رابطة "دودات الكتب " .. حياكم

[.]

اي بنات اشرايكم ببنات الرياض ؟؟
.
على فكرة ترى انزلت الرواية بالانقلش هههه .. اسمها "girls of riyagh" .. ناقصين سمعة خايسة عند الاجانب ..شفتها بجرير الدمام .. صغيرة ولونها اسود ومنقطة بذهبي والكتبة فوشي .. بشي بشي والله حالة ..

مادري قصتها مطلع انه بناتهم اي شي ماذكرها وايد لاني قريتها لما كنت بالتعش خخ لما عمري 18 جنه..

بس اذكر المقطع اللي تتحمر فيه خخ..

واهي اللي تهاوش معاها رفيجاتها عقب ماكتبت هالقصه؟؟

 

[Betty]

~NaZaKa~ تصدقين انا كنت نفسج الكل كان يطنز علي من كلامهم : من صجج ؟ مضيعه وقت واي كلام فاضي
مايدرون ان الكلام الفاضي هذا اهوه ابداع بحد ذاته احس لمن نقرا ندش عوالم ثانيه نكتشفها نعيشها نتعرف على ناس يدد و اكيد راح نستفيد

 

[.]

ليتل كوين مشكورة ياقلبي

واي شفتي الحظ !!

عاد انا ماحب اقرا الروايات لأني وايد أتاثر وأتقمص جني شاديه بعفريت مراتي لووول





شكله الكتاب ممتع جدا

اي ممتع تقرير عن سفره احب هالسوالف والطبعه ماشاءالله راقيه ومبين اللي كاتبها كويتي

 

[Anastasia]

بيتي ..
قريت الطريق الى كراتشي قبل خمس سنين يمكن
.. بجييييت من قلبيي .. تهبل .. ووايد تاثرت فيها ..
.
كتب طيبة الابراهيم اللي قالت عنهم ناتشوو تلاقونهم بالضمني .. حطيت رقمه بالصفحة الثالثة او الرابعة يوصلولج لين البيت ..جنه بدينارين الوحدة ماذكر بس انا عطوني ياها هدية لاني شريت منهم بعشرين دينار مرة وحدة ..ههه مساكين شكله محد يطلب منهم غيري

 

[Anastasia]

اي اي رونة اهيا مغيرها ..هههههه
.
شوفي اهيا ممتعة ..وتعيشين معاها .. بس انا اعترض معاها تماااما بافكارها الليبرالية التحررية .. على فكرة اهيا ترى طول عمرها عايشة برا .. وياية الحين تحجى باسم السعودية وتنتقدها .. ياعمي طييير بس

 

[~NaZaKa~]

شوفي قماشة العليان .. احلى شي عندها انثى العنكبوت .. قريت عيون على السماء لوووعة حتن رفيجتي لاعت جبدها وردتها .. والزوجة العذراء الوع والوع ومااتدش العقل ..عن وحدة جيكرة مايحبونها اهلها وماتصدق يخطبها واحد الا تتزوجه .. بعدين تلاحظ عليه شغلات عجيبة وانه ماقرب منها ولادخل عليها وحتن مارضى ينام معاها بغرفة وحدة .. بعدين تتطلق .. آخر شي يطلع ريلها بنت بس مسوية عملية وصارت ريال بعدين هونت وردت بنت وزارتها عقب ماسوت عملية وردت لعالم الاناث .. ههههههه والله اهيا جذي مايبت شي من مخباتي ..ههه

هههههههههههه
لا لا لا ما احب جذيي شنو فلم سيلاني تتزوج بنت
انا قريت عيون على السماء بس تصدقين ما اذكر شنو سالفتها لاني من زمااااااااان قاريتها ..

 

[I am red]

هاي بنات عيدكم مبارك وكل عام وانتوا بخير

 

[.]

شوفي قماشة العليان .. احلى شي عندها انثى العنكبوت .. قريت عيون على السماء لوووعة حتن رفيجتي لاعت جبدها وردتها .. والزوجة العذراء الوع والوع ومااتدش العقل ..عن وحدة جيكرة مايحبونها اهلها وماتصدق يخطبها واحد الا تتزوجه .. بعدين تلاحظ عليه شغلات عجيبة وانه ماقرب منها ولادخل عليها وحتن مارضى ينام معاها بغرفة وحدة .. بعدين تتطلق .. آخر شي يطلع ريلها بنت بس مسوية عملية وصارت ريال بعدين هونت وردت بنت وزارتها عقب ماسوت عملية وردت لعالم الاناث .. ههههههه والله اهيا جذي مايبت شي من مخباتي ..ههه

لحظه خل اجيك شنو اللي عندي منها..

انا قريت العيون المغمصه او قصدي القذره

وعجبتني..

لقيت صورتهم..

اي قريتها اهي مجموعه قصصيه خخخ..

وطلعت انثى العنكبوت اللي عندي وضايعه خل اسال اختي عنها..

[/url][/IMG]

 

[~NaZaKa~]

~nazaka~ تصدقين انا كنت نفسج الكل كان يطنز علي من كلامهم : من صجج ؟ مضيعه وقت واي كلام فاضي
مايدرون ان الكلام الفاضي هذا اهوه ابداع بحد ذاته احس لمن نقرا ندش عوالم ثانيه نكتشفها نعيشها نتعرف على ناس يدد و اكيد راح نستفيد

صج احس خبرتي بالحياة زادت وانا قاعده بمكاني هههههه
يعني استفدت وايد واحس اني نضجت من الناحيه الفكريه وحتى من ناحية قياسي للأمور

يلا بعد شنسوي الله يخلي هالرابطه لنا الي بتشجعنا _03ba:

 

[Anastasia]

نازاكا ..
.
قصتها عن وحدة كويتية (ترى الكاتبة سعودية) تحب ولد ييرانهم بعدين مايصير نصيب بعدين ابوها يزوجها واحد على مرة .. بعدين تصير حرب العراق بعدين كلهم ينتقلون حق السعودية .. بعدين تحمل وتييب ولد معاق فيتبرىى منها ريلها ويطلقها .. بعدين يرد تتزوج ولد عمتها وتصير سوالف بعدين تتطلق منه .. واهوا ليلحين يبيها .. بعدين يتزوج ولد عمتها وبخليها .. بعدين يي ولد ييرانهم حبها الاول ويخطبها ..عقب محاولات ترضى وتتزوجه ..بعدين يوم العرس يموت ولدهافتنهار وتقرر تتطلق منه .. وخلصت وملصت ويت العروسة وعنفصت ..
.
عمرج شفتي اسخف من جذي؟

 

[*أم*خالد*]

واي على طاري الضمنى ذكرتووني قبل لمه كنت بالثنوية كنت ادق عليهم يوصلوون لي روايات عبير عاد امبيه اسامي القصص تفشل

قل متى ستحبني .. الحب يأتي أولا مادري شنوو .. حسيت نفسي غلط جني اغازله لوووول بالأخير قمت اقوله بالأرقام أشرف لي هيهيهيهي

 

[Betty]

رونه صج شفت انج شريتي انه الليل يأتي وايد حلوه قصصه القصيره عجبتني احس انها واقعيه و عن جد تعكس مجتمعنا
~ j o j o ~ عيل شتقولين لمن تقرين الصالحيه امبيه كل قصه تره ما تتعدى الثلاث صفحات بس بس ما تصورين شلون يشدون و عجيبين عنده بعد قصه يديده اسمها منيره نفس الصالحيه قصص قصيره بعد بس سألت عنها بمعرض الكتاب قالوا مانزلت للحين

 

[~NaZaKa~]

بيتي ..
قريت الطريق الى كراتشي قبل خمس سنين يمكن
.. بجييييت من قلبيي .. تهبل .. ووايد تاثرت فيها ..
.
كتب طيبة الابراهيم اللي قالت عنهم ناتشوو تلاقونهم بالضمني .. حطيت رقمه بالصفحة الثالثة او الرابعة يوصلولج لين البيت ..جنه بدينارين الوحدة ماذكر بس انا عطوني ياها هدية لاني شريت منهم بعشرين دينار مرة وحدة ..ههه مساكين شكله محد يطلب منهم غيري

منو كاتب الطريق الي كراتشي
احب ابجي لووووول

 

[*أم*خالد*]

جوجو .. شسم الكاتبه خل اطرش على بيتهم صاروخ أرض جو

القصه اتييب اليهد

 

[Anastasia]

لااااااااااااااااااا روونوو ليش شريتي الزوجة العذرااء .. الله يعييينج على الخرابيييط ..
.
انثى العنكبوت .. روووووووووووووووووووووووووعة روووعة روووعة .. تهبل .. بس حزينة ..
.
هههه حلوة العيون المغمصة ههههه .. ماقريتها .. انا حرمت اقرا لقماشوو عقب سالفتها .. عيل تزوج بنت ببنت ؟؟ والله حتن الافلام الهندية ماسووها هههه

 

[.]

يسلمو رونه على النبذه بظيفه حق نوتي

الله يسلمج يارب..

اذا قريتيه قووليلنا رايج فيه لو سمحتي..

جنه جوجو شرته بعد صح جوجو ؟؟

اذا اي ناطره رايج فيه..

جنه كتابي خخخ..

 

[Betty]

~NaZaKa~ اي و الله الله يخليلنا هالرابطه الحلوه عن جد يعطيها العافيه Little_Queen

 

[~NaZaKa~]

نازاكا ..
.
قصتها عن وحدة كويتية (ترى الكاتبة سعودية) تحب ولد ييرانهم بعدين مايصير نصيب بعدين ابوها يزوجها واحد على مرة .. بعدين تصير حرب العراق بعدين كلهم ينتقلون حق السعودية .. بعدين تحمل وتييب ولد معاق فيتبرىى منها ريلها ويطلقها .. بعدين يرد تتزوج ولد عمتها وتصير سوالف بعدين تتطلق منه .. واهوا ليلحين يبيها .. بعدين يتزوج ولد عمتها وبخليها .. بعدين يي ولد ييرانهم حبها الاول ويخطبها ..عقب محاولات ترضى وتتزوجه ..بعدين يوم العرس يموت ولدهافتنهار وتقرر تتطلق منه .. وخلصت وملصت ويت العروسة وعنفصت ..
.
عمرج شفتي اسخف من جذي؟

اي صح تذكرتهاااا لوووووول يليتج مخليتني ناسيتها هههههههه
انا عشان جذي متعقده من الكتاب الخليجيين احس ماكو شغل الا يحبون ويتزوجون ويطلقون ..

 

[Anastasia]

نازاكا ..
كاتب الطريق الى كراتشي .. هيثم بودي .. عن الكويت اول ..
.
ام مناف ..
.
الكاتبة قماشة العليان .. هههه ماوصيج .. بس ترى انثى العنكبوت مالتها الوحيدة اللي رووعة ..

 

[Betty]

~NaZaKa~ هيثم بودي كتبها و كتب الصالحيه و النخيل و الدروازه بعد واي يننون كتبه اقريهم كلهم صدقيني مارا تتحسفين