وااااااااي بنات
واخيرا لقيت احد يساندني بهوايتي
انا من وانا صغيرة اقرا كل شي والحمدلله كنت شاطرة بالعربي وخصوصا بالتعبير
كنت اقرا قصص المكتبة الخضراء تذكرونها لوووول
ايام الابتدائي والمتوسطة لما كانوا يودونا المكتبة نقعد نقرا هناك كانت موجودة هالسلسلة كنت اموت عليها
وكنت اقرا ماجد و بعدين تطور الوضع وصرت اقرا ميكي لووول
بعدين يوم دخلت المتوسطة والثانوية كنت اقرا روايات عبير بس النسخ القديمة اللي انكتبت بالثمانينات
وايد احلى من اليديدة
بعدين قريت زنزانة رقم 60 مادري 90 مالت عزيزة المفرج وهي عن يومياتها ايام الازمة والغزو وشلون انأسرت وشلون كانت تنقلاتها يوم فكوا اسرها
وشنو صارلها بالسجن وجذي
وقريت يوم كنت برابعة ثانوي ذاكرة الجسد مالت احلام مستغانمي بس امبي احس نسيتهم كلهم ماني متذكرة شي
لازم ارجع اقراهم مرة ثانية
بعدين ومن جم سنة بدت كاتبة سعودية من الشرقية تنزل رواية طويييييييييييلة على النت اسمها انت لي
البطلة يتيمة اسمها رغد وولد عمها البطل اسمه وليد
وايد وايد وايد حلوة الرواية
اهيا مثل مسلسل وتبجي وتعور القلب
تبين معاناة البنت اليتيمة اللي تتربى ببيت عمها وعقب وفاة عمها تتبهدل والحرب تبهدلهم زيادة
مزج بين الحقيقة والخيال الحلو
انا وايد احب مؤلفات وكتابات هالكاتبة اسمها منى بس نسيت اسم العايلة
بعد شوي بنزل لكم قصة قصيرة من جزئين كتبتها السنة اللي فاتت وبغيت انزلها بالوطن بس قالي المحرر انها طويلة بالنسبة حق صفحة جريدة ويمكن القارئ يمل لو نزلناها على دفعات
فقمت وكتبت مقالات حق الوطن بس بصفحة يوم الخميس اللي تكون مفتوحة للكل
نزلت وحدة برمضان
ونزلت خاطرتين
وبعدين انتقلت حق مجلة اسمها يونيك ونزلتهم يمكن 4 او 5 مقالات
ثنتين منهم كانت مقابلات والباجي مقالات وخواطر
وفي مقابلة حصرية لهم مع بطل من ابطال مجموعة المسيلة بالمقاومة بايام الغزو
قريب انشالله بدزها لهم علشان تنزل بعدد شهر فبراير
المهم
قرقت وايد
د احمد خالد توفيق مواهوا نفسه الدكتور اللي يدرس نقد بالمعهد العالي للفنون المسرحية؟
اذا اهوا نفسه فهذا درسني بالمعهد وكنت معروفة عنده ويستانس علي لاني لهلوبة ولساني متبري مني لووووول
كان يستانس لما اسولف معاه وكله اتغشمر معاه
خوش دكتور ومثققققققققف لابعد الحدود ومحترم وهادي وطيب ولغويته ممتازة
وقاعدة حاليا اجهز سلسلة قصص قصيرة بس مادري متى بخلصها
المزاج والنفسية تلعب دور كبير في طلاقتج ككتابة فقلت لمكا تخلص بوديها حقه علشان يدقق فيها ويصححها
المهم
بنزل لكم قصتي القصيرة وانتوا حكموا على اسلوبي
وهذا رابط وحدة من مقالاتي ونزلتها هني بالمنتدى
دزيتها حق المجلة ومانزلوها لان كانت واصلتهم مقالتين بنفس المعنى بس قبل مقالتي يعني لهم الالولوية فقالت رئيسة التحرير كتبيلنا مقالة ثانية
فنزلتهم عن التراث الكويتي بدالها
ولما نزلتها بالمنتدى نسيت اعدل السطر اللي فيه اسم المجلة
http://q8yat.net/showthread.php?t=135275
ليتل كوين
ماشالله عليج
اسلوبج حلو ويشد واخر سطر بالقصة القصيرة عطى نهاية وايد حلوة للموقف ويغني عن اي شرح
