بنات شلونكم شخباركم حبيت اشاركم بطبق لذيذ وخفيف للي احبون السبايسي سويته وعجب الكل وان شالله يعجبكم
المقادير المطلوبة :-
ربيان حجم كبير او وسط ----- انا استخدم ربيان المثلج
مايونيز -------- حسب الكمية
دقوس ------ انا استخدمت قرشة كاملة (على حسب الرغبة)
صلصلة سويت اند شلي -------- قرشة كاملة (حسب الرغبة)
جرجير ------- (للتزيين)
ليمون - ملح - فلفل اسود ----- (للتتبيل)
طحين - بيض - بقسماط ------ (للتغميس)
الطريقة :-
1- ننطر الربيان لما يفج الثلج عنه (للمثلج)
وللطازج نغسل الربيان و نظفه بطريقة العادية .
2-نضع الربيان في البياركس نعصر عليه 3 ليمون (على حسب كمية الربيان) ونحط عليه ملح وفلفل ونحركه شوي علشان يمتزج الربيان باليمون ونحطه بالثلاجه نص ساعه علشات تفج ريحه الزفرة .
3- نجهز صحن طحين وصحن بيض وصحن بقسماط (بهذا الترتيب) بعد نص ساعه انطلع الربيان من البايركس بس ما نغسله ونغمسه بالخلطة السابقه .
4- بعد ما غمسنا الربيان انحطه في الفريزر نص ساعه علشان يمسك .
5- نجهز خلطتنا (مايونيز والدقوس والسويت شلي صوص) نحطهم مع بعض ونخليها على جنب .
6- انطلع الربيان من الفريزر ونجهز دهن حار للقلي او نقليهم ونحطه بصحن كبير ب نحط خلطتنا السابقه فوق الربيان ونحرك لما يمتزج الربيان بالخلطة وانجهز بايركس ونحط داخله الجرجير وفوقه الربيان .
وعليكم بالعافية ------- جربوها وعطوني رايكم :eh_s(22):
