رائعه

[بنت صويلح]

لاتنشغل فيني أنا بحالي ادرى
قلبٍ تعلّق فيك ينسى مع الوقت
اكثر من اللي صارلي ويش يجرى
بين الرجا والياس شفني تعلّقت
مثلي ولوشفته عن همومه ازرى
ماقال ليتك في جروحه ترافقت
هاك القصايد لاتضايقت واقرى
شف وشكثر فيها لبسماتك اشتقت
أثرالوفا ينباع عندك ويشرى
ماكنت اصدق فيك واليوم صدّقت
يامشتهي فرقا المواليف حذرى
تبعد وأنا من سكرة الحب مافقت
لاطافت الفرصه تحريت الاخرى
وتروح ماكني عليها تشوقت
ساري لو إن الليل مافيه قمرى
اشيل من حمل الهوى فوق ماطقت
لاصار حظ أقشر والايام قشرى
مافيه احد عاقل يلومك إلياضقت
صحيح بعض الناس فرقاه بشرى
وبعض البشر لاغاب ليله تضايقت
ليتك خذيت بليل الاحباب مسرى
غربت من كثر الطواري وشرّقت
السيل يبقاله على القاع مجرى
ويبقالك التذكار لوكنت فارقت
اشوف لك من وين مارحت ذكرى
ولاشفتها صديت عنها ودنقت
ماكل جرحٍ لاخذا أيام يبرى
بعض الجروح يزيد شره مع الوقت





للشاعر / متعب التركي

 

[فقدتك يانور عيني]

اشوف لك من وين مارحت ذكرى
ولاشفتها صديت عنها ودنقت


صح لسان شاعرهااا وتسلم يمين ناقلهااا

 

[بنت صويلح]

جزيل الشكر لج اختي
على مرورج

 

[cheese cake]

لاصار حظ أقشر والايام قشرى
مافيه احد عاقل يلومك إلياضقت
صحيح بعض الناس فرقاه بشرى
وبعض البشر لاغاب ليله تضايقت
(انا اشهد)

صح لسااااااااانج

 

[بنت صويلح]

جزيل الشكر يا اختي
على مرورج الطيب

 

[نجمه الحالمه]

صح لسسانك ولسان شاعرهآ​

 

[شقرديه]

صح لسان شاعرها .....

ميرسي واايد ياقلبي