راس ولدي مايل .. مطلوب خوذه راس

[السحابيه]

السلام عليكم ورحمه الله وبركاته

الصراحه عندي مشكله براس ولدي مايل وسويت له كل الطرق مافاد ....
اخر شي سويت بحث بالمواقع الاجنبيه قالو ان لازم اسوي له خوذه حق راسه علشان يتعدل ؟؟ من وين اشتري هالخوذه او يسوونها بمستشفيات بالكويت ؟؟؟


ياريت تساعدوني لان وايد تعبت مع راسه ..

مستعده ادفع اي شي بس احصل على هالخوذه

 

[مبرووكه]

اول مره اسمع عنها راسه مايل من النومه ولا عيب خلقي اذا من النومه نوميه الصوب الثاني وإذا عيب خلقي عرضيه على طبيب افضل

 

[ملاك الغيد]

والله ماعندي فكره

بس

ولدج جم عمره الله يحفظه وشلون مايل لان ولدي من جدام عنده صميه جانه صوب مايل يعني الجبهه من جدام جانه زايده عن الصوب الثاني ولد بو ثلاث شهور

وانشالله اذا يعرفون يفيدونج

 

[ملاك الغيد]

حبيبة حمني يعني المخده تفيد ابو ثلاث شهور

 

[noo7a]

نفس وضع ولدي
من ورى مايل على جنب شوي
قبل كان اكثر
و من عمره شهرين وانا انومه عالجنب الثاني
الحين اسم الله عليه عمره ٦ اشهر خف وايد بس ما اختفى
كل الدكاتره قالولي في مجال لي عمره سنتين يتعدل
لان راسه يكون خلال هالسنتين بعده لين
ما عدا دكتور واحد لمن سالته في مجال يتعدل حسيته يتهرب من سؤالي و قالي عادي بعدين يطلع له شعر و ماراح يبين !؟

 

[السحابيه]

مشكورين على الرد

عمره الحين 10 شهور توه داش العاشر يعني ..
لا مو عيب خلقي اظن من النوم حاولت بمخده شريتها مافاد ونفس ما قلتو الدكاتره يقولون ان بيتعدل بس مو شايفه نتيجه

ولما دورت بالنت شفت في يهال جذي بس مسوين لهم خوذه مثل الجبس حاطينه على راسهم وتعدل بعد 3 شهور من لبس الخوذه ومادري من وين اييبها

 

[السحابيه]

نفس وضع ولدي
من ورى مايل على جنب شوي
قبل كان اكثر
و من عمره شهرين وانا انومه عالجنب الثاني
الحين اسم الله عليه عمره 6 اشهر خف وايد بس ما اختفى
كل الدكاتره قالولي في مجال لي عمره سنتين يتعدل
لان راسه يكون خلال هالسنتين بعده لين
ما عدا دكتور واحد لمن سالته في مجال يتعدل حسيته يتهرب من سؤالي و قالي عادي بعدين يطلع له شعر و ماراح يبين !؟

انومه على اي جنب المنتفخ ولا المسطح ؟؟ والله احترت كل احد يقولي شي

 

[الأميرة جوري]

نوميه عالمنتفخ علشان يتعدل ب سمعت يتعدل مع الوقت

 

[noo7a]

انومه على اي جنب المنتفخ ولا المسطح ؟؟ والله احترت كل احد يقولي شي

عالجنب المنتفخ
عشان ينضغط لي داخل
و يتساوى مع الجنب الثاني

 

[hooryah q8]

ماعندي فكره ان شاءالله البنات يساعدونج

 

[MOOON&M]

حبيبتي نوميه عالجنب المنتفخ علشان يدخل داخل ويصير مثل الجنب الثاني


واهو نايم لفي راسه واحشريه بمخده علشان ما يلف عالجنب الثاني

وراح يتعدل بدون خوذه ولا شي

والله يخليه لج ياااارب

 

[السحابيه]

يعني انومه على ظهره بس الف راسه على الجانب المنتفخ؟ ولا انومه على جنب ؟؟

ومشكورين على الرد تعبتكم معاي

 

[امواج الكويت]

نومي جسمه كله عالصوب المنتفخ اذا بس راسه اكيد راح يلف الصوب الثاني واحسن شي اذا نومتيه عالصوب المنتفخ حطي مخده ثانيه ورا ظهره عشان ما يقلب

 

[ام الدرر]

امهات اول يسوون مخدة رمل
اذكر خالة اختي سوت لولد اختي نفسها
كان راسه نفس ولدج
مابي اضيق خلقج بس وااايد تاخرتي مفروض من اول الاشهر
الحين سوي المخدة هاتي رمل ناعم مال البنيان وحطيه بكيس مخدةصغير فاضي وفوقه كيس نايلون وعقب كيس مخدة ثاني واذا حطيتيها بفراشه
سوي حفرة بالنص يعني بايدج ضغطي لما يصير حفرة
تنومينه على الصوب المنتفخ وتحطين ورى ظهره مسند يابس مو مخدة عشان ما يتحرك
وان شالله يتحسن​

 

[Snow-White]

انا بنتي كان فيها ميلان بالراس وحولوها مركز الفهد والاخصائيه هناك سوتلها جلسات بالاضافه حق مخدة الرمل نفس ماقالت ام الدرر وفيه مخدة شريتها من سنتر بوينت حق اذا بكرسي السياره او بالبيت تنحط حوالين الرقبه عشان تسند الراس ومايصير فيه ميلان وهذي صورتها

بس راجعي الطبيب لاتخلينه[/COLOR][/COLOR]

 

[عشماويه]

حبيبتي أول شي لا تحاتين إذا كبر ولدج بيكبر راسه وما راح يبين الميل براسه إلا إذا قرعتيه عاد : )


طبعا ألحين ولدج كبير ترا, وحتى لو اشتريتي له المخده ما أعتقد تنفع


إحنا طريقتنا إذا المولود راسه مايل من أول أيامه نلف راسه بغتره ونداور نومته ما نخليه دوم على جهة وحده


فحطي هالشي فبالج للبيبيات اليايين إن شاء الله

 

[روحي82]

حبيبتي يبيله علاااج طبيعي تدليييك صووب الرقبه عشااان الاعصااب المشدووده ترتخي ويقدر يعدلهاا بس بازم توودينه لا يصير فيه عيييب خلقي


قبل بنت اختي جذي واحتاااجت علاااج طبيعي والله يشاافيه يااارب

 

[السحابيه]

مشكورين على الرد ...

بس حبيت اقولكم ان اهو رقبته عاديه بس راسه من ورا مايل وتقريبا 5 اشهر انومه على جنبه المايل وماشوف تحسن وايد ...

وهم راح اخذ بنصايحكم ومشكورين ماقصرتو

 

[رحيل]

بنات انا ولدي نفس الموضوع الحين عمره٤ شهور وداش الخامس واول بيبي لي ماكنت اعرف اني لازم انومه كل مره صوب فكنت انومه صوب واحي وبعدين لاحظت ان جوانب راسه مومتساويه اهو انشالله باذن الله ١٥ من هالشهو يكمل الخامس فتعتقدون يعني اللي عندها خبره ان اذا نومته من الحين عالجنب الثاني بيتعدل واللي عندها خبره اذا انشالله في مجال يتعدل شكثر يبيله تكفون ردو علي ومشكورين