رابطة "دودات الكتب " .. حياكم

[Anastasia]

هلا والله ببلاك رووز .. هلاا اسفرت وانورت ..
.
اللـــه تشوق مسيرتج الدودية >>>ياادوودة الكتب ..
.
ماشاللله حلوة مجموعتج ..
.
وبدايتج تقريبا نفس بدية كل وحدة بهالرابطة ..
.
ماجد وتختخ .. واي ماجد اذكر كان في ركن حق أعياد الميلاد .. عاد البنر ماله رسمة ياهل مقلوب وشايلينه من ريله وحدة وفاتح حلجة يصيح .. وااااي شنو كنت اتحطم ويعورني قللللبي وعليا يكسر خاطري .. اقول لييييش قالبينه ..ههههههه من زمااان قلبي رهيف
.
وتختخ حبيب الئلب .. اهوا وكشكه وزنجر وشاويش فرئع .. اياااااااااممممم ..
.
على طاري رزووز .. شنو الاغاني العدنية
.

 

[Anastasia]

واااي بنااااااااااااااااااااااات مووووووووووومصددددددددقة ..
.
والله بلااك رووز تستااهل هدية
.
شفتو ردها أخر واحد بالصفحة اللي قبل هذي ؟
.
اهوا الرد الـ 1000 بالموضووووووووووع .. ياحلااااااااااتج كملتي الألف مشاركة بالموضوووع ويهج ويييه خيير .. يالبي سلم والله تهبليين واااي مستااانسة

 

[.]

رونة حبيبتي ..

من خبرتي في الطب الشعبي إللي يقلل التركيز أكل الجبن الأبيض الصبح
فإذا كنتي تاكلين الجبن الأبيض الصبح وقفيه .. وبدليه بالكشمش الأسود الصبح
ووقفي بعد الطحين الأبيض .. وكثري من أكل الطحين الأسمر بكل شي

العيش
مكرونة
سباجيتي
خبز
توست

لأنها تزيد أيضا من التركيز .. توة الناس عليج على فقدان التركيز

بنتي إسم الله عليها من بدت تاكل كنت أعطيها كشمش أسود الصبح لي يومج ما وقفته ومدرساتها بالحضانة والمدرسة يقولونلي إن ماشالله لا إله إلا الله تركيزها عالمهارات ممتاز

أا غرت منها وقمت آكل كشمش الصبح بعد مع إني ما أحبه

هلا ريحانه انا ماكل شي الصبح ..

والجبن يمكن مره بالشهر..

والكشمش والاسمر ماقدر ماحبهم انا شويه عسره بالاكل الله يعين امي خخ..


ماشاءالله الله يحفظها يارب ويزيدها من خيره ويخليها لج يارب..

 

[.]

السلام عليكم دووووووووودات

ممكن اصير دودة معاكم بما اني عاشقة للكتب والروايات

توني اطيح على هالموضوع الفلة

انا رحلتي مع الكتب بدت من وانا صغيرونه

كان باباتي حبيبي كل يوم اربعا يشتري لي مجلة ماجد واهوا راجع من الدوام

وبديت اقرى المجلة وكنت بالابتدائي يوم بديت اقرى الجريدة

وكنت اموت على جريدة الانباء

تهبل كانت ايام الثمانينات

كان فيها كاتب اسمه درويش الجميل يكتب بزاوية اسمها مسافر مع الايام ويكتب فيها قصص واقعية صارت في مراحل تاريخية مختلفة وفي دول عدة

تاثرت بوايد قصص
منها قصة طوف ميدوزا

طبعا مااقدر اكتب القصة اهني بس قصة جدا جميلة
وبعدين بديت استعير قصص من مكتبة المدرسة واقراها بديت مع المكتبة الخضراء ومكتبة ليدي بيرد

ولمن صرت بالمتوسطة تعرفت على قصص بوليسية للاولاد واذكر اول لغز قريته كان لغز البحر الاحمر حق عامر وعارف وعالية وتعلقت فيهم حيييييييييييييييل ومنهم عرفت تختخ حبيب قلبي وربعه عاطف ومحب ونوسة ولوزة وكنت اتخيلهم اشخاص موجودين بينا واتفاعل معاهم
وطبعا لي يومكم اقرى الالغاز ومتيمة فيهم

ولكم كبرت شوي وصرت بالضبط في رابعة متوسط لقيت عند عمي قصة اسمها النظارة السوداء حق الكاتب اللي ماانولد احد مثله اللي اسمه احسان عبدالقدوس
اذكر خلصت قصة النظارة السوداء بليلة وحدة ونت اسمع شريط عبدالله رويشد في اغنية قلبي معك يا مشغل البال ملتاع

اياااااااااااااااااااااااااااااااااام ويا حلوها من ايام

ومنها بديت عشقي حق احسان عبدالقدوس
والحين عندي مجموعته القصصية الكاملة

وطبعا على طول اقرى القصص واعيش معاهم مع ضحكاتهم وفرحهم وحزنهم لان تحسين انهم قصص واقعية وتحصل في كل البيوت

واللي يميز احسان عن غيره وصفه السهل الحلو حق المشاعر والنفعالات الداخلية اللي تصير حق الشخص

ليلحين اذكر قصة في بيتنا رجل
واشلون قمت ابجي لمن توفى البطل كنت ايامها بالثانوية واهني تعرفت على الاغاني العدنية كنت اقرى القصة على انغام الاغاني العدنية

اشارت برمش العين خيفة اهلها......اشارت محزون ولم تتكلم
فايقتن ان الطرف قد قال مرحبا.....فاهلا وسهلا بالحبيب المتيم

كنت مااصدق ارجع من المدرسة علشان ابطل قصصي واقراهم وامي تنادي حق الغدا وانا بس ابي اقرى القصة

قلت خل اجرب اقرى حق نجيب محفوظ

طبعا ويع ويع لاعت جبدي منه

لازم بكل قصة يموت له واحد او اثنين غير الكآبة الموجودة بالقصة نفسها

قريت له وايد قصص

طبعا قريت الثلاثية اللي اهيا بين القصرين وقصر الشوق والسكرية
زقاق المدق
اللص والكلاب
القاهرة القديمة والقاهرة الجديدة
خمارة القط الاسود
السمان والخربف
بعد والله وايد قصص قريت له
بس ابدا اسلوبه ماعجبني
بس حبيت قصة واحدة له اللي اهيا ميرامار هذي القصة وايد حلوة
هالقصة مو بس عشت بجوها كنت لمن اقراها احس اني قاعدة اشم ريحة وعبق المكان اللي تدور فيه الاحداث

ومن اهني بديت اقرى شوية قصص عالمية
بديت في اوليفر تويست
تمرد على السفينة باوتني
كوخ العم توم
روايات عبير
ذهب مع الريح
احدب نوتردام
قصة مدينتنتين
وغيرهم من القصص الحلوة

بعدين ياتني مرحلة يديدة

اللي اهيا مرحلة يوسف السباعي
قصة نادية

رووووووووووووووووووووووووعة
رد قلبي
جفت الدموع
جمعية قتل الزوجات
مبكى العشاق
ام رتيبة
فديتك ياليلى
وكان في بعد قصة ياربي تهبل بس ناسية اسمها عن وحدة تحب واحد كان فقير وبعدين تاخذ واحد غني بس ما يحبها وكاشت فيها تقوم تتطلق منه وترجع حق الفقير يوم اللي ترجع له يروحون الشاليه في منطقة مهجورة والا تشب عليه الدودة الزايدة ويموت يمها وتقعد يمه واهوا ميت ماتدري شتسوي تقوم تشب النار في الشاليه واهيا داخل روعة القصة بس ناسيه اسمها

تذكرت اسمها اني راحلة
يالله الكبر شين

في كاتب اسمه بيار روفائيل لبناني هم كانت قصصه حلوة وعاطفية

عبدالحميد جودة السحار هم قصصه حلوة اللي اذكر منها ام العروسة والحفيد

هم في قصص انا ناسية اسمها بس جدا جميلة وحلوة

طبعا انا مو بس اقرى قصص
حتى المجلات بالذات سيدتي واليقظة وزهرة الخليج والمجالس والنهضة هذيل مااقطعهم ولي يومكم اقراهم بالاضافة الى مجلة ماجد
الحين كل كتاب تطيح ايدي عليه اقراه

حبيت كتابات علاء الاسواني
مواضيعة جدا جميلة بس شوي الطرح عنده جرئ ومعفن يدخل في نطاق المناطق المحظورة اللي تلوع الجبد بالذات في وصفه حق العلاقات الشاذة وهالشي مااحبه بس ما يمنع ان مواضيعه حلوة

طبعا الكل يعرف قصته عمارة يعقوبيان وعنده هم قصة ثانية وايد حلوة اسمها شيكاغو

حبيت الكتب الاسلامية اللي تتكلم عن التاريخ
مثل ليالي بيشاور
منتهى الآمال
يوم الخلاص
الجزيرة الخضراء
ثم اهتديت

ووايد وايد كتب

الحصان الاسود ودافنشي كود همم قريتهم قصص

بنات الرياض اسلوب جديد بالقصص ما يمنع انه اسلوب حلو
كتب فوزيو دريع قريت منها جم واحد بس ماندمجت معاهم وايد

كنت اقرى حق كريمة شاهين اذكر كتابها احرف وكلمات 3 اجزاء عن المشاكل العاطفية
ماانسى مجلة طبيبك كنت احبها وايد

باباتي حبيبي كان عنده اعداد قديمة من ايام الستينات والسبعينات حق مجلة العربي امبي كانت شي مو طبيعي هالمجلة

يعني باختصار معاكم دودة كتب وقراءة

بس يبقى عشقي الاول والخير اللي ماله منافس قي قلبي احسان عبدالقدوس وتختخ فارس احلامي

هلا ورده..

ماشاءالله الله يهنيج يارب..

وتختخ عجيييييييييييييييييييييب..

بس نسيت شقريت له وشبقى ماقريته بس حدي احبه ..

اهو اللي نساني حبي الاولي مجلة ماجد

وحياج الله..

 

[ريحانة_14]

هلا وغلا رونة حياتي

عيل شوفيلج قصه حق سالفة التركيز وإنتي توج بالتعش

 

[BlackRose]

واااي بنااااااااااااااااااااااات مووووووووووومصددددددددقة ..
.
والله بلااك رووز تستااهل هدية
.
شفتو ردها أخر واحد بالصفحة اللي قبل هذي ؟
.
اهوا الرد الـ 1000 بالموضووووووووووع .. ياحلااااااااااتج كملتي الألف مشاركة بالموضوووع ويهج ويييه خيير .. يالبي سلم والله تهبليين واااي مستااانسة

وناسة يعني انا اللي وصلت حق الالف

لا ولاحظي انا اول مشاركة ب 2009

:dddds::dddds:

صاروا هديتين مو بس هدية واحدة

يالله شنو بتعطوني_03BA:_03BA:

 

[BlackRose]

خل اكمل لكم بعد مسيرتي مع الكتب

قريت حق وايد كتتتتتتتتتتتتتتااااااااب

ومنهم عباس محمود العقاد قريت له قصة تحت ظلال الزيزفون او قصة ماجدولين هم حلوة وروعة كانت القصة

قريت حق توفيق الحكيم قصة يوميات نائب في الارياف كانت عادية وعصفور الشرق

قريت حق طه حسين دعاء الكروان

طبعا اغلب الاقصص اللي قريتها شفت افلامها

بس اللي لاحظته انج بالقصة تعيشين الجو وتستمتعين اكثر من الفيلم

لان القصة تقولج عن الانفعالات والاحاسيس اللي تصير في داخل الابطال

عكس الفيلم بس تشوفين تمثيلههم والحوار والانفعالات اللي تبين على الويه

اغلب القصص حبيتها اكثر من الافلام ماعدا قصة دعاء الكروان الفيلم وايد احلى من القصة

بالذات لمن تسمعين صوت الكروان واهوا يغرد بالفيلم

وماانسى تعابير امينة رزق لمن تنحاش منها بنتها فاتن حمامة وكانت قبلها بنتها الكبيرة مذبوحة على ايد اخوها صج صج كانت تعور القلب

شفت فيلم لا تطفئ الشمس

القصة احلى واروع الف مرة من الفيلم فرق السما عن الارض

مثلته فاتن حمامة وعماد حمدي وشكري سرحان ونادية لطفي وليلى طاهر واحمد رمزي

قريت قصة السقا مات حق يوسف السباعي وهم شفت الفيلم بالطبع القصة احلى

طبعا احسان عبدالقدوس عندي مجموعته الكاملة
واغلب الافلام هم شايفتهم
مافي قصة حق احسان انا مو قاريتها
قصص بوليسية للاولاد اللي اهما تختخ وربعه عندي حوالي 150 لغز

بعد شنووووووو؟؟؟؟؟؟؟؟؟؟؟؟؟؟؟؟؟؟؟

يبي لي انفض لكم مكتبتي نفضة سنعة

 

[نماين]

إللي مثلتها ماجده تتزوج زكي رستم إسمها ( إين عمري )

أنا بموووووووووت وأشوف فيلم ( لاتطفيء الشمس ) نماين إذا تقدرين قولي حق ريلج ييبه من مصر لأني عيزت وأقول حق صديقاتي المصريات إييبونه من مصر كل وحده تقول مالقيته .

وعنده روايات كامله وعنده مجموعة قصص فبالضبط مو ذاكرة أي وحده مجموعة قصص وأي وحدة رواية بس بحطلج إللي أذكرهم :

1- البنات والصيف ( مجموعة قصص )
2- الخيط الرفيع ( مجموعة قصص )
3- سيدة في خدمتك ( رواية )
4- نساء لهن أسنان بيضاء ( ما أدري
5- شفتاه ( مجموعة قصص )
6- لا أنام ( رواية ) مثلتها فاتن حمامه مع مريم فخر الدين وعماد حمدي وعمر الشريف ورشدي أباظة
7- أنا حرة ( رواية ) مثلها شكري سرحان وأم عيون خضر شسمها ؟ لبنى عبدالعزيز ؟؟ صج الكبر شين
8- منتهى الحب
9- لا ليس جسدك ( مجموعة قصص )
10- لا شيء يهم ( رواية )
11- عقلي وقلبي
12- دمي ودموعي وابتسامتي ( رواية )
13 - الطريق المسدود ( رواية )
14- صانع الحب بائع الحب
15 - زوجة أحمد ( رواية ) أهو كتبها حق بنتها ينصحها فيها شلون تكون الزوجة بس روعة
16 - شيء في صدري ( رواية من جزئين ) رووووعه زوجي تأثر فيها وايد
17- بئر الحرمان ( مثلتها سعاد حسني الفيلم يلوع الجبد مؤرف بس القصه وايد حلوة )

تعبت

مشكووووووووورة


مشكووووووووورة


اي عليك نووور هذا اسم الفيلم



وابشري بقوووول لزوجي اسم الفيلم

 

[نماين]

إيي تذكرت .. بنت السلطان بعد

مشكووووووووووووورة يا قلبي

 

[BlackRose]

هلا والله ببلاك رووز .. هلاا اسفرت وانورت ..
.
اللـــه تشوق مسيرتج الدودية >>>ياادوودة الكتب ..
.
ماشاللله حلوة مجموعتج ..
.
وبدايتج تقريبا نفس بدية كل وحدة بهالرابطة ..
.
ماجد وتختخ .. واي ماجد اذكر كان في ركن حق أعياد الميلاد .. عاد البنر ماله رسمة ياهل مقلوب وشايلينه من ريله وحدة وفاتح حلجة يصيح .. وااااي شنو كنت اتحطم ويعورني قللللبي وعليا يكسر خاطري .. اقول لييييش قالبينه ..ههههههه من زمااان قلبي رهيف

حبيبتي الاغاني العدينة اهيا اغاني هبوا فيها ايام السبعينات
وكانت ذات طابع يمني ومن هني يه اسمها العدني نسبه الى عدن في اليمن

طبعا اهيا اغاني في قمة الروعة
تحسين كلمات عجيبة غريبة

ومن مطربين العدني عندج حمد سنان
مشاري العريفان
يوسف المطرف
راشد الحملي

ومن الاغاني اللي حبيتها
احببتها سمراء كالخمري....والشعر اسود ناعم عطري

واغنية ساعود قريبا بشوق الهوى....فوداعا حبيبي الى الملتقى
لن يطول غيابي فلا تحزني....فعلام العناء وعلام البكاء

واغنية واقف على بابي سلطان زمانه...خاين ولا ادري ليش الخيانة
يامن يخبرني خلي علامه....هاجر وخاصمني محلى خصامه

وحبيت اغنية
الصبا والجمال ملك يديك...اي تاج اعز من تاجيك

والليل مثل البحر....كم في الليل من اسرار.....ما يعرف اسراره
كم حير البحار....والغواص.....ومن جاب محاره
بسأل عليك الناس....كم اتصيد الاخبار...ياناس اخباره
سهرتني ياليل.....هل بيني وبينك ثار.....من الفجر ونهاره

ومقدلا والنبي اودعك....خذني ياحبيبي معك....مثل الظل انا بتبعك....حتى لو طلعت للقمر....ياروحي بلاش السفر
ما بنسى دموع الفراق...ولا انسى البكا والعناق....حبك فوق مالايطاق...انا ياحبيبي بشر...ياروحي بلاش السفر
حبك نار في مهجتي...في قربك دوا علتي ....لو تصبر على فرقتي....قلبي والنبي ما صبر...ياروحي بلاش السفر

وجك جك جك:ggdw::ggdw::ggdw:

وماانسى اغنية

كشفوا سر الهوى....وجنوا على الغرام


ياجماعة انا اندمجت:krkrkr::krkrkr:

تبون بعد والا اوقف

طبعا بهالفترة بعد صرت متيمة في عبدالحليم حافظ واغاني عبدالكريم عبدالقادر وعبدالله رويشد

اقرى واندمج واسمع وابجيييييييييييييييييييي:krkrkr::krkrkr:

ياختج انا رومانسية حبتين:tomato2:

 

[حبيبه امها]

السلام عليكم ..
شلونكم بنات ؟
كل عام وانتوا بخير .. وان شاء الله اتكون سنة خير وسعادة للكل
بنات لو سمحتوا .. ابي احط صورة الرابطة مالت دوادت الكتب في توقيعي
بس يطلعلي انه مايصير تنزلين صورة متحركة ؟!!!
عيل شلون انتوا ماشاء الله حاطين ؟
افيودنا رجاء

 

[حبيبه امها]

الشي الثاني انا قتلكم اني اقرا حاليا رواية السجينة
طبعا صايرة بطيئة لانة اقراها من النت مو من كتاب
كنت ناطرة اخلص واناقشكم فيها ... بس يعني موباقيلي وايد
فما ادري ابي اعرف الي قارينا علشان نتناقش .. لانه عندي جم استفسار
كامليا جينج مرة قلتي انج قاريتها .. صح ؟

 

[نماين]

["]هلا
حبيبتي الاغاني العدينة اهيا اغاني هبوا فيها ايام السبعينات
وكانت ذات طابع يمني ومن هني يه اسمها العدني نسبه الى عدن في اليمن

طبعا اهيا اغاني في قمة الروعة
تحسين كلمات عجيبة غريبة

ومن مطربين العدني عندج حمد سنان
مشاري العريفان
يوسف المطرف
راشد الحملي

ومن الاغاني اللي حبيتها
احببتها سمراء كالخمري....والشعر اسود ناعم عطري

واغنية ساعود قريبا بشوق الهوى....فوداعا حبيبي الى الملتقى
لن يطول غيابي فلا تحزني....فعلام العناء وعلام البكاء

واغنية واقف على بابي سلطان زمانه...خاين ولا ادري ليش الخيانة
يامن يخبرني خلي علامه....هاجر وخاصمني محلى خصامه

وحبيت اغنية
الصبا والجمال ملك يديك...اي تاج اعز من تاجيك

والليل مثل البحر....كم في الليل من اسرار.....ما يعرف اسراره
كم حير البحار....والغواص.....ومن جاب محاره
بسأل عليك الناس....كم اتصيد الاخبار...ياناس اخباره
سهرتني ياليل.....هل بيني وبينك ثار.....من الفجر ونهاره

ومقدلا والنبي اودعك....خذني ياحبيبي معك....مثل الظل انا بتبعك....حتى لو طلعت للقمر....ياروحي بلاش السفر
ما بنسى دموع الفراق...ولا انسى البكا والعناق....حبك فوق مالايطاق...انا ياحبيبي بشر...ياروحي بلاش السفر
حبك نار في مهجتي...في قربك دوا علتي ....لو تصبر على فرقتي....قلبي والنبي ما صبر...ياروحي بلاش السفر

وجك جك جك:ggdw::ggdw::ggdw:

وماانسى اغنية

كشفوا سر الهوى....وجنوا على الغرام


ياجماعة انا اندمجت:krkrkr::krkrkr:

تبون بعد والا اوقف

طبعا بهالفترة بعد صرت متيمة في عبدالحليم حافظ واغاني عبدالكريم عبدالقادر وعبدالله رويشد

اقرى واندمج واسمع وابجيييييييييييييييييييي:krkrkr::krkrkr:

ياختج انا رومانسية حبتين:tomato2:

بصرااحة انا ما اعرف من الي كتبتيهم الا كشفوا سر الهوا وجنوا على الغرام

كمليها لي ان كنتي تعرفينها


وبصراحة مشاءالله عليك مبين ان لك مسيرة في دروب القراءة

ياليت تكمليلنا المسيرة احس اني استفدت حيييييييل

 

[ريحانة_14]

السلام عليكم ..
شلونكم بنات ؟
كل عام وانتوا بخير .. وان شاء الله اتكون سنة خير وسعادة للكل
بنات لو سمحتوا .. ابي احط صورة الرابطة مالت دوادت الكتب في توقيعي
بس يطلعلي انه مايصير تنزلين صورة متحركة ؟!!!
عيل شلون انتوا ماشاء الله حاطين ؟
افيودنا رجاء

هلا فيج يالغاليه حبيبة أمها .. شوفي الله يسلمج أهو مو صورة متحركة بس عارفه شلون تحطين الصورة بالأساس ؟

لوحة التحكم
تعديل لتوقيع
بالآيكونز إللي فوق المربع الفاضي الكبير في أيكونة عليها صورة جبل .. تنسخين رابط الصورة وتحطينها فيها
وبعدين معاينه

يعني لا تنزلينها بس نسخي رابط الصورة كوبي وبيست وسلامتج وتعيشن

أخيييييييييييييييه على باريس وعلى أيام باريس أويلييييييييييييييييييييي

حبيبة أمها .. جو دوفو دو سيل سيلفوبلييي لووووووووووول:dddds:

 

[حبيبه امها]

هلا فيج يالغاليه حبيبة أمها .. شوفي الله يسلمج أهو مو صورة متحركة بس عارفه شلون تحطين الصورة بالأساس ؟

لوحة التحكم
تعديل لتوقيع
بالآيكونز إللي فوق المربع الفاضي الكبير في أيكونة عليها صورة جبل .. تنسخين رابط الصورة وتحطينها فيها
وبعدين معاينه

يعني لا تنزلينها بس نسخي رابط الصورة كوبي وبيست وسلامتج وتعيشن

أخيييييييييييييييه على باريس وعلى أيام باريس أويلييييييييييييييييييييي

حبيبة أمها .. جو دوفو دو سيل سيلفوبلييي لووووووووووول:dddds:

هلا ريحانة مشكورة حبيبتي على مساعدتج بس ما ضبطت ضاق خلقي
سويت كل الخطوات بس هذي شوي ما عرفتها (تنسخين رابط الصورة وتحطينها فيها )
سويتلها كوبي عادي وبالمربع حاولت اسوي بيست بس اوف ما يطلعلي اختيار البيست شغال
ليش .. ؟ ميخالف اعذريني اذيتج معاي

 

[I am red]

قوة بنات ما شاء الله عليكم من زمان ما دشيت الموضوع شوفوا وين وصل خل اقعد اقراه صفحة صفحة

المشكلة بهالفترة عندي شغل وايد للاسف ما عندي وقت للقراءة

 

[ريحانة_14]

حبيبة أمها

روحي على الصورة الموجودة بتوقيعي .. وطقي رايت كلك
وروحي properties تطلعلج صفحه فيها من بين المعلومات مكتوب
Adress سويله copy وبعدين نسخيه داخل أيقونة صورة الجبل

 

[ريحانة_14]

أهلا وسهلا آيم رد .. تشرفنا بمعرفتج

إحنا دودات يدد إنضممنا للقائمة

 

[I am red]

هلا الله يحيج

 

[Anastasia]

هلا الله يحيج

ردوووووووووووووووووووورووووود ...
,
هلا وغلا هلا بالزين كله هلااا هلا بالطش والرش وماي الورد بالغرش هلاا
.
شلونج شخبارج شمسوية شالدنيا فيج وييينج من زماان غاااطة الله يهدااج ..
.
حبيبة امها..
.
اشهد انج حبيبتنا موبس حبيبة اميمتج :eh_s(6):
.
اي ياقلبي كللنا قارينها >>شللخ
اقصد اغلبنا قارينها .. تهبل رواية السجينة .. بس ليتج تشترينها احسن لانها وااااايد طويلة واعيونج بترووح وانتي تقرينها .. انا اول صار فيني جذي نزلتها من النت وانهرت عيوووني هرااي عاد قمت وشريتها من جرير ب3ونص ..
.
تهبل تهبل تهبببل .. وايد استمتعت فيها .. غرريبة .. من قممممة الثراء الفاحش .. الى حضيييييض الفقر والبؤس ..
.
بس ماشالله عليها مليكة صاحبة القصة اعجبتتتننني حييل .. لمن كانو مسجونين اهيا واهلها .. شلون كانت تونس اهلها وتلعب اخوانها وتألف لهم قصص .. حتن عقب منعوهم عن بعض سنيين .. عزلوهم كل واحد بزنزانة .. كانو يمددون بين الزنازين وايرات مادري شلون الطريقة بالضبط بس انهم كانو يسمعون بعض .. وعقب سنيين كانو يفجون لهم الزنازين وينصدمون ببعض .. اختها كبرت واخوها صار ريال وامها عيزت ..واااي تعور القلللب .. ولا طريقة نحشتهم فلم فلللللللمممم ..:eh_s(1):
.
تهبل والله ما تحسفت اني قريتها رووووووعة ..