راحه واستجمام في جاخور كبد

[ريم البوادي]

السلام عليكم ورحمه الله وبركاته

حبيت احط تجربتي للي مايقدرون يروحون للبر بعطله الربيع للبر او سفر

انا حجزت بعطله نهايه الاسبوع اللي فات جاخور بكبد خميس وجمعه وسبت
انا وعيالي استانسنا وغيرنا جو
بغينا نحجزه مره ثانيه قالو الجاخور محجوز لمن 1-2 فاللي حابه انها

تجرب جم يوم بالجاخور حدها تجربه حلوه والسهر لفجر على الدوه برى وخيمه بيت الشعر شيء عجيب جني مسافره
والهدوء بس تسمعين صوت الجراخيات

انا حاجزته بعطله 25 فبراير وحجز الجاخور يومي
فاللي حابه تعرف عن الجاخور تراسلي على الخاص وازلها لصور

صاحب الجاخور بو عبدالله ماقصر حبيت انشر له تجربتي مع جاخوره

جاخوره يتكون من
3 غرف يم بعض
1- غرفه فيها سريرين منفصلين
1- غرفه 3 اسره منفصله
1 غرفه زوجيه
بينهم حمام ومغاسل عزكم الله

وبالجهه المقابله
غرفه خدم وحمام ومطبخ

وديوانيه وغاسلها وحمامها عزكم الله
وحديقه اماميه مسوره بسور

وحديقه داخليه فيها بيت شعر

استانسنا وغيرنا جو وكسرنا الروتين

اتمنى استفدتو من تجربتي وتكون فكره حلوه لكم كمتزوجين

بحفظ الرحمن