ربي إني مسني الضر وانت ارحم الراحمين ، صار السبب زوجي حبيبي

[هِتاف]

الحمدلله الحمدلله الحمدلله

ربي إني مسني الضر وانت ارحم الراحمين
ربي إني مسني الضر وانت ارحم الراحمين
ربي إني مسني الضر وانت ارحم الراحمين

انا كنت اتعالج من سنه واليوم طلعت تحاليل زوجي وصارت المشكله من عنده ضعف وتشوه
ربي لاتحملني مالا طاقة لي به ربي ثبتني وفرج همي وهم زوجي يارحمن
ماكنت اتوقع انو بيجي هذا اليوم ابداً وكنت خايفه من يومين ومتوتره
ولكن قدر الله وماشاءالله فعل

اللهم اكتب لي الخير حيث كان ثم ارضني به
يارحمن يارحيم اشفِ زوجي وحبيبي وارزقنا الذرية الصالحه عاجلاً غير اجل

بنات
انا احس اني بصدمه بس ابي اقرا ردود تثلج الصدر ابي دعوات
ابي احس اني اكلم اهلي واخواتي وش تعرفون عن الضعف والتشوه والبطئ
لاني اتفقت انا وزوجي مانعلم احد ويكون سر بينا
زوجي نام وانا قاعده ابكيييييي بحررررررررقه

ربي اشرح لي صدري ويسر لي امري
لك الحمد ربي في السراء والضراء افرجها من عندك ياكريم

 

[نجمه السيد]

والله ماعندي فكره بخصوص الضعف والتشوهات ان شاء الله البنات يفيدوش

 

[qoot]

ي بعد عمري ماعليه كل مشكله ولها حل الحين الطب تطور احمدي ربج فيه بعضهم عندهم انعدام بالحيوانات المنويه والعدد صفر

انصحكم تسوون تلقيح صناعي وان شاءلله بتحملين

 

[قلب طفـــله]

مقدر ومكتوب الرزق من عند الله والطب تطور تعالجو والله كريم

الله يرزق الجميع

 

[حصوص88]

ياحياتي الامل موجود و الحمدلله لاتحاتين بفضل ربي سبحانه الطب الحين واااايد تطور و الادويه و العلاجات صارت اشكثر و الدكاتره ماشاءالله وااايد و بعدين الضعف له علاج بالادويه خليه يراجع دكتور و بعدين الحين عندج طفل الانابيب و الحقن المجهري عشان تحملين مو محتاجه الا حق حيوان منوي واحد لاتحاتين ياقلبي و لاتشيلين هم ربج موجود وانا انصحج روحي حق برفسور احمد عبد القادر بعيادات المسيله بمستشفى السلام اهو برفسور وااااااايد خبره و كبير بالسن وفاهم ماشاءالله عليه ويعالج الضعف عند الزوجين و على فكره صارله سنه ياي الكويت كان بلندن و شهادتي فيه مجروحه الله يوفقه هالدكتور رجل محترم و فاهم شغله وانتي الله يوفقج و يرزقج ماتتمنين ياااارب عاجلا غير اجل واي شي تبين تواصلي معاي عالخاص راح افيدج باللي ربي يقدرني عليه

 

[ماي زهر]

لا يا قلبي لا تتضايقين و ربج موجود و تأكدي أن رحمته واسعه و هو الرزاق و أكرم الأكرمينتدرين شنو أكرم الأكرمين ؟؟؟ يعني إن شاء الله بيرزقج بدال الواحد تؤام


قولي الحمدالله على كل حال ... و شوفي ربي بيرزقج إن شاء الله


و بعدين الطب تطوووووووور و مشكلة زوجج إن شاء الله بسيطة
لا تضيعين وقت و لا شي روحي ل د.منصور العرف أو د.ماجده اليتامي
أو د.ماجده كميخ أو د.فوزية القطان هما أشهر دكاترة للحقن المجهري
لحالة زوجج ... و خليه يبدي علاج من ألحين و توكلوا على رب العالمين


أقيمي الليل و أدعوا ربكم يسهل أموركم و أكثروا أستغفار
و أستخيري قبل أختيار الدكتور و بكل خطوة صلوا أستخارة


أنتي ألحين سوى تحاليل شامله بالحكومه أوفر لج .. مثل الصباح/ العدان/ الجهرا
افتحي ملف بوحدة العقم هم عندهم أستشاريين و دكاترة يعالجون زوجج و يعالجونج


و أخذي فيتاميناتج و سوى تحليل فيتامين د و هرمونات و كل شي حطيه بملف
انتي و زوجج و روحي دكتور خاص إذا مزانيتج تسمح


و إذا ربي ما كتب لي من اول محاوله جربي مره و مرتين و ثلاث لمن تحملين
و إن شاء الله من أول مره بتحملين و بيرزقج رب العالمين و تبشرينا ....

 

[هِتاف]

الله يوفقكم ويشرح صدركم مثل ماكلامكم شرح صدري

 

[برنسس أوراق]

الله يفرح قلبج بالذرية الصالحة

 

[om batool]

سبحان الله تصدقين والله اليوم سمعت خبر حمل رفيجتي نفس حالتج تقريبا زوجها ضعف تقريبا صفر وتشوهات ]سوت اطفال انابيب وفشلت وشهر اللي فات سوت احدث من اطفال الانابيب وحملت اليوم بشرتني بعد ٣ او ٤ سنوات زواج
اسالها عن اسم العمليه واكتبها برد ثاني
الله يرزقج بالذريه الصالحه

 

[هِتاف]

ياحياتي يا ام بتول خليتي عندي امل الله يسعدك
انتظرك

 

[أم حسوون]

السلام عليكم ، لا تيأسين من رحمة الله ، كل داء وله دواء إلا الموت هذا كلام الرسول عليه الصلاة والسلام فلا تحاتين بس كثري الدعاء أن الله ييسر لج الدواء ( العلاج ) وثقفي نفسج ادخلي على المواقع الطبيه بالنت وشوفي اللي نفس حالتج شلون تعالجوا ، وروحي لدكاترة زينين ، أكلي عسل أصلي ، كثري من الدعاء والصدقة والاستغفار ، أبذلي الأسباب وتوكلي على الله ولاتنسين بري والدينج وخليهم دوم راضين عنج والله يقر عينج بالذريه الصالحه.

 

[انثى استثناء]

عادي اختي الحمدا الله مو صفر نسبته وحتى الصقر قعد يسوون تلقيح و ينجح
الحين الطب تتطور

و انا اتمني انج تكونين حافظه سره مو مثل هالحريم تمشي و تقول العيب في زوجي

انت ابدو مشاور مع بعض و دام في رب اسمه الكريم كلشي يهون

 

[Dareen23]

حبيبتي زوجك عندو حيوانات منوية ومشكلتك مررررره بسيطة ماتتخيلي قد ايش والله العظيم…… شوفي لازم تخلي زوجك يشتري
من الدواء Orthomol Fertil Plus ترا مرره ممتاز ياحبيبتي دا الدواء من المانيا وتقدري تطلبي اون لاين
و دا الدواء عبارة عن فتامينات ويحمي الحيوانات المنوية من التشوهات والاكسدة
شوفي دا موقعهم Orthomol Fertil plus – Hoffnung für Männer mit Kinderwunsch!
وخلي يستخدمها 3 اشهر وصدقيني حتحملي من الشهر 3 بأذن الله وصدقيني حتدعي لي
وعلي فكرة دا الدواء مايحتاج وصفة طبية وخلي يستخدمها 3 اشهر وبعدين يحلل وشوفي النتيجة بنفسك
واذا انتي عندك مشكلة في التبويض برضو في دواء خاص بالنساء غير دا الي قلت لكي علية
الله يرزقك الذرية الصالحة

 

[Dareen23]

حبيبتي زوجك عندو حيوانات منوية ومشكلتك مررررره بسيطة ماتتخيلي قد ايش والله العظيم…… شوفي لازم تخلي زوجك يشتري
من الدواء Orthomol Fertil Plus ترا مرره ممتاز ياحبيبتي دا الدواء من المانيا وتقدري تطلبي اون لاين
و دا الدواء عبارة عن فتامينات ويحمي الحيوانات المنوية من التشوهات والاكسدة
شوفي دا موقعهم Orthomol Fertil plus – Hoffnung für Männer mit Kinderwunsch!
وخلي يستخدمها 3 اشهر وصدقيني حتحملي من الشهر 3 بأذن الله وصدقيني حتدعي لي
وعلي فكرة دا الدواء مايحتاج وصفة طبية وخلي يستخدمها 3 اشهر وبعدين يحلل وشوفي النتيجة بنفسك
واذا انتي عندك مشكلة في التبويض برضو في دواء خاص بالنساء غير دا الي قلت لكي علية
الله يرزقك الذرية الصالحة

 

[mi corazon]

السلام عليكم

أولا الحمد لله اللي الهمج الدعاء وليس السخط

واستمري عالدعاء وربي ما راح يخيبج ثقي بالله ورمضان وشعبان عالابواب


حبيبتي مامن داء الا وله دواء علمه من علمه وجهله من جهله

اخوي أصابه ابتلاء سرطان الدم الله يكافينا ويكافيكم والمسلمين ومع العلاج والكيماوي ربي من عليه بالشفاء

لكن تم جم سنه ما انرزق بأطفال مع انه وزوجته سليمين وعندهم قبل ولد

ولما فحص طلع عنده كميه قليييييله من الحيوانات تقريبا مليون او اقل ونصهم مشوهين مسكين انحبط وراح لأكثر من دكتور ثاني بالاخير قال له دكتور استشاري ييب عسل من محلات العسل بحولي اكو أنواع مخصصه لهالشي وسبحان الله اخوي راح وشراه واخذه من باب الاخذ بالاسباب فقط

والحمد لله ربي رزقه بيته الحين كله يهال ياربي لك الحمد

وهم تذكري وذكري زوجج بأهمية الاستغفار ومذكور بالقرآن انها تجلب الذريه ( ويمددكم بأموال وبنين )

وربي يفرحج بالضنا ويترسلكم البيت

 

[# غنوجة بيبي #]

الامل موجود و رب العباد بيرزقكم

خالتي نفسج راحت لدكتور شاطر و حملت بتوأم

روحيله

اسمه ناهض حماديه في مستشفى المواساة

الله يرزقج يا اختي و يرزق كل من تتمنى الحمل

 

[ياهم لدي رب]

وييييييييه حدج مكبره الموضوووووووع

عادي هذا ما يعتبر عقم ابداً وراح اتحملين وطبيعي بعد وتذكري كلامي
حبوبه حتى لو ماتراجعين دكتور انتي اتعالجين زوجج
تحتاجون:
تغذيه سليمه: بيبسي وخرابيط ومعلبات ومأكولات فيها الوان ومشروبات غازيه وقفيه عنها نهااائياً... يوميا مو اقل من ثلاث كاسات حليب يشرب مثلا الصبح كاس حليب ساخن وبعد الغدا لبن وحليب(بارد) والعشا كذلك
فواكه وخضروات حطيها باكلج دااائما
وحطي مع الرز لما تطبخينه حبة البركه مالها ريحه ودايما حطي ثوم باكلج
وكذلك التمر عوديه ياخذ 7تمرات اذا ماقدر 3 او 5 المهم اعداد فرديه
الادويه اللي ياخذهم:
بروكسيدبلس(هذي بودره ويحطها بنصف كاس ماي ويشربها )مرتين باليوم
وفيتامين سي
وفيتامين هاء


حبوبه زوجج اذا العدد زين عنده معناته انه بعض الحيوانات المنويه مشويه وبعضها بطيئه لاحظي كلمة بعض مو كلها فيه سليم


بعد الجماع وبايام التبويض ارفعي ارجولج وحوضج وتحت اسفل الظهر مخده هذا الطريقه توصل الحيوانات المنويه البطيئه بشكل اسرع قبل ماتموت وتساعد الحيوانت المنويه للوصول بشكل اسرع والتلقيح

ولا تنسين :
الجزاء من جنس العمل اذا الله يحب العبد يبتليه بذنوبه اذا مايحبه تركه يسعى بذنوبه لذلك صلوا ركعتين تكفير لذنبوكم وتركوا كل شي فيه ذنب:تنميص حواجب سماع اغاني غيبه تأخير الصلاة هجر صلاة الفجر والقران النظر للمحرمات مال حرام عقوق والدين غيبه..الخ

وتصدقوا بنية تكفير الذنب


واختي اهم شي نفسية زوجج انا احسج مكذره الموضوع واكيد ضايقتيه اسألج بالله اتطمنينه انه عااادي عن تجربه لي ولاخوي اقسم بالله العظيم ان حنا مالجئنا للدكاتره وحملنا طبيعي واكثر من طفل حالتكم مو مرض مزمن فتره ويتغير بس لازم يغير نمط اكله
ونسيت اقولج تاكدوا انه مافيه دوالي الخصيه ولا عنده خلل بهرموناته لان هذولي بعد لهم علاج معين

 

[omal7lo]

حبيبتي الطب تطور لا تحاتين ان شالله بينترس بيتكم يهال

بس نصيحه لج اختصري الطريج وسوي الحقن المجهري لان العمر يركض وتري الحقن المجهري مو عيب ولا حرام توكلي علي الله من هالشهر وان شالله تبشرينا بحمالج بتوم

 

[هِتاف]

ياهم لدي رب


ما ادري وش اقولك بس اثلجتي صدري بكلامك عسى ربي يوفقك وين ماكنتي
ويب زوجي صار عنده دوالي بالجهه اليسرى

 

[katrina90]

حبيبتي هتاف روحي عند فوزيه القطان تشوف حالتج مع ريلج بس حالة ريلج نفس حالات بنات وايد وسوو حقن مجهري والحمدالله الله رزقهم بالحمل والظنا روحي لاتقعدين ونصيحة مني روحي لفوزية القطان والله يكتب لج يارب اللي فيه الخير