رابطة "دودات الكتب " .. حياكم

[camilia]

شوقتوووني على رواية تويلايت .. اصلا انا قاعد احمل الفلم تورينت من جم يوم ..حسبي الله عليهم مادري شفيه جنه واقف ..
.
بس مشكلتي ماحب اقرا انقلش ..يعني عندي العربي احلى ..بس ان شا الله بروح جرير واشتريها ..
.
ناتشووو قام ارد عليج هاو شفيج ..
.
هلا والله بجابنيز وغرشوبة وروج حيااكم بين اهلكم ..

بالعكس بالانجليزي احلى , خليني اقولج على شي ,,, الرواية هذي يديدة , يعني مو اوسكار وايلد كاتبها ولا من هالكتاب اللي من 1890 عشان تستصعبين اللغة بالععكس الكاتبه اسلوبها سسهل حيل ومثل اسلوب المراهقين اللي نشوفهم بمسلسلاتهم الحين, اقريها بالانجليزي صدقيني سهل واهي اغلبها حوار والكتاب ترا متيييين حيل و اهو مو كتاب واحد لاا اجزااء , وكل جزء من وجهة نظر بطل من ابطال الرواية , فانا ماني شايفه الفلم لما اخلص القصة وشوفي عاد متى اخلصها اذا كل جزء فيه فوق ال300 صفحة !

 

[camilia]

بنات الرياض ماخذه اكبر من حجمها
انا شريتها يوم شفت العربيه مسوين تقرير عنها عبالي صج
يعني اهيا على قولتها كاتب قصص رفيجاتها بس ولو يعني الي يقرا الروايه وخصوصا الاجانب الي ما يعرفون عاداتنا بيصدقون انه كل الخليجين جذي من برا هالله هالله ومن داخل يعلم الله
الروايه متروسه كلمات اغاني وحشوو ورق ماله اي داعي
احس طريقتها نفس الروايات الي تنشر بالنت عن طريق بنات سعوديات
بس هذي طبعة روايتها وسوت لها دعايه والباجي على قدهم :tomato2:

شريت الرواية يوم كنت بمصر وقريتها لي النهاية , اسلوبها كان غريب بالنسبة لي لانه كان بلهجة عامية .
صح خذت اكبر من حجمها بوايد ( العرب وايد يحبون يهولون ببعض الامور ) وياليت امور مفيدة يعني هههه , المهم الرواية قطيتها على خالتي ومابي ارجعها .

 

[camilia]

بصراحة قماشة العليان وخولة القزويني
مدري اشلون
مجتهدات لكن مو ممتعين ولا احرص اقرى لهم
ولا تطلعين بشي جديد

انثى العنكبوت
قاريتها من زمان
مو هي اللي ابوها كله معصب ويطقهم؟؟:eh_s(14):

قماشة العليان مستحيل اقرالها شي لوووو شنووو !! مرة قريتلها انثى العنكبوت ( my cousins bullied me into reading that junk) ومااقدرت اكملها ! اصلا طووفت شكثر صفحات من القصة عشان اعرف النهاية المؤرفة شنو بتطلع ! كاااتبة مأسااوية تستلذ بالالم والمعاناة امبي لاااا وايد متشائمة لوعت جبدي شنو هذاااااا
المشكلة سوالف ما اتصدق , ماني ذاكرة بالضبط شنو كان بالصه بس اللي اذكره اشياء ولا بعالم الخيال .

 

[camilia]

على طاري خالد الحربي فريتله ازهار البيانو حلوه ورفيفة تحسين انج انتي اللبطلة :؛ بس الصراحة ما فهمت منها شي اهيا وايد رومانسية تحسين كل الكلام الحلو كاتبين فيها مع اني احب و افضل اقرى القصص من هالنوع بس مادري مادشت بالي وايد
انا شريت من معرض الكتاب رواية اسمها "العقل والعاطفة" ل:جين اوستن اول مرة اسمع فيه بس ان اهيا من سلسلة روائع القصص العالمية للحين ما قريته
اممم احب اقرى اشعار نزار قباني وعندي ديوان خالد الفيصل عجيييييييييييب
و طبعا مثلي وقدوتي سعاد الصباح واااي احب هالانسانة احسها صج تعرف تتعمق عدل كنت اشق خواطرها لما تكتب بمجلة اليقظة وكنت بشتري ديوانها الاخير بس نسيت ..
اي بسالكم وين الفى كتبها ؟

الدكتورة سعاد الصباح انثى رقيقة وشفافة

قلمها عذب لحد الألم ( شرايج بالاسلوب ههه) , لما كنت صغيرة كنت اخذ دواوينها من مكتبة خالتي وانخش اقراهم واعيش بعالم ثاني , صج صج اسلوبها رائع هالسعاد .

نزار قباني رحمة الله عليه هم يعجبني حيل , احب تشبيهاته الخيالية , اسلوبه سهل مو معقد ويدش القلب بسرعه
بما انج تحبين تقرين اشعار ودواوين انصحج تقرين حق فيسوافا شيمبورسكا , طبعا مترجم لانها بولندية , طريقة كتابتها عميييقة حيل والله تخليج تكتشفين مشاعر بقلبج عمرج ما فكرتي انها موجوده اصلا !

بحطلج مثال لشعر من احد دواوينها

اسمه تأمل :

لماذا في هذه الشخصية؟‏
هذه وليس أخرى؟ وما الذي أفعله هاهنا؟‏
في يوم هو الثلاثاء؟ في بيت وليس في عش؟‏
بجلد لا بحراشف. بوجه وليس بورقة شجر؟‏
لماذا لمرة واحدة شخصياً؟‏
تحديداً على الأرض؟ بجانب نجمة صغيرة؟‏
بعد هذه الحقب من اللاوجود؟‏
بعد كل الأوقات وكل المواسم؟‏
كل الأعياد وكل الآفاق؟‏
تحديدا الآن؟ من دم وعظم؟‏
وحيدة مع نفسي؟ لماذا؟‏
ليس قريباً أو مائة ميل من هنا؟‏
ليس البارحة أو قبل مائة عام؟‏
أجلس وأنظر إلى زاوية مظلمة‏
مثلما ينظر برأس مرفوع فجأة‏
كائن يعوي يسمى كلبا

شرايج فيها ؟؟

 

[camilia]

واي على طاري الضمنى ذكرتووني قبل لمه كنت بالثنوية كنت ادق عليهم يوصلوون لي روايات عبير عاد امبيه اسامي القصص تفشل

قل متى ستحبني .. الحب يأتي أولا مادري شنوو .. حسيت نفسي غلط جني اغازله لوووول بالأخير قمت اقوله بالأرقام أشرف لي هيهيهيهي

هههههههه اي ايام المتوسط انا وواختي طحناله الظمني مادري الضمني , مو بس روايات عبير ( التافهه ) لااا هم كنا نشتري قصص عالمية و هم أساطير الرفعت هذا هههه مال ماوراء الطبيعه ,وكانوا ييبولنا مع الطلب بوستر كبير فيه القصص اللي عندهم واحنا عاد نشطب اللي عندنا ونسجل اللي نبيهم عشان نطلبهم المرة الياية , اياام والله

 

[اسراء205]

مساااااء الخيييير حبيبااااتي

انا مليت من كتب علم النفس وتنمية الذات ...

بدات اقرا روايات مثل السجينه ( مليكه اوفقير ) وعمارة يعقوبيان و...الخ

ماعجبوني لانها حزينه جدا او يكون في يتكلم الكاتب عن شقق الدعاره

ارجو منكم كتابة اسماء روايت تكون اجتماعيه .

 

[.]

لا انت عسولة المنتدى الاحظ ردودج بكل المواضيع :ggdw:
والله شقول لج بالنسبة للظمني انت اللي تقدرين تحددين شنو الكتب اللي تعجبج
انا برشح لج
مذكرات خادم لطيبة الابراهيم
ومن رفعت اسماعيل القصة رقم4 : آكل البشر
حلوة وقصة :حلقة الرعب رقم 10
ورقم 23 : رعب المستنقعات
واذا عجبوج ردي اقري هالسلسة من العدد الاول
هالقصص القديمة يمكن من سنة92 طبعا في تغيرات على اسلوبه صحيح طفيفة لكن موجودة
بين الاعداد الاولى والاخيرة
ولما تدقين عليهم اطلبي مطويات تعرفج بالكتب الموجودة عندهم

هلا ناتشوو..

مرسي

انا محدده ماوراء الطبيعه ..

اوكي مشكوره..

اهم شي نبهتيني ع المطويات ..

الله يعطيج العافيه يارب..

 

[.]

هلا فيج إذا أنتي تحبين الأشياء العلميه فالكتاب يتكلم عن الأشياء نعتبرها من الخيال وهو من العلم يعني غرانب العلم بمختلف العلوم

دمتِ بود

هلا غرشوبه..

اي انا احب كتاباته اللي كانت بافاق..

انا قريت النبذه اللي عنه شوقتني..

وحبيت اخذ رايج كونج قريتيه وماقصرتي والله..

مشكوره..

 

[.]

رونه

بقووولج الحافه
من احلى ماقريت حق سند راشد
اصلا من احلى ماشريت العام من معرض الكتاب
هالكتاب صج صج مفيد
وغريب وحلوو
هذاا رايي
اكو ناس قروه قالولي عادي
والناس اذواق حتى بالكتب ..

هلا اند..

اي انا غرامي مقالاته هالدور كتاب شكلي بعيد خخخ..

وشنو قريتي بعد ؟؟

ومشكوره ..

 

[camilia]

حطيتوا رابطة دودات الكتب وشوقتوني ..... لكن

أنا ما أعرف للروايات كلش .... أحب أشوفها أفلام أحسن من اني اقرأها

الأخت ام مناف أنا من رابطتج >>>>>>>> خل نحط رابطة جديدة نسميها دودات الكتب الثقافية أو العلمية :ggdw:
أنا أحب مواضيع التنمية الذاتية وعلوم الطاقة الحيوية وفهم الكون
خليني أكتب كل الكتب اللي الحين جدامي
جدامي كتاب ( الشفاء الذاتي) ( مترجم لأندرو ويل )
وكتاب( طاقة الحياة) لغاي براون وتعريب أحمد العمري يتكلم عن طاقات الجسم البشري وطاقته في جميع حالاته لكن بصراحة حسيت بملل من قرائته للحين ما ركزت عليه

أما الكتاب اللي اعتبره خطيير صج وحاليا قاعدة أقرأه هو كتاب ( لا تطعن نفسك في ظهرك ) يتكلم عن أفكار أو تصرفات يسويها الإنسان ويظن إنها عادية وهي نوع من خداع النفس ويتضرر منها والمؤلفة لانها مراة ركزت على النساء
تأليف :د جوديث برايلز

اما الرواية اللي ممكن أكون قرأتها مع اني ما اعتبرتها رواية لكن مؤلفها اعتبرها رواية وهي راح تكون سلسلة منها
رواية ( على أبواب الملحمة ) للدكتور صلاح الراشد
إهديها لدودوات الكتب أصحاب الروايات :eh_s(6):

شدني عنوان هالكتاب ( لا تطعن نفسك في ظهرك ) !!
انا احب اقرا هالنوع بعد من الكتب ,, ايام الجامعه ( امبي لاا مااصدق نفسي اقول ايام الجامعة استغفرالله مو متقبله فكرة اني تخرجت ) المهم ما علينا اقولج ايام الدراسة دكتورنا قال لازم نشتري كتاب من هالطقة واسمه successful presentation skills لان تخصصي اعلام وكان لازم نعرف شلون نسوي سوالف بريزنتيشن والاتصال مع الاخرين , صج حلو الكتاب ومفيد بس لازم تطبقين اللي تقرينه وانا ياعيني تخرجت وقاعده بطالية يعني لاقدر اطبق الحجي بالجامعة ولا بالشغل ,, خليها على الله :dddds:
اي وبعد مرة اختي شرت كتاب حق انيس منصور اسمه السيدة الاولى , عن زوجات الرؤساء الامريكيين , الصراحة حلوو ويخليج تعرفين رؤساء اول مرة تقرين اساميهم , وهم سوالفهم وحياتهم بالبيت الابيض , وشلون بعض الزوجات كانوا يتدخلون بكل شي وبعضهم زين ينطقون بحرف , عموما انا ما احب احصر نفسي بنوع واحد من الكتب , احب اجرب واذا ما عجبني شي ألوم الكاتب ما ألوم نوعية الكتاب بكبره .

 

[.]

هلا بكاميليا..

زميلة التخصص و عدم التصديق التخرج خخ..

موفقه يارب بحياتج العمليه ..

 

[camilia]

مساااااء الخيييير حبيبااااتي

انا مليت من كتب علم النفس وتنمية الذات ...

بدات اقرا روايات مثل السجينه ( مليكه اوفقير ) وعمارة يعقوبيان و...الخ

ماعجبوني لانها حزينه جدا او يكون في يتكلم الكاتب عن شقق الدعاره

ارجو منكم كتابة اسماء روايت تكون اجتماعيه .

انا معاج لازم تغيرين وتجددين نوعية اطلاعاتج ,, انصحج وبشدة تقرين الكيميائي ,, بعضهم يسميه الخيميائي للكاتب باولو كوهيلو , اهو نفسه كاتب اجمل قصة حب على قولت اوبرا ( الحب في زمن الكوليرا ) و ( مئة عام من العزلة )

ابتدئي بالكيميائي لان هالكاتب وايد يحب يحشر شخصيات واسلوبه معقد بمئة عام من العزلة بس بالخيميائي رووووعة حيل حيل حيل حيل واتحداج تييبيلي شخص يقول ماعجبته هالرواية ! ترا انا مفكرة اقراها مرة ثانية من كثر ماهي روعة .

 

[End Girl]

هلا اند..

اي انا غرامي مقالاته هالدور كتاب شكلي بعيد خخخ..

وشنو قريتي بعد ؟؟

ومشكوره ..

سند قريتله هالسنه عشاق الادرينالين كااان عادي
ماشريت من دايموند بوك هالسنه غير الكتاب
مالقيت كتب يعجبوني مثل الخيال العلمي ولا ماوراء الطبيعه
اغلبها روايات ومن هالطقه

العام الله يسلمج شريت من دايموند
قصتي مع اللوفر -انصح في للي يبون يروحون فرنسا-
ويأتي الغد لـ " نبيل فاروق " وايد عجبني الكتاب مفييد حده
الحافه -سبق ذكره-
قريت شويه من موسوعه الظلام -للي يحب الاشياء المرعبه - ماكملته ماعجبني حيل
وقريت الله يسلمج حكايات القبو عجبني عباره عن قصص رعب قصيره حق تامر ابراهيم

هذا من دايموند بوك العام


وقريت السجينه كلش ماعجبني
على عكس الناس مادري احس وايد مفصلين المأساه
ماستفدت منه بشي
وهديت الغريبه بدون لا اقراه

وفي رد سابق ذكرت شنو قريت هالسنه من معرض الكتاب
ونشالله بردلكم بعد اقولكم شنو قريت بعد ..

لتل كوين جيكي عالخاص

 

[Little_Queen]

كاميليا !!


اقولج نجيب محفوووووظ.... تقوليلي فتحية عالبلكونه !

نجيب محفوظ يا عزيزتي أديب و روائي حاز جائزة نوبل للآداب سنه 1988

و بعدين سوري يعني بس ليش ما تقرين لمصريين؟ مصر من أهم أقطار الثقافة في العالم كله مو بس بالوطن العربي يعني

و وايد فنون أدبية و علمية و ثقافية مصدرها كان من مصر ...


و بعدين كاميليا حسستيني اني جدا تافهة اني اوصف رواية بهالجمال هذاا و اهي تتكلم عن فتحية و مدحت !


دشي قووقل و كتبي اولاد حارتنا و اقري نبذه عن الرواية ...


عموما اهو أخذ نوبل عليها


و مشكوووووووورة

 

[camilia]

هلا بكاميليا..

زميلة التخصص و عدم التصديق التخرج خخ..

موفقه يارب بحياتج العمليه ..

هههه حلوة عدم تصديق التخرج ,السالفه اهي اني مو مقتنعة اني متخرجه والله لو اقولج يتني فرصة عمل باحد البنوك بس كشت فيهم مو لان سالفه بنك ربوي او غيره لا بس لاني للحن حاطه أمل اني أكمل دراستي ويسموني مرة ثانية (طالبة ) , واذا اني اشتغلت فهذا راح يحطم هالامل الصغير اللي ليلحن موجوود فيني , وايد يقولون اشتغلي بعدها كملي لان الطموح والعلم مالهم عمر معين , صحيح مالهم عمر معين بس دام فيه رغبه قوية فليش ما اكمل والسالفه ليلحن حارة ؟ المشكلة اهني بلبيت استغفرالله ماكو احد يشجع والكل معارض وبشدة ويقولون مسكي الوظيفه أول لان بهالزمن محد بسهولة يلقى وظيفه بعدين نطري جم سنة وقدمي اجازة دراسة ! منطق غبي الصراحة

ياويلي طلعت برة الموضوع ههه

 

[camilia]

كاميليا !!


اقولج نجيب محفوووووظ.... تقوليلي فتحية عالبلكونه !

نجيب محفوظ يا عزيزتي أديب و روائي حاز جائزة نوبل للآداب سنه 1988

و بعدين سوري يعني بس ليش ما تقرين لمصريين؟ مصر من أهم أقطار الثقافة في العالم كله مو بس بالوطن العربي يعني

و وايد فنون أدبية و علمية و ثقافية مصدرها كان من مصر ...


و بعدين كاميليا حسستيني اني جدا تافهة اني اوصف رواية بهالجمال هذاا و اهي تتكلم عن فتحية و مدحت !


دشي قووقل و كتبي اولاد حارتنا و اقري نبذه عن الرواية ...


عموما اهو أخذ نوبل عليها


و مشكوووووووورة

هههههههههه انا قتلج فتحية ومدحت لان هذيل اول شخصيتين تخيلتهم من خلال عنوان الراوية ! انا تشوقت لها من خلال مدحج للرواية خاصه انج قلتي حصلت على نوبل , بس ما قلتي عن شنو تتححجى فعشان جذي انا تخيلت اللي تخيلته , واللي يا ببالي صدقيني تلقينه موجود اب6 من أصل 10 روايات مصرية انتي بس شوفي مسلسلاتهم اسود وابيض وغيره ..اغلب افلاهم ماخذينها من روايات نجيب ولا احسان عبدالقدوس .. انا ما اقولج خرابيط لاا عيب , بس نمط هالقلم ما يعجبني , واذا ماعجبني يعجب ألف غيري , عشان جذي سألتج اهي من النمط المعتاد لقصص الحب المصرية ولا يمكن اهي مو قصه حب اصلا يمكن يتحجى عن الدين او غيره !!

عموما دشيت الويكي وقريت ملخصها ,,
,,

wow .. im truly and totaly impressed
شياب فتحية ومدحت حق الجبلاوي !!

 

[Little_Queen]

لا نجيب محفوظ ماله شغل بفتحية و مدحت .. و على فكرة افلامه دايما لها فلسفه و رمزية


يعني لا تاخذين الشخصيات و الرموز و القصة بمعناها المباشر ... فكري بما وراء السطور على قولتهم تلاقين أشياء عجيبه غريبه تحسين انه الكاتب صج عبقري .. شلون رمز للأشياء هذي بهالاشياء ...


و كلش مافيها مدحت و فتحية و صج صج حلوة انصححححححج تقريييينها ...

 

[Little_Queen]

اتوقع بتلاقينها في وايد مواقع عالنت


بس اهي تقريبا تقريبا .. ممنوعه بالكويت

 

[camilia]

لو كنتي منزلة هالموضوع شهر 5 جان عرفت عن هالرواية وشريتها من دار الشروق بشارع طلعت حرب بمصر .. ادورها بالنت بس اغلب الروايات بلنت تكون الكتابة فيها اغلاط او اذا كان مسوي سكانر تلقينه ناسي جم صفحه او الكتبة مو واضحة ,, ماعليه ادورها وامري لله

 

[Little_Queen]

انا بعد ما كنت شريتها شهر 5


انا شريتها شهر 8


من فرع مكتبة الشروق في كافيه بينوز ... الي بشارع عباس العقاد بمصر )))


والله عليهم أفكار ... فاتحين في الكافيه مكتبه صغيرونه ... جم رف جذي و كتب متنوعه .. وايد عجبتني الفكرة يعني بدال الحش و الخز بالاوادم .. تشترينلج كتاب و تقعدين تقرين شريت منهم



تاكسي . حواديت المشاوير
( عجيييييييييييييب حده يونس الكتاب )

و اولاد حارتنا
(قاعده أقراها الحين و حدي مبهورة و مستانسه و ودي اخلصها اليوم قبل باجر بس مارح تخلص لأنها 581 صفحة )

و متتالية قصصية اسمها " سفر " لكتاب اسمه " محمد المخزنجي"
( زينه ... ماحبيتها وايد بس خذيتها كنت ابي اعرف شنو اهي المتتاليه القصصية بالظبط )