رايكم يهمني

[ام طلال]

السلام عليكم
خواتي الحبيبات انا الحين في الشهر التاسع يعني صارلي تقريبا 17 يوم من دشيت التاسع وامي تحن علي تقول لي البجر ماتطول اول ماتدخل شهرها تولد اشمعنى انتي؟؟؟فآنا حابة اعرف كل حدة منكم بأي يوم في التاسع ولدت ووين ولدت وشنو الاعراض اللي حسيتوا فيها؟؟

شكرا

 

[moonlight]

رد : رايكم يهمني

حياج الله ام طلال
بالنسبة لي انا اخذ شهري كله يعني اذا عطوني موعد الولاده اولد بنفس الاسبوع يعني اخر اسبوع من التاسع .
وبعدين راح تحسين بالطلوق تبتدي كل نص ساعة مثلا وبعدين تزيد لين تصير ما تحتمل يعني ورا بعض .
وان اولد في مستشفى السلام
وعسى الله يهون عليج وتقومين بالسلامة انشاءالله

 

[ام طلال]

رد : رايكم يهمني

مشكوره حبيبتي moonlight والله كل يوم امي تدق علي وتقول لي متى تفقسين ترى ماصارت
حتى رفيجاتي اللي بالدوام لوعوا جبدي متى ومتى يعني شسوى؟؟؟؟

 

[xxx]

رد : رايكم يهمني

هلا ام طلال

بالعكس معروف عن البجر ان تاخذ شهرها كله وفوقه بعد (البعض)

مو شرط تولدين باوله ولا نصه

والاعراض انا ماجربتها للأسف لاني دايما اولد بطلق صناعي << مريحه نفسها من المفاجآت

وانا اولد بالهادي

 

[فلسطين حرة]

رد : رايكم يهمني

حاسه فيك ام طلال

ترى الحامل وقت دش بالتاسع تزعل لو احد قلها شنو لسه ما ولدتي ؟

تطق بعد وتحس انها شي غلط بالدنيا وقت ما ربنا يسهل عليها تولد يا جماعه والله

انا لاحظت هالشي على نفسي احس بالتعب وقت ما حدا يسئلني ولدتي ولا لسه احس بالاستفزاز بصراحه لانه موقف الحامل ما حدا يحسد عليه خصوصا باخر فترة تكون بالتاسع عبارة عن سنه وانتو ادرى يابنات

يارب ارزق كل المحرومااااات اللهم امين

 

[طوق البنفسج]

مشاركة: رايكم يهمني

لا ترى مو شرط انا رفيجتي بجر و امها و كل خالاتها اولدوا البجر باول اسبوع من التاسع اهي ما ولدت الا باخر يوم لها من التاسع فا مو شرط ان البجر مبجر ولا متاخر يعتمد على طبيعه الوحده

 

[ام طلال]

مشاركة: رايكم يهمني

اختي طوق البنفسج مشكورة على الرد والله اكثر وحده تحن علي اهي امي كل يوم تتصل الصبح وتسألني هاولدتي ولا لأ؟؟؟وريلي الحين انعدى من امي وهم اهوه كل دقيقة يتصل ويسأل هاماتحسين بشي والله عقدوني شرايج اشرب دارسين عشان اولد وافتك من الحنه؟؟؟

 

[احلى كويتيه]

مشاركة: رايكم يهمني

سبحان الله يا ام طلال تقريبا نفس الموضوع الي بكتبه وحبيبتي انا البجر ولد بالموعد الي عطوني اياه واخذت من العاشر 2,35 ساعه اول يوم لي بالعاشر للدقه بس الطلوق حسيتها بنفس اليوم المحدد اخر يوم لي بالتاسع وامي نفس امج لان امي عمرها ماتتاخر وعبالها نفسها

 

[xxx]

مشاركة: رايكم يهمني

الله يعينكم

ويقومكم بالسلامة

 

[:: عائشه بقلبي ::]

مشاركة: رايكم يهمني

عادي يا قلبي لا تستعجلين ولا تلعبين بروحك لا دارسين ولا غيره

بساذا انت طفرانه ودك تولدين بسرعه




كثري الجماع مع زوجك




هذا ما قاله الدكتور لزوجي



لانه يحرض الرحم على الولاده ( اي الجماع )



والله يوفقك ويقومك بالسلامه


وادعيليبالذريه الصالحه

 

[ام طلال]

مشاركة: رايكم يهمني

احلى كويتية وبنت الكويت والخنساء شكرا على الرد واختي احلى كويتية والله اني من الحنة مليت كل اللي بشوفني ماولدتي؟؟جنه الولادة بكيفي اضغط زر واولد واختي بنت الكويت شكرا على الدعاء واختي الخنساء آنا مالي خلق نفسي آنا وكرشي هالنوب جماع .

 

[توتو الحلوة]

مشاركة: رايكم يهمني

لا تحاتين اول وتالي بتولدين اذا مو اول الشهر باخره

عني انا ولدت من ثاني اسبوع من شهري

و سلمي على الوالده قوليلها لاحقه على السهر والشقى

وتولدين بالسلامه ان شاء الله

 

[ام طلال]

مشاركة: رايكم يهمني

شكرا حبيبتي توتو الحلوه والله اني رافعة ضغط امي كل مادقت تسأل اقول لها قاعدة استخدم الانترنت وتبدأ عاد الاسطوانة مرة روحي امشي ومرة روحي حق دكتورج شوفي ليش ماولدتي وآنا معطيتها طاف...

 

[مس ديور]

مشاركة: رايكم يهمني

حبيبتي ام طلال

ترى البجر تاخذ شهرها كله وازياده انا بحملي الأول نفس حالتج الكل يحن وخاصه بنات الدوام " ما ادري اشيبون؟" وموعدى كان 6/8 وولدت 8/8 ، واختى نفس الشيء معطينها 10/8 اولدت 15/8 طبعا بنتها اكبر من ولدي بسنه يعني كل وحده على حسب متى الله كاتبلها انها تولد

 

[ام طلال]

مشاركة: رايكم يهمني

شكرا حبيبتي مس ديور على الرد والله انبطت جبدي من كثر الحنه

 

[ذكريات]

مشاركة: رايكم يهمني

انا ما جربت الولادة بس اللي اعرفه ان البجر ممكن ياخذ جم يوم من العاشر بعد

بس اشحقه مستعيلين على التعب و السهر

 

[ام طلال]

مشاركة: رايكم يهمني

حبيبتي ذكريات شكرا على الرد والله تصدقين حتى آنا مستعيله الظاهر ان العدوى حاشتني بس امانة تدعيلي ان الله يقومني آنا والبيبي بالسلامه