رايكم يهمني تكفون لا تبخلون على اختكم

[بـــذرة غـــلآ]

السلام عليكم ورحمة الله وبركاته

انا اختكم فالله محتاجه لكم

وهذا نك رفيجتي مو نكي

اتمنى تكونون خواتي

انا مشكلتي صارلها حول السنه وما انحلت

وموقادره اواجه هالمشكله ابداً

انا احب دراستي وقضيت حياتي ووقت فراغي كله بالدراسه

لين تخرجت من الثانويه ولي هالوقت اناماكنت افكر بالشباب

ولا اعرف شنو يعني علاقه بين بنت وولد

وبعد تخرجي تقدموا لي عيال عمي وانا رافضه فكرت زواجي من عايلتنا

حاولت اتهرب من هالزواج وانصحتني وحده من صديقاتي اني ادخل احد

مواقع التعارف بغرض الزواج

وفعلا دخلت وتعرفت على شاب

علمني الحب وحسسني اني البنت الوحيده بالعالم

لدرجة اني ماقمت انام ولا اطلع مع اهلي ودي كل الوقت وياه

واي مكان اروح له لازم يكون اهو فيه

وما انام الا على صوته

وحبيته حييييييييل وللحين احبه ومااقدر ابعد عنه

واول ماعرفته كنت خايفه حيل

وحلفته انه اذا الزواج مو هدفه من هالعلاقه

يقولي عشان ننهيها

وللاسف

كان يقول لا احبج وابيج ومااعيش بدونج

وبعد فتره كنت رايحه السوق وقلت له وجاء هناك فعلا

وكان واقف قريب مني وجاء رجال وسلم عليه

وكنت اسمعه قال له متى العرس؟

قال له شهر 1

!!

انصدمت

ولما رديت البيت اتصلت وسالته

انكر الكلام اول شي

وبعدين اعترف انه من قبل لا يعرفني

واهو خاطب بنت عمه

وانه خاف يقول لي ويخسرني

وانه اذا بعدت عنه بخرب حياته

واناا للحين اكلمه

بس
اللحين هو تزوج

بدا يتغير مايتصل

ولايسال عني مثل اول

ولما اعاتبه يقول لي مشغول

وان قلت له انا ماراح اتصل يزعل

وانا مااحب ازعله ابد والله مااحب ازعله

وانخطبت قبل فتره وانجن وعصب وقال لي اذا ما رفضتي بذبحج وانه يبيني وما يقدر يخليني

ما دري شنو اسوي

وعايشه بصراع مع نفسي

اصلي وادعي ربي يبين لي الامور

ومابي اخرب بيته ولا ابي اظلم زوجته

اللحين هو يقول ان زوجته ما تبيه وتقول انها مغصوبه وبينهم مشاكل من ليلة العرس

وانهم بينفصلون

ويبي يخطبني

والله محتاجه احد يوقف معاي


تكفون ساعدوووووني برايكم
تكفون

 

[(توته مربربه)]

رد : رايكم يهمني تكفون لا تبخلون على اختكم

حبيتي انا مقدره شعورج بس انتي شلون راضيه على نفسج تكلمين واحد متزوج يعني مب لج وحتى لو خاطبها من قبل ليعرفج لو هو صادق مع زوجته او يخاف الله في بنت عمه الي الحين على ذمته مادش موقع زواج ولاتعارف هو داش الموقع بنية يستغل البنات الي في الموقع ويوهمهم بالزواج علشان يوصل لاهداف الله العالم فيها والله عالم بنيته وبعدين اشلون يحلف انه متعرف عليج بنية الزواج وهو اصلا توه متزوج وينكر هذا اكبر دليل انه مب صادق وممكن يكون كذاب في العلاقه بكبرها وممكن يكون كذاب عن سالفة الخلافات الي بينه وبين زوجته والله وضح لج انه متزوج واكتشفتي شلي يخليج للحين متمسكه فيه وبعدين انتي ماتسالين نفسج شنو نهاية هالعلاقه هو حاليا واحد متزوج اذا خايفه تخربين بيتهم وترضين تكونين زوجه ثانيه او اذا بيطلقها وهي عروس مالج الا حل من هالخيارين فليش تضيعين نفسج معاه حبيبتي تركيه عنج ماادري احسه يلعب واذا مايلعب خله يتقدم لج اذا انتي راضيه بوضعه وراضيه انه يطلق زوجته او تكونين زوجه ثانيه واذا ماتقدم لج اعرفي انه كذاب ولعاب واذا هو صج يحبج ومايقدر على فرقاج وان حياته بتخترب بدونج بيخاف تتركينه وبيجي يتقدم لج ونصيحه تراه هو لو يخاف الله في بنت عمه الي هي زوجته مادش موقع تعارف وزواج ولا كلمج وهي على ذمته يعنى حتى لو تزوجج ممكن يسوي معاج نفس الي سواه مع بنت عمه والله وضح لج الامور وطرش لج نصيبج وانتي رافضه لان كلامه وخداعه عاميج عن كل شي
مااقدر اقولج غير اذا هو خير لج الله يقربه منج واذا شر الله يبعده عنج​

 

[زوزي & الغنوجه]

رد : رايكم يهمني تكفون لا تبخلون على اختكم

حبيبتي انا مقدرة وضعك وانتي اكيد عارفه انو حرام

بس خايك ذكيه وشغلي عقلك نفس الفلم هذا يتكرر على مليون من البنات مثلك

والنهايه البنت هي الخسرانه

وهو كذاب لو يبغاك والله العظيم لياخذك ويخطبك من اهلك من اول اتصال

بس شي بدايه حرام اش تبغين فيه

اللي اقوله خليك واعيه شوي شغلي عقلك
وخلينا من العاطفه بعيد بهذا الموضوع فكري بعقلك مو بقلبك

وانتي راح تحلينها وتعرفين الصح

والله يهديك ياارب انتي وبناات المسلمين
واذا تبغين اي استشارة لايردك الا الكيبورد

 

[نـوفا]

الله يعينج

نصيحتي لج انج تتركينه .. وصدقيني الله بيعوضج ابرك منه لأنه من البدايه جذب عليج شلون تصدقينه وتأمنينه على نفسج
الله يشرح صدرج واذا فيه خير لج الله يقربه والله يستر عليج ويحفظج

 

[أإلع ـشق دلع ـهـأإ]

.
























@@


كلهم جذآبين

دآخل الموقع مو علشآن زوآج يعني بالعقل بيتزوج وحده عآرضه نفهآ ع الزوآج .؟! لآآ طبعآ الرجآل لآآ بغآ يتزوج سهل يتزوج .؟.؟

بس يقصون ع البنآت العفيفآت اللي يبون الستر ..

وأكبر دليل خآطب وتزوج ولهى عنج !!

لآآتقولين يحبني ..

صددقيييييييييييييييييييييني .. والله رآح تندمييييييييييييييييييييييين .. والله يقص عليييييييييج يبيج تكونين عشيقته فقط لآآغير ..

يبي يقزرهآ علييييييييييييج .. يبي أذأ كآنت زوجته رآيحه بيت أهلهآ يقزرهآ علييييييييييييج ..

يقول مشآكل مع زوجتي .؟! جذآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآب .. كلهم جذي كلهههههههههههههههههم ..

لآآ تصيرين نفس وحده أعرفهآ نفس قصتج حبت وآحد وتزوج وقآل مآرآح أخليج .. من تزوج لهآآآآآ عنهآ يمر شهور مآيدق عآدي .. أذآ فضى دق ..

وكآن أكثر شي يدق عليهآ بالويك أند .. لآآنه زوجته ابيت أهلهآ !

وكآنت تحلف أنه يحبهآ .. وبيني وبينج صدقنآ أنه يحبهآ لآنه حيييييل متعلق فيهآ .. لآلآآسف طلع جذآب ..

تدرين متى بين . !! .. يوم جكته زوجته أنه يكلم غيرهآ زعلت .. أهني تغيييييييييييييييييييييييير .. خلآآص خلآهآ وركض ورآ زوجته نفس الجلب أنهبل أنه زوجته زعلت عليه ..

ومن بعدهآ قطع عن البنت .. وتقول صآدفته بمجمع يمشي مع زوجته ومعآه ولده ومآسك أيد زوجته !!

شفتي شلون .؟!

يحبج أيه بس زوجته غيييييييييييييييييييييييييييييييييييييير غييييييييييييييييييييييييير ..


تكفييييييييييين أترجآج مآبي يصير لج نفس مآصآر لهآ غيري خطج .. وقطيه .. وأببدي صفحه جديده .. توبي لربج يوم القيآمه قربت

واللي خطبوج وآفقي عليهم .. حلو البنت تكون ابيت أهلهآ ويجي الشآب يتعنى يجي بيتهآ ويخطبهآ تحس بقيمتهآ ..

والله يوفقج ويسعدج يآآآآآآآآآآآآآآآآآرب ..



























.

 

[تـــاج الـــعز]

رد : رايكم يهمني تكفون لا تبخلون على اختكم

الله يعينج ويهديج ويزيح الهم من قلبج

 

[الدلـــع كله]

حبيبتي ... لاتعلقين نفسج فيه .. اهوا عايش حياته عادي وكون اسرته وانتي الضحية
مايسير تضيعين عمرج معاه .. واهوا بالبداية جذب عليج وكل الشباب جذي يكلمون البنت بس مايتزوجونها ويوعدونها بالزواج ومن كلام الحب الخ ....
فكري ان اللي قاعده تسوينه حرام ويغضب رب العالمين .. وحطي نفسك مكان زوجته .. ترضين زوجج يخونج؟؟؟
اكيد لا
استغفري ربج وادعيه ترى ربنا غفووووور وصدقيني بيعوضج واحد احسن منه مليوووون مرة بس انتي ادعي ربج واهوا ماراح يردج سبحانه

 

[اتتعبنـي غلاك]

اختي اولا الولد وجذب عليج من بدايتهااا تبين تصدقينه انه بيطلق زوجته وبياخذج غلطااااااااااااااااااانه
الشباب ذئاب متوحشه يحب يغير بين البنات والخيانه تمشي بدمه حتى لوكان متزوج عادي يكلم مليون بنت عشان يجذب عليهاااا
نصيحتي لج تتركينه من الحين لمصلحتج واذا خطبج واحد زين تزوجيه بدون لاتقوليله وانهي علاقتكم المحرمه والحب الواااااااهم
فهو جذاااااااااااااااب ايه جذاااااااااااااب ولاتقولين يحبني جذااااااااااااب يبي يتسلا فلاتكونين لعبه بين يدينه
وتذكري ان سمعت البنت مثل القماش الابيض اذا اتسخ لاينظف .....وشرفهااا مثل الزجاج اذا انكسر لايتصلح
انهي العلاقه من الحين ولاتقوين مااقدر واحبه اله تقدرين اذا عزمتي ولمصلحتج تقدريييييييييييييين
((ومن ترك شيء لوجه الله عوضه الله خيرا منهاا))
اختي عاجبتج هالعلاقه الي ماوراها اله الحرام والمعصيه والفضيحه
لاتخلين الولد يضحك عليج وتكونين لعبه بين يدينه
كل ماقال شيء قلتي ((امرنا وطاعاا))
صيري ذكيه وانهي العلاااااااقه من الحين
ونصيبج بتاخذينه وبجيلج الي احسن منه
وذا نصيبج معاه صدقيني بتاخذينه بدون هالعلااااقه المحرمه
وهالعلاقات ماتجيب اله الندم والحسره
اهتمي بصلاتج ودراستج ونفسج وبعدي عن علاقات الشباب
وصدقيني راااح تكون حياتج احسن بعيده عن الحرام
وتعيشين براحه تاااااااامه
((اتمنى انج تاخذين النصيحه وصدقيني لمصلحتج مولمصلحت غيرج))​

 

[منار البربرية]

رد : رايكم يهمني تكفون لا تبخلون على اختكم

استغفرالله ياربي


انا مقدرة مشاعرج نحوه انتي بنت نظيفه وتبين اللي يهتم فيج ويحبج واهوا كان يسلي وقته بالكلام الحلو لان طلع بالاخير عفوا على هالكلمة جذاب
اهوا خذا نصيبه مع بنت عمه ومايبيلج الخير
توقفين نصيبج ورزقج علشانه ليش مطلوب من المراة التضحيه دوم ؟؟؟
الظروف ما منعته من انه يرتبط فيها بس منعته من انه يتقدم لج ؟؟؟؟


نصيحتي من مجرب لا من طبيب

لا تضيعين الفرصه اللي امامك وافقي على الزواج وابدي صفحة جديدة مع نفسج
واهوا اذا صج يحبج يحب لج الخير
واذ بتقولين احبه وما اقدر اهده لا تقدرين قلبي وبالنسبه لتهديده مادري في انسان سوي يقول هالحجي عفوا اختي

اما اذا تبين تستسلمين لعواطفج هذا شي راجع لج كملي وضيعي فرص

لان المرأة تحب بهدف الزواج لا بهدف الحب


والبنات مايقصرون بالردود بين اكثر من رد اكيد بتلقين رد يناسب مشكلتج غير الرد اللي انا لو مكانج اتخده
​

 

[ملكية قدساوية]

.
.


يا حبيبتي اخذيها مني مدآم اهو تعرف عليج عن طريق الموآقع
صدقيني مجرد تسليه مآخذ السآلفة ...

واهو الحين تزوج يعني حطي نفسج مكان زوجته >>> جربي هالشعور ريلج يكلم وحده !!


يا حبيبتي لا تضيعين نفسج وره هالريآل ، عيشي حيآتج صح
والله راح تقدرين تصبرين وما تكلمينه هذي أيآم صعبه انا حاسه فيج
بس صدقني مع ربج كل شي يهووووون ان شاء الله ..



طلب مني [ اقولج مره ثآنيه حطي نفسج مكان زوجته الحين ومهما كانت مشآكلهم ]


والله يوفقج مع غيره يآآآآآآآآآآآآآرب وتلقين الي يسعدج

 

[(كويتيه عسل)]

الدنيا دين مثل ماتدين تدان

مثل ماتكلمين واحد يخون زوجته في بداية زواجته باجر الله راح يبليج


ديريبالج لا يبليج بحوبت زوجه حرام اهيا مالها ذنب انتي فكري بعقلج

اهوا لو يحبج صج لتقدملج مو يروح يتزوج غيرج

ولا مو بس جذي خاش عنج انه بتزوج ومعلقج مايبيج تتزوجين

انتي اشتبين بواحد لعوبي وخاين وجذاب قطعي علاقتج فيه وخل يولي

 

[كويتيه و اافتخر]

رد : رايكم يهمني تكفون لا تبخلون على اختكم

انا مقدره وضعج
بس ما ادري شنو اقول ؟؟

 

[Queenleo]

رد : رايكم يهمني تكفون لا تبخلون على اختكم

خل اقووولج شغله
الريااال اذا يبي يرربط وحده فيه والله يطلع بمرته بلاوي الدنيا كلهااا
وبيقوولج فيها وفيهااا وومو سنعه ووصخه ووماتحس فيني ووبينا مشاكل وبننفصل
هذه طبعا كلهااا حبات بندووول عشان تسكتين وتستمرين معاه ومع الووقت بتشوفين عمرج مشى واهوا صار ابووو وانتي تطالعين الطوووف
وبالاخر بيقووولج انا ماابيع مرتي وام عيالي
هذا طبعااا غير الذنوووب الي بتاخذينهاا عشان واحد اناني ومافكر لافيج ولااا بمرته الي حاشتمه وحاشمه بيته
وطبعا غيرر انج شاركتي بظلم الزوجه وبتاخذين ذنبهااا وخوفج اذا ماتبتي ربج يعطيج زووج يكلم عليج وحده وتعيشين نفس الي عااشته

السالفه كلها غلط في غلط
نصيحه من اخت لاختها
باتي مظلووومه ولاتباتين ظالمه
ووقومي صلي ركعتين توبي فيهم لربج واستخيري بالي متقدملج وصكري سالفه هالاناني واستغفررري ربج
ويفظل تغيرين رقمج وتنهين هالمووضوع خير شر

 

[ياليل مااطولك]

حل مشكلتك البعد عنه نهائي وهل في فكرك انه سوف يتزوجك نادرا الزواجات التي تنجح عن طريق الغزل فنصيحه البعد عن هذا الطريق اسلم طريقة هذا حل مشكلتك من دون عواطف على قولتهم على بلاطه

 

[تـــاج الـــعز]

رد : رايكم يهمني تكفون لا تبخلون على اختكم

كلام البنات صحيح
ابتعدي افضل

 

[مابنكسرصابره]

رد : رايكم يهمني تكفون لا تبخلون على اختكم

تصرفاته واحدمافي باله ياخذك وجالس يطلع اعذار شوفي حياتك وعيشيها بعيدعنه والله يسهلها عليك قلبي