راي عيالكم بالوجبه المدرسيه

[حناينq8]

:68_asmilies-com::68_asmilies-com:

شلونكم امهات

حبيت اعرف شنو راي عيالكم بالوجبات المقدمه من وزاره التربيه
وهل تحسين انها تشبعهم وتغذيهم

انا ولدي فيه حساسيه بالصدر وولد اخوي فيه ربو فشيلون لهم الموز من الوجبه

بنتي تقول الكورن فليكس يحطون وياه الحليب بدون شكر فمو حابته

غير جذي انا اشوف ان الوجبه تكفي وتوفي بس........

جنه على ايامنا كانت احلى خصوصا انها تتقدم بوقتها وشوربه العدس كانت فرش وبمطبخ المدرسه

رايكم بنات :gathering:

 

[شيــوخه]

يا هلا ومرحبا

اختي انا اشوف بنتي نفس كلام بنتج انه الكورن فليكس ماصخ
وسالفت البيتزاء كلش كلش مو بالعينها بلمره

انا بنتي تاكل بس الكيييييييك الي يحطونه اما التفاح والموز والله حرام ايبونه للبيت ماياكلونه انا اعيالي مايحبون شي اسمه فاكهه والله انا اشتريها واحطها ماياكلون كلش
وانا احط لهم البطاط والعصير البرتقال او الجوافه او المنغا
مع كرواسون ومرات احط لهم حلو ومرات لا مااحط على حسب اذا كان متواجد الشي
والصبح مايروحون للمدرسه الا هم متريقيييييييييين اريقهم وحده وحده

 

[مدمنة ككاو]

كل يوم اييني ولدي مو مكمل الوجبه وهم يبين احط له بجنطته اكل من البيت او ياخذ فلوس يشتري من المقصف

بس انا ودي اعرف شغله لييييييييييش ما يسوون مطعم عشان يقعدون ياكلون فيه!!!
لي متى هالحاله يفترون بالممرات ويقعدون عالارض عشان ياكلون والاكل يطيح او تتوصخ ايدهم بصراحه شغله مو صحيه انهم ياكلون بهالطريقه

وكل اييني يشتكي ولدي ان فلان اخذ اكله وفلان طيح صمونته او يلعبون وتروح عليهم الفرصه

لو يخلون الفرصه اللي يوزعون فيها الوجبات في مكان خاص لللاكل وكل واحد قاعد بكرسيه وطاولته وفيه اشراف عليهم وايد احسن

 

[حلم الطفولة]

السلام عليكم ورحمة الله

أولا أهلا وسهلا بالحناين

ماعندي بحكومه فما أقدر أفيدج ولكني وايد مستانسه

على اللي شفته بالتلفزيون الوجبه متكامله وصحيه ، واحنا لو نحط لهم كل الثلاجه يروحون ويردون موماكلين غير قضمه ( قرمه ) وحده
علأقل يقعدون تحت إشراف الأبلات ومع بعضهم كلهم نفس الأكل وناسه

مشكوره عالموضوع

 

[حلم الطفولة]

السلام عليكم ورحمة الله

أولا أهلا وسهلا بالحناين

ماعندي بحكومه فما أقدر أفيدج ولكني وايد مستانسه

على اللي شفته بالتلفزيون الوجبه متكامله وصحيه ، واحنا لو نحط لهم كل الثلاجه يروحون ويردون موماكلين غير قضمه ( قرمه ) وحده
علأقل يقعدون تحت إشراف الأبلات ومع بعضهم كلهم نفس الأكل وناسه

مشكوره عالموضوع

 

[حلم الطفولة]

صاجه الشوربه كانت (( تجمعنا )) .. تهبل وهي الوجبه اللي أكون سعيده وآنا أشربها
وفكرة مطبخ مدرسي وايد أحسن لو يشغلونه الشركات لإضافة الحليبه الدافيه والشوربات ..
ثانكس

 

[حبوبه]

رد : راي عيالكم بالوجبه المدرسيه

عيالي حابينها ..مستانسين انهم ياكلون بالصف مع ربعهم ..

 

[حناينq8]

شيوخه
زين تسوين - انا عيالي ما يرضون يتريقون بالبيت بس اغصبهم على الحليب
مدمنة ككاو
غريبه والله لازم تكلمون الاداره عيل
انا مدرسه ولدي بالمسرح حاطين لهم طاولات حق كل صف
وبنتي تقول بالصف ياكلون تالي يطلعون
حلم الطفولة
هلا ومسهلا بالزميله الغاليه
انا عيالي اول سنه لهم حكومه ويت من صالحهم سالفه الوجبات
بس والله ما تتقايش بالوجبات اللي كانت على ايامنا وكفايه سوالف العفن والوجبات التالفه اللي يلقونها بعض الاحيان
الله الحافظ
حبوبه
زين الحمدلله في شي استانسوا منه اليهال واخيرا

 

[الصابرة المحتسبة]

رد : راي عيالكم بالوجبه المدرسيه

هلا وغلا بحناين

الله تبون الصج ماكو على شوربة العدس

والحمدلله على نعمة ربي

لكن هالسنة ماعندي أحد بالإبتدائي

بس اذا كانت نفس وجبات الروضة فتبقى صحية .

 

[أم عبووووود]

هلا فيكم حبيباتي
بالنسبة للوجبات انا اشوف انها مفيده وكامله بس للي ياكلها كامله

عندي وليدي الله يحفظه ان شالله كل يوم اييب لي نصها البيت وذاك اليوم توست وجبن سلايس مو عاجبته يقول الجبنه مو حلوة بس هو حاب الفكرة مستانس عليها بس عيب مدرستهم ان يعطونهم الوجبات وياكلون بالساحه

بالنسبه لبنوتي تاخذ اكلها معاها كل يوم ماتغير اي شي لازم انا اسوي لها اللي تبيه وتاخذه تاكل من الوجبه الكيك او العصير والباجي توزعه تقول اكلهم مو حلو

بس ياليت لو يحطون لهم نفس قبل شوربتنا تهبل والحين بعد مع البرد ياسلاااام

 

[رفرف]

انا ماعندي عيال بالحكومة بس انا مدرسة ومن احتكاكي بالطالبات والاشراف عليهم وقت الوجبة اشوفانها حلوة وصحية ومتكاملة ،،
فيها شوية عيوب مثل ما قلتو الكورن فلكس ماصخ ،، والسلطة ناااشفه بدون ليمون ولا دريسنغ ولا شي ،،
بس عموما حتى اللي ما تحب شي معين قاعده تجرب
واللي مخرب عليهم اكلهم اللي اييبونه من البيت بطاط وككاو وبيبسي من جذي ما ياكلون بعضهم ،،

 

[رفرف]

اي بعد نسيت اقول شغلة ان ماكو مكان ياكلون فيه الا الصفوف وهذا شي مو صحي ومزعج جدا للمدرسات والطالبات ندش الصف الا ريحة مطبخ استغفر الله حتى تربويا غلط جنه نعلم عيالنا ياكلون على سرايرهم بغرف نومهم يمكن هذا اكبر عيب اشوفه والا المشروع بشكل عام وايد حلو ونوعية الاكل والعصاير هم حلوة كله كيددي والمراعي ونادك ماكو شي بو طقه

 

[زينة الزين]

السلام عليكم

بالنسبة لمدرسة ولدي شيخان الفارسي مخصصين لهم طاولات وكراسي بصالة مرتبة شحلاتها وولدي وربعه حدهم مستانسين على الوجبات جنهم ما شافوا خير لوووووووووووووووووول

 

[حلم الطفولة]

ودي أعرف شلون يسوون شوربة عدس بالضبط نفس مالت أول .. بسويها شوقتوني

 

[دانة الدنيا@]

انا عيالي مستانسين عليها اول احط لهم الاكل ويرجع مثلما هو بس اللحين الابله ماتخليهم لين ياكل الفطيره او الكورن فلكس بس الفواكه يرجعونها للبيت

 

[حناينq8]

الصابرة المحتسبة

هلا فيج يقلبي منوره موضوعي
الوجبات متنوعه كل يوم شي يوم توست وجبن ويوم كورن فلكس طبعا مع الوجبه فاكهه وخضار وعلبه روب بالفواكه

أم عبووووود

نفس كلام بنتي تقول الجبن اللي بالتوست مو حلو
فاضطر اعطيها فلوس تشتري بالفرصه الثانيه اذا ما عجبتها الوجبه

رفرف

ليش ياكلون بالصف والمسرح شكبره - مدرسه بنتي جذي بالصف وولدي مدرسته مجهزين لهم المسرح وطاولات وكراسي شغل عدل
الصراحه هالشي راجع حق اداره المدرسه نفسها

زينة الزين

عليكم السلام هلا حياتي
هذا الصح لازم يستغلون المسرح اللي اهو اساسا مطعم من ايامنا

حلم الطفولة

جان زيييين - انا سالت امي تقول يعتمد على نوعيه العدس نفسه
نبشي بقوقل وتلقين الطريقه

دانة الدنيا@

حتى عيالي انا بنتي ترجع معاها السلطه تقول لي يما حقج وهي اساسا طايحه بجبدها لوووول