[..ذوقج واااايد حلو و راقي ستايلج اوربي و فنانة ديكور عيل تعالي ساعدني بليييذ...]

[انتهيت]

هاي بنااتاات
بخش بالموضوع ع طوول

انا غرفتي واايد كبيررره 7 في 4 و نص طوويله واايد و حدها معقدتني
احس لو كانت صغيره و مجكنمه تطلع احلا المهييييييم ...
انا ابي اصبغها و ابي الوان هااديه وااايد فكرة بالبيبي بنك او الابيض بس خواتي يقولون مو حلو جنج داشه مستشفى
انا أبيها واايد هاديه و سمبل و بنفس الوقت مودرن و اهي توها بقراطيسها ما انصبغت بعد تتريا ذوكم و افكاركم بالصبغ لأني بصراحه عذبت الصباغ المسكين اقول له لون و اغيره >>> يننت الريال لووووول

 

[عريب المستقبل]

حبيبتي الورق جدران حلووووووووووووووو.............وباقي البنات مايقصرون.........

 

[علياء الحسن]

شوفى هذا الموضوع غرفة وحدة من البنات اهنى اسمها اذا مو غلطانه ميا كرزون ماشاء الله غرفة اختها روعة نفس الالوان اللى تبينها اخذى فكرةhttp://www.q8yat.com/t840045.html

 

[Rnwah~q8]

للأمانه هالصور مجمعتهم لاني نفسج قاعده اعدل غرفتي و محتاره بألوان و ابيها تكون هاديه

فـ حبيت افيدج .. و انا عاجبتني اول صوره راح اسوي نفسها ان شاء الله

 

[ناتشوو]

رفع

 

[F.L.O.N.A]

والله يالغالية .. الناس اذواااق ..
عشان جذي لا تاخذين راي اي احد الا اذا كنتي تحسين ان مشابه لذووقج ..

مادري ليش حسيت انج نفس حالتي من ناحية الذوووق ههه

دايما دايما دايما لما اختار شي يقولون لي باااهت .. الوان مراضى هههههههههههههههه

شوفي يالغالية انا الحين مستعيلة بطلع والا جان سدحت لج احلى صور .. بس الحين على استعجال بقولج رايي

وبرجع احط لج صور بعدين ان شاء الله واي شي تامرين فيه انا حاضرة عالخاص او اهني


انا من رايي دامج للحين ما شريتي ولا صبغتي شي .. اختاري اثاثج ابيض << ارقى وانعم ويمشي مع اغلب الالوان
بالنسبة للصبغ دام الغرفة واسعة يعني ما عندنا مشاكل .. بس انا افضل الالوان الفاتحة

والبيبي بنك مع الرمادي الفاتح او الابيض رووووووووووعة ولما تدخلين عليه اكسسوارات بالاسود والسلفر يطلع خيال

او اذا حابة اللون الازرق البحري الهاااااااااااادي جدا .. مع البيج همن راقي وحلو

ولي عودة قريبة بس ارجع من طلعتي

 

[F.L.O.N.A]

بــــآكـ

​

نصيحة من اختج يالغالية ... دام مساحة غرفتج كبيرة .. حطي ورق جدران تطلع راقية وحلوة
تفضلي يالغالية هالصووور وان شاء الله يعجبج ذووقي

هاللونين قممممة بالأنوثة والرقة والجمال
بالنسبة لي شخصيا :eh_s(17):​

هذا الأزرق البحري مع البيج اللي كنت قبل شوي اكلمج عنه ​

هاااااادي وراقي ​

لاحظتي يا عمري شلون ورق الجدران معطي الغرفة فخامة ونعومة بنفس الوقت :eh_s(17):​

عجبتني نقشة الورد الابيض بنوووتية وااايد

اهني اللون سااادة .. بس دامجين معاه الترابي بشكل خيالي وروعة + خلفية السرير منقشة بالفوشي عشان تكسر الالوان الباهتة < على قولتهم ​

​

هذول شوية صور .. من لابتوبي مجمعتهم ​

لأني احب الـ Interior design

​

وأوعدج برجع احطلج صور بعد ​

لو ما عجبوج هذيل ​

بآآي

​

 

[انتهيت]

ثاااانكس الوووت بناااات يزاكم الله كل خير
و ثااانكس ع الصووور وااايد عجبتني

فلونا ثاااااانكسسس الوووت الووووووووووت اي و الله شكلنا مثل بعض ههههه
الصووور واااايد حلوووه تسلمين حبيبتي

قت لهم بصبغها بيبي بنك و حليبي قالو عوووع مو حلو أنتو شرااايكم

و اللحين افكر ببحري و ابيض و خطوط سلف <<< بالنسبه لي ابداااااع


*

 

[انتهيت]

بالنسبه للأثاث الابيض اهو واايد حلو وراقي صاجه بس المشكله انه بسرعه يتوصخ و بقعد كل شوي اغيره

 

[انتهيت]

عليا الحسن

هلا حبيبتي اي شفت غرفهم تينن الله يهنيهم فيها
واااايد حلوه غرفتها ودي احط هالالوان بس متردده لي اللحين

 

[انتهيت]

بناااات تذكرووون
غرفة نوم ببرنامج بنات وبسس كان لونها ازرق غااااااااااممممج و ابيض و سلف حدها زوووغه
دورتها بكل مكان حتئ باليوت يوب

تكفووون اللي تعرف وين احصل صور لها تسدحها هوووون بلييييز

 

[أم تذكار]

معاك المصممه المحترفه (هتوفه) على قوله اهلي لبي قلبي ههههه

توني منزله صور مجلس امي من تصميمي وابدااااعي

كلمه خيااااااال شويه عليه

خواتي الامارتيات والبحرنيات بقروبي انهبلو انجنو استخفو منه هههه

وبنات خالتي يقولولي تعالي صممي يااااااااي محلاني

وان شالله قريب انلكم ابدعاتي بمجلس مامي بس ابي اكمله

المهيم ,,, راسليني على الخاص ابي ادق التفاصيل غرفتك خيتو

وموفقه ان شالله,,

 

[franshiska]

حبيبتي البنات ما قصروا بالنسبة للصبغ

واذا متضايقه من الغرفه لانها طويله بالعكس في اكثر من فكره حق الغرف اللي جذي

انا غرفتي 10 * 4

حطيت ستاره هدب بالنص وسويت غرفه نوم وصاله وااااايد حلوه ولج خصوصيتج
والستاره اهي الفاصله النوم عن القعده

وعندج فكره ثانية اذا كبتج مو من الكبتات اللي بالطوفه تقدرين تسوين غرفه تبدين اشلون ؟ انا اقولج اشلون

الكبت اذا طوله مترين ونص او ثلاث امتار تقدريت تشوفين المكان الكافي لغرفة التبديل مثلا من الـ 7 امتار 3 امتار او مترين ونص وتحطين الكبت ظهره لغرفه النوم وبيبانه لغرفه التبديل وتخلين صباغ شاطر يصبغلج ظهر الكبت نفس الغرفه بحيث يصير شكله جنه طوفه .. اتمنى اني اكون وصلتلج المعلومه

 

[F.L.O.N.A]

بالنسبه للأثاث الابيض اهو واايد حلو وراقي صاجه بس المشكله انه بسرعه يتوصخ و بقعد كل شوي اغيره

حياتي ...
الابيض لما يكون فيه لمعه ما فيه اي مشكلة ..
مسحة فوطة وماي ويلق :eh_s(15):

صدقيني .. احنا حاطينه بغرف اليهال .. وما ادراك ما بلاوي اليهال .. وما شاء الله اي شي يتوسخ بس فوطة وماي وانتهى الموضوع ..

بالنسبة للون البحري .. هم حلوووو وفيه ايحاء بالهدوء والانشراح << اموت عالعربي الفصيح هههههه

انتي شوفي شنو اللي بخاطرج اكثر .. اللونين حلوين بس اقولج الوردي ممكن ممكن ممكن مو اكيد مع الوقت بتملينه شوي .. لان واااااايد هادي .. بس الازرق البحري ميزته هادي وبنفس الوقت فيه لمسة حيوية ... وممكن مع الوقت تغيرين مجرد اكسسواراتج وتطلعين بديكور جديد بعكس الوردي صعب يمشي مع اي لووون

البحري يمشي مع الاصفر والبنفسجي التوتي والاخضر اللايم .. واحلى شي الابيض والسكري والسلفر ... بس ان قصدي تقدرين تغيرين بين فترة وفترة مجرد اكسسوارات ورتوش بسيطة اما الوردي ممكن يقيدج شوي مع الابيض والسكري والرمادي والاخضر الفااااتح كلللش حلو عليه بعد

 

[F.L.O.N.A]

لعيوووونج حبيبتي
شوية صور على ذوووقي

ابيج تلاحظين تناسق البحري مع الالوان الثانية

 

[mi corazon]

صباحووووووووووووو

حجم الغرفه حلو مو كبيره وايد نفس حجم دار اختي بالضبط .. يمكن اختي اصغر بالعرض نص متر

حبيبتي الالوان اللي قلتيهم حلويييييييييييييين دام عاجبينج ماعليج من احد هاذي دارج انتاي .. لازم تريحج انتاي

ويمكن يتغير رايج لمن تفترين تشوفين الديكورات وورق الجدران نفسي .. كنت ناويه اتكون داري بيبي بلو واخضر تفاحي فاااااااااااااتح واوفوايت

والحين شوفي لونها غير تماما

انتي اهم شي قرري تبين صبغ ولا ورق جدران؟

او اذا كنتي بتحتفضين بالاثاث .. راح يعتمد الصبغ والورق على لون الاثاث

عالعموم لا تاخذين فكرو غرة كامله انتي شفتيها .. لا اخذي فكره من كل مكان .. روحي ايكيا وميداس بتتغير افكارج 180 درجه

ومنزل مبارك مقدما " على الغرفه "

موفقه حبيبتي