ربيان بمشروب الآرسي ليمون او السفن عاد انتي و كيفج ... طريقه غيييير طبيعيه

[ذهبيه مرصعه بألماس]

طريقة عمل الربيان بالآرسي أو السفن :
لاطشتها من رحلتي لماليزيا...
هالطريقه بتخلي الربيان سويت آند سور بس مووووطبيعي ...
المقادير :
ربيان على حسب رغبتج
نص قالب زبده صغير( تقدرين تقللين لي الربع) و ملعقه زيت نباتي
فليفله وحده كبيره مقطعه مربعات وسط يعني نسبه و تناسب مع الربيان
ليمونه كبيره معصوووووره
قفشة صويا صوص
رشة فلفل اسود
رشه كركم او كاري على كيفج
علبة سفن آب أو علبه صغيره آرسي ليموووون
إذا تحبينه سبايسي ملعقه صغيره معبووووج
( في حالة حبيتي بصل أو ثوم لازم يكون مقطعين طوال بس عشان تبرز نكهة الربيان حلاته بدون بصل و ثوم)
الطريقه:
تنظفين الربيان عدل مدل
تحطين عليه الليمون و الفليفله و فلفل اسود و الصويا و الكاري أو الكركم و الآرسي الصغير أو السفن الصغير ( معبوج حسب الرغبه) تحطينهم بالمقله و تشبين النار
تخلينهم يفوحون لين يستوي الربيان
بعدها تحطين الزبده والزيت تخلينهم لين يثقل الصوص
لمن يثقل لمقدار تحسين صار صوص لزج
تجيبين قفشه و تشيلين الصوص من المقله و تحطينها بصحن صغير .. أو تشخلين الحمسه تخلين الصوص ينزل كله و عقب ترجعين الربيان و الفليفله للمقله مره ثانيه

عقبها تكملين عالنار يعني ما تشيلين الربيان و الفليفله مده لمن يتحمرون يصير فيهم مثل الشوي أسود او بني
تخلينهم لين شوي يتحمش و تحسين صار فيه نفس الشوي محمش

عقب حطيه بالصحن و صبي فوقه الصوص اللي شلتيه بالأول
و بالعافيه .
:aha:
يااااااي شي مو طبيعي الطعم ...

 

[المكسيكيه]

يسلمو

 

[ام احمد 85]

اتوقع راح يكون زفر
للاسف طريقته ما تشجع نهائيا
ويعطيج العافية حبيبتي

 

[أم-مبارك]

ام احمد اول شي الربيان افركيه بالملح حيل لين تروح الزفره وبعدها غسليه عدل عشان يروح منه الملح
وعقب سوي هالتتبيله

شكلها لذيذه ماشاء الله شهيتيني فيها
ان شاء الله اسويها

 

[حلوة ومملوحة الكويت]

بجربهااا انشالله
مبين لذيذه
مشكووووره​

 

[Snow angel]

يسلموووووووو هاليدين ياقلبي

 

[أحلى همبه كويتية]

يسلمو
بعد لو مكملة جميلك وحاطة صورة

 

[جارة القمر]

ذهبيه مرصعه بألماس


مشكوووووووووووووووووره حبيبتي


وتسلم ايدج

 

[CUTE ENGINEER]

مشكورة قلبي
شكلها لذيذة وتشي

ياليتج حاطة صورة
بجربها ان شاالله لأنها سهلة

 

[نور النهار]

يسلمووووووووووووو

 

[<<لمار>>]

تسلم الايادى

 

[أجمل حور]

شكرااااااااااااااا

 

[ذهبيه مرصعه بألماس]

بالنسبه للزفر ....

آنا أنقع الربيان عقب التقشير و تنظيف الظهر بالملح و الليمون ... و اغسله عقب بفتره .. و بعدها طحين شوي .. و أغسله .

كذا مره سويتها ما فيها زفره ...

جربوها ...

ياريت اعرف انزل صور ...

بس بحاول انشالله ...

جزاكم الله خير بنات ما قصرتو بالعافيه ...

 

[نارنجه]

حتى حق الدياي بالفرن روعه هالتتبيله تخلي الديايه محمرررره ولونها يهبل مجربتهاا من قبل .. وان شاء الله اجربها للربياان ليش لأ

تسلمين حبوبة ومداخيل العافيه

 

[قمر الكويت]

اهليييييييييييين حبيبتي
(( ذهبيه مرصعه بألماس ))
الله يعطيج العافيه
باين انها حلوه الطريقه
و شي الحلو مايجي الا من الحلو
يا حلوه
يسلمووووووووووا

 

[Dare to challenge]

تسلم إيدج والله يعطيج العافيه

 

[ذهبيه مرصعه بألماس]

اهليييييييييييين حبيبتي
(( ذهبيه مرصعه بألماس ))
الله يعطيج العافيه
باين انها حلوه الطريقه
و شي الحلو مايجي الا من الحلو
يا حلوه
يسلمووووووووووا

حبيبتي و الله قمورة الكويت و الدنيا كلها ...

جربيها نااااطعه و لذيذه ...

 

[طالبة1990]

وااااااااااااااااااااو

شهيتيني اسويها


احب السي فوود يكون سويت اند سور


مشكوووووووورة

 

[ضحكة الدنيا]

مشكووووووره حبيبتى على الطريقه

 

[الزهرة الخضراء]

يسلمووو