ذبحني التفكير فيه ..!

[3e6er alwrd]

السلام عليكم بنات اشلونكم .. انا بدش بالموضوع على طول انا وحده صارلي 6 سنين من تزوجت وصارلي سنتين موظفه بس انا وريلي ما وفرنا الا مبلغ صغيرون حق بيت العمر ما ادري اشلون اقدر اوفر وايمع اكثر مع اني ما اصرف وايد وما اشتري الا الاشياء الضروريه وما عندنا ايجار ساكنين بيت اهل ريلي بس ما ادري وين تروح الفلوس مليت وانا امسك ايدي وما اشتري الا اشياء الضروريه بس ماكو فايده ايي اخر السنه مع مبلغ اصغير ما ايي بالعين ويضيق خلقي لان ودي اطلع ببيت ابسرعه ما ابي اقعد ببيت اهل ريلي اكثر من جذي وانا ادري اني اذا طلعت بشقه راح تصير السالفه اصعب واصعب فياليت الي شروا بيت يفيدونا بخبرتهم يمكن نستفيد واقدر اشتري البيت الي كنت طول عمري احلم فيه:0bee2e8d89:

 

[فارسة خالد]

شوفي هالموضوع وطبقيه انتي وريلج

http://www.q8yat.net/showthread.php?t=421533

وخلو المبالغ اللي توفرونها بحساب بروح فتحوا حساب التوفير في بيت التمويل وايد زين ويعطيكم ارباح وايد زينه كل سنة واذا عندكم عيال تستحقون الـ 70 الف مالت التسليف على الفلوس اللي موفرينها والارباح اتييب لج بيت ان شاء الله

 

[*أم*خالد*]

الله يسهل عليج يارب

 

[مو عايشة بالدنيا]

انتي جم تيمعين اخر كل سنة؟
وجم ناوية تشترين البيت؟
وتبين تاخذين قرض والا لا؟
والا بس ريلج ياخذ قرض؟.
عشان اقدر افيدج

 

[3e6er alwrd]

انتي جم تيمعين اخر كل سنة؟
وجم ناوية تشترين البيت؟
وتبين تاخذين قرض والا لا؟
والا بس ريلج ياخذ قرض؟.
عشان اقدر افيدج

انا عادي عندي اخذ قرض بس ريلي ما يقدر هالفتره لان الاقساط الي عليه ما تسمح ياخذ اكثر وعلى اخر كل سنه من 3000 الي 4000 بس وانا ودي بارض بجنوب السره او المناطق الي يمها :0bee2e8d89:علشان يم بيت اهلي

 

[math2020]

حبيبت يفي وحدة حاطة موضوع اشلون اوفرين افلوسج انشالله اتفيدج

 

[رينااد]

اكثري من الاستغفاااار والله يسهل اموركم