رايكم يالمتزوجات..لو انتي معاهم بنفس البيت وينعزم الكل وانت اخر من يعلم شتسووين؟

[hell0 kitty=^^=]

قوه بنات فيه ظاهره صرت اشوفها وايد واخرها موقف لرفيجتي لما زرت بيت اهل زوجها في مناسبه عندهم ماشفتها سالتها وينج قالت والله ماادري وانا بايته الويك اند عند هلي ولا حد خبرني واهي تعودت على هالشي لانها وحده بحالها دايم رسميه معاهم لو انتوا مكانها اشردت فعلكم؟؟؟

 

[جـــواهر]

دام انها لحالها ورسميه معاهم عادي جدا يعني
وانا بالنسبه لي حمولتي يجونهم ناس فبيتهم وانا مااادري ومايقولون
وطااااف والله ولا يهمني مع ان هالناس اعرفهم ..

بس عادي طاف ..

 

[So0oKaRa]

على حسب المناسبه
لو مناسبه كبيرة وانا اخر من يعلم طبعا اتضايق
اما مناسبه صغيره يمكن اطوف وما اهتم

 

[أمواج البحر]

وااااااااااايد صارت لي

والمشكله اعرف من عيالي و الخدم

وساعات اشوف اهلهم ويشرهون ليش ما شفناج بالعزيمه!!

بس طنش تعش تنتعش

 

[فيونه المزيونه]

طاااااااااااااااااااف ما همني

 

[شيخة الحلوة]

هذه خصوصية حقهم

انا مااشوف فيها شي
عادي

 

[أم لطووف]

على حسب المناسبه
لو مناسبه كبيرة وانا اخر من يعلم طبعا اتضايق
اما مناسبه صغيره يمكن اطوف وما اهتم

أنا معاها..

 

[سندريلا86]

دام انها لحالها ورسميه معاهم عادي جدا يعني
وانا بالنسبه لي حمولتي يجونهم ناس فبيتهم وانا مااادري ومايقولون
وطااااف والله ولا يهمني مع ان هالناس اعرفهم ..

بس عادي طاف ..

معاج حق وبعدين انا عن نفسي تعودت ال ن اهل زوجي غجر ولااحد منهم بعرف الاصول والواجب معاي بس حق الناس اللس برى والله لو اقولكم عنهم ماتصدقون بس جد مدري ليش الناس تغيروا صاروا يخوفون والكره وصل حد الجنون والقتل اعوذ بالله

 

[منورة الكويتية]

رد : رايكم يالمتزوجات..لو انتي معاهم بنفس البيت وينعزم الكل وانت اخر من يعلم شتسووين؟

المفروض ينقال لها خصوصا انها عايشه معاهم بنفس البيت

 

[حجيه هيونه]

صلي على النبي بس انا حماتي بعرس بنتها ما عزمتني على عرس بنتها الا قبلها بليله يعني باجر العرس دقت علي اليوم بالليل

طبعا مارحت وطنقرت عليها لانها اكثر وحده تتعتب بالدنيا ولما صار عرس بنتها ولاااااااااا جابت سيره ولا قالت شي سمعت من الناس وحتى ماطرشت كرت

قبلها بليلة دقت تعزم الاخت فطنشتها

 

[عاشقة_الجمال]

وايد ناس جذي

لا تهتم دامها ان علاقتها رسميه وياهم

 

[أم ورود الحلوه]

اللي يحر مو انهم ما يعلمون اللي يحر اتنهم يتشرهون ,,,

 

[ام الورد83]

والله طاف شعليكم منهم انتي سوي الي عليج وجبي وخلاص دقو ما دقو مو ضروري يعني ما تشوفين الناس الي عندهم اما بالمناسابات الكبيره عاتبي الي يعاتبج وبس رضا الناس غايه لاتدرك والاغلبيه مايحبون الا المنافق انا ما ادري شلون مايقولون حق مرة الولد الي ساكنه معاهم بالبيت صج في ناس ماتستحي اقل شي علشان ولدههم

 

[ام طلال]

رد : رايكم يالمتزوجات..لو انتي معاهم بنفس البيت وينعزم الكل وانت اخر من يعلم شتسووين؟

مايشوفون شر

 

[الا انــــــا]

اعوذ بالله الناس شفيهم
المعروف ان البنت من تتزوج ولدهم خلاص يعدونها حسبة بنتهم ويعاملونها على هالاساس
بالنسبه لي خالتي لويجونها ضيوف فجأه او حتى اذا صارت عندها جمعة جاراتها تعطيني خبر وتلزم فيني احضر واي مناسبه تصير انا اول من يعرف عنها مع اني من تزوجت وانا مو ساكنه وياهم
هذي خالتي طبعا اما حمواتي العكس تماما...........................

 

[hell0 kitty=^^=]

بس فشيله لو تدخلين البيت وماعندج خبر وتشوفين الناس كاشخين وانت كانك من كوكب ثاني ماتدرين شسالفه اما اللي فبيت بروحها عادي والله

 

[@ نجمة العطااا @]

هالحركة صارت لي ومازلت تحدث حتى هذه الساعة ككككككككككككك
والله بالبداية تضايقت لكن تالي طنشت انا بعد والحمدلله بيت بروحي
والله ارتحت اذا عندي مناسبة اعاملهم بالمثل ما اقولهم ابدا واكثر من مناسبة مرت وما قلت لهم
انا امشي على قاعدة
اللي يقدرني اقدره وبس!!

 

[BiiShOoO]

و الله كيفهم ما يشوفون شر اذا كانت مناسبة عادية اذا مناسبة كبيرة هذا الي يحر مثل ماقالو البنات

 

[رواسي الشوق]

حبيبتي الي مايعدك راس مال لاتعده فايده

ولا يهموووونج طاااااااف ..

ومادام معايا القمر مالي ومال النجوم لووووول

عليج من ريلج ابوعيالج هو الي يستاهل تدورين رضاه وبسسسس

 

[كرز حالي.]

رد : رايكم يالمتزوجات..لو انتي معاهم بنفس البيت وينعزم الكل وانت اخر من يعلم شتسووين؟

اهيا مو رسميه وبحالها؟؟؟؟ معناته اهيا عودتهم على جذي
وبعدين اذا يمعه ولا عشا عادي مولازم يقولون لها
يعني يستأذنون منها مثلا؟؟
خو اهي ببيت اهلها بعد ليش يدقون
بس اذا حفله او ملجه او شي جذي كبير لا لازم يعزمونها اهيا واهلها