رابطة "دودات الكتب " .. حياكم

[Little_Queen]

بنات


باجر أكو امسية أدبية ..


رح تشمل القصة .. و الشعر ... و الخواطر .. و الشعر الشعبي بعد

اهي تبع نوادي التوستماسترز بالكويت

مسوين باجر امسية أدبية بعنوان " حمَلَة الاقلام "


حياكم


رح تصير في مركز مرتق بالرميثية ، قطعه 2 ، شارع ساطع الحصري ، بجانب مدرسة أبو تمام المتوسطة للبنين .


الساعه السادسه مساء ، 12-12-2008


تعالو بناااااااااات بليز و الي تبي اي تفاصيل زيادة تراسلني عالخاص

 

[نماين]

وناسة اخيرا لقيت تجمع لاهل القراءة

 

[نماين]

قاعدة احاول امر عالصفحات السابقة

مشاءالله في ازدياد...........

يا حلو القراءة و تقريبا بديت من قصص الغابة الخضراء والمغامرون الخمسة تختخ وعاطف ونوسة ولوزة ومحب

وادهم صبري و رفعت اسماعيل

انا مريت المعرض وشريت ثلاث قصص ماوراء الطبيعة لاحمد توفيق

واكيييييييد شريت اجاثا كريستي اخذت 12 قصة لها الله لا يوريكم شكلي انا واختي واحنا نختار يقصصها

بسطنا على الارض وقمنا نفرز القصص قريناها ولا ما قريناها


والهندي الي يبيع معانا يفرز ويقول اوكي مدام ما كو مشكلة مدام


تصدقون وقفت على قصة السجينة والغريبة بقيت اخذها بس ترددت ....... اللحين تحفت اني ما شريتها

 

[Betty]

اهلين ليتل كوين لا و الله عجبتنا يعطيج العافيه انا عندي الكتاب بس قريت منه شوي ما خلصته للحين و عذريني انتي و كل البنات ترا ما انتبه على كل الردود ساعات اغفل عنهم و ان شاء الله ان قدرت اروح الامسيه مشكوره انج قلتيلنا
الله قصص المكتبه الخضراء غرامي امبيه طلعت جم وحده كاهم قبالي واي و الله ذكريات
اهلين نماين الله وناسه قاعدين نزيد بدايتج نفس بدايتي و على سالفه اجاثا كريستي امبيه نفس الحاله بس اغلبيتهم كانوا عندي
انا جذي تحسفت اني ماشريت روايات كنت ابيها بالمعرض و السبه اني كنت متردده خايفه انه مايعجبوني بس خلاص خذيتها درس لوول مره ثانيه بآخذ ان شاء الله و اجرب

 

[Q8female]

ام مناف عزيزتي
عطني اسامي الكتب اللي قريتهم وافضلهم !!

 

[Little_Queen]

هلا فيج عزيزتي نمااااين و حياج الله في رابطتنا الحلوة

 

[نماين]

الي يهلي ما يولي .......... صح جذي او غلطانه

انا معاكم بس قاعدة اقرا الصفحات الي طافت

ومنها عرفت اني موبس انا وخواتي الي كنا نطلب من الظمني وي ذكرتوني فيه نسيته

بنات ما تعرفون شنو آخر عدد نزل من رفعت اسماعيل امبيه انا فقدت الذاكرة ........ نسيت كم رقم آخر عدد قريته

 

[0(مـــســـ(مطير)ــــــك)0]

انا حدي زعلانه عليكم ؟؟؟؟؟؟؟

شسالفه محد يرد علي كلش؟؟ شنو ردودي ماتطلع ولا انتم معطيني سكب والله صج زعلانه:0bee2e8d89::0bee2e8d89:

 

[hiroshima twinky]

شلونكم دودات الكتب
كل عام و انتم بخير
انا توني مخلصة رواية اسمها the kite runner
بصراحة واااايد مؤثرة
مسوين لها فلم بس الفلم ظلم الرواية وايد

 

[Betty]

أهلين بنات
مسك مطير كلش و لا زعلج عاد بس عذريني يمكن ماعرف الكتب اللي تقرينهم عشان جذي مارديت عليج يمكن
hiroshima twinky هلا و غلا حياج الله بالرابطه اي انا سامعه عنها عجيبه يقولون و صاجه الافلام تظلم الروايات واايد و تهضم حقها

 

[الإسراء]

يعطيكم العافية ,,
وموفقين

 

[Betty]

الاسراء يعافيج و يخليج حبوبه

 

[LA TROO7]

مسك ياقلبي أمرررررررررررررررررررري ونحن بالخدمه يمكن محد انتبه
وبخصوص القراءة السريعه حلوووة حق الشرح او تقرين لاحد بس موو شي اذا تقرين كتاب او روايه تضيعين المتعه فيها وسوي بحث عنها راح تلقين فوايدها ومتى تستخدم

بنات انا صاري يومين بديت بروايه زهرة الثلج حلووووووووة عن عادات الصين صججججججج غريييييييييييييييييبين احد قراها ؟؟؟؟
اجاثا كريستس من كنت مراهقه وانا اموووووت فيها تقريبا قريت كلللللللللللللل قصصها وعندي اياهم كلهم الي تبيهم تقوووووولي

احب كتب تطوير الذات عندي كتاب للحين مابديت فيه اسمه "من حرك قطعه الجبن الخاصه بي" يقولووووووون انه جوهرة نادرة هالكتاب
احد قراااة؟؟؟​

 

[Betty]

أهلين لا تروح لا ماقريت زهره الثلج منو كاتبها ؟
من حرك قطعه الجبن الخاصه بي قريته من زمان و الله حلو

 

[LA TROO7]

هلاااااا ياقلبي زهرة الثلج والمروحة السريه للكاتبه ليزا سي اتوقع ادب صيني عجييييييييييييييييييييييييييييييييبه

وشرايج بقطعه الجبن حلوو حلوو ولايعني ؟

 

[.]

رووونه

لووووول انا اول دفعه خذت الانجليزي بالابتدائي
عشان جذي كنت ضحيه لتجارب
وتأسيسي فااااااشل

هلا نزاكه..

عيل انتي كبري او اصغر مني بسنه اذا مواليد 88

شكلي اكبركم

 

[.]

غربة احساس -بنت ناس وقلبها ألماس -عهود الحب -مطلع الشمس- نماين..

حياكم الله..

انا حدي زعلانه عليكم ؟؟؟؟؟؟؟

شسالفه محد يرد علي كلش؟؟ شنو ردودي ماتطلع ولا انتم معطيني سكب والله صج زعلانه:0bee2e8d89::0bee2e8d89:

وي بعد جبدي..

انا رديت عليج قاعده ادور كتاب هذا المحب..

وكتاب اشبال المطران اذا تبون الفه لكم مستعده خخخ..

 

[.]

انا اليوم رحت المثنى مالقيت الا مكتبتين وكل وحده ادثر << اقدم من ال2..

ولاحظت الكتب الانجليزيه اكثر..

ودشيت بشتري كتب طلعت شاريه لعبه ع رجل الثلج

اشوه ماراحت ع الفاضي خخخ..

 

[Betty]

رديت لوول
لا تروح ترا قريته من فتره ما اذكر تفاصيله بالضبط بس كان حلو و يحط لج قصه الفيران و ترجمتها بالواقع يعني حلو يشدج عالعموم عند القرايه خلونا نقرا كل شي يطيح بيدنا بعدين نحكم شرايكم ؟ لأني بصراحه قبل كنت ما اتقبل شي اسمه شعر او شي اسمه فانتزايا بس الحين لمن سمعت البنات يقولون عنهم امبيه شوقوني اسمله عليهم الله يحفظهم << جني يدتهم لوول
و حسيت اني صج حرمت نفسي من كتب روعه و السبب اني كنت اقول لا اكيد هالنوع من الادب ماراح يستهويني بس بالعكس احس الحين قاعد يشدني اكثر و اكثر

 

[Betty]

رونه اهلين شلونج ؟
اي صح المكتبه الوطنيه اللي بالمثنى كتبها اغلبيتها انجليزيه بس اشوه الحمد الله شريتي لعبه عالاقل ما طلعتي من المولد بلا حمص لووول