ذبحني ضعف التبويض وتعبت منه...

[ديما غلاي]

السلام عليكم يقولكم قصتي وابي منكم النصيحة واللي مرت بنفس حالتي تقولي شنوسوت لاني تعبت وضعفت نفسيتي انا قاطة اللولب من شهر مارس اللي طاف وماحصل حمل للحين والسبب ضعف التبويض استعملت الكلوميد مرتين ماكو فايدة وتوني مخلصة ابر التنشيط والصدمة مافي استجابة من البويضات مع الابر حجمها 13 رحت لدكتورتي شادية سوت لي سونار قالت عندج تكيسات صغيرة وحولتني عند الدكتورة ناهد اللي بالمواساة علشان تابع معاي الشهر الجاي قالت لي بتعطيج ابر مثل القلم تغزينها مافهمت عليها بنات منو جرب الدكتورة ناهد شاطرة بامور الضعف التبويض لاني تعبت واللي كان معها ضعف تقولي تجربتها ... زاسفة على الاطالة

 

[قايد الزين]

رد : ذبحني ضعف التبويض وتعبت منه...

الله يرزقج ويرزقني عالجي التكيس اول لان مارح تستفيدين من اللابر صدقيني انا نفسج اطق ابر ولا في استجابه والسبب التكيس قالت لي الدكتوره عالجي التكيس اول والله كريم

 

[قايد الزين]

رد : ذبحني ضعف التبويض وتعبت منه...

وتذكري ان الله رحيم وكريم
ولاتقنطو من رحمة الله

 

[* العوشزه *]

رد : ذبحني ضعف التبويض وتعبت منه...

أنا بعد توه طالع معاي تكيسات صغير بالمبيض مع انه من قبل ما فيني ...

ولاحظي حبيبتي >>التكيس غييييييير عن الكيس ..

الكيس علاجه تاكلين حبوب المانع لمده معينه والتكيس مثل ماقالتلي الدكتوره ماله علاج والله أعلم ..

بس لااااااازم تاخذين كلوميد >>هذا في حالة انك تبين تحملين

أو >> تاخذين حبوب الهرمونات اللي تنظملك اياهم عشان تنتظم الدوره الشهريه ...

أنا عن نفسي ماودي أحمل حاليا >>ودي أعالجه هالتكيس..

في الي قالي اذا جتك الدوره أكلي أدوية النفاس ويروح عنك .. >> عاد أنا شوراي ؟؟ بتوكل على الله وبجرب وان شالله خير ..

 

[*ريما*]

رد : ذبحني ضعف التبويض وتعبت منه...

الله يرزقك بالحمال يارب

 

[_Pure_]

الله يرزقج عاجلا

بس بقولج اذا فيج زياده بالوزن نزليه كله و مارسي رياضه عدل و اكلي صحي و ابتعدي عن السكريات
ترا لها علاقه مباشره