ربيان بالطريقة الهنديه ... طبق لذيذ جدااااااااااااااا

[بطه فيها نطه]

حشوة الربيان

المقادير / ربيان شحامي منظف / بصل مفروم ناعم / ثوم مفروم ناعم / شبنت مفروم ناعم

كزبره مفرومه / فلفل اخضر حار مفروم ناعم / صويا صوص / بهارات هنديه / فلفل اسود

ناعم / هيل حب / دارسين ناعم / كركم / بهارات مشكله



الطريقة :

نحمس الربيان لين ينشف مايه شوي ... بعدين نضيف الدهن عليه + البصل ونحمس

بعدها الثوم ونحمس و بعدها الفلفل و البهارات كلها ... اخر شي نضيف الصويا

و الخضره ... ونحرك ... اذا حسيتي ناشف حيل زيدي شوية ماي

ربع قلاص ... واخر شي ملحي ... علشان الصويا مالحه

واذا ضفتيها بعد الملح ... ممكن تخترب الاكله ... وتصير بزود مالحه

قصري على الجدر ... او طفي عليه بعد ما تحسين خلاص الخلطه

استوت وتجانست مع بعض ....



العيش


المقادير / عيش منقع ومغسول / بصل مفروم / ثوم مفروم / كزبره مفرومه

2 عود دارسين / هيل حب / بهارات هنديه / سمنه / زعفران

منقوع بماي ورد / 1 معجون طماط ك دد / ملح / فلفل اسود / مسمار حب



الطريقة :


نحمس البصله + الثوم بالسمنه ... بعدها نضيف البهارات كلها والملح + الكزبره


نضيف العيش ونحرك ... وبعدها نغطي العيش بالماي ... قبل لاينشف ماي العيش

ناخذ المعجون + الزعفران وماي الورد + صبغه الزعفران او لون بودر ... نخلطهم

كلهم ... ونصبهم فوق العيش ... ومانخلطه الا بالاخير قبل النجاب ... علشان

يصير عندكم لونيين ... مثل البرياني ....


الزينه / بصل محمر جوانح + صنوبر مقلي + كزبره مفرومه

كلهم نرشهم على الويه


وعليكم بالعافيه ....

 

[زهرااا]

مشكوره حبوبه

 

[جارة القمر]

مشكووووووووووووووره



وتسلم هالأيادي

 

[<<لمار>>]

تسلم ايدج يشهى الربيان

 

[جاكليت]

تسلم ايدج

 

[استبرق أم علاوي]

شكله لذيذ
تسلم ايدج

 

[Great-Chef]

يعطيييييج العافية وصفة روعة ماشاءالله

 

[_ظل الياسمين _]

يعطيج العاااااافيه وتسلم الاياادى شكله يشهى.

 

[w0o0dy cullen]

اليووووم التجربه شكلها واااو

تسلمييييين والله انتي واختج

 

[لمعة**الماسة]

واااااااااااااااااااو

شكلها لذيذ

اموووووووووت بالربيان

تسلم ايدينج

 

[غنوة ستايل]

تسلم ايدج شكله واااايد شهي

 

[ام سعود ديكسون]

واي شكله يدوخ شكله خنين يسلموووو

 

[w0o0dy cullen]

الصراحه وااااو سويته امس وايد وايد حلووو وعجبهم
مشكووورة ماقصرتي والله
ويابنات اللي ماجربته خل اتجربه لذيذ لا يطوفكم

 

[بطه فيها نطه]

مس كويت بالعافيه عليكم حبيبتي ... شكرا لمروركم الطيب بنات

عساكم على القوة

 

[pretty sarona]

تسلم ايدج

 

[دانتيلا2009]

تسلم ايدج شكله لذيذ

 

[أم عزيـز]

ماشاء الله تبارك الله
شكله خنييييييييييييين ويشوق
تسلم الأيادي ياقلبي

 

[نجمة على الأرض]

مشكوره ...الربيان اشحلاته هالأيام انشالله راح اجرب طريقتج

 

[شيهانه]

تسلم الايادي .. والصور اتشجع الوحده تسويها .. بس ابي اسالك يعني الربيان يظل بروح والعيش ابروح ولا شلون ؟؟؟ يعني الربيان بس حشو ما نخلطه مع العيش .. ؟؟

 

[اغلاغلا]

لذيييييييييييييييييييييييذه تهبل