ذبحتني :(:( مادري شالحل و الله استحي !!!!!!!!

[SpoiL-MerMaiD]

السلام عليكم


شلونكم يا بنات و شخباركم ولهت عليكم ؟

بنات انا عندي مشكله حيل مضايقتني و استحي اكلم امي فيها و رحت للدكاتره ومااحس استفدت

انا بنت مو متزوجه بس دايما تنزل علي افرازات و ماي تفشلني استحي مااحب جذي شنو الحل ؟

اذا رحت الدكتورة تعطيني الحبه الزرقه الكبيره اللي حق الالتهابات عرفتوها ؟

وانا شاكه بشي اسمه خراب الارحام بس يصير حق البنت او لا مادري لانه عندي انتفاخ بالبطن

في اعشاب تفيد او حاجه تريحني و تساعدني فديتكم

و تسلمون

 

[احب المنتدى]

رد : ذبحتني مادري شالحل و الله استحي !!!!!!!!

عادي قولي لامج شنو المشكله


بالدوره اشربي شوربه و معاها فلفل اسود
و اشربي شاي اعشاب او دارسين و راح تشوفين ان ماكو شي و كل شي رااااااااح

 

[zain-alq8]

اخذي خلطه نوره من غنوه ستايل انا جربتها قبل لاتزوج واايد زيينه

اهي تاجره اهني

 

[الليدي فراوله]

روحي الدكتورة ولا تعبثين بنفسج وانتي بنت

 

[روعة خيال]

عاادي قولي حق امج

ماكو اقرب من الام حتن الزوج

اذا راكبة راسج ما تبين تقولين لها

روحي لدكتورة نسا و قوليلها عن حالتج بس نبهيها انج مو متزوجة و لي الحينج بنت

انا اتوقع انها التهابات

 

[كويتيه مذهله 87]

اتوقع الافراوات عادي اذا مافيها ريحه استمري بالادويه وان شالله خير

 

[آهات الليل]

عندج العضوه غنوه ستايل تعالج هالشي عندها خلطات للبنات وخصوصا خلطة نوره

 

[**MiMi**]

انا تجيني افرازات بس معاها ريحه وبكثره شسوي و انا بنت

 

[كراميل لاتيه]

روحي للدكتورة باطنيه وراح تعطيج مضاد وكريمات خارجيه وتروح انا لما بنت رحت وجذي عطتني

 

[آجمل نسآء آلدنيآ]

شلـون تـآخذين آشيـآء وآنتـي مـآتدريـن شنـو فيـج ..؟

روحـي دكتـورة آمـرآض نسـآء حبيبتــي و آن شـآءآللـه مـآكو آلآ آلعـآفيه ..

مـوفقـــه ​

 

[السحر؛؛؛الحلال]

حبيبتي كلمي أمج هي إللي بتعرفلج إنت بنها...... إكلي تمرة مع رشاد ومردود واستعملي غسول مطهر بس الأفضل تبلغين أمج ... والله يستر عليج ياحلو البنات إللي فيهم حياء.

 

[خليفة العظماء]

أهم شئ لا تلعبين بنفسج ولايسون لج فحص تحت ألحين الدكاتره يخرعون بعد

وقولي لأمج أحسن تلقين عندها حل سهل وبسيط

 

[زوجة الوسيم]

بصررراااااحه انا مع البناااات امج لازم تعرف الموضوع وان شاءالله مافيج الا العافيه يمكن التهابات
واهتمي بنفسج وقت الدوره ابتعدي كل البعد عن المشروبات الغازيه وقت الدوره وهم لاتسبحين وقتها
انتفاخ البطن يمكن هواء بالا رحاام .......... وماااتشوفين شر ان شاء الله

 

[الحلوه الأموره]

السلام عليكم ...

بنات اللي مو متزوجات وعندهم هالمشاكل ...

1) المفروض انكم تلبسون عدل ايام الدورة .. يعني حتى دلاغات لبسوا .. ماله داعي الحفر والنص جم ..
2) بيبسي .. لبن .. روب .. ليمون .. وكلشي حامض او بارد ..... طبعااااااااا ممنوع
3) شربوا .. جاي دارسين .. زنجبيل مراميه .. يعني أشياء تنظف الرحم وتقوي المبايض
4) النظافة الشخصية بالمنطقه الحساسه مهم جدا .. ما اقول تبالغون .. بس الشيره لازم لازم .. وبلاش موس .. الموس وايد يسوي التهابات


هذي من خبرتي الشخصيه

ولازم لازم تروحين الطبيب تتأكدين من روحج حبيبتي .. مافيها شي قولي لأمج

الله يشفيج

 

[درة أهل الطولات]

الحين تثقين فينا وبأأأأمج لا

مفروض تعرررررررررررررررررف لازم تعررررررررف اقصاه التهاااب

 

[ساندريلا]

حبيبتي عادي قولي حق امج ولاتلعبين بنفسج دامج بنت وراجعي دكتوره احسنلج

 

["GloRia"]

أحسن لج روحي لدكتور امراض نسا وقوليله حالتج ... ولاتلعبين بنفسج انتي بنت

 

[عاشقه رويشد]

روحي حق الطبيب احسن لج حبوبه

 

[SpoiL-MerMaiD]

رد : ذبحتني مادري شالحل و الله استحي !!!!!!!!

قالوا لي انه البابونج شربه يومي مهم للبنت و لمن تغلينه اكو تطلع منه مثل سعابيل هذي مفيده بس مادري ما جربتها

و تنصحوني بدكتورة معينه ؟؟؟