راس البيبي تحت!!

[ام ورد@]

مرحباا خواتي الحوامل اخباركم ؟

اناا في آخر الخامس و مسويه عمليه ربط

اللي سار اني تعبت قبل امس احس بعوار وضغط على الرحم

لما رحت للمستشفى قالت لي الدكتوره راس البيبي تحت وجالس يضغط على الرحم :eh_s(11):

وقالت انتبهي احتمال حدوث ولاده مبكره لاسمح الله نامي على ظهرك ورفعي رجلينك

بناااات اناا خايفه هذا الحمل الثاني الاول طاح بالخامس بس ماكنت مسويه ربط

طمنوني و بايش تنصحوني علشان يتغير وضع البيبي ويرتفع

سووري طولت عليكم

 

[مكتومه]

اللى تسوينه انك ترتاحين راحه تاامه ... لحد ما تولدين
انتي مثل مرت حماي والله تجلس بالفراش لحد آخر شهر لازم تضحين الله يتمم حملج ..

 

[زين ودلال]

اهم شي ارتااااحي وكلش لا تبذلين مجهووود

وان شاء الله بأذن الله ربي يثبته وتقر عيونج فيه

 

[روح الأحزان]

حبيبتي ارتاحي وخليج نايمة على ظهرج ورفعي ريولج وان شاء الله ماكو الا كل الخير

 

[Unico Style]

حبيبتي ارتاحاي و دايما رفعي ريلج

 

[ام نواااف]

ام ورد
الله يقومج بالسلامه

طيب ليش انتي قاعده تتحركين وايد او من شنو ؟؟
توج مسويه الربط
طمنينا

اذا اضطريني خليهم ينومونج بالمستششفى احسن ورعايه اكثر

 

[english muffin]

دائما خلي ريلج فووق
و خلج كله راقدة

 

[دلووعة أهلهاا]

اي صح اذا خطر خليج بالمستشفى وظلي منسدحه لاتتحركين ،، الله يثبت حملج ياااااارب

 

[شفايف كرزيه]

الله يتمم حمالج وتفرحين بشوفته
ومثل ماقالو البنات ودكتورتج ريحي نفسج

 

[أبكاني ذنبي]

ارتااااحي طووول الوقت انسدحي

ورفعي ريوولج


هذا الحل وادعي ربج

 

[ام ورد@]

مشكوووووورين بنات وبيض الله وجيهكم

على الكلام اللي يريح

اناا مسويه ربط بنص الثالث

الحمدالله احس اليوم بتحسن وخف العوار

فديتكم والله

 

[ام عبدالله زوزو]

الله يثبت لك الحمل وتقر عينك بشوفتو اهم شي ظلك نايمة وارتاحي

 

[راقيه وجذابه]

اختي من ابوي ٣ شهور نايمه على ظهرها ماتحركت واغلب وقتها نايمه ورافعه رجولها والحمدلله ولدت بالتاسع وكان طبيعي

الله يثبته ويقومج بالسلامه يارب

 

[ام بيان]

الله يتمم حمالج اختي
اهم شي ريحي روحج وخلج كل بسرير

 

[Bloom]

ارتااااااااااااااحي راحه تامه

 

[lovelier]

الله يتمم عليج

 

[جـــواهر]

الراااااااااحه ثم الرااااااااحه ثم الراااااااااحه

 

[نوووور الشمس]

حبيبتي مراة اخوي جذيه تنام ع ظهرها ليما التاسع وما تبذل اي مجهود

وامتنعي عن الجماع ولا تشربين اي شي حار او تاكلين تمر والله يهون عليج

 

[احلامي غير]

الله يثبته لك يارب ويقر عينك بشوفته ياكريم عليك باالراحه ثم الراحه