رابطة "دودات الكتب " .. حياكم

[Anastasia]

سمارت ليدي ..
.
خلي ولد خالتج يمر على جرير وفيرجن .. وانا متاكدة بيلاقي شغلج كله

 

[Anastasia]

كاميليا وريحانة ..
.
هههههه
.
احس اني داشة عرض بينكم ..

 

[camilia]

مرحبا أخواتي الحبيبات .. دودات الكتب .. شخباركم مع القراءة والكتب؟
انا توني دودة مبتدئة من البحرين والصراحه من فتره ادخل المنتدى واشوف اسامي الكتب اللي قلتوا عنها واحسها تجذبني واروح اشتريها على طول.. ومعظمها عجبني .. من الكتب اللي قريتها من تاريخ رجوعي لهواية القراءة (من 3 أشهر تقريبا)
1. (لا تحزن) لعائض القرني ... هالكتاب وايد حلو ويمسح على قلب المجروح الصراحه
2. (استمتع بحياتك) لمحمد العريفي .. ما خلصت قرايته بس بعد عجيب في طريقة عرضه الملونة (للي يحبون الألوان ويتأثرون بالصور) يتكلم اشلون نتعامل مع الناس وفي قصص من السيرة النبوية
3. (السر) .. كتاب مترجم.. قريت النسخة العربية.. حلو و شوي اقتنعت فيه بس مب وايد .. يعني كمسلمين اذا نقرا الكتاب لازم نتذكر حسن الظن بالله عند أي شي نسويه
4. رواية (الخيمائي)..كتاب مترجم حق وايد لغات.. كنت ناويه اقرا النسخة العربية بس كل ما اروح مكتبة يقولون مخلصة .. في الاخير لقيت نسخة انجليزية وخذتها لان نصحني اللي يبيع ويقول بالانجليزي الافكار مرتبطة واحلى من النسخة العربية لان الافكار فيها شوي متقطعة .. المهم الروايه عجيبة وتشدج وتثير فضولج الى النهاية 
5. (الهدية) .. كتاب مترجم .. صغيرون وحلو.. قريت النسخة العربية.. مفيد حق تطوير الذات يتكلم شلون نستفيد من الماضي والحاضر والمستقبل في حياتنا وتحقيق الاهداف اللي نبيه
6. (بوصلة الشخصية) .. كتاب مترجم.. حلو للي تحب تعرف شخصيات الناس واشلون تتعامل مع كل شخصية (شمالي، جنوبي ، شرقي وغربي)
7. روايات دانيال ستيل (الزفاف ، أبي) حلوين بس أبي شوي جريئة الصراحه ما توقعت من أسمها انها هلون!!
8. كتابين حلوين للمتزوجات والمخطوبات ولو انهم كتب اجنبية بس شوي يفيدون وحلوين وسهلين في طرحهم.. الصراحه لما شريتهم الحمدلله صاروا الكتب في ويهي يعني ما سألت عن الكتاب في المكتبة ولما دفعت ما في احد واقف عند الدفع واللي تشتغل فلبينيه .. لان اسامي الكتب اشوي  .. المهم هالكتابين اهما (why men love bitches) والثاني (why men marry bitches)

اليوم بعد رحت المكتبة وشريت جم كتاب .. ما بديت في قرايتهم بس باقول لكم اساميهم واذا خلصت منهم باقول لكم اذا حلوين او لا
1. كتاب مشهور واعتقد المعظم قراه .. (الرجال من المريخ والنساء من الزهره)
2. (صيد الخاطر) لابن الجوزي .. كتاب ديني
3. رواية بالانجليزي حق نفس مؤاف رواية (الخيمائي) .. المؤلف Paulo Coelho .. والقصة هي
Like the flowing river
4. روايتين حق دانيال ستيل ( فرصة أخرى) و ( مستحيل)

عجبني فيج حبج للتتنوع ( هالشي عرفته من المجموعة اللي قريتيها ) , اختياراتج حلوة وبالنسبة حق كتاب why men love/marry bitches اللي عرفته ان الكاتبه مو قصدها البنات الشينين والرايحين فيها لا قصدها الحريم المغرورات واللي عند روحهم اهم احسن ناس ولحد يكلمهم .. انا ماقريت الكتاب بس قريت عنه توضيح هالكلمة ..شلون الكتاب ؟ الخيميائي رووعة ماعليها كلام , انزيي طلبتج , بالنسبة لكتاب استمتع بحياتك انتي قلتي يتحجى عن الناس وشلون يتأثرون بالالوان عفية قولي انا من محبين البنفسجي لي درجه الينون هاهاا فشنو قايلين عن هاللون وباختصار ؟

 

[camilia]

Smart Ladyسوووري فهمتج غلط ,, الظاهر قصدج كتابه فيه صور وجذي ,امبي طاع مخي راح بعييد غباااء ,, قتلج مينونة بنفسجي ههه

 

[ريحانة_14]

كاميليا وريحانة ..
.
هههههه
.
احس اني داشة عرض بينكم ..

صباح الخير يابنات شلونكم

أبد والله حياج الله يا جوجو إحنا بس قاعدين نتحاور .. عاد حاولي ترزين فيسج معانا يالله شدي حيلج :dddds:

 

[camilia]

صباح الخير يابنات شلونكم

أبد والله حياج الله يا جوجو إحنا بس قاعدين نتحاور .. عاد حاولي ترزين فيسج معانا يالله شدي حيلج :dddds:

اي بس خوفج المشرفة تقول لاتطلعون برة الموضوع بس ترا هذي تعتبر مناقشة كتب , حجي يير حجي

 

[ريحانة_14]

بالنسبة للمقوله اللي حطيتيها انا اللي اعرفها انها جذي (أولادكم خلقوا لزمان غير زمانكم فلا تقصروهم على عاداتكم ) وفيه ناس يقوولون انها جذي ( لا تؤدبوا أبنائكم بأخلاقكم فأنهم خلقوا لزمان غير زمانكم ) وبما ان كثير من الناس يعتبرون هالكلام حديث ضعيف وغير اكيد لعلي ابن ابي طالب الا انها مقولة روعة ومن وراها حكمه عظيمة , لو تلاحظين اهو قال اخلاقكم مو دينكم ,,والاخلاق شانها شأن العادات والتقاليد , مجموعه من الاسس الثقافية والمعايير الموروثة اللي يستمدها الفرد من جماعته, وياما وياما فيه عادات الناس يتشبثون فيها واهي لا من الاسلام ولا شي , اقرب مثال ختان البنات والقبلية
والله ماراح تصدقيني بس اعرف ناس والله لي يومج هذا مو مدخلين بناتهم المدارس لانه عييب والله يقول عيب البنت تطلع برة البيت الا لضرورة والتعليم مو ضرورة لان البنت مكانها بيتها ! انزييين اذا اهي عندها أهل يصرفون عليها ويعيشونها مكرمة خلااص ماله داعي تطلع برة البيت وتشتغل بس عالاقل درسوووها علموها !! اهلها مو دايمين لها والزوج عادي بين يوم وليله يقلب عليها ,الدنيا مو امان وسلاح المرة بهالوقت اهو الشهادة الصراحة ! يعني زماننا الحين زمان شقى يحكم عالمرة تندمج بالمجتمع اكثر وتنتج لان الحياة صعبه ولازم تشارك زوجها برة البيت اذا بيعيشون معززين !
انا اللي بقوله بس اني موفاهمه انتي ليش قلتي ( لأ ياخوي .. تقدر توفق .. عيل ليش ربك عطاك عقل وفكر ؟؟؟؟
) ؟ لان القصد من هالحجي اهو العادات مو الدين , والامام عارف اكثر مني ومنج ان الاسلام صالح لكل زمان ومكان , بس مثل ماقتلج فيه عادات ايجابية لازم نتمسك فيها لو شنو صار وعادات سلبية لاهي من الاسلام ( لان الاسلام مستحيل يكون فيه شي سلبي ) وهالسلبية هذي اهي اللي قاعده ترجعنا لي ورى . انا حاسه انج قاعده تتحجين عن شي وانا ارد بشي ثاني وهذا لاني (فاهمه) من كلامج انج معترضه على المقولة فحبيت ابينلج وجهة نظري فقط

صباحج ورد أخت كاميليا

بالعكس إحنا لنا نفس وجهة النظر بس كل وحدة فينا تعرضها من وجهة نظرها

بخصوص حديث علي بن أبي طالب ( ع) الحديث ثابت وأهو ( لاتقسروا أولادكم على آدابكم لأنهم خلقوا لزمان غير زمانكم ) قلتلج ما أقدر أرفض رواية أو مبدأ إلا بثبات النقيض له ... أكيد فاهمه قصدي

وليش أنا قلت هالحديث لأن في ناس يبون يتجردون من الإسلام وآدابة فبشنو يتحججون ؟؟ يتحججون بهالحديث هذا إن أنا كأم أو أب معذور لو أعطي الخيط والمخيط حق عيالي وأجردهم من المباديء الأولية للدين الإسلامي بحجة هالحديث..

لكن علي بن أبي طالب لما سرد هالحديث فعلا يقصد عدم التخلي عن أولويات الإسلام وإنما التغير في بعض العادات والتقاليد والأعراف بالحدود إللي ماتعارض الإسلام ..

أضرب لج مثال ..

قعدت مع أم مرة من المرات كانت زايرتني في عيادتي النفسية وقاعده تشتكي من بنتها وتصرفاتها اللاسوية .. وسألتها كذا سؤال عن الإسلوب إللي إتبعته في تربيتها .. فتحججت لي بهالحديث .. فهمتي قصدي ؟

بالنهاية قلتلج .. ثنتينا معارضين التخلي عن الإسلام وآداب وعلى إللي قاعد يصير حاليا في بلداننا الإسلامية إللي صارت مسلمة بس بالإسم وبالجواز

 

[Smart Lady]

smart ladyسوووري فهمتج غلط ,, الظاهر قصدج كتابه فيه صور وجذي ,امبي طاع مخي راح بعييد غباااء ,, قتلج مينونة بنفسجي ههه

ههههه لا حبيبتي لا غباء ولا شي.. بس انا ما وضحت عدل .. انا كان قصدي يعني النص في الكتاب ملون بالوان مختلفة يركز على الاشيا اللي لازم تركزين عليها بلون مثلا احمر والباقي ازرق واسود.. يعني الكتاب مب كله بخط لونه اسود

وعن البنفسجي انا بعد غرامي

 

[Smart Lady]

سمارت ليدي ..
.
خلي ولد خالتج يمر على جرير وفيرجن .. وانا متاكدة بيلاقي شغلج كله

مشكورة حبيبتي على الرد وماقصرتي

 

[.]

اختي الحبيبة (رونه) ما قصرتي على سرعة ا لرد .. بوسه على خدج يا الغاليه

1.بالنسبة لـ(17 رواية) حق عبدالوهاب السيد .. ما قصرتي دخلت على الموقع وعشان ما اعور راسي طرشت لهم مسج اسألهم اذا يطرشون البحرين وبجم يطلع مع الشحن .. بس بعد باعطي ولد خالتي وباقول له اذا بقدر يشتري لي من فيرجن

2. (كيف لتخطط لحياتك) عندي منزلته من قبل.. بس الله يسلمج اختج (انا)ما تحب الا الكتاب تقراه من على ورق مو على النت وسمعت معاه مثل الكراسه

3. (كن ايجابيا) ما ادري والله اذا ندوة اوكتاب بس حسب ما اذكر شفت في منتدى من المنتديات تكلمت وحده عنه انه كتاب

4.. (القراءة الذكية) للدكتور ساجد العبدلي .. اي هالكتاب شفته عند وحده معاي في الشغل وشكله حده يجذب ملون وفي معلومات منوعة

5. (حقق حلمك في حفظ القرآن) للدكتور عبدالله الملحم.. هو كتاب حبيبتي.. و انا شفته في موقع بعد للتسوق الالكتروني (الابداع الفكري)بس قلت اوصي ولد خالتي يشتري من مكتبه في ا لكويت يصير يمكن اقل

على العموم مشكوره يا الغاليه وان شاء الله باتصل لولد خالتي اليوم وباعطيه اسامي الكتب والفلوس(باعطيه زيادة أحسن) وهو لما يرجع مره ثانيه البحرين عنده وقت عشان يشتري (الاجازه اليايه بتكون اجازه نهاية الفصل الاول)

هلا والله ..

اعذريني ع القصور..

اليوم شفت كتاب كيف تخطط لحياتك ب3 ونص بذات السلاسل..

دورت الباجي واللي اتذكرهم ماحصلت ..

 

[Q8 Jewel]

[Q8 JEWELشدعوه بنات ما احد رد على سؤالي :0bee2e8d89:

ميخالف اختي اعذريني انا بصراحة مو تجاهل الله يشهد بس ناسية هالنوعية من زمان قاريتها
فما حبيت اقول شي مو متاكدة من الاسم او المؤلف .. فقلت اخلي الخوات يردون
ولا تزعلين منا يا الغالية .. :eh_s(17):

تسلميـن والله على الرد .. جبرتي بخاطري حبيبتي :eh_s(7):​

 

[dreamer_33]

اوووبس غلطة غير مقصودة @@ انا كنت اتكلم عن المنفلوطي مو الرافعي ..

واللي عجبني بـ ماجدولين مو رومانسيتها كثر الاسلوب اللي تفوق فيه المنفلوطي مع انه قرا القصة مترجمة من الفرنسي .. يعني ماقرا الاصلية ( لانه مايعرف لغات! ).. بس اسلووووووووبه ولا اروع !

اللؤلؤة السوداء ..
بالعكس ذهب مع الريح حلوووووة .. اذا تحبين هالنوعية من الروايات اقريها
ومجدولين .. اقري كلامي عنها فوق ^^

( قصاصات قابلة للحرق ) كاتبها د.احمد خالد توفيق و لو تقرين رواياته راح تلقيين اكثر .. لانه هذا اسلوبه

اممممم اذا تحبين سوالف الميتافيزيقيا والماورائيات .. اقري سلسلة (ماوراء الطبيعة ) انصحج بالبداية باللي انا قريتهم في بداية تعرفي على هالسلسلة واعتبرهم الاروع بصراحة اعطيهم 1000000% :ggdw:

العدد رقم 3 (آكل البشر) لاتخترعين من العنوان الرواية عجييييييبة ومشوقة لاقصى درجة :eh_s(6):

والعدد 9 (لعنة الفرعون) عن لعنة الفراعنة اذا يستهويج هالجانب ، عجبني فيه بعد كلامه عن خطيبته وكلام خطيبته عنه لوول

والعدد 10 (حلقة الرعب ) مجموعة اصدقاء اضطرتهم الظروف الجوية السيئة انهم يباتون ببيت واحد فيهم كانوا متجمعين عنده وكل واحد فيهم - عشان يقزرون الوقت - قام يقول قصة مرعبة صارت له ! والنهاية مفاجئة :eh_s(6)

والعدد 12 (اسطورة البيت) روووووووووعة ماابي احرقها عليج !

العدد 30 (بعد منتصف الليل ) نفس حلقة الرعب " مجموعة قصص مرعبة " بس الفكرة غييير والحبكة مختلفة تماااااااما

اقري هذيل واذا اعجبوج .. شني هجووووووووم على السلسلة :dddds:

على فكرة تقدرين تطلبينهم من الظمني للتوزيع يوصلونهم لي البيت


وسووووري على الاطالة ..

 

[.]

مرسي دريم..

انا ماسكه نفسي وانتوا تبون تخلوني اتهور..

 

[حبيبه امها]

السلام عليكم
شلونكم بنات ؟
اول شي
camilia
ريحانة 14
jojo
ماشاء الله عليكم تبارك الرحمن .. وايد عجبتني كمية المعلومات الي تعرفونها وطريقة نقاشكم
ومثل ما قالت ريحانة .. يمكن في اختلاف بطريقة طرح الموضوع لكن تتشابهون بالغاية
ربي يباركلكم ويحفظكم​

 

[حبيبه امها]

الشي الثاني ترا يا بنات عورتوا قلبي كل ساعه تمدحون كتاب.. ودي اقراهم ..
ما ادري شنو ببدي فيه ؟
رونة بصير نفسج بزهب لستة .. واخر شي ناسية شنو فيها الستة ​

 

[حبيبه امها]

smart lady طبعا انا نفسج افضل الكتاب له متعه خاصة.. وانا اساسا ما احب اقرا وايد من النت
لكن بحكم اني بغربة فاضطر اني انزلهم من النت
ماشاء الله اختيارتج موفقة .. عندي فكرة عن بعضهم
ا1-لكتاب why men love/ bitches
انا شخصيا ما قريتة .. لكن وحدة رفيجاتي قرته وايد تمدحة .. وقعدتنا جم مرة وعطتنا درروس منه
مثل ماقالت camilila
اهم مو قصدهم البنات الي مو زينين .. قصدهم شلون الرجل يفضل المراة الي شخصيتها قوية ذكية واثقة من نفسها
وهذا بصراحة تشوفينة صحيح ينطبق بالحياة
2- الرجال من المريخ والنساء من الزهرة .. فعلا حلو وسلسل
3-لا تحزن .. هم فعلا كتاب قيم وحلاتة تخلينة حواليج من وقت لي وقت تقرين منه
4- دانيال ستيل ... قريتلها جم رواية بعضهم عجبوني وبعضهم لا عادي,, بس طبعا هالشي يختلف من قارىء للاخر ..
5- الخيميائي ( وياريت camilia
تفيديني - او اي وحدة من الخوات قاريتها ) اسمع مدح وايد لها .. بس انا قريتها من فترة ..فقط بالبداية وما كملت ما شدتني .. فما ادري يمكن استعيلت بالحكم ؟

 

[Om eL-3a9aGeeL]

السلام عليكم

تصدقون توني أطيح عالموضوع .. أشوف الصورة بتواقيعكم بس مادري شالسالفة

آنا احب اقرا بس مشكلتي ما اداوم عالقراية
يعني أبتدي بالرواية اول جم صفحة وبعدين اقطع مادري ليش =/

بس احس اسلوبي كل ماله ويتعدل بالمناقشة من خلال الكتب اللي اقراها

أكثر شي اقراه الحين روايات لأنها ما تملل بسرعة وانا بسرعة أمل !!

:

رواية (يوم الحدث) للكاتب خالد عادل النصرالله
الكاتب توه صغير والرواية حلوة بالنسبة حق كاتب مبتدئ

الأحداث في البداية بطيئة وكلها غموض
في آخر الرواية ينكشف كل شي وصج شي ما توقعته !

:

رواية (عيون على السماء) لـ قماشة العليان

لما كنت بشتريها وحدة قالتلي مو كبيرة عليج هالرواية ؟
بس ما اهتميت

وكل ما قريت صفحة أدور فيها شي كبير علي مافي؟ الظاهر اخترت خوش رواية

المهم
حدها حدها حدها حدها عجيبة سهرت عليها عشان اخلصها وتبجججي حق اللي تحب تبجي
أسلوب الكاتبة مو طبيعي ماشالله وبكل صفحة يصير حدث يغير مجرى القصة !

اللي تحب هالنوع لازم تقراها

:

حالياً قاعدة اقرا رواية غيشا بس توني بالبداية

في كتب مترجمة الاسلوب فيها يكون مو حلو وركيك
بس ترجمة هالكتاب وايد عاجبتني -لحد الآن- والأسلوب حلو ..

:

جني وايد قرقت ؟؟

 

[dreamer_33]

ماادري شفيه المنتدى كله يفصل عندي :/

السلام عليكم بنات ..

ابي منكم اسامي روايات انجليزيه كلاسيكيه يعني نفس طقة Pride and Prejudice , Persuasion . Jane Eyre

يعني من هالنوعيه ..
:eh_s(22):​

هلا والله وعليكم السلام والرحمة ..
قاريه Gone with the wind ؟؟ صج من روائع الأدب العالمي .. وطبعا سووها فيلم بعد كالعادة
وعندج روايات تشارلز ديكنز اذا تحبين هالنوعية .. اوليفر تويست ، ديفيد كوبرفيلد ، قصة مدينتين ، ... إلخ ، وكلهم حلوين ..

Smart Lady
( كيف اصبحوا عظماء ) انا كنت شاريته من معرض الكتاب بالجامعة .. بس مااذكر والله من اي مكتبة بالضبط ؟
كتاب يحمس الواحد صراحة وممتع في سرد قصص عظماء تعبوا لحد ماوصلوا للي نعرفه عنهم ..
كتاب رائع و لو انه صغير بمحتواه ..

جوجو .. لا والله ماقريته ! واوافقج الرأي في نظافة - ان صح التعبير - كتابات احمد خالد توفيق ..
وكتاباته بالمؤسسة تمشي على الخط اللي معتمدته المؤسسة لنفسها ..بس يمكن يخدم الرواية مااعتقد انه انحط عبط ! و لو اني ماحبيت كلش سالفة اللي يعاشر مره ميته :/

وسافاري تهبل ليش ماقريتي الا 3 منها بس ؟! هالسلسلة عزيزة على قلبي بعد ماوراء الطبيعة .. خصوصا : الحريق ، رقصة الموت ، تجربة محرمة >>> اعدادي المفضلة :eh_s(6):


نماين ..

بعد منتصف الليل .. راائعة اصنفها بالمرتبة الثانية (بعد حلقة رعب) بحلقات الرعب اللي تكرر كل عشر اعداد من السلسلة

بس (الجاثوم) كلش ماحبيتها :/ جو القصة موحش وكئييييييييب



اللؤلؤة السوداء .. نسييييييييييت اقولج لا تقرين اللي عندج قبل تقرين اللي قلت لج اياهم عشان تفهمين شسالفة .. واللي قلت لج عنهم احلى من اللي عندج من وجهة نظري ..

 

[dreamer_33]

رونه ..
احنا ماراح نخلص هالموضوع الا وانتي منضمة لقائمة قراء اد.احمد خالد توفيق لووول

وراج وراج لحد ماتطيحين بغرام رفعت اسماعيل وربعه

نصيحة بلشي باللي ذكرتهم للاخت اللؤلؤة السوداء وبعدين تعالي قولي رايج ؟! ترا كل عدد فيهم يمكن ب350 فلس !! لانها روايات جيب يعني صغيرة كبر الكف ..

شرايج ؟؟

 

[Anastasia]

دريمر صاجة الجاثوم ماحبيتها ..
.
احس غير فكرتي الاصلية عن الياثوم .. يعني احنا كلنا نعرف انه الياثوم اللي يخنق بالليل صح .. واذكر مرة قريت انه مع كثرة الاكل والتخبص قبل النوم الحجاب الحاجز مادري شيصير فيه فيضيج على الرئتين فيصير فيه ضيق بالتنفس ..ومع النوم اهني يشتغل عندج الجهاز السمبيثاوي والاسمبثاوي الي يكون بالحبل الشوكي اظن .. فيقعد يصورلج خيالات وصور .. واهو بالنهاية مجرد اختناق بسيط فهمتي هذا التفسير العلمي .. التفسير اللي تعودنا عليه انه يني او شي جذي ايي حق اللي ايمانهم ضعيف او صلاتهم لج عليها .. ومجرد ماتذكرين الاذكار يروح هذا يدتي قالتلي هالتفسير ..
.
اللي قريته باسطورة الجاثوم انه اكلومنسي .. اللي يصير سحر انج تاكلين مثلا عيون ميت تشوفين اللي شافه .. واذا كليتي حلجه عرفتي شقال وهكذا .. ماحبيتها كئيبة وتضيج الخلق ..