رابطة "دودات الكتب " .. حياكم

[الروح المتوهجة]

اهليييييييين بنوتات
ما شاء الله الروح المتوهجه و رونه اسلوبكم وااايد حلو الله يوفقكم يارب
ان شاء الله بعد جم سنه نسمع ان جوجو و ليتل كوين و نزاكه و الروح المتوهجه و رونه و حيادر( عذروني اذا نسيت اسم سقط سهوا ) صاروا اديبات تشع اسمائهم في سماء الكويت الصافيه آمين يارب

مشكورة حبيبتي تسلمين على الدعوة :tek:

 

[الروح المتوهجة]

و اصوات تقول لي : لا تطلبي السعادة من الآخرين , بل اخرجيه منك

اجعليه جزء منك

استمديه منه

ماذا ينقصك؟ لا شيء



كفاكِ بؤساً و احباطاً , فهذا اللباس لا يناسبك



كنت اسمع في صمت ... و افكر في صمت

دون ان اصل لمعنى السعادة , و كيف اطلقها من نفسي و داخلي

الروح المتوهجه هالمقطع عجييييييييب ما شاء الله عن جد أثر فيني يمكن لأني مريت بنفس هالحاله
استمري حبوبه الله يوفقج يارب

تصدقين ... من ردة فعلكم اكتشفت مو بس انا اشعر بهذا الشعور الغريب ... الحال من بعضه :eh_s(6):



لابد نعيش مثل هالحالات بمرحلة ما من مراحل حياتنا .. بس انا للاسف اعيشه وايد يعني يتكرر معاي كل شهرين مره ههههههههههه مادري ليش

 

[الروح المتوهجة]

رونه صج اشتقتي للجامعه ؟
ياربي احس اني متناقضه مرات كل اللي ابيه اني اتخرج و افتك و مرات ودي مااتخرج ابد فكره التخرج و الوصول للمرحله الثانيه الوظيفه الشغل الاستقلاليه تخوفني بشكل مو طبيعي
عالعموم الله يوفقج و ييسر لج دربج و ان شاء الله تكملين دراستج و تحققين كل امانيج

لا انا اقولج .. كل مرحله و لها حلاوتها


يعني الجامعة , الدراسة , الصديقات و الزميلات ... الدكاترة ... الشعور بانج طالبة جامعية شعور رائع


و بعد التخرج حلو وايد .. تحسين حققتي ذاتج و انجزتي خططج و اهدافج

و بعدين مرحلة الوظيفة ... التطبيق العملي و دخول معترك الحياة .... الاستقلال المادي و المالي ... الاحساس باهميتج من خلال ادائج لعملج ... كل هذا له جماله و لذته و حلاوته


عيشي يومج و مراحلج مرحله مرحله لا تستعجلين على رزقج :tek:

 

[الروح المتوهجة]

قبل فترة

سمعت كلمتين دقوا نواقيس الخيال

وصحوا بنات افكاري

وطلعت معاي هالخاطرة






حقائب الغربة


قطعتين الم

قطعتين وحشة

قطعتين مرارة و3 قطع حزن

درزن وحدة

درزنين شوق ولهفة

ودرازن

غربة وضياع .....


تم اعداد حقائب الغربة استعدادا لسفر طويل الى عالم الهموم والاحزان
العودة منه لأرض الفرح غير معروفة...

والبوادر تشير الى انها معدومة ...


تم اعداد الحقائب استعداد لخوض تجربة جديدة على قلبي وفكري ...


تم اعداد الحقائب لتنتقل روحي الى عالم كئيب مظلمة افكاره، مؤلمة وقائعه..
بينما يظل جسدي هنا..

لايبرح مكانه...



تم اعداد الحقائب ايذانا من القدر بالانتقال الى حال لايسر وعيش امرّ ...


تم اعداد الحقائب اعلانا من الزمن بسباق ليفتح قلبي جراحا اليمة وكنوزا دفينة لم اظن يوما ان شيئا سينبش لاخراجها الى الواقع ...

اعددت الحقائب.. وفي طور اعداد المزيد..
فالبوادر تشير الى سفر طويل لاعودة منه كتبه القدر وادارته علي السنون بدون مقدمات ولا تبرير ...




غربتي.. وحدتي .. المي.. حزني آهاتي

باختصار

حقيبتي ...

غربتي : لا احد يفهمني.. احس بأني غريبة في بيتي بين ناسي واحبابي واصحابي ...


وحدتي : لا أنيس يؤنس روحي، ولا رفيق يسلو همومي ولا حبيب يملؤ قلبي ولاطفل يضحك..

فينسيني احزاني ...


المي : المي لكبت مشاعر دفينة مشتعلة دوما
تلهب خاطري
تقبض روحي..

مشاعر رائعة لا اريد الاستحواذ بها لنفسي لكن لايوجد من يشاطرني اياها..

مشاعر لاسبيل لإطفاؤها سوى اخراجها من بين ضلوعي لقلب آخر..

ولا اجد سبيلا لاخراجها سوى الانتظار...

والانتظار فقط....




حزني : حزني لما آلت اليه حالي
حزني لغربتي
حزني لوحدتي والمي دون ان اسافر او ابرح غرفتي..


غرفتي... سريري... غطائي..
وسادتي الخالية
مدفن دموعي الحارة
حافظة اسراري وخزانة همومي وآهاتي


شكرا لك يا وسادتي

تحملتي الكثير من معاناتي وبؤسي وشقائي بدون ذنب...


غرفتي هي مهجري
فيها اهجر الدنيا لحظة اغلاق ابوابها ونوافذها واطفاء انوارها.. اعيش عالما آخر لحظة دخولها..

افكارا وردية لم اجد منفذا لتنفيذها..

احلاما طفولية وءدت في مهدها قبل بلوغها الكمال..

بنات افكاري تشائمت من اختلاق افكار جديدة خوفا من الاعدام ينفذه وحش الانكسار والاحباط ..

لا الوم بنات افكاري.. معهن حق بكل خوف من الفشل..

الوم القدر
الوم الزمن
الوم الريح التي سارت بعكس ما اشتهي
الوم الاعاصير التي عصفت بي والقت بي من بر الراحة والطمأنينة الى شواطئ سوداء مظلمة شقية بائسة
رملها جمر وماؤها نيران تلهب صدري الى ان بت اكره حياتي كلها ولحظة ميلادي..

اكره لحظة ميلادي

اكرهها وودت لو لم تكن يوما..

وددت لو لم اولد للوجود اصلا..

لكنه قدري

ومابيدي حيلة سوى الرضى بقدري والعيش فيه..



وسبيلي لحياة افضل وراحة وفرح
الصبر...
اين اجد الصبر
اين يباع لأشتريه بأغلى الاثمان...

انتظر..
علّي اجده يوما............






اغلقت حقائب الغربة وجُهِّزَت ...

وفي طور اعداد المزيد ..

فسفري طويل

ويتطلب المزيد من الحقائب

والمزيد من الانتظار

والانتظار فقط..
.
.
.

حيادر ... كـ اسلوب سلسل ... لا غبار عليه


بس : كفاااااااااااااااااااااااااية سلبية و ضيقة خلق وسوداوية


نبي شي فرايحي ... هشك بشك :eh_s(6):

 

[الروح المتوهجة]

يعطيكم الف عافيــه ..

بصـراحه والله انكم خوووش بنات :ggdw:
انا دايما اقول انه الكويت مسكينه عيالها ما يقروووون ومافي ثقافه كلش .. بس انتو اثبتولي العكس ..

وودي اصير مثلكم .. انا اقرالي كتاب أو كتابين واحد بالسنه .. مادري ليش ..
يمكن للحين ما لقيت الشي اللي يشدني وايد ..
صارلي سنه تقريبا قاريه بائعة الخبز وللحين ما كملت النهايه باقيلي 10 صفحات تقريبا .. المشكله نسيت القصه لازم ارد اقراها مره ثانيه :eh_s(1): <<< وايد تصير فيني هالحركه


go ahead :ada:

وانشالله اخصص لي وقت للقراءه .. انا مادري شسوي بعمري كل شي بسوي واخرتها ولا شي ادري ..

الله يعافيج


غيري من نوعية قراءاتج .... جربي كتب جديدة و تكون صغيرة الحجم عشان تخلصينها بسرعه ولا تنسين المحتوى

 

[الروح المتوهجة]

مسكوونة ههههه ..
.
اي اي نقول حق حيادر وليتل ورونة وريحانة(دلع روح هههه كيفج مسكونة الله خلق وفرق هههه) .. نقولهم يكتبولنا مقالات وتحقيقات صحفية وقصص ..وبعدين احنا نغيروننقح فيه ونضيف افكارنا و سمة النذالة على الكتاب ..
.
وبعدين ناخذهم انا وياج ونطبع الكتاب باسمنا .. ومانعطيهم فليسات ههههههه شراايج ..؟؟ عشان نطلع اصليين هههه
.

ههههههههههههههههه من الحين مشروع اجرام ها :eh_s(6):

 

[الروح المتوهجة]

روووح .. ياروح ألبي المؤلب .. يهبل شحلاته المقال ..
.
رونة يا بعد تسبدي المتسبد ..هههه
.
مقالج اينن ,, تخيلت نفسي مكانج :'( صج انا الحين بفقد مدرستي اذا تخرجت هالسنة :'(

حلت دنياج جوجو مشكورة من ذوقج :tek:


الله يوفقج و تتخرجين بمعدل يرضي غرورج

 

[~NaZaKa~]

رونه وبيتي حبايبي مشكورين على الاهتمام والنصايح
بس أنا تخليت عن الجامعه بكبرها :dddds:
ودخلت كلية التربيه الاساسيه قسم الكمبيوتر :ggdw::ggdw:
مرتاحه نوعا ما
الله يكتب الي فيه الخير
رونه حبيبتي ليش احبطتي بعد ماخرجتي ؟؟

 

[~NaZaKa~]

غرفتي... سريري... غطائي..
وسادتي الخالية
مدفن دموعي الحارة
حافظة اسراري وخزانة همومي وآهاتي


شكرا لك يا وسادتي

تحملتي الكثير من معاناتي وبؤسي وشقائي بدون ذنب...


غرفتي هي مهجري
فيها اهجر الدنيا لحظة اغلاق ابوابها ونوافذها واطفاء انوارها.. اعيش عالما آخر لحظة دخولها..




حيااادر فيييج وايد من حزني

بناااات اعذرووووني مالي خلق اسوي اقتبااااس
حددي تعبااانه

 

[~NaZaKa~]

جوجو
عاد توني قارية له خبر اختطاف
خالتي قالت تبجي بس يوم قريتها ما بجيت مادري ليش مع اني على طريف

الرووح وانتي صاااجه
على العموم انا متأقلمه مع وضعي ومأجله فكرة تحقيق الطموح إلى اشعار اخر على الاقل لين اتخرج

 

[0(مـــســـ(مطير)ــــــك)0]

السلام عليكم بنوتات شلونكم

اشوف من بدت الدوامات والصفحات صايره تقل هههههههه يالله الله يعين ان شاء الله .

هذي صور الكتب اللي قلتلكم شريتهم من جرير..

[/url][/IMG]

سوري الصور صايره ححييييييييل كبيره بس ماادري ليش

المهم كتاب مبنى 15 مليييييييييييييييييييييييييييييييييييييييييييييييييييييييييييييييييييييييييييييييييييييييغه

حدها بنات سعوديات قاعد يتفلسفون عن المجتمع السعودي والارهاب والليبراليه وكلام كلش مو مفهوم ..صراحه شدني عنوانها بس اكلت فيها مقلب

اما الكتب الثانيه فاتوقع تعرفونهم لان الكل يتكلم عن كتاب السر وقانون الجذب خااااااااااصه منتدانا تنمية المهارات وبقراهم وبعدين بقولكم عنهم ..

 

[Anastasia]

واي بنات.. صايرين باردين ليييش جذي
.
يالله فرفشو .. نماين ناتشوو ليتلللللوووون ياصاحبة الموضوووع ..و ييينكم آي كانت بيلييف ياويلي ويلااااه ليش جذي نايمين بس رونة وحدردر ورحرح ونزوز (ياعينييي) اللي يكتبون .. بتبت موعاجبتني هاليومين انتي ومسكونة(ههه بتذبحيني) تدشون وتغطون ..
.
ها مسكووون شراايج بالخطة بيني وبينج هاااا هههههه

 

[0(مـــســـ(مطير)ــــــك)0]

هههههههههههههههههههههههههه جوجو بذبحج )))):

ههههههههههههههههههههههههههههه شصوره شالرجوله والشهامه هذي هههههههههههههههههههههههه لا سنافي والله

 

[Betty]

غرفتي هي مهجري
فيها اهجر الدنيا لحظة اغلاق ابوابها ونوافذها واطفاء انوارها.. اعيش عالما آخر لحظة دخولها..

افكارا وردية لم اجد منفذا لتنفيذها..

احلاما طفولية وءدت في مهدها قبل بلوغها الكمال..

بنات افكاري تشائمت من اختلاق افكار جديدة خوفا من الاعدام ينفذه وحش الانكسار والاحباط ..

لا الوم بنات افكاري.. معهن حق بكل خوف من الفشل..

الوم القدر
الوم الزمن
الوم الريح التي سارت بعكس ما اشتهي
الوم الاعاصير التي عصفت بي والقت بي من بر الراحة والطمأنينة الى شواطئ سوداء مظلمة شقية بائسة
رملها جمر وماؤها نيران تلهب صدري الى ان بت اكره حياتي كلها ولحظة ميلادي..

اكره لحظة ميلادي

اكرهها وودت لو لم تكن يوما..

وددت لو لم اولد للوجود اصلا..

لكنه قدري

ومابيدي حيلة سوى الرضى بقدري والعيش فيه..



وسبيلي لحياة افضل وراحة وفرح
الصبر...
اين اجد الصبر
اين يباع لأشتريه بأغلى الاثمان...

انتظر..
علّي اجده يوما............


حيادر عور قلبي هالمقطع جنج قاعده تتكلمين عني و الله :eh_s(2):
لا تحرمينا من ابداعاتج حبيبتي موفقه

 

[Betty]

اهلين Confused Girl
حياج الله ويانا بنات الكويت قدها و قدود افا عليج

 

[Betty]

جوجو عورت قلبي المقاله امبيه صج صار مريض الله يشافيه تصدقين عاد عندي روايتين له بس لحد الحين ما قريتهم حدي كسوووله
و ليش مو عاجبتج انا ؟ شسوي لمن اكون موجوده انتو مو موجودين لا تزفيني :0bee2e8d89:
و وين النغزه :eh_s(6): ناطرتها يا عسل اي صج تعالي منو هالجيكر اللي بتوقيعج ؟ :eh_s(3):

 

[][ الميـــــــار ][]

كتاب 17 لعبدالوهاب السيد كاتب كتاب الابعاد المحهولة (مدكرات مراهق كويتي)
تكلمو هني البنات عنه

 

[][ الميـــــــار ][]

حيادر : أبدعتي اعتقد هالخاطرة كل وحدة فينا تمس شي خاص فيها
يعطيج العافية

 

[][ الميـــــــار ][]

امبيي بدليتي

مذكرات **

 

[Betty]

أهلين الميار و الله مادري حبيبتي اذا تكلموا عنه و لا لأ