رايكم مهم يا أولياء أموراطفال الرياض

[As-chocolate]

السلام عليكم



شلووووووونكم شخباركم حبايب قلبي مع أيام الشتوية >>على قولة اللبنانين يا حليلهم وياحليل ذرابتهم بالحجي
الموضوع مفتوح للنقاش لأي ولية امر لطفل بمرحلة الروضة ( روضة حكومية ) سواء كانت او لازلت نو مشكل المهم انج مريتي بالتجربة:eh_s(6):
المهم ياحلوين انا قاعدة اسوي بحث ومطلوب مني اخذ راي اولياء الامور اللي هم انتوا فديتكم وفديت هالعيون اللي تقرى موضوعي عن منهج الروضة ورايكم بالمدرسات وطريقة تعاملهم مع الاطفال وهل تشوفون ان الروضة الحكومية قاعدة تفيد الطفل وتساعد على تنمية ذكائه وقدراته وانها بالمستوى المطلوب ام هي متسيبة بعض الشي ومصدر خوف وكره بالنسبة للطفل ومو قاعدة تعطي الطفل المعلومات اللي تواكب عصرنا الحالي ؟؟؟
عبروااااا عن كل شي يخطر ببالكم واعطوني مافي جعبتكم جزاكم الله الف خير وانا بنسدح واقرى ردودكم يا حلوين والكل انشالله بحط رايه ببحثي لا تحاتون :dddds:

1
2
3
انطلاق

 

[بنت الاكابر]

هلا حبيبتي........ الرياض الحكومية مميزاتها:-
1- المبنى كبير ويستوعب اعداد كبيرة من الاطفال عكس الخاص.
2- توفير الالعاب التربوية والمسلية للاطفال .
3- توفير وجبة غذائية صحية للاطفال.
4- وجود مرافق مثل المكتبة وصالة الالعاب وغرفة الوسيقا
5- تنظيم رحلات واحتفالات في اغلب المناسبات.
العيوب:-
1- اهم عيب في الرياض الحكومية عدم التركيز على الجانب التعليمي للطفل.
الاقتراحات:
1- تكون هناك حصة يومية لحفظ القران.(لكل كورس 3سور قصيرة يحفظها الطفل)
2- تكون هناك حصة يومية لتعليم الاطفال الاحرف العربية قراءة وكتابة تماما مثل الرياض الخاصة.وتكون للمستوى الاول.
3- تكون هناك حصة يومية لتعليم الاطفال الاحرف الانجليزية قراءة وكتابة للمستوى الثاني.
4-تكون هناك حصة يوميه لتعليم الاطفال الارقام قراءة وكتابة .
5- غرس المفاهيم الاسلامية والوطنية في نفوس الاطفال بشكل مبسط (حب الله والرسول والاسلام وحب الوطن والامير والكويت)

ارجو ان اكون قد افدتك وشكرا

 

[As-chocolate]

مشكوووووووووورة والله يعيطيج الف عافية حبيبتي كفيتي ووفيتي

وين باقي البنااااااااات ؟؟؟ بليزووووووو ساعدوني بكتب بحثي ورايكم مهم

 

[غلاي عزوزي]

-روضتي ولدي يديه وتههههههههههههههههههههههههههههبل
-المدرسات من اول يوم اشكره يقولون لوعه يعني مالهم خلق تدريس ولا حتي مجابل اليهال
-المنهج منهج خرطي عز الله السامع لو يدخلون شويه دراسه وكتابه ابرك من هالحوسه والتكاليف بتحضير الدروس عالفاضي عالاقل الابله تكلف عمرها وتسوي وسايل وتدفع فلوس بس المقابل ترضي الموجهه لو في تدريس ابرك

 

[غزلان بنت ابوها]

الروضه الحكوميه ماله دعي الخاص احسن واااااااااااااااااااايد بس رقص واغاني والفراشات وبلويهم

 

[مي الحلوة]

الحق بنقال..ابلات الروضة الحكومية مو مقصرين..من ناحية الاهتمام والعناية بالاطفال..وتعاملهم حلووو
ويعطيهم العافية على المجهود اللى يسوونه..وانا ملاحظه على بنتى انها بدت تقرأ شويه ايات وتجيب معلومات حلوة
من الابلة..وانهم يحاولون يوصلون المعلومات بطريقة حلوووة..

 

[ساره ستايل]

الابلات بالروضه يتعبووووووووون بس المشكله مو فيهم ---المنااااااااااهج وطرق التدريس

لعب ورقص و غناوي --شلووووووون بيتعلم الياهل ؟؟


ولدي كان بحضانه لمدة سنتين قبل الروضه
اسمها fun for kids مالت بنت د.نوريه الصبيح
خوووووووووووووووش حضانه رووووووووعه تعليمهم


والله تعلم بهالسنتين اللي ما تعلمه لي الحين بثانيه روضه حكومه

بطللللللللللللعه من الحكومه حراااااااام ايامه تضيع على دق ورقص

 

[الفرسان الثلاثة]

انا ماجربت روضة الحكومه بس لو تحطين خريج رياض الخاص و خريج رياض الحكومة لا مجال للمقارنة
رياض الخاص عندهم منهج و تعليم ياريت رياض الحكومة يعلمون الياهل عربي انجليزي رياضيات و اسلامية .. مانبي مبنى مزهلق و مافي فايدة منها و
ابصراحه اغلبية المدرسات اللي يبون يشتغلون في رياض اطفال يكونون يبون الراحه بس مو الكل بس وايد منهم مالهم خلق يبون الراحة عفية دوامهم قصير و اليهال كلا غايبين لو نقارن دول بره ما سشغلون حق رياض الاطفال الا إللي عندهم ماجستير و خبرة
وانا اللي ذابحني منهج اولى ابتدائي !!!!!!!!! شالتناقض مادري يبدون مع الياهل منهج قوي و منهج الروضة مافيه شي اتحسون تناقض و صدمه حق الياهل و تعب على الام تقعد فجأه منن الدلع اللي في الروضه لين فجأة يبونه يكتب جمل !!! لو بالروضة معلمينهم الاحرف والارقام وايد احسن و ما اعتقد انه صعب لو بالاسبوع يتعلمون حرف واحد اكييد ما بتخلص السنه إلا وهما يعرفون كل الاحرف و طبعا بتكون التعلم بطريقة لعب و اغاني مو جد و يتعود الياهل على مسكة القلم شوي شوي ولو يحفظ جم سورة قصيرة و يتعلم سلوكيات اسلامية و احترام الوالدين و برهم

 

[أقسى جرح]

نصيحه حطيه بروضه خاصه بترتاحين بالمدرسه ماراح يتعبج

لان فعلا رياض الحكومه (دق ورقص) اما الخاص تعليم

 

[As-chocolate]

شاكرة مروركم حبايبي وجزاكم الله الف خير ما قصرتوا وانا أأيدكم بأكثر من نقطة لكن لاني انا اللي بسوي البحث فلازم أكون شوي محايدة
وناطرة اراء الباجي عشان اقدر اضيف اكبر قدر ممكن من اراء وليات الامر ويعطيكم العافية فديتكم :*