راتبي الشهري

[زوجي كويتي:)]

سلام حبوبااات
انا توني معرسه من شهر فقط واذكر زوجه قالي راح اعطيكي راتب وقدره.... ريال سعودي انا وقتها ستانست ولكن امس بالصدفه بيقولي انا راح اسلمك راتبك مليون ين بالعمله الكوريه ولمن سالته يعني كم تصير بالسعودي طلع اقل من اللي قال بيعطيني اياه بالف ريال
انا حزت نفسي وودي اقوله بس مدري شلون


اقوله ولاعيب توني عروس
ولا اكلمه بعد شهر
ولا شنو اسوي

 

[SuGar-kuw]

عادي قوليله موكافيني الصراحه حلوه ترا

 

[اخت خالتهم]

انا ما احب اخذ مبلغ كل شهر من ريلي
جذي بتقيد فيه
بالعكس الصرف كله عليه
وانتي لا تقولين له شوي شوي بيني له ان ما يكفيج واذا يكفيج خلاص سكتي
الانسان لا يصير طماع
واهو بيصرف عليج حتى لو عطاج

 

[popa]

خشي فلوسج وقوليله صرفتهم وبيعطيج مرا ثانيا ويصير عندج المبلغ الي تبينه

 

[انثى عاشقة]

اصرفيهم وقولي ما كفتني بيعطيك زيادة ​

 

[مناير ...!]

ياخيه مالج الاشهر
باقي معاج من مهرج
عيب مو زينه
من اول شهر حزت بنفسج سوالف الفلوس والمصروف
توج عروس ومجهزه وشاريه
صبري شنو من اول شهر مختلفين على سالفه فلوس
مو حلوه بحقج :/

 

[رووح ابووها]

ياخيه مالج الاشهر
باقي معاج من مهرج
عيب مو زينه
من اول شهر حزت بنفسج سوالف الفلوس والمصروف
توج عروس ومجهزه وشاريه
صبري شنو من اول شهر مختلفين على سالفه فلوس
مو حلوه بحقج :/

:eh_s(15):معاها

وبعدين مو حلوه مصروف شهري شسالفه بالله نقصني ولا ماكفى

 

[Tauoofa]

لا احس فشله توج عروس

 

[منال $]

انت لسا توك عروووووووس ماصارلك شهر يعني اكيد ماراح تحتاج بالوقت الحاضر لا لبس ولا مكياج

احسها مو حلوة من اولها هيك تقوليلة
يمكن الشهر هدا عندة التزمات او مصاريف زيادة بما انكم عرسان روحات وجيات
لاتستعجلي على رزقك

 

[sh_mashael]

شوفي ترا مايعطون الرياجيل مصروف << الأغلب
انزين قولي جم المصروف بالكويتي ؟

بس اذا انتي ماتشتغلين الله يعينج

وما انصحج تتكلمين و انتي توج عروس
و يمكن بعدين يزيدهم !

 

[Gifts&Occaions]

كل ماتبين قوليله

 

[حبيبي مالكني]

انا ماحب سالفة المصروف الشهري متى ما احتجتي فلوس اخذي منه

 

[ماني من الناس]

كم تطلع يعني بالسعودي

اذا المبلغ معقول ويكفيك لا تجادلينه من اول شهر

واذا نقص منك باخر شهر وتبين شي ضروري تاخذينه وماعندج قوليله

او الخيار الثاني انج تلتزمين بالمبلغ اللي يعطيج اياه وتضبطين ميزانيتج عليه

 

[الkحيله]

يمكن هالفتره عليه
ضغوط ماديه من العرس وتكاليفه وانتي بعد ما أظن محتاجه توج مجهزة بس بعد فتره لاتسكتين عن حقج

 

[*peace*]

يمكن عنده ظروف

لاتكلمينه الحين بعدين كلميه باسلوب حلو ان موكافيج مثلا

بس انتي ماقلتي المبلغ كافيج ولا لا ماله داعي تبالغين والمفروض تقدرين ظروف زوجج وماتضغطين

عليه

حسب معاشه بيعطيج مومعقوله بيعطيج نص معاشه واهوا كلشي عليه من صرف وبيت وطلعات

 

[sosowaty]

مع بيس

 

[ElN00R]

توه دافع مهرج تبين فلوس؟
اول شهر؟
يعني انتي الحين في بيته ولج التزامات ولا فبيت ابوج ؟
شكلج قريتي نصيحة طلبيه فلوس من اول شي ؟ انا اقول لي رحتي بيتج يدفعلج غصب عنه ين ولا ريال ولا دينار اللي هو بس الحين انتي عروس فبيت ابوج من شهر وهات فلوس؟

 

[زوجي كويتي:)]

مشكووووورين حبيباتي وراح اسمع نصايحكم واشوف اذا بيكفيني الراتب ولا لا

مع العلم هو اللي عرض عليا موضوع الراتب وهو ماشالله مقتدر ماديا

 

[صادقة بكلمتي]

انت لسا توك عروووووووس ماصارلك شهر يعني اكيد ماراح تحتاج بالوقت الحاضر لا لبس ولا مكياج

احسها مو حلوة من اولها هيك تقوليلة
يمكن الشهر هدا عندة التزمات او مصاريف زيادة بما انكم عرسان روحات وجيات
لاتستعجلي على رزقك

:rerrerek::rerrerek::rerrerek::rerrerek::rerrerek: معاها والله يسخركم حق بعض اميييييييييييييييييييييييين:yaaaaaarb:

 

[Patcholli]

المبلغ زين ويكفي لاتطمعين وقولي كلشي منك حلو ومابي اثقل عليك صدقيني راح تكبرين بعينه وراح يعطيج اكثر واكثر
بس اشمعنى حسبها لج بال (( ين ..؟؟ ))