب الامراض خصوصا بالmammary glands و مع السنين الامراض تزيد و تذبحها اسرع من ما اهي المفروض تموت
قطوت الي كنت عايشة عندهم بنيوزلندا عمرها الحين ٢٢ سنة لو كانو مو مسوينلها عملية جاااان ميته من زمان
و تخيلي هذي مسوية شي و حملت من قطو الشوارع عيالها كلهم راح يكونون مراضى بما فيهم اهيا بعد

 

[ano0by]

شلون القطوة يعني مومطعمة ؟؟؟؟ اصلن القطو من تشترينة يكون عندة ورقة تطعيمات الحمدالله اناقطوتي فلاتر شاي عندها ورقة تطعيمات وجواز وبعد مسويتلها micro chip لازم تسويلها كل هذي شغلات اقل شي تعطينها التطعيمات ترا مايكلف تروحين البيطيري تفتحيلها ملف تعطينها كل تطعيمات و micro chip مايكلف ٣ دنانير والجواز اذا ماسوتلها جواز تعتبر من الحيوانات الضالة واذا بتسويلها
Process to prevent cats from mating او عملية منع الققط من التزاوج تر ماتكلف ٣٠دينار

وبس ^__________^

 

[3wash_pink]

ZAMessi
لا والله مو مطعمينها مبدأ ريلي اذا فيها العافيه ماله داعي وأنا صيدليه عندي بس مايحميها من الي صار لها ليله وحده تمت برا قلبت حالها 360 درجه القطوه مافيها شي بس دويرتين نفس الجرح الاكزما عند حنجها واذونها نظفتهم..
بس المصيبه وديناها البيطري عقب عناء معا ريلي مو بعينه الي بجنجها..
ولا يطلع فيها ringworm fungal
مصيبه هذا يقولي البيطري اعزلوها ولاتجيسونها ولاتجيس اثاثكم يعادي..ويه ريلي قام يقط الوان توك تصدق ان احنا بناكلها بعدين يصير بالريال براسه عادي يقرع أنا ولا بناتي يصير فينا شنسوي :// ريلي يقولي يلا براااا واهوا الي يابها
:"( خلاص أصلن بنبيع كلتوس وللامانه كتبنا ان فيها فطريات ومعا علاجها واغراضها كلهم وياكثر اغراضها لان عيالي مايخلونها بحالها لازم تنعزل وبنتي تبوسها وأنا بس من طاري الفطريات جسمي قام علي معا ان بس نقطتين صغار
اخ ياقلبي مابيدي شي اسويه​

 

[3wash_pink]

ano0by
اسامي قطاوتج تونس تذكرني برسوم بوني لاند ^_^ حياتي أنا طوع أمر ريلي ما أقدر عليه..والقطوه ماتعبت عندي ولامره..وهالشي خلاه مايحط التطعيم فباله..ليش أنا بالبيت اسويلها كلشي من تقريض اضافرها وتنظيف وعنايه من بت زون شريت لها كلشي للعنايه المنزليه..بس ماتوقعتها تطلع وماترد اهيا تطلع بس تكون بالحديقه ولا عند بابنا بس الليل بطوله..ردت لي الصبح مو كلتوس وحش من الوصخ..
أقدر أعالجها بس مشكلتي عيالي يحبونها وبنتي الصغيره تبوسها وكله يحتكون فيها..ماتنام الا عندهم..ما اقدر اعزلهااا ماعندي مكان..مايروحون له

 

[ano0by]

حبي اسم قطوتي فلاتر شاي اهي بس وحدة

 

[بوح الحنين]

الله يعينك

 

[ano0by]

حبي شنو نوع قطوتح ؟؟؟

 

[عود ومسك]

^^
نوعها سياميه

حبيبتي الله يشافيها
انا انصحج اذا تحبينها صج مثل ما تقولين تعالجينها وعلاجها سهل احنا مستعدين ندليج على وحده تبيع علاجات الفطريات وتقدرين تتلاحقين عليه من الحين دام توج تشوفين هالشي فيها معناته توه في بدايته
اذا انتي حابه احنا مستعدين نفيدج ونساعدج بطريقة عزل كلتوس من عيالج لمدة عشر ايام
الدكاتره والبيطريه صارو يبالغون واعزلوهم ومادري شنو واثاثكم ومن هالكلام
لكن قطوتج في بدايتها يعني لا يهولون فالموضوع..تقدرين تشترين قفص نفس اللي عندي كبيييير وتحطينها فيه مع ترابها
وتعالجينها يوميا وتسبحينها كل 3 ايام وبتشوفينها بعد اسبوعين طابت
اذا تحبينها لا تتخلين عنها بسهوله اتعبي عليها

 

[lojeeen]

انا مع عود و مسك مشكله الفطريات سهل حلها دامها باديه عل خفيف يبيلها تسبيح كل ثلاث ايام لما يتعقم الجلد

و اكبر غلط انج تخلينها تطلع للحديقه بالله كلت من الزباله انتي تدرين شنو الميكروبات اللي بتنتقل لج و لعيالج

اذا على سالفه الصرفيه سويلها التعقيم ارحم لها من انها تتشرد بالشارع و يمكن تنجرح من القطاوه او تدعمها سياره في جهال اللي ياخذون سياره ابهاتهم هوايتهم لي شافو قطو انهم يذبحونه تحت تواير السياره فيهم مرض نفسي

 

[3wash_pink]

عودومسك lojeeen
حياتي وربي تعز علي بس أنا عندي ثلاث يهال ومشكله متعلقين بهالقطوه اذا بنتي الكبيره عمرها 6 اقولها ماما خليها تعاديج ماتفهم فما بالج باخوانها..قاعده علا اعصابي مابيهم يروحون لها..لان صج شفت اثر الفطريات علا عيال عمي براسهم صارت القطوه ماتعمر شهر عندهم كله ازفهم..يشترون شيرازي ويبيله اهتمام اذا سبحو القطو لازم ينشفونه عدل من الماي ويتأكدون مافي رطوبه جلده ويعرضونه للشمس وغير جذي اشياء وايد..مشكلتي عيالي وبس والبيطري صج خرعنا..والقفص قلت له عليه يشتريه بس قال لأ نبيعها خلاص..عالعموم أنا احترت شسوي قاعده امسح بقطنه مكان الفطريات بخل مخفف معروف الخل مطهر..ونيوزورال الشامبو سويت بحث عليه بالانقليزي طلع لي موقع دكاتره ومكتوب اثاره الجانبيه ياكثرها اكثر من فوايده فقررت اسبحها بماي وملح وشوي ديتول وعالله تخف
بس ترا توه حاشها انا لاحظته اول ماردت امس من نحشتها كان احمر سايد حلجها وسيدا البيطري عرفت انها يابت لنا شي مو زين وحياتي لوجين شسوي من كثر ما احبها اخليها تتشمس تغير جو برا كنت واثقه ماتنحاش
ريلي مستحرم سالفة العقم للقطوه بس بحثت فيها فتوى انه مو حرام اذا فيها دفع مضره وخير للقط ولاصحابه​

 

[3wash_pink]

هاذي صورة كلتوس
http://img13.imageshack.us/img13/8003/img0338ai.jpg
وترا هالصوره قبل امس ماخذتها

وهاذي صورة حلجها
http://img696.imageshack.us/img696/1849/img0407r.jpg

زين هاذي الي عندها علاج موضعي للفطريات ولا شنو ؟ انا الحين قاعده اعالجها بحبوب من مستشفا الدهماء وفيتامينات عشان ماتروح عافيتها
وغير جذي عطاها ابرتين والحمدلله ماحاشتها صخونه

 

[3wash_pink]

http://img534.imageshack.us/img534/3028/img1954.png
صورتها واهيا صغيره نايمه بحضني

http://img593.imageshack.us/img593/6218/img2036ml.jpg
كبرت بس ماتغيرت كلتوسه الشيطانه

ببجي خلاص مادري شسوي قاعده اعالجها بس ريلي مايبيها واهوا الي خلاها توصل لهل حال كل مايتها فترة التزاوج قالي عادي طلعيها اكو عتوي حلو برا يوم صج سوتها اقوله يقولي عادي خليها عشان ترد وتفكنا من حنتها وردت قطيوتنا مريضه اوووووووووف من الي مايحسون تخيلي صارت بنتي كبرت علا ايدي شلون تعوفين قطعه من قلبج أنا مابيها تمرض عيالي ولا تمرضني مخليتها عالله الي فيه الخير لنا بينكتب لنا
عالله يخف لان صج مامداه ينتشر

 

[ZAMessi]

بما انها مو مطعمة غير هل مرض راح تييبلكم امراض اكثر و اكثر
لما رحتو البيطري ليش ما طعمتوها مرة وحده؟
والله مسكينة راح تحوشها امراض غيير فطرياتها تتعذب والله
اذا ريلج مو متقبلها بيعيها او عطيها حق ناس
الحين اذا تعالجت من الفطريات راح ايي يوم و ترد تنحاش تبي ريل يا تسوين العملية و تعالجينها و تطعمينها يا مادري راح تنظلم في هل عيشة

 

[3wash_pink]

ZAMessi​

حياتي مارضا الدكتور يطعمها قال خل اطيب وبعدين اطعمها..زين شسوي بالاثاث والسجاد شلون ماخلي الفطريات تنتشر بالبيت
ريلي عارضها للبيع ويقول اذا ما انباعت بيعرضها للتبني مو راضي يصبر عليها
ودي اسأل مربيات القطاوه المتزوجات اذا صار فيهم موقف مثل جذي شلون ايتصرفون :/
بس حياتي هاذي قرصه اذا ما انباعت كلتوس وشكلها ماراح تنباع منو يبي قطوه فيها فطريات اذا طابت بسوي لها العمليه واطعمها لو أروح من بيت اهلي
بس وين أحسن مستشفى يسوي لها هالعمليه

بنات فيدوني من تجاربكم​

 

[ZAMessi]

zamessi​

حياتي مارضا الدكتور يطعمها قال خل اطيب وبعدين اطعمها..زين شسوي بالاثاث والسجاد شلون ماخلي الفطريات تنتشر بالبيت
ريلي عارضها للبيع ويقول اذا ما انباعت بيعرضها للتبني مو راضي يصبر عليها
ودي اسأل مربيات القطاوه المتزوجات اذا صار فيهم موقف مثل جذي شلون ايتصرفون :/
بس حياتي هاذي قرصه اذا ما انباعت كلتوس وشكلها ماراح تنباع منو يبي قطوه فيها فطريات اذا طابت بسوي لها العمليه واطعمها لو أروح من بيت اهلي
بس وين أحسن مستشفى يسوي لها هالعمليه

بنات فيدوني من تجاربكم​

انا بالفطريات عانيت مثلج بس كانت تنام و تتمشى و كل شي بغرفتي ما صار فيني الا لما كانت تحك اذونها بريلي و انا توقعت ان البنطرون ماراح يخليتي اتعادى منها بس للاسف تعاديت من هل سالفة بس اثاث و هل سوالف عادي كانت تروح كل مكاان
العملية روحي الدهماء ب25 دينار و لاتخلين احد يسويلها غير دكتور جوووزيف

 

[شربـــات لـــوز]

حياتي مالج الا حل واحد
اشتري قفص كبير ويكفي تحطين فيه لتر بوكس و اكلها داخله عشان تعزلينها عدل القفص تلقينه من سوق الحمام و حطيها فيه و حاولي يكون القفص بغرفه فيها قفل عشان اذا اذوج عيالج تسكرين الباب و تقفلينه
و عالجيهااا بالادويه و دير بالج عليها و عقبها سويلها عمليه ترتاحين انتي وعيالج
ولله حرام تقطينها واهيا بأمس الحاجه لج

 

[3wash_pink]

ZAMessi
يالله اهوا قريت عن فطريات القطط باول طلعتها ماتعاديج بس اذا ثبت وبدت تنتشر تكون بنشاطها..

ألحين عندي شي مستغربته مو اذونها كانت وصخه نظفتهم وكل يوم بالقطره انظفهم تخيلي الحين اشوف نفس الجرح الصغير داخل يطلع دم شوي توقعين من شنو تحك اذونها وجرحت نفسها ولا شي ثاني

مشكله الدهماء شكله مو مستشفى وبعدين اذا رحت لشي بسيط القى دكتور اندرو اقوله نظف اذونها يقولي ماله داعي نظيفه اقوله اظافرها قصهم ولا مو من نفسه يشوف اهوا فباله لازم القطوه تكون مريضه انا يبتها يفحصها يشوف فيها دود اب بطنها لان ماتشرب ماي خير شر اما اقص عليها واحط لها معا الوت فود..ولا تلقى لها قلاص فيه ماي يايبته لي القاها تشرب منه..عالعموم احطلها ماي بس زود عن جذي احط باكلها وكل شوي يتغير مايها لانها تلعب باكلها لقى دراي فود طايح فيه..
عاد دكتور اندرو ماشفت منه شي يضر قطوتي بس مادري حسيته مايبي يتعب ويفحصها عدل ومنظر المغسله شنيع وتحسين مو نظافه عفص بطنها وقال مافيها دود وتكرمين خلاها تبول بالمغسله لاعت جبدي :/
دكتور جوزيف متى أحصله؟؟

أحب بنتي منورتي
حياتي قلبي مايطاوعني انحاشت اهيا قمت ابجي قلبي تعلق فيها انا ريلي يناقض نفسه الحين تقريبا طابت قاعده اعالجها بالخل الاسود المخفف قاعد ينشف واااااااااايد ممتاز اهوا مطهر ومعقم بنفس الوقت..ما اقدر احط عليها اي كريم او مطهر لان صوب حلجها خاف تلحسه الخل مامنه مضره..والخل معروف بفوايده..والحمدلله بطلت تحك وانشالله باجر اصور حلجها وتشوفون شلون تحسنت قطيوتنا​

 

[عود ومسك]

حبيبتي
مالج حل الا القفص ترا انا عندي بنت بعد وبنتي اسم الله عليها كبيره لكن هم ما تفهم بهالسوالف
او بالاصح ما يهمها لانها تحبهم وكله ازفها اقولها تعاديج واذا تعاديتي والله ماراح اعالجج ولا اوديج الطبيب تضحك وتطنش
لاني انا ماخذه قطو قاعده اعالجه..فا الحل القفص انا ما اقولج اني حبسته لان انا ما يهمني حتى لو حاشتني منه فطريات بتعالج بأذن الله واهم شي صدقيني حطي هالشي بين عيونج لا توسوسين
الوسوسه تخليج تشكين بعمرج واي حبه تشوفينها تقولين فطريات
وترا اللي بعيال عمج ثعلبه ماهي فطريات لان الفطريات ما تنتقل للراس بكل سهوله جذي مثل ما انتو مفكرين
اهي تحوش الجلد اسرع شي ولازم انه يكون لامس المكان اللي فيه فطريات وحاط ايده بشعره عشان تنتقل
او قاط راسه بحضنها
فا الله يهدي رجلج حاولي تكلمينه عن القفص وبعدين قطوتج لما تعالجينها بأذن الله سويلها عمليه العمليه مو حرام اذا من وراها مضره لكم
وتلاقين القفص بالسوق اللي ورا سوق الطيور قفص عزج الله مال جلابه كبير
وليندا اللي نقولج عنها علاجها موضعي وحبوب
بس انا مو مضايقني الا ان حرام يعني الفطريات صوب حلجها شي يعور القلب

واندرو خارها خلاص انا قايله قبل للبنات انه اندرو حق تطعيم وبسس صاير يخورها ودفش
وبعدين الدود مو انه يفقص بطنها الدود بدقيقه يقدر يحلله شلون ما خذا منها عينه وقالج اذا فيها او مافيها؟
لالا اخترب اندرو خلاص اكس

 

[عود ومسك]

ايه وبخصوص اذونها الجرح هذا اهي جارحه نفسها بالحك
واما الماي يمكن قطوتج تحب تشرب بصحن من جزاز والماي يكون بارد جربي هالشي
وشيلي عنها الصحون البلاستيك