راحت هيبة المعلم .. ليش وشحقه ..؟؟ دشو دشو بموت قهر آآآزروني

[ابله لوله]

السلام عليكم .. :eh_s(8):
شلونكم أبلات ..؟
أو بالأصح معلمات ..:eh_s(4):
أو بالأصح مربيات الأجيال ..
أو بالأصح .. شقول .. ماودي اقول والله .. بس بقول لان فيني قهر اذا ماطلعته تصير فيني حساسيه ..

احنااااااااااااااا مو معلمااااااااااااااااااااااااااات ..
احنااااااااااااااا نــــــــــــــــــــــــــــــــــــأنـــــــــــــــــي .. حق :eh_s(14):العيال ..


ليش ؟؟ شفيج معصبه ؟؟ شسالفة ؟

الحين الحين اقولكم .. :eh_s(4):

اول شي تعريف بسيط عني .. :eh_s(22):

معلمة لغة عربية .. تعيين يديد توني طالعه من البيضة :eh_s(22):

كنت ... وتحتها خطييين هاااا

أحب شغلي ..

لييييييييييييييييييييييييش ؟؟؟ كننننتي تحبين شغلج ؟؟

بالبداية .. يمكن مدرستي اللي فيها اهيا السبب ..ما اجمع على كل المدارس عشان ما نظلم احد .. بس صج صج ضييييييييييييم .. :eh_s(11):

يا جماعة الخير .. مهنة التدريس صعبة مو هينه واهيا بالفطرة تكون .. ما ينفع اصير ابلة وانا مو حابة وماعندي دافعيه وقابليه حق هالشغلة صح ؟:eh_s(15):

انا مامدح روحي لكن احب شغلي ومستعدة اعطيه كل وقتي وطاقتي .. بس بشرط أشوف تأثير ونتايجه على طلابي وزملائي ..
مثال ..

لمن يقولون لي أانتي أبلة وتدشين الصف وفي قوانين الطالب لازم يلتزم فيها ... حلو يلتزم فيها .. واعلمه عليها ..
بس بالنهاية اشوف المدرسة المحترمه اللي اساسا حاطه هالقوانين تعلم الطلبة ما يلتزمون فيها ..

شلوون ؟
مثال ثاني ..:eh_s(1):
ادش الصف .. المفروض الطالب يحترم المعلم وقوانينه مثلا .. من ناحية العقاب ,, عندي طالب مشاغب وابي احرمه من الفرصة .. يقعد بالصف ومايلعب مع ربعه .. هذا اقل عقاب نقدر نسويه
اتييني المشرفة تقولي لا مايصير يتعاقب وتطلعه غصبن علي ..:eh_s(14):
بذمتكم .. وين هيبتي انا ... كمعلم ..؟؟ ماقدر اعاقب الطالب على تصرف خاطئ .. تدرون الطالب شسوى ؟؟؟
قعد يترقص جدامي ويقولي حره حره ما راح اتعاقب .. @@:eh_s(4):


واي لا انا ضغطي مو ارتفع .. الا شلللللل وصل خلاص بموت ..:eh_s(14):
ويكتبوني افاده اني ما اعاقب طالب ..
عيل وين هيييييييييبة المعلم شلون الطالب يلتزم معاي شلون اعلمه ان اذا غلطت راح تتحاسب ..


هذا شي كرهني بشغلي .. وصرت ماحب ابذل مجهود .

ثاني شي .. الناظرات .. ومااااااااااااا أدراك ما الناظرات ..
ااااااااااخ بس .. :eh_s(9):
مو كلهم طبعا .. اتكلم عن اللي تعاملت معاهم .. بس للأسف كانوا ثنتينهم ضيييييييييييم ..


تدددووووور الزلة .. تخيلوا طووووول السنه شغلي جدامها وبرامج وورشات وفعاليات .. والخ .. تييييني على اخر يوم امس .. تقولين ليش مو قاعده تدرسين .. ؟؟:eh_s(8):
وانا مداوم عندي طالب واحد .. تقولي تدرسينه قتلها مخلصين كل شي كله حالته .. تقولي مراجعة .. قتلها اوكي قمت وراجعت له .. دشت علي الحصة الثانيه .. تبيييييييييني تبييييي تصيد علي شي .. كنت هم قاعده اراجع له .. فتحت دفتره تقولي ليش مو كاتب @@


قتلها مراجعه .. تقولي خليه يكتب ..
واي لا ليش .. حرام عليج ..:eh_s(11):
خليته يكتب جملتين ..
واهوا على فكره بصف 2 يعني ملف انجازي .. يعني مادري ليش مداوم .. وموداقين على اهله اييون ياخذونه مخلينه بروحه بالصف وينزلون كل الأبلات يعطون حصصهم ..

وتبوني أحب شغلي ؟؟
لا لا .. انا كرهت التدريس .. وقاعده افكر حاليا اكمل ماجستير ..


هذي بعض المواقف اللي صارت لي .. وكرهتني عيشتي ..
اسفه طولت عليكم ,, بس بقلبي حجي يقرقع لازم افضفض .. ولا جان جلطة تحوشني ..


شكرا جزيلا ..
ويعطيكم العافية ..
وكل عام وانتو بخير ..

 

[الكحيله ساره]

صاجه هذا اللي يكره المدرس بالتدريس

 

[noran89]

عاقبيهم بطرق ثانية . اتصلي بأهلهم اشتكيهم . هليه يوقف وقت الحصة . اما الفرصة موعد ياكل و يشرب و يدخل حمام و يصلي فيه مو موعد عقاب حبيبتي . طريقتج غلط لازم تشوفين طرق ثانية . ما رح تكونين مستانسة لو طفل منهم يدوخ او يتعب اذا ما راح يشتري اكل في الفرصة او سواها على نفسه عشان ما دخل الحمام .

 

[noran89]

اما موقف الناظرة الله يعينج صج ما عندها سالفة

 

[نونا 3000]

حبيبتي انا مدرسة عربي وابتدائي مثلج وادرس الصف الاول وخبرتي ١٣ سنة ولله الحمد وحابة مهنتي واعطي فيها ومتجدده كل سنه بشغلي ومروا علي اللي يحبطون فيني بس ما اثروا فيني والله لاني حابة مهنتي وتخصصي لا تخلين احد يحبطج
اما بالنسبة لعقاب الطالب بصراحه غلط تمنعينه من انه يطلع بالفرصه عقاب الطالب يكون بالحصة بعد حصتج مالج حق عليه لو ولي امر قدم شكوى عليج ترا له حق يحولج الشؤون القانونية احمدي ربج ما جاج شكاي بالنهاية انتي مدرسة ابتدائي لازم اطولين بالج كثر ماتقدرين وتلعبين معاهم وانا اشوف لو تنقلين لبنات احسن واريح لج من الاولاد لان فيهم حركة وشطانه
واتنمى لج التوفيق

 

[Huda.A]

أحس شو هذا لازم تكون في علاقه مثل علاقة الصداقه بين الطالب و معلمته
أذكر بأيام المدرسه " أنا قاعده أتكلم من موجهة نظر طالبه كانت واااايد مشااغبه بالمدرسه "
الكلاسات إلي ماأشاغب فيها إهي الكلاسات إلي أحب فيهم المعلمه و هي الكلاسات إلي
أدرس لهم عدل .
إختصصار إلي أبا أشرح لج إيه (( كوني علاقات صداقة بينج و بين تلاميذج )) عن طريق التعزيز الإيجابي لهم
مثلاً حطي صبوره و إلي يكون تصرفه عدل اليوم كافئيه بنجمه و إلي يجمع ١٠ نجمات تعطينه هديه .
بهالطريقه تكسبينهم بدال ماتنفرينهم

 

[ملامح بريئة]

الله يهداك اشلون حابه مهنتك ومو قادرة تتحملين اطفال التدريس من خبرتي البسيط يبيله هدوء وطولة بال الطلبه هم اعيالنا اشلون تحرمينه من فرصة وادارتك ممتازة اللي حارصة عالطلبة التعامل مع الطلبة فن وهذا مسؤولية الادارات ورئيسات الااقسام ماالومك المفروض يوجهونة بالطريقة الصح للتعامل لكن للاسف اللي حاصل عندنا ان المدرسه اي خلل مع الطلبة يصير ضدها وكانهم مو مصدقين الزلة عليها وانا كنت اعصب عالبنات وانا ثانوي ماحصلت الا التصيد وارتفاع الضغط والحين الحمدلله اضبط الصف بالهدوء وبنظراتك انتي بس يستحون والصبيان يحبوون الابله اللي شخصيتها قوية وماتهزءهم ويحترمونها والعكس انصحك تقربي من الطلبة اكثر بالمسابقات والهدايا وترا الورش والفعاليات ما تغطي عيوب المدرس عن تجربه والله يحبك الحمدلله ان ماكبروا السالفه لان ممنوع الزمن تغير والناس منفتحه واي تعليق عالطالب

 

[فـــخـــر]

طريقتج بالعقاب غلط : )

لج الحق تعاقبينه بحصتج وبس الفرصه وقته مالج حق تاخذينها منه كـ عقاب !!!

 

[Zinab BH]

لكل مهنة لها ايجابيات و سلبيات
ماعلى الموظف الا التفاني في عمله و يحاول يصحح الغلط وين ماكان مافي احد مرتاح بشغله حبيبتي
و عساج ع القوة حبيبتي

 

[♥MaSteRiyA♥]

8
8

صح كلامج ياحلوة لكل مهنة ايجابيات وسلبيات
وبنظري.. التربية ايجابياتها حلوة.. وسلبياتها تعتمد على شطارة المعلمة في تقبلها أو تفاديها

اذا حابة التدريس لا تخلين أحد يأثر عليج.. نقلي
أححححلى شي بالتربية.. انج تقدرين كل سنة تنقلين اذا مو مرتاحة
ولااااااااا اذا عندج واسطة بأي وقت تبينه.. مو نفس باجي الوظايف

وغلط طريقتج بالعقاب ياقلبي

ودمتم بود :eh_s(7):​

 

[RowTow]

و الله آنا أعاقب بالفرصه أقعد البنات و أطلعهم على آخر جم دقيقه يروحون يسوون اللي يبون فيها.

البنت اللي بالابتدائي لما تستهبل و تستعبط و ما ترضى تقعد و لا تهجد و تخرب الحصه على نفسها و على زميلاتها لازم تتعاقب. و هاذي بالابتدائي يعني مو معقوله أطلعها من الصف.
فمثل ما ضيعت علي وقت حصتي أضيع عليها وقتها اللي اهي تحبه.
و بإذن الله محد يسويها على نفسه احنا كل الحصص نطلع البنات الحمام, و شدعوا البنات أصلا يروحون الحمام بالفرصه.

و بالنسبه حق ناظرتج هاذي متسببه و في منها واجد, إللي لما الطلبه يغيبون يقومون يتجسسون على الصفوف يشوفون منو الأبله اللي قاعده.
حقريها.

 

[سحابة امل]

الله يعين

 

[e.ngland]

والله اسمحيلي انتي غلطانة أنا لما كنت طالبه والابلات يحرمونا من الفرص شنسوي فيهم وندعي عليهم
يعني من الساعه 8 ا 2 كله دراسه بدراسه مايصير
والفرص من حق الطالب والمعلم ماله حق بانه يمنع الطالب من فرصته
اوكي الطالب سوى شيء غلط وبتعاقبينه في اداره ؟ في تقولينله راح انزلك بلدرجات خوفيهم قولي بدق على اهلكم او دقي إذا تمادى حيل او مايحل واجباته نهائي

بس سالفة امنعه من فرص لا والله حرام
والشي الثاني بلنسبة للناطرات شيء عادي تبيج تشتغلين وحتى لو عندج طالب واحد ماتخلينه أنا اتذكر السنه اللي فاتت انه وصل قرار للمدرسات مادري عاد صج ولا جذب بس على لسانهم انهم يدرسون الطلاب حتى لو طالب واحد بلفصل

وانا اشوف امورج عاديه ومافيه داعي تكرهين التدريس انتي قاعده تكرهين نفسج بنفسج بلتدريس
والله يوفقج يارب

 

[omaseel]

الله يعينك

 

[ذكرى الفجر]

الله يعين

 

[مدّهره !]

تووووك بالموااقف كل يوم أكشششن جديد


من الطالباات ومن الإداااره ^^

 

[جفاني الوقت]

هههههههههههههه نفس معاناة اللي عندنا بس عن نفسي انا قلبي كبير ولو الصبي رقص جدامي وقال حره ماتعاقبت بضحك واكبر عقلي واعلمه بعدين .........مهنة التدريس يبيلها قلب كبير يتحمل الكل لانه لكل سن ومرحلة وعمره لها صفات معينه والمدرسة هي المربية والام الثانية تحتويهم تحملهم لانها عارفه اهما بهالمرحلة شلون تفكيرهم وماكو مسؤوليه لانهم صغار..... اجرج عند ربي كبير