رابطة "دودات الكتب " .. حياكم

[.]

مرحبا مراحب

شلونك شخبارك روووووووووونه


جذب انتباهي ( حلللوة هالكلمة )

اسم قلبي ليس للبيع


تدرين قاريتها من ايام الجامعة اهي ان ما خاب ظني مجموعة قصص رومانسية كاتبها نبيل فاروق واذكر انها كانت زينة يعني مو واو

الا شرايك اطرشها لك بدل القرقة الزايدة ؟

هلا والله..

الحمدالله الله يسلمج انتي شلونج؟؟

القلوب عند بعض كنت داشه بسلم عليج..

ماتقصرين بعد عمري..

يعني تسوا اطلبها ولالا ..

مشكوووره..

 

[Anastasia]

ببنات ما تعرفون صالون مضمون حق الصبغات لاعت جبدي من الدوارة وصراحة مابي اخرب شعري عالفاضي ابي شغل مضبوط ..
حفلة تخرجي قربت ..
.
رونة ياعمري ماطلبتي .. بس مافهمت شنو طلبج بالضبط ..
يعني تبين قائمة كوكتيل ؟
ماعرفها رونة ولا جربت اقراها .. بس اكيد اي شي يكتبه نبيل فاروق رومنسي يطلع زوغة ..
له سلسلة اسمها زهور .. تينن رومنسية شريييفة حب راقي ..

 

[{ PiNk }]

قوة بنات

انا احب القراءة بس فترات اقطع عنها وارد لها ..وهالايام راده لها وخصوصا اني معطله .. مقزرتها ع القرايه



بدايتي تقريبا نفس اغلبيتكم ..
حبيت القصص من المكتبه الخضراء ..كانت امي تقراها لنا قبل ما انام .. وكنت اخاف من قصة الفأره البيضاء اذا تذكرونها ..صورة العجوز الي على الغلاف تخرع ..لوول

وبعدين على مجلات ماجد ( بالبدايه كنت ادور فضولي بس بعدين اقطها مو شرط اقراها بس بعدين صرت اقراها ) ومجلة ميكي .. واحب المجلدات المصريه الي تجي صفحه ملونه وصفحه ابيض واسود.. لحد الحين اقراهـآا ..
بعدين ادمنت على تختخ وربعه قريت كل السلسله مالتهم .. وصرخه الرعب بعد .. وسلسله ماوراء الطبيعه قريت منها بس موواجد تقريبا اقل من 20 ما ادري ليش ما كملت السلسله مع انها كانت تعجبني بس وقفت عنها..


اوكيه . باجي الروايات او الكتب الي قريتهم حابه اتكلم عنهم مو بس اذكرهم ..


بس اللحيـن بروح اشوف فلم العطر ..لان الروايه عندي من فتـرة بس ما قريتها .. يمكن الفلم يحمسني على الروايه ..

 

[#يتيمة جابر#]

السلام عليكم بنوتات


احب افيدكم ... الي عندها موهبه وتكتب شعر - خواطر - قصص - روايات

بس بلغه عربيه فصحى

حياها برابطه الادباء للبنات والشباب ومافي فرق بين الكويتي او غير الكويتي او كبير او صغير
عندنا ادباء من عمر 16 الى 100 خخخخخخ

دامكم موهوبين حياكم :eh_s(6):


بالعديليه - خلف نادي كاظمه - رابطة الادباء - منتدى المبدعين

كل اثنين الساعه 7​

:ggdw:

 

[.]

حياكم الله بنك ويتيمه..

بنك انا مثلج بتختخ وماجد..

بس روايات الجيب الحين ودي ابلش فيهم ان شاءالله..

ببنات ما تعرفون صالون مضمون حق الصبغات لاعت جبدي من الدوارة وصراحة مابي اخرب شعري عالفاضي ابي شغل مضبوط ..
حفلة تخرجي قربت ..
.
رونة ياعمري ماطلبتي .. بس مافهمت شنو طلبج بالضبط ..
يعني تبين قائمة كوكتيل ؟
ماعرفها رونة ولا جربت اقراها .. بس اكيد اي شي يكتبه نبيل فاروق رومنسي يطلع زوغة ..
له سلسلة اسمها زهور .. تينن رومنسية شريييفة حب راقي ..

مبروك التخرج..

وماقط صبغت شعري جان ساعدتج..

عيل ابي نبذه عن اهم ماقريتيه بكل سوالف الظمني << مانعطي ويه خخ..

 

[#يتيمة جابر#]

اختي الي تسال عن صالون

كل ديور

عند وحده اسمها سودابه


الصراحه وااااااايد عجيب شغلها


الي بالجابريه

 

[Bq]

الله يحييكم حبيباتي
اي دمعة غلا مو بكل انطيع قلبنا بس القصه تتكلم ان الشخص لازم يقود قلبه في العلاقات العائليه
ودايما القلب يكووون صاادق بالحب ...........
وحبيبتي كتاب غير تفكيرك ألقاه بمكتبة الظمني عشان يوصلي لبيت ؟

الصرآآحه أنا ماأدري بس انا شريته من مكتبت جرير

 

[.]

شلون اخلي بلوقي مشهور ؟؟

عندكم فكره؟؟

 

[Bq]

حسآآآفه ماقدرت اساعدج الأني بالأساس ماعرف شنو يعني بلوقي

 

[.]

هلا دمعه..

بلوق = مدونه الكترونيه..

توني مسويه لي وحده حاطه فيها مقالاتي وقراءاتي اي تعليقاتي وارائي ونبذه عن الكتب اللي قريتهم..

 

[~NaZaKa~]

نازاكا ...

بالعكس .. قراءة الكتاب أكثر من مره هي التي تفيدك فعلا ...

اول مرة تقرأين دون أن تعرفي ما ينتظرك ... تدخلين إلى المجهول .. و تعيشين مشاعر متناقضه و كثيرة تجعل كثيرا من فنيات الرواية تغيب عنك .. تحت تخدير المشاعر المتلاحقة بسرعه بسرعه

المرة الثانية تقرأين بتأني أكبر .. تركزين على تفاصيل صغيرة و دقيقة تشعرين انها اول مره تظهر لك في القصة .. و هذا ما يحدث معي الان .. هناك تفاصيل كثيرة غابت عني في قراءتي الاولى .... لأن في القراءة الاولى انتي تكونين جدا متشوقة لمعرفه ما يأتي في الصفحة القادمة ... فتطيرين شوي بالقراءة


اما المرة الثالثة فهذي عاد اذا كنتي تبين تنتقدين ... تكون بمثابة مراجعة شاملة للمشاعر .. و الفنيات .. و صغائر الامور

فعلا انا اقرا بهدف المتعه والتشويق
ومن اعرف الاحداث كلهم خلاص ما احس القصه تجذبني او تشوقني اقراها مره ثانيه
بس بجرب اقرا احلى روايه عندي مره ثانيه بشوف شنو طافني
اما النقد فأنا بعيييده عنه احب اعيش في سلام لووووووول

تسلمييييين حبيبتي هنووووده

ومنكم نستفيد :ggdw:

 

[][ الميـــــــار ][]

اهليين بنات =)
شخباركم ...
توني شفت فلم العطر وااايد حلو عجبني بس ما فهمت النهاية
من وين اشتري الرواية القاها بجرير ؟ يمكن لما اقرى افهم اكثر
وقصة "وسمية تخرج من البحر" مو بس حلوة عجييييبة انا وايد عجبتني ونهايتها دمعت عليها اسلوبها وايد حلو واذا على العبارات اللي ما عجبتج ليلى العثمان اسلوبها وايد جريء =) انصحج تقرين المرأة والقطة بتعجبج اكثر تهبل تهبل والله شكلي برد اقراها مرة ثانية

وامس قريت بكاء تحت المطر قبل ما انام خلصت الرواية بس بعد في وراها قصة ثانية مادي شنو اسمها اليوم بخلص الكتاب بس الرواية الاولى حلوة وحزينة توقعت النهاية بتكون غير !
السجينة من كثر ما تسولفون عنها حست نفسي ظايعة بالطوشة ;p لازم لازم اشتريها

 

[Little_Queen]

رونة ... طرشي اللينك مال بلوقج بالايميل حق اهلج و معارفج و ربعج ..

و حطيه بتوقيعج ...

و ........... كتبي فيه وايد و حرضي الناس يردون فيه ! ماكو إلا جذي ... و انا بعد والله ابي بلوقي يصير مشهور ..

بس معلش وحده وحده

اهم شي ..... سوي " نظرية الاتصال الجماهيري " و اتصلي بالجماهير خلها تتواصل معاج عالبلوق

---------------

جوجو .... صالونات !! بناااات ما تيوووزووووووووون ... مادري والله انا عمري ما صبغت شعري .. بس حوسي بقسم الشعر بتحصلين وايد موااازيييع

----------------

حيا الله بينك و شرادية

--------------------


أهم شي : يتيمة جاااااااااابر !!!!! حياج الله يا اختي ... و دعوتج مقبووووولة انشالله اشوفج يوم الاثنين !!! " قاعده أسوي روحي ماعرفج ولا أعرف رابطة الادباااء هاااا "

بنات صج والله انا اشكر يتيمة جابر انها دشت و عزمتنا كلنا ... و ارجو انه تلبون الدعوه ..

و انا اول وحده بلبي الدعوه يا يتيمة جابر ...... بس عاد أهم شي انج انتي تروحين !!!


و حياج الله في رابطة دودات الكتب
-------------------

نازاكا .... بالعكس .. النقد اهو الي يخليج تفهمين القصة بعدين و تشوفين سلبياتها و ايجابياتها و كلمة نقد مو شرط انج تقولين أشياء سلبية

ممكن يكون نقد بناء ! و تذكرين اشياء زينة .. هم هذا اسمه نقد على فكرة

-------------------

الميار ..... ليش ما فهمتي نهاية العطر ؟؟؟؟؟؟؟؟ آخر شي يوم راح باريس و كت العطر كله على جسمه ..... و تيمعو عليه المشردين ...

كلوه !!

قطعوه بضروسهم ...

و ما بقا منه غير هدومه و الغرشه !!


و بس ! مات


صراحة .. من أجمل و أحلى الافلام الي شفتها في حياتي ... بس الفلم مختصر وااايد اشياء من الرواية ...

استمعت بالرواية جدا جدا .. و بالفلم أيضا ...


يعني الفلم خلاني أشوف هالشخصية الي تعاطفت معاها .. و البنت الي تخيلتها ... و المخازن .. و البيوت ... خلاني أشوفها بأرض الواقع ! و هذا شي حلوووو


قعدت شريتلي فلافل بطاط من مطعم كناري !! و دقووووس ... و مخلل !! و مزجت جدام التلفزيون و تابعت الفلم !!! جووو رومانسي




و الي عندها الرواية و ما قرتها .. أنصحها تقراهاااااااااااااااااااااا لانها فعلا تحفة ادبية رائعه !

 

[~NaZaKa~]

لييييييتل طاااافني الفلم

نسييييت والله

ماتدرين متى الاعاااااده :""""""( ؟؟

 

[Little_Queen]

لا والله مادري .. اتوقع يمكن باجر عالصبح !! ؟

مادري والله بنات الي تعرف تفيدنا جزاها الله خير


افلام ام بي سي 2 الساعه 11 بالليل .. متى يعيدونها ؟؟؟

 

[~NaZaKa~]

حددي تأزمت صارلي سبوع ناطرته مادري شلون نسيت
دخلت اليوتيوب اشوف مقاطع عن خاطري لووول

 

[Little_Queen]

واااااعليااااااااااااااااااااااا نازاكا كسرتي خاطري


شوفي انا بصراحة رح أدوره على دي في دي .. إن حصلت بقولج والله لا تزعلين عشان خاطري





مشكلة يو تيوب مقاطعه قليلة عن الفيلم ...


الله يهداج جان حطيتي ريمايندر بالتلفون ...

بس والله لج وعد مني إن حصلته دي في دي أقولج :>

 

[][ الميـــــــار ][]

لوول نزاكة انا حاطة ريمايندر بالتلفون حرررررة من قالت عنه ليتل على طول تحمست للرواية بس صح وايد مختصر
ليتل انا ادري ان مات بس الناس شلون كلوه ما يدرون ان اهو انسان !! لول والله يبيلي وحدة اتناقش معاها ما ينفع جذي وفي بعد مقطع بالفلم اللي اول بنت شم عطرها اهو ذبحها بس يحطولج ان لما عاد المشهد اهيا ما شافتا بس التفتت! شلوووووون ؟؟
شكلي بقرا الروااية عشان افهم عدل وعقب بتناقش معاج وبالعافية أحلى جو سويتي =)

 

[Little_Queen]

يوم شاف هذيك البنت الي تبيع خوخ ... ثاني مره .. كان حلم .. قاعد يحلم ..

و الفلم مختصر وايد اشياء صج من الرواية يعني اهو اكو تفاصيل اكثر بوايد .. عقب المغارة يروح يقعد بمدينه يتبناه طبيب و يسويه حقل تجارب و يقعد يقوله انتا متسمم حمضيا مادري شنو و يسبحه و يغسله و ينظفه و يخليه بني آدم ذرب ! بعدين ينحاش منه و يروح حق المدينة الي فيها لورا ...



السالفة مو مايدرون انه انسان .. بالنسبة لي انه مغزى النهاية يقول : في الجوع و الفقر .. الناس تبحث عما يسد رمقها .. و ليس عما يمتعها !

مالهم خلق يطالعون شي جميل و يشمون رائحة جميلة .. أي شي من هالنوع يعني بالنسبة لهم .... طعام !


و ممكن أيضا إن ... الجمال الزائد .. يقتل صاحبه .. لأن حقيقة هذا العالم بشع .. و ليس عالم جميل !!


الفلم فيه وايد معاني ... و كل واحد حسب ما يشوف

 

[][ الميـــــــار ][]

اي صح انتي بعد ليش قارية الرواية فاهمة أكثر مني .. لوول حسيت نفسي غبية
مشكوره لتول ما قصرتي عالتوضيح انزين انتي من وين شارية الرواية ؟