رابطة "دودات الكتب " .. حياكم

[~NaZaKa~]

أحلى توووتا

ذكرتيني بأيام المتوسط كنت انا ورفيجتي نتبادل هالروايات من ورا امي لووووووووووووول

بس الحين ما قمت احب اقراهم مثل قبل احس جنهم مسلسل مدبلج

بس هم لهم ذكريات عندي : )
ناتشوو فديتج على هالرواياات وامين معلووف ذهب هالانسان قريت له ليون الافريقي بس الباجي ال حاطتهم ما قريتهم
شنو تنصحيني فيه ؟؟؟


طقوووسي

احب اقرا بليل على ضوء الابجوره وبفراشي وطبعا هدوووء

وهم عندي نوتين تقريبا اسجل فيهم اي عباره تعجبني او بيت شعر يستهويني
وعندي نوته اسجل فيها الكتب الي قريتهم
لاني انا وخالتي مسوين شروكه نشتري ونتبادل الروايات
فلازم نكتب

رووونه حبيبتي ولا مره قريت حق كتاب كويتين
مادري ليش احس ماراح يعجبوني
وودي اشجع المنتج الوطني هههههههههه
عشان جذي ابي نصيحتج
شنو اشتري حق الكتاب الكويتين ؟؟؟


وعيـــــــــــــــدكم مبــــــــــارك جميـــــــــــعا

 

[camilia]

قوة AGAIN

فيه رواية قريتها لكاتب عربي اسمه عبدالوهاب آل مرعي , الصراحة ماكنت اعرفه , واصلا اهو اول عربي اقراله , اللش شجعني اني اقرى لكاتب عربي وخاصه انه مو معروف ( على الاقل بالنسبة لي ) اهو عنوان روايته , شدني اسمها ....



"اليهودي و الفتاه العربية ..قصة الحب الخالدة"

شلون يعني يهودي بيحب وحدة عربيه ؟ لا وحب خالد بعد ! عشان ألقى رد لهالاستفسارات قمت علطول يريتها من الرف وحاسبت فلوسها من غير تفكير

القصة وااو وااو واااو , اللي قرت the alchemist راح تعجبها هذي وايد , مو لانها نفس الطقه لاا , بس فيها مغامرات وفيها ثقافه وحكم وقيم والله والله ما اجذب لما اقول ان الكاتب تحجى عن الرسول (ص) احسن من مناهجنا الاسلامية بالمدارس .
انصحكم وبشدة تقرونها اذا انتوا الحين مو مشغولين بكتاب ثاني , الرواية اذكر متينه وايد مادري جم صفحة لان الكتاب مو عندي الحين بس والله انها تسوى تقرين كل حرف بكل صفحة فيها !

 

[~NaZaKa~]

كاميليا شووقتيني على الروايه

احب هالنوعيه من الروايات

بس ما قلتي وين ممكن انحصلها ؟؟

 

[*أم*خالد*]

أحلى توته

نصيحة هالروايات مافيها فايدة .. لو تقرين كتب ثانيه او قصص روائية معروفه واااايد افيد لج
لأني غلطت وضيعت سنتين من حياتي وانا اقرا فيهم واللحين وايد متحسفه وماودي اشوف وحده تغلط غلطتي

 

[Little_Queen]

توته حبيبتي


رايي من راي أم مناف


صج انها مسلية و تشوق و تونس ... لكن في النهاية مالها أي فايدة .. يعني لغتها ركيكه .. البناء القصصي و الروائي فيها ضعيف

لا تسمن ولا تغني من جوع


حلو انج تقرينها من وقت للثاني ككسر للروتين .. لكن لا تخلينها اهي تكون كل قراءاتج لأنها لن تضيف إليك شيئا عزيزتي


جربي تقرين حق خالد الحربي " كاتب كويتي " .. كتاباته رومانسية هم بعد و لكن فيها فايدة و لغته حلوة و تنمي لغتج العربية و أفكارج و قصصه خصوصا فيها وايد افكار حلوة

و مو كل الحب عنده حب العشاق يعني ... يعطيج حب الاهل و يعطيج حق الاصدقاء ... مو بأسلوب بايخ و ممل بالعكس وااايد اسلوبه حلو


جربي تقرينله " نبضات فتاة ميته " .. هذا احدث اصداراته .. مجموعة قصصية

و اذا تحبين الروايات .. اقري ازهار البيانو وايد تونس







بالنسبة للطقووووووووس ...


انا بصراحة أحب اكون نظيفة .. متسبحة .. مغسلة جسمي .. و لابسه شي مريح

انبطح على بطني عالفراش و أقرا و انا اهز ريولي نفس نادية لطفي " والله لو تشوفني نادية لطفي و تشوف شكلي تكره روحها اني شبهت نفسي فيها !!! "

و اطفي التلفزيون و اسكر الباب .. بس لازم ليتات ليتات ماحب اقرا عالاباجورة ... و ما احب اقرا قبل لا انام لأني ان قريت شي كئيب بكتئب و ببجي و ماحب انام و انا مكتئبة يومي كله ينعفس


ماحب آكل او اشرب ..


احب بس اتم منبطحه و اقرا

 

[camilia]

كاميليا شووقتيني على الروايه

احب هالنوعيه من الروايات

بس ما قلتي وين ممكن انحصلها ؟؟

خذيتها من جرير
هالحجي قبل سنتين وانشالله تلقينها لانها والله حلوة لدرجة اني قررت اقرا روايات ثانية من اصدار هالكاتب لان اسلوبه وايد حلو وتحسينه مثقف وصاحب قلم واعي مو خرابيط يعني

 

[camilia]

اشوف الكل الحين قاعد يتحجى عن طقوسه لما يقرا , انا بالنسبة لي ماعندي طقوس معينة , ما اشرب لا قهوة ولا جاي لاني مش تبع ال fan club , المهم يكون يمي بطلي الماي واتغطى بالكفر , لاازم اكون عالسرير , حتى لما ادرس لازم عالسرير ما اعترف بالطاولة والكرسي , اي ولما اقرا شي لازم حلجي يتحرك , علج ولا مكسرات المهم فيه اكل يمي والليتين اللي فوق سريري لازم يكونون مفتوحين, ماحب اقرا على ضوء الاباجورة .. اممم و بس thats it thats all

 

[*أم*خالد*]

بنات تقرون أشياء ثانيه غير القصص ؟

 

[I am red]

انا عندي قريت كتاب الرجل الحيوان لفوزية الدريع ما اضاف لي معلومات قيمة بس مجرد تشبيه لكل رجل وتصرفاته لحيوان معين لكن مافي سب للذكر ابدا

عندي كتاب اعرف ما تفكر فيه ليما الحين ما قريته رفيجتي اهدتنياه للكاتبة ليليان جلاس من مكتبة جرير بس الكتاب عن انج شلون تقدرين تقرين الناس وتتعاملين مع كل شخص باسلوبة

وكتا الرجال من المريخ والنساء من الزهرة طبعا الكل يعرفة

هذي الكتب اللي مو روايات

 

[~NaZaKa~]

خذيتها من جرير
هالحجي قبل سنتين وانشالله تلقينها لانها والله حلوة لدرجة اني قررت اقرا روايات ثانية من اصدار هالكاتب لان اسلوبه وايد حلو وتحسينه مثقف وصاحب قلم واعي مو خرابيط يعني

سجلته بدفتلا الروايات الي بشتريهم
عاد حسافه امس كنت بجرير بس حدي كنت مستعيله بس سألت عن الغريبه خذيتها وطلعت

ان شالله لمه ارد من البر

 

[.]

رووونه حبيبتي ولا مره قريت حق كتاب كويتين
مادري ليش احس ماراح يعجبوني
وودي اشجع المنتج الوطني هههههههههه
عشان جذي ابي نصيحتج
شنو اشتري حق الكتاب الكويتين ؟؟؟


وعيـــــــــــــــدكم مبــــــــــارك جميـــــــــــعا

هلا نزاكه..

ايام سعيده يارب..

من زمان مو قاريه انا يمكن من سنتين موقفه مااشتري كتب..

بس هالمره راده بقوه ان شاءالله..

سند راشد انا قاريه له من قبل مثل ماقلت بالجامعه وتحديد باول سنه وعجتني نوعية كتاباته..

الحين بلشت اقرا لاس فيغاس طريقة القصه تشوق..

فخل اخلص واعطيكم الموجز ان شاءالله..

 

[.]

قوة again

فيه رواية قريتها لكاتب عربي اسمه عبدالوهاب آل مرعي , الصراحة ماكنت اعرفه , واصلا اهو اول عربي اقراله , اللش شجعني اني اقرى لكاتب عربي وخاصه انه مو معروف ( على الاقل بالنسبة لي ) اهو عنوان روايته , شدني اسمها ....



"اليهودي و الفتاه العربية ..قصة الحب الخالدة"

شلون يعني يهودي بيحب وحدة عربيه ؟ لا وحب خالد بعد ! عشان ألقى رد لهالاستفسارات قمت علطول يريتها من الرف وحاسبت فلوسها من غير تفكير

القصة وااو وااو واااو , اللي قرت the alchemist راح تعجبها هذي وايد , مو لانها نفس الطقه لاا , بس فيها مغامرات وفيها ثقافه وحكم وقيم والله والله ما اجذب لما اقول ان الكاتب تحجى عن الرسول (ص) احسن من مناهجنا الاسلامية بالمدارس .
انصحكم وبشدة تقرونها اذا انتوا الحين مو مشغولين بكتاب ثاني , الرواية اذكر متينه وايد مادري جم صفحة لان الكتاب مو عندي الحين بس والله انها تسوى تقرين كل حرف بكل صفحة فيها !

هلا كاميليا..

شكله الروايه تشوق ماشاءالله..

احب اقرا شي يفيدني ويمتعني بان واحد

بحطها باللسته المجموع الحين 14 خخ اللهم زيد وبارك..

 

[0(مـــســـ(مطير)ــــــك)0]

شسالفه موراضي تطلع معاي الصور ؟؟؟
من اي موقع تحملون بنات ؟

 

[0(مـــســـ(مطير)ــــــك)0]

الحمدلله بنات شكله ضبط معاي

هذي صورة رواية زهرة الصحراء اللي قلتلكم عنها بالاول .. وفضييييييييييييعه كلها احداث من اولها لي اخرها ولها جزئين بس ماقريتهم ..

[/url][/IMG]

 

[0(مـــســـ(مطير)ــــــك)0]

وهذا كتاب هذا الحبيب يامحب ... سيرة الرسول كامله من قبل زواج امه بأبيه بأسلوب مشوق ومع الايات واسباب نزولها..

[/url][/IMG]

ورواية ضحية راي اللي قتلكم مليغه .. موضابطه الصوره معاي .. بس للاخت الي تسأل

عن اسم المؤلف .. محمود محمد البغيلي ..

 

[Little_Queen]

حيا الله ام مناف

بالنسبة لسؤالج ... انا أحب اقرا الكتب الي تتكلم عن عادات و تقاليد الشعوب الثانية " مادري ليش " .. وايد احب هالنوعية من الكتب


مثل حول العالم في 200 يوم لأنيس منصور ...

و كتاب اسمه " قاموس العادات و التقاليد و الامثال المصرية ...... " من أرووووووع الكتب الي قريتها في حياتي لكن لحد يسألني من وين لأني انا اصلا مادري من وين .. مال يدي الله يرحمه !

و من الكتب الي اعتبرها مرجع رائع بصراحة كتاب " المساجلات في الشعر " ..تجميع:لسالم الرميضي

مقسملج الكتاب الى 28 فصل .. كل فصل بحرف ... و في كل فصل ميمع أشهر الابيات الي ابتدت بهالحرف

يعني مثلا حرف ال " أ" ... و ابيات ابتدت بحرف ال"أ" ... صج رائع و ممتع

بس مادري ليش حظج يا ام مناف انه كل الناس الحين قاعده تقرا قصص و روايات ... بس انا عن نفسي قراءاتي متنوعه ، بس يمكن الحين مكثفة قراءاتي عالمجموعات القصصية و الروايات لأني بحاول خلاص أستجمع أفكاري و نصوصي كلها عشان أطلعلي مجموعه قصصية .. فمحتاجه وايد اكثف قراءتي بهالمجال


بنات .. منو فيكم قرت كتاب : " تاكسي .. حواديت المشاوير " ؟؟؟؟؟؟؟؟؟؟؟

 

[Little_Queen]

بنات ...


انا فعلا فخورة في كل وحده في هالرابطة ... من كل قلبي اقول هالكلام و اليوم كنت قاعده أسولف ويا أمي عنكم


ما كنت أبدا متخيله ان الموضوع رح ينترس و يصير 9 صفحات في هالجم يوم البسيطين بس !

المشاهدات تعدت ال100 من اول يوم ...

و الردود اللهم زد و بارك ...

كنت متوقعه انه الاقبال ما يكون الا على مواضيع المكياج .. و الازياء ..

لكن فعلا بنات ..

انا اعتبر هالموضوع مصدر فخر لي كبنت كويتية انه في فعلا جيل من البنات الكويتيين فعلا لايزال يقرأ .. و لا يزال يبحث عن الكلمة المفيدة لقراءتها



تحية مني لكن يا دودات الكتب

 

[.]

خلصت لاس فيغاس..

امم الكتاب حلو ماشاءالله الاسلوب سلسل ..

اهو يندرج تحت ادب الرحلات..

بالكتاب ذكر انه دودة كتب خخ

وخلال الكتاب يعرض اهم الرحلات اللي سواها بلاس فيغاس بالصور ومع التقيمم بالاضافه الى وجود النصائح و ذكر المواقف الطريفه اللي مر فيها امم الكتاب فادني بوايد شغلات وحسيت جني مسافره معاهم..

في موقف ضحكني و وحسيته محور الرحله لانه عاد باكثر من مره بس طبعا بكل مره يكون ع حسب الموقف..

رحلة جديدة و كتاب جديد و أسطورة أخرى تضاف لأساطير رحلاتي التي لا تنتهي!
هده المرة كانت رحلتي الى مدينة لاس فيغاس ...!
الامر يبدوا سهلا ..
انا لست في فرنسا و لا تطاردي لعنة المنوناليزا ..
لكنها لم تكن رحلة طبيعية بالمرة ..
ففي المدينة التي لا تنام كانت لنا صولات و جولات و قصص لا تنتهي ..
عالاخر لا يمكنك ان تصدق بوجوده الا لو رأيته ..
هناك كانت مغامرتنا في قلعة السحر و قرب مدينة الأشباح ..
لقاءنا مع الساحر العالمي (ديفيد كوبر فيلد ) و المفاجأة التي نعدها معه ..
هناك تلك العروض الساحرة التي ننقلها لك و دليلك لتسسوق و تستمتع و تجوب لاس فيغاس ..
عبر رحلة تحمل الاثارة ..
و المتعة .. و .. و ..
و لكن نحسي يظل يلازمني ..
فهده المرة كان علي ان اواجه دو القدم الجبارة و القتلة في الفنادق و الباعة الدين يحاولون التودد بسخافة ..و ان اتعرض لتفتيش ( الدقيق ) ..!
ليس هدا فحسب ..
سنأخدك ايضا في رحلة الى مدينة الفن السابع .
(هوليود) ..
و هناك ايضا ..
لكن مهلا ..
لمادا لا تقرأ بنفسك لتعرف .. ؟

<< نبذه عن الكتاب اللي تكون بالغلف من ورا

سعره :3 دنانير..

موجود بسايت دايمون بوك..

انا شريته من الفيرجن..

سايت م . سند راشد..

http://www.sanadrashed.com/lasvegas.htm

وان شاءالله يعجبكم..

 

[.]

وهذا كتاب هذا الحبيب يامحب ... سيرة الرسول كامله من قبل زواج امه بأبيه بأسلوب مشوق ومع الايات واسباب نزولها..

[/url][/img]

ورواية ضحية راي اللي قتلكم مليغه .. موضابطه الصوره معاي .. بس للاخت الي تسأل

عن اسم المؤلف .. محمود محمد البغيلي ..

هلا مسك..

ازيك..

واي متشوقه ع هالكتاب دورته بفيرجن مالقيته..

بشوفه بذات السلاسل ان شاءالله..

مشكوره ع الصور..

هلا ليتل..

شلونج..

وايد حمستوني ارد اقرا انا اساسا احب اقرا وانتوا شجعتوني ارد

احس القراه توسع مدارك الشخص وتزيد من ثقافتنا..

امم عاد صج خاطري اصير كاتبه معني احس انفع للمقالات اكثر من القصص..

لي فضيتوا اقروا مقالتي مالت التخرج لو سمحتوا وعطوني رايكم.

احب اطور من نفسي من خلال اراء غيري فيني ..

 

[Anastasia]

عيدكم مبارك يا أحلللىىى رابطة بالدنيا ..
.
وعسانا نعوده وكا حبايبنا بصحة وعافية وفرحة وطاعته سبحانه ..