رايكم يهمني ....

[ROOZ88]

السلام عليكم بنات




اتمنى كل وحدة تدش الموضوع تشاركني برايها


لاني محتااااااجة اسمع نصايحكم



و خصوووصا الخبيرات بليز لا تبخلون علي بخبرتكم


انا عندي مبلغ صغير تقريبا 500 دينار وحابة اني ابتدي مشروعي الصغير

اولا : شنو اكثر انواع البضايع اللي ماشية هالايام بالديرة و يكون راس مالها بسيط و مردودها حلو ؟؟

ثانيا : شنو طرق التسويق المضمونة اكثر : بين الاهل و الصديقات ولا المعارض ؟؟

ثالثا : بالنسبة للقمصان الطويلة شنو متوسط الاسعار اللي ممكن تمشي فيه البضاعة بسهولة ؟؟

رابعا : شنو المقاسات اللي ممكن افصلها للقمصان الطويلة وتناسب اغلب البنات ؟؟

خامسا : شنو الخامات و الستايل اللي ممكن يمشي بسرعة في المعارض ؟؟


مشكورين حبيباتي على وقتكم و اتمنى اشوف تفاعلكم معاي ما تتصورون شكثر محتاجة آرائكم ...​

:e3:

 

[جـــوووبـــا]

هلا فيج ياقلبي وبالتوفيق


انا عندي مبلغ صغير تقريبا 500 دينار وحابة اني ابتدي مشروعي الصغير

اولا : شنو اكثر انواع البضايع اللي ماشية هالايام بالديرة و يكون راس مالها بسيط و مردودها حلو ؟؟
الجناط والاكسسوارات والدراريع
ثانيا : شنو طرق التسويق المضمونة اكثر : بين الاهل و الصديقات ولا المعارض ؟؟
على حسب اذا عندج معارف ويشترون حلو او دشي معرض او صيري سيدة اعمال بهالموقع واذا صرتي سيده اعمال تقدرين تعرضين بضايعج
ثالثا : بالنسبة للقمصان الطويلة شنو متوسط الاسعار اللي ممكن تمشي فيه البضاعة بسهولة ؟؟
اي قمصان بالضبط والله ماعرف
رابعا : شنو المقاسات اللي ممكن افصلها للقمصان الطويلة وتناسب اغلب البنات ؟؟
كل المقاسات من ميديم الى اكس لارج
خامسا : شنو الخامات و الستايل اللي ممكن يمشي بسرعة في المعارض ؟؟
الخامات الغريبه ودششي الدانتيل الفرنسي والشوارفسكي

اتمنى اني قدرتج اساعدج وبالتوفيق يالغلا :eh_s(17):

 

[بلا وجع قلب]

انا بعد اقول نفس كلام جوبا لان صح 100% وحاولي كثر ماتقدرين تيبين الاشياء النادره والحلوه بنفس الوقت لان البنات يحبون الاشياء المميزه والله يوفقج ان شاءالله بس نصيحتي لج قبل المعارض صيري سيدة اعمال بالمنتدى اضمن لج واحسن المعرض ماتدرين عليه اقبال ولالا وسعر الطاوله الي بتقطينها مره وحده تقدرين بنصه تشتركين فيه بالمنتدى لمدة سنه يعني توفير موطبيعي

 

[LoloBlueStyle]

........
الله يوفقج
شوفي جربي المعارض ..من خلاله نعرفين شنو يمشي اكثر
ترى في معرض ببلاش مثل معرض افكاري المقام حاليا مجااااااااني والطاولات كبيره وكلها زوايا
وبعد كل منطقه مركز التنميه اللي فيها يسوي معرض مجاني
قبل فتره كان واحد بصباح السالم
وقبله بالفردوس
وانتي بمنطقتكم سالي اذا ينظمون معارض مجانيه بمركز تنمية المجتمع ...
وحاليا ابتعدي عن المعارض اللي بفلوس لانج بالبدايه
واللي يمشي جناط ومكياج والاكسسوارات .....هذا اللي ابيعه
وانا حاليا مشاركه بمعرض افكاري
صار لي 5 مرات اشارك لانهم كل شهر ينظمون معرض مجاني
واتمنى تشاركين الشهر الياي
تعالي اليوم او بكره واخذي فكره

اتمنى اكون افدتج حبيبتي والله يوفقج يارب

 

[ROOZ88]

مشكورين حبايبي ما قصرتو