رابطة "دودات الكتب " .. حياكم

[Little_Queen]

اي نسيت


بالنسبة للموضوع المطروح للنقاش : الروايات العامية ..


بصراحة .. ما أدفع فلوس عشان اشتريها

ممكن أقراها عالنت .. اخذها من احد اقراها

بس اني ادفع فلوس عليها ... آسفة ..

مو عن شي لكن ....


ليش أقرا شي بلغة انا كل يوم اتكلمها و أسمعها ؟ شنو رح استفيد


مادري بحس اني قاعده أقرا شاتنج ولا اني قاعده في يمعه اوادم يسولفون


القراءة باللغة العربية تنمي عند الواحد حس مرهف ... تعطيه مفردات .. تقوي لغته العربية .. تخليه يفهم عدل .. بالنهاية الجرايد و الاخبار و الكتب الثقافية .. كلها باللغة الفصحى .. و انا اعتبر هذيله اهما مصادر المعرفه الحقيقية

فإذا ما كنا نفهم لغتنا الفصحى .. اعتقد وايد مصادر معرفة و تنوير بتكون صعبه علينا ..


و بعدين أحس الوصف باللغة العربية أحلى .. و أجمل .. و أبلغ ... بينما العامية تكون عاجزة في كثير من الاوقات عن وصف ادق الاشياء ...


""" وجهة نظر ارجو تقبلها """"

 

[Japanese]

عدل كلامج ،، انا عن نفسي احب الكتب الثقافيه اكثر من القصص والروايات بس يعني بعد اقرا روايات

لكن يعني ماحبهم كثر الكتب ،، ماعندي ولاكتاب احين

وقاعده اقرا قصه twilight ,, طلعو ع القصه فلم ،، عجيييييب شوي عليه


القصه عن مراهقه تحب فامباير وتسوي كل شي عشانه لآنها تحبه ،، حسيت بسخافه يوم قالولي بتقرين عن فامباير

لكن يوم بديت اقرا القصه :/ ياااااااااو تينننننن وااااييددد حبيت طريقه الكتابه والسرد وكل شي

وان شاااا الله اروح جرير قريب وآآخذلي كتب =)

 

[ناتشوو]

اولا عيدكم مبارك للجميع
صج انه ثاني يوم عيد بس ميخالف

ثانيا انا لما ادش هالموضوع اقرا كل الردود اللي طافتني واعلق على مشاركاتكم باقتباس كلمل بحيث ان كل دودة كتب ترد علي
بس ولاوحدة ردت!!!!!!!!!!!!
ليييييييييييييييييييييييييييييييييييييش
ماتقرون كل الردود بالموضوع؟؟

 

[أميرة الحور]

هلا والله بالدودات كلهم
ناتشوو صباح الخير حبيبتي

صحيح انا مو ذاك الزود مع الروايات لكن ممكن أقرأها بالصدفة لكن بصراحة حمستوني لبعض الروايات اللي حسيت من كلامكم إنها مو عادية ولا مبتذلة لأن الخيال شي حلو خصوصا لما يكون خيال غريب ينمي عندج ملكة الخيال والخيال هو أول طريق الإبداع حتى في الإختراعات العلمية

جوجو حبيبتي طبعا كلامج صح ان شاء الله عندنا مشخال ذاتي على قولتج ههههههههه

زيدونا من الكتب لأني ودي أروح المكتبة وأشتري كتب

 

[ناتشوو]

زين جربي قصص ماوراء الطبيعة للمؤلف د احمد خالد توفيق
والكلام للجميع
القصص لايغركم شكلها الخارجي اللي اعطاها طابع طفولي
في داخلها الكثير من المعلومات والتعليقات والافكار الجديدة
عبارة عن بطل واحد لكل الاعداد اسمه رفعت اسماعيل(اموت فيه)
يكتب لنا مغامراته وذكرياته في مواجهة العديد من الظواهر
طبعا الاعداد كثيرة بيوصلون70عدد في تفاوت بين محبتي واعجابي بالعديد من الاعداد
بعضهم قريته اكثر من غيره بس الاكيد
مااكتفي بقراءة واحدة لاي عدد
كل مرة تقرينهم بتكتشفين شي جديد وتعليق ساخر جديد

 

[ناتشوو]

اقول متابعات رفعت اسماعيل شنو آخر عدد نزل صار لي فترة ماطلبت منهم

 

[أنــثــى]

حبيبتي لتل كوين انا بعد دودة

 

[روج كرزي]

السلام عليكم ورحمة الله وبركاته ...

بصراحة انا وحدة اموت بالقراءة .. ( انا وجميع خواتي اللي مشاركين بنفس النك نيم )

قريت كتاب هذا الحبيب يا محب محمد + لا تحزن ( للرائع عائض القرني )

+

روايات رومنسية كثيرة تأليف السباعي واحسان عبد القدوس ونجيب محفوظ ..

وان شاء الله لي عودة للموضوع ...

واسمحولي انضم لرابطتكم ..

 

[.]

اولا عيدكم مبارك للجميع
صج انه ثاني يوم عيد بس ميخالف

ثانيا انا لما ادش هالموضوع اقرا كل الردود اللي طافتني واعلق على مشاركاتكم باقتباس كلمل بحيث ان كل دودة كتب ترد علي
بس ولاوحدة ردت!!!!!!!!!!!!
ليييييييييييييييييييييييييييييييييييييش
ماتقرون كل الردود بالموضوع؟؟

هلا ناتشوو..

ايامج سعيده

انا رديت عليج

اقصد لما علقتي ع ردي رديت..

عموما انا اي احد يكلمني او اقدر افيده حتى لو مو سالني ارد عليه..

وشوقتيني ع احمد توفيق قريت له قوس وقزح او قصاصات قابله للحرق.؟؟

انا ناويه اطلب من الظمني بس اخاف اكثر كتب ويطلعون مو حلوين

 

[.]

السلام عليكم ورحمة الله وبركاته ...

بصراحة انا وحدة اموت بالقراءة .. ( انا وجميع خواتي اللي مشاركين بنفس النك نيم )

قريت كتاب هذا الحبيب يا محب محمد + لا تحزن ( للرائع عائض القرني )

+

روايات رومنسية كثيرة تأليف السباعي واحسان عبد القدوس ونجيب محفوظ ..

وان شاء الله لي عودة للموضوع ...

واسمحولي انضم لرابطتكم ..

هلا والله ..

وعليكم السلام والرحمه..

حياكم الله معانا ..

لوسمحتي من وين حصلتي كتاب هذا المحب ياحبيب ؟؟

قاعده ادوره شوقتني عليه مسك..

وناطرين ردودج عن اخر كتب قريتيها..

 

[غرشوبه]

السلام عليكم ،،،

حي الله دودات القراءه

عاد تصدقون انا كنت عبالي هواية القراءه اندثرت لاني كنت اقعد مع رفيجاتي والاهل ما اشوف احد يهتم بمعرض الكتاب ولا شنو أحلى كتاب زين اذا يقرى الجريده ومو صفحة الرياضه بس

انا الصراحه مو حييل ويا الروايات لاني صج احب اشوف فيلم واعيشه على قراية قصه او روايه أجد متعه لكن الصراحه مثل ما قال كل مذموم مرغوب لما شفت الناس تذمه والاعلام يتكلم عنها شريتها كانت حزتها ب4دنانير والله صج تحسفت قد شعري ولا لما عرفت انها موجوده بالنت يا سلام شعور لا يوصف

المهم تقيمي لهذي الروايه ضعيفه من ناحية السرد والواقعيه وحتى الشخصيات مو راكبه مع بعض والاهم العقده شنو ماكو هدف مثل ما قلتوا مثل دردشه ، وحرمت اشتري روايات وبعدين طحت على مقالات المهندس سند الصراحه مقالاته في افاق حلوه ومشوقه ولما عرفت انه منزل كتب شريت له الحافه ولاس فيغاس مع التحيه أحسه يبدع أكثر في مجاله العلمي أكثر وشريت روايه لعبد الوهاب السيد اسمها زيارات ليليه حلوه هذا اللي قريته من مجال الروايات

بالنسبه للكتب التاريخيه شريت كتاب أطلس السيره النبويه من مكتبة العبيكان بطبعه حلوه وملونه ومزوده بصور ومخططات والله كتاب يشوق وهمن كتاب أطلس الأنبياء شغل مرتب وحلو ومسوي كل نبي وسيرته مخطط وتسلسل شي والله حلو

امممممممم وشنو بعد انا بشوف مكتبتي شنو قريت واسدحه اهني ولا يهمكم

بنات أحد قرى فقه السيره للغزالي ، اشرايكم فيه حلو سرده ولا معقد ؟

فتكم بعافيه

 

[.]

هلا والله غرشوبه..

وعليكم السلام والرحمه..

شلونه كتاب الحافه حلو؟؟

حاطته باللسته عندي

 

[Anastasia]

شوقتوووني على رواية تويلايت .. اصلا انا قاعد احمل الفلم تورينت من جم يوم ..حسبي الله عليهم مادري شفيه جنه واقف ..
.
بس مشكلتي ماحب اقرا انقلش ..يعني عندي العربي احلى ..بس ان شا الله بروح جرير واشتريها ..
.
ناتشووو قام ارد عليج هاو شفيج ..
.
هلا والله بجابنيز وغرشوبة وروج حيااكم بين اهلكم ..

 

[ناتشوو]

هلا ناتشوو..

ايامج سعيده

انا رديت عليج

اقصد لما علقتي ع ردي رديت..

عموما انا اي احد يكلمني او اقدر افيده حتى لو مو سالني ارد عليه..

وشوقتيني ع احمد توفيق قريت له قوس وقزح او قصاصات قابله للحرق.؟؟

انا ناويه اطلب من الظمني بس اخاف اكثر كتب ويطلعون مو حلوين

لا انت عسولة المنتدى الاحظ ردودج بكل المواضيع :ggdw:
والله شقول لج بالنسبة للظمني انت اللي تقدرين تحددين شنو الكتب اللي تعجبج
انا برشح لج
مذكرات خادم لطيبة الابراهيم
ومن رفعت اسماعيل القصة رقم4 : آكل البشر
حلوة وقصة :حلقة الرعب رقم 10
ورقم 23 : رعب المستنقعات
واذا عجبوج ردي اقري هالسلسة من العدد الاول
هالقصص القديمة يمكن من سنة92 طبعا في تغيرات على اسلوبه صحيح طفيفة لكن موجودة
بين الاعداد الاولى والاخيرة
ولما تدقين عليهم اطلبي مطويات تعرفج بالكتب الموجودة عندهم

 

[غرشوبه]

هلا والله غرشوبه..

وعليكم السلام والرحمه..

شلونه كتاب الحافه حلو؟؟

حاطته باللسته عندي

هلا فيج إذا أنتي تحبين الأشياء العلميه فالكتاب يتكلم عن الأشياء نعتبرها من الخيال وهو من العلم يعني غرانب العلم بمختلف العلوم

دمتِ بود

 

[Little_Queen]

بنااااااااااااااااااااااات


قاعدة أقرا رواية " أولاد حارتنا " .. لنجيب محفوظ


مو صج ... مو صجججججججججججججججججججججج !


اسلوووووووووووووووووب اسلووووووووووووووووووووب اسلوووووووووووووووب


وصف مو طبيعيييييي



صراحة صراحة من عذر هالاديب اخذ جائزة نوبل على هالرواية !

و من عذر حاربوها و منعوها من كثر ماهي حلوة و فعلا فعلا قاعده استمتع بقراءة كل كلمة فيها !!



ادري حدي مشتطه و منفعله بس مادري حسيت اني ابي ادخل اقولكم الرواية ترى حلوة


في يومين خلصت ربعها تقريبا .. اهي حدها متينه يعني ... تو الناس على ما أخلصها بس ترقبوووووني

 

[End Girl]

رونه

بقووولج الحافه
من احلى ماقريت حق سند راشد
اصلا من احلى ماشريت العام من معرض الكتاب
هالكتاب صج صج مفيد
وغريب وحلوو
هذاا رايي
اكو ناس قروه قالولي عادي
والناس اذواق حتى بالكتب ..

 

[camilia]

لا لا اهيا حلوة رونة .. وواايد حلوة .. ومثل ماقالت كاميليا ..تستااهل كل حرف تقرينه ..
.
بس انا منتقدة النقطة اللي قتلكم عنها مساع ..يوم يسلم فجاة .. احسه خرب علي وناستي خخخ ..ولا اهيا حلوة .. خصوصا بعدين يقعد يدمج لج قصص اكثر من شخصية .. ووضع مسلم بين الكفرة بالمانيا واهوا يشتغل بمناجم الفحم ..وخطط اليهود ..ماابي احرق الاحدااث خخخ شعقبه

كلامج صح , اهو من العنوان عطاني ايحاء بان القصة حب x حب بس لاا طلعت شي ثاني, وانا ما احب كلش الناس اللي يتحجون عن القضية اليهودية/الفلسطينية خاصة لما يكون الكاتب متحيز بطريقه واضحة لجهة على حساب الجهة الثانية بس مثل ماقلتي اسلوبه وايد بليغ وعباراته حلوة تشوق , يعني المحتوى مفيد وايد , خاصه لما دخل شخصيات من المانيا وايطاليا ومادري وين بعد

 

[camilia]

يعني شنو :
مش تبع ال fan club

مافهمت الكلمة

ببساطه يعني مو من محبين الشاي والقهوة

 

[camilia]

بنااااااااااااااااااااااات


قاعدة أقرا رواية " أولاد حارتنا " .. لنجيب محفوظ


مو صج ... مو صجججججججججججججججججججججج !


اسلوووووووووووووووووب اسلووووووووووووووووووووب اسلوووووووووووووووب


وصف مو طبيعيييييي



صراحة صراحة من عذر هالاديب اخذ جائزة نوبل على هالرواية !

و من عذر حاربوها و منعوها من كثر ماهي حلوة و فعلا فعلا قاعده استمتع بقراءة كل كلمة فيها !!



ادري حدي مشتطه و منفعله بس مادري حسيت اني ابي ادخل اقولكم الرواية ترى حلوة


في يومين خلصت ربعها تقريبا .. اهي حدها متينه يعني ... تو الناس على ما أخلصها بس ترقبوووووني

يالله شوقتيني وانا ماحب اقرا لمصريين ,, الحل ؟ يعني اقراااهاا ؟ اهي عن شنو تتحجى باختصار يعني ؟ مادري من اسمها احس يتحجى عن فتحية وشلون تحش مع يارتها واهم عالبلكونه , وسمية واهي واقعه بحب فتى الجيران مدحت و مروة قطت روحها من الدور العاشر لانها مايابت معدل يدخلها كليه الطب !! ترى هذي تخيلاتي احس اغلب القصص المصرية جذي مثل افلامهم ومسلسلاتهم ..
prove me wrong