رابطة "دودات الكتب " .. حياكم

[Little_Queen]

احنا هنيييييييييي يا أحب بابا جابر


مادري شسالفة اليوم السوالف كلش مو عن الكتب ! تكلمنا عن صورتي و عن الانيميات و عن سبونج بوب


و طبعا يا جماعه لا ننسى نتحمد بسلامة اختنا العزيزة جوجو !! بعد نجاتها من الحريق المهوللللل بسبب الريلاكسيشن مالها !! انا قلت الي يقرا هالرواية اليابانيه عمره ما رح يشوف خير في دنيته من عقبها !!!!!!!!!!!


فضفضي ياختي و قولي الي بقلبج كلنااااا سامعينج

 

[Little_Queen]

رووووووووووونة اليوم عيدميلادج ؟؟؟؟


كل عام و انتي بخيييييييييييييييير يا قلبوووووووووووووووووووووووووووووووو

و سبونج بالعربي يووونس ترى عبيط فاصل و احلى شي في دبلجه نيكيلوديون انه مو كله بالعربي الفصحى .. يتحجى فصيح بعدين يقطلج قطه بالمصري !! يونس دمه خفيف

 

[Anastasia]

هههههههههههههههههههههههههههههههههههههههههههههه
لتوووول ستري على ماوايهتي ههههه شكلي بطق اللثمة علما تنسون السالفة ..
ههه
.
صااجة هالرواية قبس قطييعة لووعت جبدي .. هذا غير التفاصيل الملووعة للكبد الكبودي خخخ
.
احب بابا جاابر
ز
نحنوو هناااا حياج وبيااج ..
الكتب شنقوول وشنخلي ,, تدرين شلووون .. ردي الصفحات اللي ورا وشووفي شكتبنا
>.<

 

[أحب بابا جابر]

هلا لتل كوين
شفيها عسى ماشر وشنو الكتاب اللي قرته الله يستر ؟

 

[أحب بابا جابر]

واي بنات المنتدى صاير بطيء مو راضي يبطل
جوجو الحمدلله عالسلامه عسى ماشر شنو هالروااااايه
تعالي اسمج اسم مغنيه صح ؟

 

[Anastasia]

ههههه
جكيتيني .. عاد البنات كلهم عبالهم دلعي .. بس انا مسمية على جوجو جوانا اللي باكوا مارين .. تينن
.
الرواية انا كاتبه عنها قبل صفحتين يمكن ..
.
وسالفة الحريجة توني حاطة عنها موضوع بقسم القضايا النفسية والاجتماعية .. ههه

 

[أحب بابا جابر]

eeee jojo elle tgool "get ouuuuuuuuut it's the end of you and meeeeeee" .... eee
انا شفت الموضوع بس ما دريت ان انتي امبيه حبيبتي ما تشوفين شر اجر وعافيه
بناااااااااات حطو سكوب شوي وتصك هوشه بين عايشه الرشيد واحمد الفضلي خخخخخخ

 

[.]

هلا رونه
شلونكم
انشالله تمااااااااااااام
داشه اشوف اخر الكتب اللي تمدحونها .....

هلا فيج..

الحمدالله بخير دامج بخير..

اهلين رونه هلا بال birthday girl
صج شفتيه ؟ رونه اطالبج بالتفصيل الممل الممل الممل يلا قولي
ليتل كوين بالعكس حلوه ابتسامتج مدري ليش مو مقتنعه و الله مو قاعدين نجامل
صاجه منهو مثل الربعي الله يرحمه محتاجين واحد مثله عن جد محتاجين خصوصا بهالوقت

هلا فيج بتوي..

ماكو كنت بطلع الصبح بس لانه غبار مادومت..

انام شويه وارد اقعد ع الساعه 2 يابو هديه وكيكه من رفيجتي واختها وعقب يا اخوي يقولي يبيلي كتاب بقراه وانا لاهيه اصور اغراضي خخخخ اثر يبين اروح داري بعد جبدي يايبي لي كيكه لما رحت صدفه طبعا ولا اقول اوه من ياب الكيكه توني مخليتها تحت صادف انه اخوي واخت رفيجتي يايبينها من سابليه خخ بس اللي خلاني ادري انها من اخوي انه كلتب كل عام وانتي بخير زيتونه

استانست حدي..

ولبست فسطاني و صورت مع كيكتي ولبست ولد اختي بيجامه وكبوس ع اسبونج واهو تليعن كله يبيجي بس هم صورت معاه خخ..

وطفينا شمع وكلينا كيك ووزعته ع الاهل والاقارب خخ وسلامتج..

اي بس من زمان شايفته الله يرحمه وكنت مسجله عند ماده بس سحبتها بدون لا ادوام ولا مره..

ومرسي..

 

[.]

رووووووووووونة اليوم عيدميلادج ؟؟؟؟


كل عام و انتي بخيييييييييييييييير يا قلبوووووووووووووووووووووووووووووووو

و سبونج بالعربي يووونس ترى عبيط فاصل و احلى شي في دبلجه نيكيلوديون انه مو كله بالعربي الفصحى .. يتحجى فصيح بعدين يقطلج قطه بالمصري !! يونس دمه خفيف

يس خخ..

وانتي بخير يارب..

مشكوره..

شوقتيني يبيله عيل..

احب بابا احنا نحوس ونرد..

جوجو وي الحمدالله ع سلامتج..

خل اروح اتطمش

 

[أحب بابا جابر]

كل عام وانتي بخييييييييير
وبالعافيه الكيكه

 

[.]

وانتي بخير يارب..

والله يعافيج يارب..

ومشكوره احب..

 

[أم بنوته]

هااااااااااااي شلونكم بنات
خوش موضوع ،،،،،،،،،،،،،،،،،، حدي متأخرة هههههههههههههههههههههههههههههههههه :dddds:
توني أشوف الموضوع من زمان ما دخلت المنتدى
بس عجبني وايد .............. و حبيت أشارك وياكم بس ما قريت إلا الصفحة الأولى
آنا مدمنة قراية من الصغر و أي كتاب أسمع عنه أروح على طول و اشتريه
بالنسبة للكتب اللي توني مخلصة من قرايتها رواية " امرأة و ظلان لخلود الخميس " حدها رووووووووووعة
و رواية بنات إيران لناهيد رشلان بعد وايد حلوة
بس صارلي فترة أدور على كتاب " الحب في زمن الكوليرا " لغارسيا ماركيز بالانجليزي و العربي مو لايقة
ممكن تساعدوني و تقولونلي وين ممكن أحصل الكتاب ؟؟
مشكورين وايد​

 

[Little_Queen]

ام بنوووووته

والله حتى انا قاعده أدووورها دوااارة الحب في زمن الكوليرا


بس لحد الحين ما لقيتها ....


اذا لقيتها اكييييييد بقوووولج وين والي يعافيكم الي تشوفها في أي مكااان تقولنا

مطلوووب حيا أو ميتا ! و حياج الله في رااااااااااابطتنا الحلوة

------------

و احب بابا جابر ..

دشي من بروفايل جوجو دوري بمواضيعها ليما تلاقين سالفة الريلاكسيشن و الحريجه !!!

و الرواية الي قرتها الله يسلمج رواية يابانيه مافيها ولا بني ادم سنع

وحده تعذب خدامتها
و بعدين ولدت و شالو رحمها
و زوجها خانها
والي سوا العملية طلع دكتور بس جنس ثالث
و يستمتع بالعمليات و الدم
و مادري منو طق مادري منو
و فلان طلع من اكلة لحوم البشر

يعني رواااااااااااية تكرهج في الدنيا و الناس و في نفسج !!

 

[Little_Queen]

و مبروووووك يا رووونة بس ما قلتيلنا شيابتلج رفيجتج هدية ؟؟؟ :> لقااااااااااااافة !!!!!!!!

 

[.]

السلام عليكم..

ليتل موجوده بشنو شريتي اليوم

مشتاقه اكمل السجينه..

 

[End Girl]

جوجو شوقتيني اقرى البحر والسم :d
بس من وين شريتيها ؟

 

[Betty]

رونه عسى كل ايامج سعاده يارب
حسافه ليش سحبتي
عاد انا داشه آداب أملا أن يدرسني بس توفى الله يرحمه
سأله يوسف الجاسم هالسؤال و شوفوا شنو كان رده

أين تجد نفسك في مدرجك امام طلابك كأستاذ بالجامعه ؟ أم في زاويتك الصحفيه ؟ أم في موقع سياسي ؟
الرد : أجمل اللحظات عندما أغلق الباب في صفي و دائما أقول إن رائحه الطباشير في الفصل هي أجمل أنواع البخور الذي أشمه و طلابي هم المستقبل بالنسبه لي و لي علاقه حميمه بطلابي حتى الذين تخرجوا منذ 15 سنه و المهم أنك كيف تتعامل معهم لأن مشكله الاستاذ الجامعي أنه يتعامل بفوقيه و بعض تسلط لذلك مكاني الأول و الأخير في الفصل.

الله يرحمك برحمته يالغالي و يغمد روحك الينه

 

[dream]

يا دودات الكتب .. والله القراءة مافي احسن منها ..

أمس قريت كتــاب يا جماعة لا يطوفكــم انا شريته من باب الصدفة والحمد لله اني شريته ..

كتاب لا يتجاوز الــ 70 صفحة .. لكن فتح علي ابواب مغلقة ..

ما اقول الا جزاكـ الله الف خير يا د.صلاح الراشد

كتاب : كن مطمئنــا (البرنامج العملي للتغلب على القلق)

المؤلف : د.صلاح الراشد

صورة الكتاب :




بما احنا من دودات الكتب راح انقل لكم هالملاحظة المقتبسة من الكتاب علشان اشارككم فيها:

هناكـ أنــاس فقط يقرءون ولا ينفذون ومن ثم هم لا يستفيدون وهناك اناس يقرءون ويطبقون لفترة بسيطة فهؤلاء يستفيدون قليلا لكن الذين يستفيدون حقا هم الذين يطبقون ويستمرون وبعزيمة قوية فكن منهم ..

مواضيع الكتاب :

تتعرفون على أنواع القلق
تتعرف على وصفة وعلاج القلق
تمارين متنوعة وذلك لمعرفة أسباب القلق وتحليل المخاوف وكشف نقاط الضعف النفسية واخرى
تتعرف على الايجابيات العشر
تتعرف على العلاج الاكيد ..


يا جماعة اسلوب الكتاب العجيب وما ودج اتصكرينه مو اسلوب الكتب الثانية المملة وفيها الهذرة زايدة..

هذا الكتاب يدعم الحقائق والشرح بقصص قصيرة واقوال غير طبعا التمارين ..

ممتــااااااز

اختم كلامي بجملة مؤثرة مقتبسة من الكتاب..

(السعادة تأتي من داخل الانسان الى خارجه .. وليس من خارجه الى داخله )

جيمس شيرلي

 

[camilia]

يه يه يه
لتوووووووووول ايه الجمال ده اخصصصص عالشيييلة الخطيرة البطييرررة يا العياارة شكلج ستااايل والله شحلااتتتج وميك ابج ناعم وذرب احلى وااي انا دم ضرووسي الميك اب الثقيل ..
.
سالم الرميضي اخو رفيجتي شعره ما شا الله قوي و.. امممم .. ماني لاقية الكلمة المعبرة .. احسه يعني اممم من الزمن الجاهلي الغاابر ..
.
بنات انا فتلكم من فترة اني قاعدة اقرا رواية "البحر والسم" للكاتب الياباني "شوساكو إندو"
.
الرواية رغم انها مترجمة لكن لغتها بليغة وقوية وممتازة اعطيها عشرة من عشرة ..
.
الرواية رغم انها كئيبة وتلوع الجبد احيانا , وقصتها وحشية ودموية بعض الشيء الا انها عطتني فيو او نظرة على مجتمع ومنهج غرييييب عجيب
.
الرواية بشكل عام تتحجى عن مجموعة اطباء يابانيين قامو بسرية تامة اثناء فترة حرب اليابان وامريكا بالتعاون مع ضباط من الجيش الياباني باقامة تجارب طبية وحشية على مجموعة من الاسرى الامريكان !!!
الرواية فيها شيء من التفصيل اثناء العملية ..
اعطيكم امثلة على العمليات
يحسبون جم الحد الاقصى للحياة عند استئصال الرئة .. يعني متى يموت الانسان اذا استئصلو الرئة اليسرى ويمشون للرئة اليمنى لمن ايموت .. فهمتو يووه ياربي ماعرف اشرح
.
التجربة الثانية جم مليمتر من الهواء يحقن بالدم يكفي لقتل الانسان
التجربة الثالثة نفس الشي بس جم مليمتر من الماء المالح يحقن بالدم يكفي لقتل الانسان ؟؟!!!!!!!!
.
الفكرة واضحة ..
لكن التفاصيل الغريبة العجيبة .. اهيا اللي شدتني ..
.
بنات انا كنت ولازلت اتابع الانميات اليابانية تعرفونها ؟؟ الببايات اليابانية
.
عمري بحياااتي ماتصورت ان الجنس الاصفر فيه هالوحشية والاانسانية !!!
صحيح كنت ادري انه فطرتهم ممسوحة يعني شي طببيعي-وسامحوني على التعبير- الاخو يشتهي اخته او رفيج يحب رفيجه !!!
بس الوحشية هذي اللي تخليهم ياكلون جبد الجندي الامريكي هاذي مامرت علي واااي !!!
.
الرواية اتييكم على شكل انهم ياخذون كل شخص من اللي شارك بالجريمة الطبية ويفصفصونلج بحياته وتاريخه ..
ممرضة تزوجت وسافرت لمستعمرة يابانية بالصين .. وكانت تعذب خادمتها الصينية الصغيرة بالطق
زوجها كان يخونها .. عقب يوم يت ابتولد مات ولدها واستأصلو رحمها .. طردها زوجها وردت لديارها واشتغلت ممرضة بمستشفة في قرية فوكوكا وشرتلها جلب وقامت اتطقه وتعذبه !!!!!!
.
دكتور جنس ثالث .. ويتسلى بالعمليات .. واهم ما يهمه المنصب رغم الحرب !!
.
دكتور مقيم .. حياته منذ الطفولة كلها جذب بجذب لليتبوأ مكانة ويكتسب هيبة عند الناس .. وكان يزني مع بنت خالته اللي سكنت معاهم فترة قصيرة .. وحتى عقب زواجها راحلها اببيتها!! واقام علاقة مع الخادمة الصغيرة اللي كانت تنظفله سكنه اثناء دراسته الجامعية بكلية الطب .. ولمن احملت قام وسوالها عملية اجهاض وبايده (استأصل الكتلة الدموية) دونما اهتمام بحياة البنت .فاهم شي عنده سمعته كيف اهوا ولد الناس يرتبط بوحدة وضيعة !!
.
وغيرها الكثييير ..
.
رغم سوداوية الرواية .. الا اني استمتعت براءتها .. تماما مثل متعتي حين اشاهد افلام الرعب القوطية مع كرهي لها
.
>>>>مو مصدقة انا كتبت كل هذا إهب هههههه

هالقققصه حييل دخلت مزااجي !
يااربي ترا ما اواطن هالجنس , ادري عنهم من زمان وحشيين وحقودين .
يمكن اليابانيين شوي ارحم , بس بعض الصينيين وي وي وي وحووش مو بشر !
المهم من وين خذيتي القصه؟

 

[عاشقة الكاكاو]

الله ونااااااااسه توني اشوووف الموضووووع

اذا ممكن اشااارك معاااااااااكم ابي اقولكم عن اخر الكتب اللي شريتها

وبديت اقرى فيها طبعا خلصت 2 وبااجي 3

اللي قريتهم : الرجل الحيوان حق فوزية الدريع

أزهار البيانو حق خالد الحربي

والحين راح اقرى :

العناق الاخير حق اميل منذر

واختلاس حق هاني نقشبندي

طبعا شدوووني واايد كلهم روايات ما عدا كتاب فوزية الدريع رووووووووووووووووعه

انا في البدايه ما تقبلت الفكرة لاني ماحبها وايد

بس الحيييين واااااايد راجعت نفسي من عقب كتابها انصح الكل يشتريه

وان شاء الله كل شي يديد اشترييه راح اقوولهكم عنه

لاني امووووت بالقرااءة وعندي اكثر من رواية اتمنى اطبعها وانزلها السوق بس ماني عارفه الطريقة بالضبط

احس الموضوع صعب

تقبلوا مرووري يالغالين