رابطة "دودات الكتب " .. حياكم

[*peace*]

الله حلو شكله هالكتاب eat pray love

بقراه ان شاء الله ميرسي اوي اوي حبيبتي هيروشيما :eh_s(6): ​

 

[Anastasia]

هلا والله اسوري فديتج ..
.
جابنيز ابدعتي ياقلبي ..
.
ريبحانة ياحلااتج ..
.
بعد بنات شنو قريتو شنو ماقريتو ..

 

[كرستـال]

السلام عليكم

شلونكم بنات؟؟

انا بعد مدمنة كتب بس حسب المزاج !!

والكلية ماشاءالله ماخذة نص وقتنا والباقي نوم واكل لووولز :eh_s(6):

بغيت اسألكم عن قصة اسمها Twilight توها نازلة فيلم

منو عندها الكتاب تقول لي فكرة عنه ومن وين شرته ؟؟ انا لقيته سلسلة كتب بأمازون

وكل كتاب اكثر من 100 صفحة !!!

لقيت بعد اشياء عجيبة بأمازون بس مااا اعرف أطلب اهئ اهئ :0bee2e8d89:

 

[.]

السلام عليكم..

انا عن نفسي ماقريت بس كتبت يوميات خخ..

بس ان شاءالله باجر اقرالي شي ..

عندي شكثر..

 

[نماين]

هلا والله اسوري فديتج ..
.
بعد بنات شنو قريتو شنو ماقريتو ..

توني خلصت من قصة د. أحمد خالد توفيق

الآن نفتح الصندوق الجزء الاول وببتدي بالثاني


الكتاب مجموعة من القصص يرويها د. محفوظ ( شخصية خيالية ) بس تصدقون بنات احس القصص مو مشوقة حيل مو نفس قصص القديمة الا احيانا القصة يغلب عليها الجانب العلمي بشرح بعض الظواهر وتتوقعين النهاية

هذي صورة الكتابين بحطها مرة ثانية

[/url][/IMG]

يا حلو قصصه القديمة من روايات الجيب خاصة ( بعد منتصف الليل ) الي ما قرا هالقصة لازم يقراها

 

[hiroshima twinky]

الله حلو شكله هالكتاب eat pray love

بقراه ان شاء الله ميرسي اوي اوي حبيبتي هيروشيما

ان شاء الله يعجبج
اقريه و عطينا رايج

 

[Shiny Star]

قاعده أقرأ محموعة قصصية أسمها جمان للمؤلفة علياء الكاظمي

أسلوبها حلو وسلس

 

[حبيبة أهلها]

غررررررررررامي القراءة واتباع مجلة حياة واحب اسلوب الكاتبة سارة الخضير

 

[^كويتية^]

انا ادمااان قراءة !!
بس ماكو شي ياب راسي مثل الرافعي !!
الأسلوب اللي يخليج تغوصين فيه باعماااق الأدب....
القصص اللي الحين اكثرهم اشياء بردكتبل .. يعني تتوقعين شنو النهايه من نسج القصه !!
حتى مرات من كثر ما النهايه متوقعه افكر انها تكون مو مثل اللي ببالي !!!
ما اقرا قصص عربيه يديده كللللللش
الانجليزيه يمكن لي الحين عجبتني جم وحده
انصح اللي ماقرت "the kite runner" حق خالد حسيني انها تقراه.. صج تحسين قصه محبوكه

 

[Japanese]

ريحانه المشكله بلابتوبي الماك ولا انا اعرف احمل صور افففففف يالا معليه باوديه لمحل ابل عشان يعلموني اشلون احمل صور


اسوووري ،، دام جذي عيل باشتريه ان شاء الله ،، كفاحي اول كتاب بادوره لارحت المره اليايه المكتبه او المعرض

جوحو :tek:


كرستال ،، عندي هالقصه توايلايت ،، تيننننننن ماودج تهدين الكتاب ودج بس تقرين عشان تعرفين شبيصير

الفلم اشوي غير انه مختصر وجي ،، انا ماقدرت اشوف الفلم :/ خفت يوم تهاووش حبيبها مع ذاك اللي يبيها له

مقاطع الدم ماتحملها ف صكرته على طول ،، بس الروايه خورافيه بصراحه رومانسيه على اكشن على تشويق

و شريتها من مكتبه بآميركا ،، شوفي يمكن جرير يبيعونها !!

ان شاء الله اشوفلي حل بتحميل الصور ودي احطلكم صور الكتب اللي عندي :0bee2e8d89:​

 

[الؤلؤة السوداء]

السلام عليكم ورحمة الله وبركاته

شلونكم بنات..ممكن أنضم معاكم
الموضوع روووعة.. أحب الكتب واااايد من صغري:ggdw:
أكثر شي اقرا روايات وكاتبتي المفضلة هي أغاثا كريستي..أحب القصص البوليسية _03BA:
راح أكتب بالمختصر عن الكتب اللي قريتها
روايات عالمية مثل: الأميرة الصغيرة، توم سوير، الفرسان الثلاثة، أوليفر تويست، روميو وجولييت، بائعة الخبز، نساء صغيرات، البؤساء...
قريت أربع روايات لدان براون: شيفرة دافنشي، ملائكة وشياطين، حقيقة الخديعة، الحصن الرقمي
ورواية وحده لدانييل ستيل اسمها أبي..حلوة لكن فيها جرأة :eh_s(14):
شريت لي من فترة روايتين لتولستوي: آنا كاريننا والحرب والسلم لكن ليلحين ما قريتهم
وأمووووت على روايات هاري بوتر وأحلى وحده عندي هي الرابعة
حالياً أقرا رواية مغامرة حب في بلاد ممزقة، واااايد حلوة
سمعتكم تتكلمون عن رواية السجينة والخيميائي..عندي إياهم لكن ما قريتهم
وعندي جم كتاب من كتب تطوير الذات : أيقظ قواك الخفية، وقدرات غير محدودة، القراءة الصحيحة، قوة عقلك الباطن....
في صغري كنت أحب مجلة ماجد وميكي..كنت أموووت عليهم، وحالياً بديت أقرا مجلة العربي
وأقرا أحياناً مانغا، في مانغا عجبتني اسمها 20th Century Boys
إذا تذكرت كتب ثانية راح أكتبها بعدين

شكلي طولت عليكم :cxxxp:
​

 

[طوق البنفسج]

شلونكم يا بنات

واخيرا فضيت ..

انا من معرض الكتاب شاريه حوالي13 روايه و كتاب عن الجرافولوجي و ابجديات الياسمين لنزار قباني

قريت روايه حتى لا يضيع الحجاب .. بايخه ما حبيتها كلش بيس سلتني بالدوام ..

لكاتبه سعوديه تكتب بسم المهاجره

وقريت يبقى الامل .. نفس الشي عادي او اقل من عادي .. وهذا بعد حق كاتبه سعوديه بس نسيت شسمها .. يتكلم عن قصص عاديه لبنات مروا بمواقف مع هذا ما فقدوا الامل

و توني بديت بروايه لاجئه لكاتبه فلسطينيه شكلها حلو توني باول الصفحات

 

[نماين]

وي صاير الموضوع هدووووووووووووووووء


لا لا ما يصير

انا للحين ما بديت بالجزء الثاني من كتاب د.أحمد خالد توفيق [color="red[color="red"]"]( الآن نفتح الصندوق )[/color]


قلت اببدي بقصه ثانية له شريتها من المعرض اسمها امبي جنه نسيته


جنه اسمها الابراج ما ادري شنو ان شاءالله اصورها لكم واحطها

الي بيقرا شي حلو حق هالكاتب خل يقرا هالقصة

مشووووووووووقة بحطلكم تلخيص لها اول ما اخلص منها

ان شاء الله[/color]

 

[Anastasia]

صاجة نماين ,, حميدو صاير مليق .. وتحسينه قام يتفلسف حضرته .. عشان يبين للكراء(قراء) انه جدع وجامد اوي في العلوم بئة كده .. ههه
.
قريت كل روايات علياء الكاظمي (جمان,ويبقى الامل ينبض في القلوب,بلاهوية) .. ماحبيتها ,, حسيتها سطحية وتصلح للتينايجرز اكثر..
.
الؤلؤة السوداء ..
.
دانييل ستيل راااااايحة فيها .. قريت لها (نهاية صيف,المعجزة,القبلة,الزفاف,أماديا,الشقيقات) كلهم ماحبيتهم ماعدا أماديا اتيينننن ونظيفة وروووعة .. انا كاتبة عنها بصفحة 25 جنه بهالموضوع ..
.
أغاثا كريستي رووعة .. كل قصصها تحسين بوليسية مفصلة دقيقة .. من أروع ماقريتلها(ذوالبدلة البنية,في النهاية يأتي الموت,ليل لاينتهي,الأربعة الكبار,الفتاة الثالثة) بس مو اي طبعة لا .. الطبعة اللي تكون بيضة من دار الراتب الجامعية اللي مكتوب بزاويتها النص الكامل الطبعو القانونية الاولى .,
.
في مانجا اتيييينن اسمها مارمليد بوي .. ومدحتلي العضوة( كل الاسامي ماخوذة ليش؟) مانجا أوران هاي سكول تقول احلى من الانمي ..
.
بعد شكنت بقول .. امممم
.
اي روايات هاري بوتر غراااامي ووانا احلى جزء الخامس .. السادس والسابع يبجون .. واذا انتي تحبين هاري بوتر دشي بروفايلي شوفي غروب هاري بوتر وحياج الله معانا يا قلبيي ..
.
في رواية نفس طقة هاري بوتر .. بس جنها مالت يهالو بس والله حدها تونس .. اصلا انا كنت شاريتها لاختي ابيها تعود عالقراءة عاد مرة من الفضاوة قريتها .. واايد استانست عليها اسمها (إيللا المسحور ,Ella Enchanted)
.

هذي النسخة الانجليزية ., اكو عربية من دار نهضة مصر .. خذيتها من جرير .. فايزة بجائزة النيوبري مادري شنو مالت قصص الاطفال بامريكا.. اللي تبي تستانس تقراها .. نفس ستايل والت ديزني وسندرلا وهالسوالف .. حلوة
.
عقب شفت الفلم .. احلى واحلى نفس الاسم تمثل فيه آن هاثوي المملوحة تهبل ..
.
وبس سلامتكم .. اشوفكم على خير ..

 

[dreamer_33]

مرحباااا بناات شلووونكم ؟

نماين .. زميلة الكفااح لووول قصدج "حظك اليوم" اللي نزلت بمعرض الكتاب هالسنة ؟

اهي حلوة بس انا احب ابطال سلسلة ماوراء الطبيعة وسافاري عندي ولااااااء لهم :eh_s(6): تعودت عليهم واحس الدكتور احمد يبدع بهالسلسلتين اكثر من الروايات المنفردة ..


امممممم توني ادري ان في جزء ثاني حق " الآن نفتح الصندوق " :eh_s(1): >>>> ترااااني غاااااااطه صارلي فترة عن الكتب والروايات ماكوووو وقت للأسف .. وكل اللي اتكلم عنهم بهالموضوع من الذاكرة ! يعني من زمااان قاريتهم ..! ماعدا حظك اليوم اهي الوحيدة من مؤلفات الدكتور الجديدة اللي قريتها ..


شلون الجزء الثاني حلووو ؟

 

[dreamer_33]

( ذهب مع الريح) روووووعة .. فعلا من الروائع

الرافعي قريتي " ماجدولين " اللي ترجمها ؟ مع انها ترجمة بس اسلوبه راااائع جنه اهو اللي كاتبها .. أديب مبدع !

وأجاثا كريستي طبعا ماعليها كلاااام احلى شي قريته لها : في النهاية يأتي الموت ، ليل لا ينتهي ، جريمة في قطار الشرق >>>> عاد هذي لاتطوفكم عجيبة ونهايتها اتحداكم تتوقعونها

 

[dreamer_33]

جوجو .. بصراحة ماارضى على كاتبنا :eh_s(14):

عموما ، قريتوا ( قصاصات قابلة للحرق ) ؟؟ اهي تجميع لفقرات او عبارات له ماكتبها برواياته .. عجيـــــــبة :ggdw:احب اسلوبه من غير روايات حتى !

المقدمة :
تنتظر حتى ينام أهل الدار حتى لا تراك زوجتك وتظن بك الظنون عندما تجدك تحرق أوراقًا .. كل زوجة تعرف معنى أن يحرق زوجها أوراقًا .. إما أنه يحرق خطاباته الغرامية القديمة، أو يحرق مجموعته من الصور العارية لأن عينه الجشعة لا يملؤها غير التراب، أو يحرق ما يثبت أن له شقة أخرى وزوجة أخرى في الإسكندرية ..
تتسلل إلى المطبخ وتشعل الموقد، وتأخذ شهيقًا عميقًا ثم ترفع كومة القصاصات كي تلقى تطهيرها النهائي وسط ألسنة اللهب ..
هنا يدق جرس الهاتف ..”[/]


وهذي مقتطفات منه :
تجمّلت وخرجت لتعذب الشباب قليلا ......يسرها أن أحدا لن يشعر براحة حينما يراها !


المرأة الخيالية أو الحالمه هي الجحيم ذاته لانها لن تجد من تبحث عنه أبدا ..... ولن تجد فارسها وسوف تكتفي بتعذيب البائس الذي رضيت به


لأني أعرفك جيدا فأنا أحسد كل المحظوظين الذين رفضت الزواج منهم !!


جو الشتاء الحزين ودفء البيت والحنين لشئ ما يغريك بأن تلصق أنفك بزجاج النافذة وتحلم .. لكن هناك منذ ميلاد البشريه ما يرغم الانسان علي الخروج تحت الأمطار ذاهبا لمكان ما ..


اقسي شئ في العالم أن تقنع من تحبه بأن يحب الأ شياء التي تحبها أنت ..


اعمل الخير وأرمه في البحر ...... بشرط أن يراك أحدهم وأنت تفعل ذلك عندها سيخبر الأخرين أنك لا تفعل الخير فقط بل وترميه في البحر أيضا !


تعريف التفاؤل ؟؟؟؟؟؟؟ إذا قال القائد لجنوده إن العملية خطرة وأنه يتوقع أن يموت 99% منهم , فإن التفاؤل يجعل كل واحد ينظر لرفاقه دامعاً ويقول لنفسه : يحزنني فقد الرفاق !


إن الشخص الحنون لا يفرق بين إعطاء الحنان وبين تلقيه ..


أنا مؤمن بالمثل الذي يقول : ( كل لتعيش ولا تعش لتأكل ) ولكن ما ذنبي إذا كنت أحتاج إلي طبقين من الرز وخمسة أرغفه لأظل حيا :dddds:


أليس من المؤسف أن متعة الشئ لا تكتمل إلا بفقده ؟؟؟؟؟ وأن نشوة الماضي هي انه صار ماضيا


الفلسفه هي ألأّ تعيش الحياة حتي تفهمها بشكل افضل !


تعليقاتكم ؟ :nbvppw:

 

[الؤلؤة السوداء]

J 0 J 0

.

دانييل ستيل راااااايحة فيها .. قريت لها (نهاية صيف,المعجزة,القبلة,الزفاف,أماديا,الشقيقات) كلهم ماحبيتهم ماعدا أماديا اتيينننن ونظيفة وروووعة .. انا كاتبة عنها بصفحة 25 جنه بهالموضوع ..

شوقتيني أقراها..معني ما احب الرومانسي وايد
لكن دام انها نظيفة راح أقراها
.

أغاثا كريستي رووعة .. كل قصصها تحسين بوليسية مفصلة دقيقة .. من أروع ماقريتلها(ذوالبدلة البنية,في النهاية يأتي الموت,ليل لاينتهي,الأربعة الكبار,الفتاة الثالثة) بس مو اي طبعة لا .. الطبعة اللي تكون بيضة من دار الراتب الجامعية اللي مكتوب بزاويتها النص الكامل الطبعو القانونية الاولى .,

إي كل الي قلتيهم قريتهم ورووووعة
في النهاية يأتي الموت وليل لا ينتهي..صادتني كآبة يوم خلصتهم
إي عرفت أي طبعة تقصدين..سمعت إنهم بدوا يترجمون روايات شيرلوك هولمز :ggdw:
.

في مانجا اتيييينن اسمها مارمليد بوي .. ومدحتلي العضوة( كل الاسامي ماخوذة ليش؟) مانجا أوران هاي سكول تقول احلى من الانمي ..

مارمليد بوي أعتقد سووه انمي..صح
إي انا بعد سمعت ان مانغا أوران أحلى من الانمي..باجرب باقراها

.
اي روايات هاري بوتر غراااامي ووانا احلى جزء الخامس .. السادس والسابع يبجون .. واذا انتي تحبين هاري بوتر دشي بروفايلي شوفي غروب هاري بوتر وحياج الله معانا يا قلبيي ..

حتى الخامس يبجي
شريت الرواية السابعة لكن مابي أقراها..مو مستوعبة إنها آخر رواية
غروب هاري بوتر..إي ونااااسة :ggdw:

في رواية نفس طقة هاري بوتر .. بس جنها مالت يهالو بس والله حدها تونس .. اصلا انا كنت شاريتها لاختي ابيها تعود عالقراءة عاد مرة من الفضاوة قريتها .. واايد استانست عليها اسمها (إيللا المسحور ,Ella Enchanted)
.
هذي النسخة الانجليزية ., اكو عربية من دار نهضة مصر .. خذيتها من جرير .. فايزة بجائزة النيوبري مادري شنو مالت قصص الاطفال بامريكا.. اللي تبي تستانس تقراها .. نفس ستايل والت ديزني وسندرلا وهالسوالف .. حلوة
.
عقب شفت الفلم .. احلى واحلى نفس الاسم تمثل فيه آن هاثوي المملوحة تهبل ..

شفت الفيلم من فترة وعجبني..ماكنت أدري إنه رواية
إذا حصلتها باشتريها

​

 

[الؤلؤة السوداء]

dreamer_33

( ذهب مع الريح) روووووعة .. فعلا من الروائع

الرافعي قريتي " ماجدولين " اللي ترجمها ؟ مع انها ترجمة بس اسلوبه راااائع جنه اهو اللي كاتبها .. أديب مبدع !

وأجاثا كريستي طبعا ماعليها كلاااام احلى شي قريته لها : في النهاية يأتي الموت ، ليل لا ينتهي ، جريمة في قطار الشرق >>>> عاد هذي لاتطوفكم عجيبة ونهايتها اتحداكم تتوقعونها

ذهب مع الريح ودي أقراها لكن مو متشجعة مادري ليش
سمعت عت ماجدولين ويقولون حلوة وايد، هي شنو نوعها الرواية..رومانسية ؟
جريمة في قطار الشرق كانت ثاني رواية أقراها لأغاثا كريستي من بعد مقتل روجر أكرويد
ومعاج حق نهايتها كلش مو متوقعة..هي والبيت المائل

عموما ، قريتوا ( قصاصات قابلة للحرق ) ؟؟ اهي تجميع لفقرات او عبارات له ماكتبها برواياته .. عجيـــــــبة :ggdw:احب اسلوبه من غير روايات حتى !

هي من تأليف أحمد توفيق ؟
شريت له "رجال من رجال" من سلسلة سفاري
وأسطورة أرض الظلام من سلسلة ما وراء الطبيعة
قريت الأولى أما الثانية ليلحين
شنو الروايات اللي تنصحيني أشتريها..اللي من تأليفه ؟

المقدمة :
تنتظر حتى ينام أهل الدار حتى لا تراك زوجتك وتظن بك الظنون عندما تجدك تحرق أوراقًا .. كل زوجة تعرف معنى أن يحرق زوجها أوراقًا .. إما أنه يحرق خطاباته الغرامية القديمة، أو يحرق مجموعته من الصور العارية لأن عينه الجشعة لا يملؤها غير التراب، أو يحرق ما يثبت أن له شقة أخرى وزوجة أخرى في الإسكندرية ..
تتسلل إلى المطبخ وتشعل الموقد، وتأخذ شهيقًا عميقًا ثم ترفع كومة القصاصات كي تلقى تطهيرها النهائي وسط ألسنة اللهب ..
هنا يدق جرس الهاتف ..”[/]


وهذي مقتطفات منه :
تجمّلت وخرجت لتعذب الشباب قليلا ......يسرها أن أحدا لن يشعر براحة حينما يراها !


المرأة الخيالية أو الحالمه هي الجحيم ذاته لانها لن تجد من تبحث عنه أبدا ..... ولن تجد فارسها وسوف تكتفي بتعذيب البائس الذي رضيت به


لأني أعرفك جيدا فأنا أحسد كل المحظوظين الذين رفضت الزواج منهم !!


جو الشتاء الحزين ودفء البيت والحنين لشئ ما يغريك بأن تلصق أنفك بزجاج النافذة وتحلم .. لكن هناك منذ ميلاد البشريه ما يرغم الانسان علي الخروج تحت الأمطار ذاهبا لمكان ما ..


اقسي شئ في العالم أن تقنع من تحبه بأن يحب الأ شياء التي تحبها أنت ..


اعمل الخير وأرمه في البحر ...... بشرط أن يراك أحدهم وأنت تفعل ذلك عندها سيخبر الأخرين أنك لا تفعل الخير فقط بل وترميه في البحر أيضا !


تعريف التفاؤل ؟؟؟؟؟؟؟ إذا قال القائد لجنوده إن العملية خطرة وأنه يتوقع أن يموت 99% منهم , فإن التفاؤل يجعل كل واحد ينظر لرفاقه دامعاً ويقول لنفسه : يحزنني فقد الرفاق !


إن الشخص الحنون لا يفرق بين إعطاء الحنان وبين تلقيه ..


أنا مؤمن بالمثل الذي يقول : ( كل لتعيش ولا تعش لتأكل ) ولكن ما ذنبي إذا كنت أحتاج إلي طبقين من الرز وخمسة أرغفه لأظل حيا :dddds:


أليس من المؤسف أن متعة الشئ لا تكتمل إلا بفقده ؟؟؟؟؟ وأن نشوة الماضي هي انه صار ماضيا


الفلسفه هي ألأّ تعيش الحياة حتي تفهمها بشكل افضل !


​

واااااااايد عجبتني المقتطفات
حلووو أسلوبه في الكتابة


​

 

[الروح المتوهجة]

قوة بنات اشلونكم

اتمنى لكم التوفيق بالرابطة ... و انا بانسحب لاني ما اقدر اضيف لكم شي


خطي مختلف عن خط الرابطة ... ومابي اخرب عليكم


موفقين يارب