راح تحملين باذن الله

[واوي حبي]

السلام عليكم حبايبي
يااااارب الله يرزقج كل وحده بالذريه الصاالحه ويتمم على كل حامل يارب

بنات في طريقه بقولكم اياها باذن الله راح تحمل اللي تسويها واللي سامعه فيها اويسوونها بعايلتها ياريت تذكرون عشان البنات يصدقون لانها ممكن تكون غريبه شوي



بنات انا صارلي سنه ونص متزوجه وبهالفتره الله ماكتبلي الحمل سويت تحليل هرمونات واصدمتني الدكتوره قالتلي فيج صعف مبايض والله ضاق خلقي حيل قالتلي لاتخافين عادي بالاكل السليم والابر راح تحملين باذن الله

والحين بقولكم الطريقه امي ويدتي قالولي خلي وحده والده تحلب على ظهرج ولازم قبل لاتطلع من الاربعين وفعلا يابنات خليت بنت خالتي تحلب ع ظهري والحمدلله بعد شهر ونص حللت وطلعت حامل بجيت من الوناسه وحمدت الله على ان رزقني بالحمل



والله بنات جربوها وراح تحملون لان الحلاب يفج الجبس اذا وحده جابسه عليج او اي شي يخليج على طول تحملين
ويابنات اتمنى تجربونها والله يرزقكم بالذريه الصالحه

ومابي غير الدعوه الزينه انكم تدعولي الله يثبت حملي يارب ويرزقني بالذريه الصالحه السليمه المعافاة
والكلمه الطيبه
واللي مومقتنعه لاتخرب على غيرها بالكلام السيئ
واللي مجربه اوسانعه تذكر حق زميلاتنا
والله يرزقكم خواتي بالذريه الصالحه ياااااااااارب




ونسيت اقولكم ترا هاذي مو اول مره احلب فيها هاذي2 مره

او مره حلبو علي حملت بس حزتها ماكنت كلما احللل مايطلع اني حامل وسويت اشعه للوظيفه وعقب طلعت حامل والحمدلله طرحت لان مسويه اشعه الله ماكتب ان يثبت



وعقبها بثلاث اشهر مرت ولد عمتي احلبت على ظهري والله كتبلي الحمل حمدلله رب العالمين
ربي احفظ جنيني ياااارب

 

[الريشة]

مشكورة أختي
و يالله يا رب تثبت حملها و تفرحها
عموماً الحسد إذا حاش الوحدة و سبب لها منع الحمل أو الإجهاض ، تكون العين حايشة الوحدة في ظهرها.....
لهالسبب إذا الوحدة شاكة فيه ناس حاسدينها إنها تاخذ من أثرهم و تتسبح فيه و تصب الماي على منطقة الظهر لأن الحسد و العين تتركز في هالمكان و يسبب لها عدم الإنجاب.
بس أنا مستغربة شنو علاقة حليب المرضعة بالمساعدة على الحمل!!!!!!! :eh_s(10): :080402ask_prv:
بس عندي سؤال؟
يصير ناخذ حليب اللي ترضع في كوب و بعدين نمسح على ظهرنا ؟
أو لازم ينصب الحليب مباشرة على الظهر؟

 

[واوي حبي]

مشكوووره حبيبتي عالدعوه الحلوه ويرزق الجميع بالذريه الصالحه
والله اللي اعرفه انها توقف وراج وتصبه موفق ظهرج وينزل لي تحت يحوش ظهرج كله
وماشالله وحده بوحده
حتن امي قبل جربت هالحركه لانها تاخرت بالحمل واحملت ماشالله
وبنت عمتي معاي بعد حلبو ع ظهرها تاخرت هم سنه وشوي عالحمل والحين حامل ماشالله

والله جربوها بنات راح تحملون باذن الله ابيكم تفرحون مثل ماانا فرحت

 

[واوي حبي]

واللي تجرب عفيا بنات كتبو
خل كل محرومه تجرب وتفرح بالضنا يارب
خل يصير مرجع حق الكل يستفيد منه

 

[واي بفضفض]

رزقك مكتوب من ألف سنه قبل الخلق

 

[عنودى البحرين]

مشكوره الله يجزاك خير والله يتمم عليك حملك وثبته لك يارب ويرزقنى ويرزق كل محرومه

 

[غلا عيوني]

حراااااااااااام وشكر والعياذ بالله اللي رزقج الله سبحانه لاتعتقدين من حلبة ظهر

 

[توكلت على الله 22]

اول مرة اسمع في هالطريقة

 

[غند-777]

الله يثبت ضناج وتفرحين فيه

 

[ماما احبك]

مااعتقد ان هذي الحركه. سبب فلحمل الحمل من الله عز وجل والله. لو يحللللللللللبوووووووووووووون. سنه والله مو كاتب. انك ماتحملين ماراح تحملين. هذي كلها بددددددددددددددددددع. العين صج حق عليج برقيه الشرعيه. وسبب تأخر الحمل أكيد لخبطه بلهرمونات او ضعف او اي. شي كااااان. ع العمووووووم مبروك الحمل والله يثبته لج ويفرحج. بشووووفته.ويرزقني عاجلا غير آجلا أنا وجميع بنات المسلمين

 

[&هند&]

حبيبتي هذا بدعه وخرافات الي تتوقع فيها عين عليها بالقران وشكثر حملو على القرايه والله يرزق كل محرومه ،،،

 

[النووف]

صح بدعه وخرابيط الناس القديمين واجد

الواحد يرقي نفسه بالاذكار والاستغفار

والله كريم

 

[أم سيف وسلطان]

الحسد علاجه الترقيه بالقرآن أختي

 

[::كيك وعسل::]

خرااافات

 

[أحبه موت]

حبيبتي مايجوز اتسوين جذي هذي بدع ماله علاقه الحلاب بالحمل حدث العاقل بما يعقل لهدرجه اتصدقون كل شي​

 

[Dodo80]

كلامج صحيح انا بعد سامعه الحجي الله والله يخليلج عيالج يارب

 

[يابختي في علاوي]

اي سامعين في واحنا بعد عندنا نفس الطرقه طريقه امي ويدتي هذي
بس الله كريم انشالله احمل :eh_s(2):

 

[Dodo80]

انا بعرف ليش لما الوحده تكتب عن حالتها وشنو سوت والشغله من معتقدات معروفه عند كبار السن قديما سويتوها شرك وبدعه وخرافات وكفر
وكل وحده صايرتلي داعيه بس خلوا الناس تتكلم وتقول الي عندها والي موعاجبها الكلام ياماترد او تكتب اول مره اسمع مشالله عليكم ماتقدرون
عيل ليش تروحون حق الرداده وحق الي تمرخ والي تعطيكم اعشاب وعلاج عشان تحملين عيل جذي هم مايصير هذي بدعه خلوها علي الله ربج كل شي بيده


صج ناس ماعندها شغل

 

[واوي حبي]

طبعا الله سبحان وتعالى جلا جلاله هو الرااازق اشكرك ياارب
لكن بنات انا موقصدي الحليب اهوا اللي يرزقني انتو مادري ليش فاهمينها بهالطريقه انا قصدي ان هالشي ممكن يساعد وممكن يكون حليب الوالده في شحنات موجبه يعني في شي مرتبط بالحليب واللي ودها تحمل

وطبعا بالقران والاستغفار الله بيرزقنا انشالله
ويابنات انا وايد اقرا سوره البقره وهم قالولي سوره الواقعه اذا قريتها ورا صلاة المغرب تيييب الرزق والحمدلله الله ماقصر ورزقني بالحمل الله يثبتوالبنات اللي يقطون حجي خرافات وغيره هاذا بدال ماتدعون ان الله يرزقنا الخير ويرزق كل وحده بالحمل
عموما مشكوره كل وحده ردت علي بكلمة خير ولها بالمثل

 

[واوي حبي]

كلامج صحيح انا بعد سامعه الحجي الله والله يخليلج عيالج يارب

حبيبتي والله مشكووووره
والله يرزق كل وحده على قد نيتها