رائحة الفم :(

[نظرة اعجاب]

السلام عليكم ..

بكتب لكم مشكلتي الي مأزمتني حييييييل حيييييييييل :0bee2e8d89:

انا فيني رائحة فم قوية

رحت كل الاطبة أسنان وانف واذن وحنجر
ورحت طبيب معدة

وقتله مشكلتي كان مو مصدقني يقولي تتخيلن قتله والله خواتي يقولون لي ويحسون
قالي بس الحين ما فيج قتله اي اليوم احس مافيني

مادري على اي اساس

المهم قال اسويلج منظار بالمعدة

وكلت امري وسويت

طلعت النتيجة انه في حموضة زايدة بالمعدة عطاني علاج لمدة شهر

بس ليلحين احس انه فيني

مادري شسوي تعبت وخصوصاً اني متزوجة​

 

[بدوره 22]

والله مادري اذا الحموضه تسبب هالشي

جربي غسيل القولون وايد ناس سووه ومو شرط يكونون يشتكون من قولنهم لان حتى هالشغله توخر ريحة الفم

 

[برونزيه نعومه كتكوته]

اكلي تفاح وايد
برنامج دوكتورز اللي على قناة فور
قالو التفاح يزيل رائحه الفم الكريهه =) خصوصا الاخضر

 

[فجورة]

لا لا اختى الحل و السبب اللى توه عرفوه بامريكا الحين و بداية 2004 و الحين صنعوا جهاز اللى يعتبر ثورة فى طب الأسنان و علاج الرائحة شوفى:

قبل أسبوع فى برنامج أم بي سي 4 برنامج التفاح الاخضر و جابوا واحد مريض برائحة الفم و دكتور جودة الفم فقال أنه سبب رائحة الفم الكريهة هى جرثومة تعيش فى الحنجرة على غير الأكسجين و تتغذى على بقايا بروتينات الأكل ثم تفرز رائحة كريهة مثل البيض الفاسد و تعمر بالفم اذا اذا استنينا امراض اللثة و بعض الامراض الأخرى .

المهم سوى للمريض زراعة بالفم فطلعت النتيجة ايجابية بوجود الجرثومة المعشعشة بالفم و اللى كانت سبب الرائحة الكريهة بالفم فالمهم حط له جهاز بالفم يتركب لمدة نص ساعة مرتين باليوم + سائل + بخاخ + قطرات العلاج لمدة اسبوعين و الحمد لله أن الجرثومة ماتت و أصبح المريض يتنعم برائحة فم زكية ليل نهار من غير استعمال أى منكهات و عطاه كمان كاشط لسان عشان يكشط الفضلات البيضاء باللسان اللى هى تفرزها الجرثومة و تعطي النفس الكريه المهم المريض استمر على العلاج مدة اسبوعين و ماتت الجرثومة اللى قهرته سنين و نحشت الخطيبة منه و خلته يتجنب الحديث مع الناس و يترك وظيفته و رجعت له الثقة بالنفس .

المهم هذا الجهاز و العلاج متوفر الحين بأمريكا و بريطاتنيا و فى مستشفى الرياض و مادري اذا بالكويت. صدقينى اختى هذا هو سبب المشكلة و الحين لاقوا العلاج لها الجرثومة اللى ادت نصف سكان العالم من الرائحة الكريهة و مادري اذا متوفر هذا العلاج بالكويت ولا لا لانه توه جديد و مكتشفينه و انا متأكدة ان سبب الرائحة عندج هى هذى الجرثومة طمنينى عليج و تحياتى لج.

 

[مغيب الشمس]

حاولي تلكلين جنزبيل تقصصينه مربعات صغار وتاكلين على الريج وبين الوجبات وتسوين غسول من ماي وملح وشوية بكربونات الصوديوم غرغرة فقط

 

[نظرة اعجاب]

مشكوورين بنات وما قصرتوا

الله يرزق كل وحده الي في بالها

والله اكتب لكم وانا ميته بجيييييييي

اختي فجورة بحاول اروح الرياض بس المشكلة انا ما صارحت زوجي ولا زوجي صارحني مادري شقوله

انا ادري انه اهو متضايق بس مادري هل اصارحه واقوله بروح مع امي
ولا اسكت واطلع اي قصة ادري مراح يرضى مادري شسوي

 

[بيسان الكويت]

الله يسهل أمورج حبيبتي
كثري من أكل النعناع الطازج

 

[shaikhat elbnat]

انشالله البنات فادوج حبيبتي بس لا تقولين حق زوجج .. عشان اذا في حال اهو مو منتبه لا اتنبهينه حبيبتي

 

[شمس 20]

لاتقولين لزوجج عشان ماتلوع جبده منج وتعالي نسيت انتي تفرشين لسانج ترا اللسان بعد يلعب دور خصوصا

اذا كان فيه تشققات وتلزق الاكل فيه واخر اللسان فرشي وشوفي هل راحت او لا

 

[EviL^^GirL]

غيري معجون الاسنان الي تستعملينه

 

[قوطي نيدو]

اكلي تفاح اخضر و نعناع

 

[اميرة القلوب]

هلا والله اختي
علي قول المثل اسئل مجرب ولا تسئل دختووور ....عليييج بالمسواااج المسواج والله شي فضيييع راح تحسين فيه من اول يوم بس لازم داومين عليه قبل كل صلاة وشوفي وادعيلي خلي معااج دايم احسن من كل شي ثاني..ويكفي انه سنه من سنن الرسول صلي عليه وسلم
شكرا

 

[غلاي غير]

الله يعينج ويشافيج

 

[*دانة الخليج*]

نظفي لسان
ترى مرات اللسان يطلع ريحه كريهه

 

[غزلان]

الله يشفيج
مابي ازيد ياده عن الي قالوه البنات كفووا ووفوا

 

[Ya7aLaTY]

استمري بعلاج المعده

والاهم لمن تفرشين اسنانج اتنظفين لسانج لانه بيت الجراثيم والفطريات ..

you can find the tongue cleaner at Boots

وهذي صــورته



و على الاقل فرشي 3 مرات بعد كل وجبه واستخدمي محلول غسيل الفم

ولا تنسين ملطفات الفم علج نعناع او حلاو حار

 

[SeNyOrA Q8eYa]

البنات كفو ووفو

 

[باريس الخبر]

حبيبتي انا كتبت نفس الكلام بقسم الاعشاب .........الحل بسيط جدا وبعد مفيد الاهو عشبه اكليل الجبل ولها اسم ثاني بعد
حصا البان طبعا هذا عن تجربه شخصيه اختي كانت تعاني من الرائحه بالفم وقريت هذا الكلام في كتاب اسرار الحريم وماشاءالله

تشرب منه مرتين بالليل والنهار ...........والحمدلله ارتحت نهائيا بس لاتاخذين منه وقت الدوره الشهريه .........وبالتوفيق

دعواتك لي بالشفاء ..........

 

[رفاعية19]

حبيبتي سوييي غسيل قولون والله احسن علاج انشالله.........

 

[SRKمزوونSRK]

والله ما عندي معلومه اكيده
بس مره قريت عن شراب الزعتر شراب مو مغلي الزعتر يعني مو تغلينه بماي ... اعتقد يكون مركزحيل
واعتقد تلاقيه بالحواج والطريقه انج تشربين مقدار ملعقه كبيره منه قبل لا تنامين وملعقه بعد ما تقعدين من النوم
واتمني اني افدج
بس ترا مو متأكده من كلامي
يعني اذا صار فيج مو تدعين علي
اللهم اني بلغت أللهم فشهد