راسي ذابحني شاسوي وين اروح

[الأنسة ناعمة MA]

يابنات راسي ذااااااااااابحني أحس ثقيل والدنيا تدور فيني ومصدعة موطبيعي اكل بنادول ماكو فائدةة وماقدر أكل ولا أنام
شاكة فيني فري
وين أروح أمانة دلوني على حرمة ولا حرمة تعالج بالبيت ؟؟ الله يخليكم وحدة سنعة تعرف تسوي

 

[طبعي شموخ]

الله يشفيج ان شاءالله

Up
Up
Up

 

[وجهت وجهي اليك]

الله وسفوح اختي
في دكتوره ممتازه بمستشفى المواساة اسمها لسمعان الملأ ممتازه حق الآلام اللي مالها سبب

 

[شماليه أصليه]

حطي حنه على شعرج لان الرسول (ص) اذا حس بصداع تحنى

 

[طبعي شموخ]

نقس حالتي
:eh_s(16):
:eh_s(2):
:eh_s(16):
في وحده حيل يمدحونها اسمها ام خالد العازمي بالعمريه
رقمها24764163*

 

[أم أحلى البنات.]

يمكن فيج فري ..

اذا كان العوار بقمة راسج وماتحبين الصوت العالي وتحسين بثقل ترى هذا فري ...والله اعلم ..

 

[منتظرة الفرج]

انا من سنين كان فيني دوار شديد ماله سبب وراسي ثقيل احس رقبتي موقادره تشيله واشياء غريبه مو عارفين الدكاتر سببها اخيرا قال لي دكتور فيك توتر بالاعصاب واكتئاب وكهربة المخ زايده تعالجت عند دكتور امراض نفسيه مع المهدئات اختفت الاعراض والحين 7سنوات وانا اخذ ادويه اكتئاب ومراجعات والحمدلله ماشي الحال حبيت اقول لك قصتي يمكن تفيدك وماعليش شر

 

[اووريو]

الله يشفيج

 

[أم أحلى البنات.]

انا من سنين كان فيني دوار شديد ماله سبب وراسي ثقيل احس رقبتي موقادره تشيله واشياء غريبه مو عارفين الدكاتر سببها اخيرا قال لي دكتور فيك توتر بالاعصاب واكتئاب وكهربة المخ زايده تعالجت عند دكتور امراض نفسيه مع المهدئات اختفت الاعراض والحين 7سنوات وانا اخذ ادويه اكتئاب ومراجعات والحمدلله ماشي الحال حبيت اقول لك قصتي يمكن تفيدك وماعليش شر

ماتشوفين شر يا قلبي ...

حبيبتي مو زين تستمرين على هالادويه .. غيري جو سوي أي شي جديد بحياتج يمكن اللي فيج من الملل وكثرت التفكير ..

وكهربة المخ علاجها مو عند دكاترة الامراض النفسيه .. ديري بالج ..

 

[eng.1987]

ماتشوفين شر حبي وانا حاسه فيج وجد الله يعينج ويشفيج وبقولج سالفتي
انا كان اييني صداع قوي ويستمر لمده 7 ايام ماقدر اسوي اي شي ماتحمل صوت عالي ولا الليتات العاليه وقالولي جيوب رحت قالولي مافي شي وبعدين قالولي اسنانج رحت عياده هم ماكو شي وبعدين قالولي عيونج ورحت احسن عياده عيون للدكتور خالد السبتي وقالي يابنتي مافيج شي يبيلج عيادة اعصاب اخاف فيج صداع نصفي وعطاني رقم عياده دكتور اعصاب للدكتور سهيل الشمري ورقمه 25633324 واهو الوحيد اللي عرفلي قالي هذا نوع من انواع الصداع النصفي وعطاني ممنوعات ماسويها واكل اخفف منه ودوا مدته 6 اشهر وتهدينه والحمدالله صارلي فوق السنه ماييني الصداع بس ساعات لما اتوتر حيل يرجع

 

[دارين العنبر]

ما عليج الا العافية
اول شي راجعي المستشفى وخلهم يسون لج كل التحاليل حق تعرفين سبب عوار الراس
وخففي التوتر والضغوط وشربي ماي وايد 3 لتر كل يوم
وانصحج تسوين حجامه ( الحجامة النبوية )
وطمنينه عليج

 

[فله]

الله يعين نفس حالتج

 

[ملاك عتيبه]

حتى انا فيني صداع موطبيعي وما احب الإزعاج والانوار لازم تكون خافته بالمكان اللي أصير فيه
ما ودي اروح للمستشفى ويكون فيني شي جايد أخاف ،،الله يشفيج ويشفيني ويشفي جميع مرضى المسلمين والمسلمات
اللهم آمين

 

[توته 17]

حياتي افحصي النظر و اذن و الانف اذا سليمه سوي مقطعيه لراسج هذيل اسباب الرئيسه الالم الراس و صداع


الله يشفيج انشاء الله

 

[همبرغر]

الأسنان والنظر لهم دور بالصداع افحصي

الله يشفيج

 

[عواششه]

أكبر غلط روحتكم للطبيب والعلاج بسيط جدا للصداع أغلقي فتحه الانف
اليسري واستنشقي بعمق من اليمني وكرريها مع الفتحه اليمني واستنشقي بعمق من اليسري وتشوفين الصداع
راح ولامراجعات دكاترة ولاعوار قلب وكان الله غفور رحيم
بس نبي منكم دعوه طيبة لصاحب المعلومة
وشكرا