رأيكم يهمني

[ليلو جبريت]

انتحري يا ليلى

ماعليكم مني فيوزاتي ضاربة

حد قالي اقعد اقراء اصدارات دار الفارابي


زين جي استخفيت

 

[كراميلا مرة]

بالتوفيق وان شاء الله نشوفك كاتبه كبيره
وحيل متحمسه اقرا روايتك
وليش شفيك شلقيتي في اصداراتهم؟؟

 

[ليلو جبريت]

اصداراتهم حلوووة

وروايتي مو حلوة

انا اعرف مستواي في الكتابة واعرف ان ادبي متواضع جدا ، ما اتخيل نفسي مع هالاسماء ابدا

وكوكو تبينها مطبوعه او الكترونية ؟؟

 

[عادت ذكرياتي]

ليلو موووووووووووووووووووووووووووووووفقة

 

[:: Diva ::]

الفارابي من أقوى دور النشر فعلاً لكن لا تخرعج و لا تصير شي يقلق راحتج ..


في اصدارات عندهم عاديه
و في أقل من عاديه بعد





و لقيت روايات سعوديه الحوار فيها باللهجه السعوديه
وش بك
ليه كذا
مهوب صاحي

يعني حالها حال الروايات في كل دار

فلا تتعبين نفسياً
مو كل الي بالدار ممتازين و لا اساتذه و لا كل الاسماء عملاقه و تخرع الي ما تتخيلين نفسج وياهم
في كتاب ما تعرفينهم حتى موجودين بالفارابي



و بطيبعة الحال لا احد يقارن اصدار باصدار لان دار نشر تجمعهم
الله يوفقج يارب
و تنتشرين في كل البلاد العربيه و تصيرين كاتبه قد الدنيا مثل ما يقولون

 

[ليلو جبريت]

ديفا عطيني اسم الرواية الي لقيتي فيها هالحوار لو سمحتي

وثانيا انا قريت لكذا كاتب منهم اذا حاطين حوار عامي يكون خلال عشر صفحات او اكثر

ولو ياخذون كل من جان شفنا ثلاث ارباع الكاتبات عندهم

عندي ناس وايد طرشتهم للفارابي والساقي ورفضوهم

على الاقل الكل يشهد لها الدار بالتميز والتفوق والكتاب الي فيها يتعرضون لاهم النقاد العرب
حتى لو كانوا مو معروفين اسمهم طبعوا اول كتاب عند الفارابي وهالشي يعد فخر

ويمكن مو معروفين عندج مثل شاعرة جزائرية ماكنت اعرفها وبعدين اكتشفت انها اشهر من نار على علم

مثل ماقالي ولد علوان ان الفارابي فتحت له ابواب

عشان جي خايفة لان ادري ان دار الفارابي بتحطني بالواجهة

ويحقلي اتوتر دام باكون مع هالاسماء وليد الرجيب وامين معلوف وغيرهم

هذي حلم يتحقق اني اكون عند افضل دار نشر


وبصراحه انتي اول وحده اسمعها تقول ان هالدار اصداراتها عادية

اذا هالدار اصداراتها عادية باقي الدور كيف اصداراتهم !

واصلا هم والساقي كاتبين ان يختارون افضل مستوى للحفاظ على الادب .

 

[كراميلا مرة]

هذي انتي قلتي بلسانك دام انهم مايختارون الا المتميزين وكبار الكتاب وانتي اقبلوا روايتك معناتها
ادبك مو شيء عادي ولا متواضع ولا تحاتين وانتي قدها
وترى عمره ما كان الادب على حسب كثرة الكتابات او عمر الكاتب
الادب فن ممكن يصير متميز حتى لو اول اصدار لك
وان شاء الله نشوفك من كبار الكتاب .

واتمنى احصل على نسخه ورقيه وايضا الكترونيه في نفس الوقت

 

[ليلو جبريت]

خلاص بحاول اتطمن

انا قايلة ماراح افكر فيها و قايلة ماراح اقراء اصدارات الفارابي لاجل لاتعقد

المهم كوكو نسختج بتوصلج لي بيتكم

بس حق بنات نادي الكتاب ببلاش

والنسخة الالكترونية بشووف


اول ماتنزل باكلمج على الخاص (((

يمممممه حلم يتحقق ،،، صعب والله صعب

بس ونااااسة

 

[كراميلا مرة]

مشكوره حبيبتي
بس بسالك متى بتصدر اي شهر ؟

 

[ليلو جبريت]

العفوو ولوو

هم قالولي خلال 6 شهور ولما سألتهم وتناقشنا قالوا اقل اظن اللحين بدش ثالث شهر

بتاكد متى راسلتهم وباشوف

 

[:: Diva ::]

ديفا عطيني اسم الرواية الي لقيتي فيها هالحوار لو سمحتي

وثانيا انا قريت لكذا كاتب منهم اذا حاطين حوار عامي يكون خلال عشر صفحات او اكثر

ولو ياخذون كل من جان شفنا ثلاث ارباع الكاتبات عندهم

عندي ناس وايد طرشتهم للفارابي والساقي ورفضوهم

على الاقل الكل يشهد لها الدار بالتميز والتفوق والكتاب الي فيها يتعرضون لاهم النقاد العرب
حتى لو كانوا مو معروفين اسمهم طبعوا اول كتاب عند الفارابي وهالشي يعد فخر

ويمكن مو معروفين عندج مثل شاعرة جزائرية ماكنت اعرفها وبعدين اكتشفت انها اشهر من نار على علم

مثل ماقالي ولد علوان ان الفارابي فتحت له ابواب

عشان جي خايفة لان ادري ان دار الفارابي بتحطني بالواجهة

ويحقلي اتوتر دام باكون مع هالاسماء وليد الرجيب وامين معلوف وغيرهم

هذي حلم يتحقق اني اكون عند افضل دار نشر


وبصراحه انتي اول وحده اسمعها تقول ان هالدار اصداراتها عادية

اذا هالدار اصداراتها عادية باقي الدور كيف اصداراتهم !

واصلا هم والساقي كاتبين ان يختارون افضل مستوى للحفاظ على الادب .

حبي شوي شوي !!
لا تفهمين حجي انا ما قلته
ترا مو قاعده اهاجم الدار و لا انزل من مستواها

يواش

انا ما قلت الفارابي اصداراتها عاديه
اول جمله بردي ان الفارابي من أقوى دور النشر
و لكن اكتشفت بالمعرض الاخير ان فيها اصدارات عاديه

أمانه ما حفظت اسم الروايه لكن اتذكر ان علقنا عليها انا
و وزينب بهمن و لولوه الرباح لما كنا نتجول في المعرض
ان العاميه وصلت للفارابي
و كانت العاميه بكل حوارات الروايه يعني اكثر من عشرات الصفحات
و كانت الحوارات سعوديه

انا ما انزل من قدر الفارابي و قلت لج من قبل افتخري انج ضمنهم
ما اتذكر بالضبط شنو قلت لج بعد لكن النشر معاهم يعتبر انجاز



بس هم اواسي اعصابج و نفسيتج القلقه مثل ما تقولين

بأن اقول ترا هم في اصدارات عاديه بعد و
في كتاب عاديين و لا احد بيقارن احد لمجرد
انكم في دار وحده



ان شالله وصلت الفكره ؟
انتي بس لو تتأنين و ما تتهورين ههههههههههههههه

 

[ليلو جبريت]

انا نسيت الموضوع فترة واللحين تذكرت ورجع التوتر


وعن اصداراتهم فيها عامية لكن مو كل الصفحات

بعض الصفحات ،،، كيف فيها اكثر من عشر صفحات عامي يعني قريتيها وانتي مو قادرة تذكرين اسمها

وليد الرجيب يكتب السرد فصحى والحوار عامي


حتى علوان يمزج

لكن الرواية تغلب عليها الفصحى والحوارات ماتكون الا خلال بعض الصفحات


و اهم شي اني باكون تحت المجهر وباتعرض للنقد من المحترفين

بها الطريقة راح اتعلم

يمكن اصداري يكون سيء للبعض واقل من المستوى لكن اهم شي عجب اللجنة الموجودة في دار الفارابي

وهاللجنة مكونه من بعض النقاد وناس لهم في الادب


يعني بحاول افتخر <<<< بررررررع

 

[:: Diva ::]

هذي ثالث مره أقول لج
افتخري .. !
و ريحي أعصابج

 

[بنت الدوام]

شنو بتكون اسم الروايه !!

بصراحه حدي متشوقه اقرالج أي عمل حتى لو كان مثَل

 

[عادت ذكرياتي]

ليلو حبوبة إنتي راسلتيهم عن طريق موقعهم ولا شنو ؟؟؟؟

 

[أنثى اليمامة]

دار الفارابي .. حصلوا على جائزة افضل اخراج لكتاب الظاهره الارهاب وبعد على جائزة آخرى لديوان أيضاً اسمه المكان

ههههه ،، ليو خليني اخرعج بزياده دار الفارابي تتعامل مه 86 مكتبة بالعالم

بس جد ليلو لا تخافين ،، اهم اكيد مرح ينشرونها لو كانت لو قد المستوى المطلوب لانها دار مشهوةر ومعروفة ، ويهتمون لمستوى اصداراتهم .. لان هالكتب التي يصدرونها هى معايير التقييم ..


​

 

[ليلو جبريت]

شنو بتكون اسم الروايه !!

بصراحه حدي متشوقه اقرالج أي عمل حتى لو كان مثَل

لا تقرين لي دخيلج :d

ليلو حبوبة إنتي راسلتيهم عن طريق موقعهم ولا شنو ؟؟؟؟

عن طريق ايميلهم

دار الفارابي .. حصلوا على جائزة افضل اخراج لكتاب الظاهره الارهاب وبعد على جائزة آخرى لديوان أيضاً اسمه المكان​

ههههه ،، ليو خليني اخرعج بزياده دار الفارابي تتعامل مه 86 مكتبة بالعالم

​

بس جد ليلو لا تخافين ،، اهم اكيد مرح ينشرونها لو كانت لو قد المستوى المطلوب لانها دار مشهوةر ومعروفة ، ويهتمون لمستوى اصداراتهم .. لان هالكتب التي يصدرونها هى معايير التقييم ..​

يممممه خفت

 

[أنثى اليمامة]

هههه ، مو قصدي بس صج ..

من خلال هذا الموضوع ، احب انوه لنقطة معينة ، ان الآن القراء يهتمون كثيراً بدار النشر ..
يعني مثلاً تلاقين قراء كثير ، يسألون عن بعض الكتب من أي دار .. وحتى لو بتتكلمين عن كتاب يلزم تذكرين الدار المصدرة له .. واايد من الكتب المصوره الآن أصحابها يذكرون انها من هالدار الفلانية .. لان كل دار ومعروفة اصداراتها .. مثل المترجمين .. يعني مثلاً .. لو روايه حلوة مترجمه اقولج من ترجمه هالشخص بتتحمسين تقرينها
مثلي انا لو سمعت ان هالترجمه مثلا لمنير البعلبكي اوصالح علماني . . اثق بأنها تستحق القراءة .. وهالشي ينطبق ع الدور بعد ...



​

 

[جمبلو جمبليله]

ليلو شمسويه من وراي ؟؟ ابي اقرى الروايه وينها يالزينه اذكريني لي غيبت

لبحور وبشوق ناديني يمكن الدنيا تدووور موفقه بكل خطوه تخطينها يا عسسل

حطي صورتي عالغلاف

 

[بنوتة طموحة]

ليلى موفقة إن شاء الله

وتستاهلين كل خير يا حياتي