ربي الكريم رزقني بحمل بتوأم ,, بس حدي خايفه

[كوب كابتشينو]

السلام عليكم
:sfg:
شلونكم خواتي ,, بنات انا ربي حبيبي رزقني بحمل بتوأم بس حيل خايفه من الولادة والتربية والثقل القوي لانني انا الحين بالخامس بس حيل احاتي الولادة وكله اقول اخاف اولد بالسابع ,,, واخاف من وضع الولادة قوللولي الي جربت شلون تصير الولادة انا عندي ولد عمره سنة ونص تقريبا ابي اعرف شنو تفرق ولادة التوينز عن البيبي الواحد ,,, وجم يطلع علي المستشفى اناولدت بدار الشفا وبحدود ال1000 طلع حسابي ابي اعرف شكثر يفرق علي السعر ,,, ومتى قلتو حق الناااس ان فيكم توينز ,,, انا بس قلت حق امي وخواتي وخالتي وحمواتي ومحد يدري ,, ولا ابي احد يدري احس مو لازم يعرفون :eh_s(20): انتو شرايكم؟ وامي تقوللي انا من الشهر الياي باخشج عن الناس هههههههههههههههه اقولها شلون تقوللي يعني لا تروحين حق العزايم ولا احد عشان محد يشوف بطنج ,,, انتو شرايكم؟

ناطرتكم يا امهات التوينز
:friends:​

 

[جمالي ايطالي]

استودعيهم ربج ومو صاير الا كل خير


لاتحاتين بالبدايه صعب بس بعدين عادي


الله يسهل عليج ولادتج ويصلحهم ياارب

 

[LiL MaMa]

رد : ربي الكريم رزقني بحمل بتوأم ,, بس حدي خايفه

الله الحافظ انشالله و الناس اذا مادرو الحين بيدرون لما تولدين
و ما له داعي تنخشين

قل لن يصيبنا الا ما كتب الله لنا

توكلي على الله و ارقي نفسج عن العين
و الله يحفظج

و بالنسبه حق الاسعار بدار الشفا هذي اهيا



الولاده الطبيعيه
لكل الغرف الايام المجانيه 2


"" دكتور من نفس المستشفى ""


الجناح الامبراطوري 1227 دك
الجناح الملكي 727 دك
ميني رويال 490 دك
غرفة جونيور 490 دك
غرفه خاصه 450 دك



"" دكتور من برا المستشفى ""

الجناح الامبراطوري 1067 دك
الجناح الملكي 567 دك
ميني رويال 330 دك
غرفة جونيور 330 دك
غرفه خاصه 290 دك


ولاده متعسره ( اضافه 60دك للتوأم)
لكل الغرف الايام المجانيه 2


"" دكتور من نفس المستشفى ""

الجناح الامبراطوري 1277 دك
الجناح الملكي 777 دك
ميني رويال 540 دك
غرفة جونيور 540 دك
غرفه خاصه 500 دك


"" دكتور من برا المستشفى ""



الجناح الامبراطوري 1102 دك
الجناح الملكي 602 دك
ميني رويال 365 دك
غرفة جونيور 365 دك
غرفه خاصه 325 دك



الولاده القيصريه لأول مره( اضافة75دك للتوأم)

لكل الغرف الايام المجانيه 3


"" دكتور من نفس المستشفى ""


الجناح الامبراطوري 2450 دك
الجناح الملكي 1410 دك
ميني رويال 930 دك
غرفة جونيور 930 دك
غرفه خاصه 850 دك



"" دكتور من برا المستشفى ""


الجناح الامبراطوري 2170 دك
الجناح الملكي 1130 دك
ميني رويال 650 دك
غرفة جونيور 650 دك
غرفه خاصه 570 دك




الولاده القيصريه لعدة مرات( اضافة75دك للتوأم)

لكل الغرف الايام المجانيه 3


"" دكتور من نفس المستشفى ""


الجناح الامبراطوري 2570 دك
الجناح الملكي 1530 دك
ميني رويال 1050 دك
غرفة جونير 1050 دك
غرفه خاصه 970 دك



"" دكتور من برا المستشفى ""


الجناح الامبراطوري 2245 دك
الجناح الملكي 1205 دك
ميني رويال 725 دك
غرفة جونيور 725 دك
غرفه خاصه 645 دك



* تكاليف الجناح الامبراطوري يشمل غرفة ولاده خاصه
*سعر ابرة الظهر 60دك
* في حال طلب طبيب استشاري 50دك
* سعر غرفة الولاده الخاصه 60دك
* سعر طهور الطفل اثناء الاقامه 29دك



اسعار الغرف لليله الاضافيه الواحده

الجناح الامبراطوري 450 دك
الجناح الملكي 200 دك
ميني رويال 80 دك
غرفة جونيور 80 دك
غرفه خاصه 60 دك

سعر الحاضنه 23دك


* للولاده الطبيعيه و المتعسره ادويه بقيمه 20 دك مجانا
* للولاده القيصريه ادويه بقيمة 40 دك مجانا

و هذا رقم المستشفى

1802555

و هذا سايتهم

www.daralshifa.com


و انشالله البنات يفيدونج

و الله يهون عليج و يتمم عليج و يرزقج الذريه الصالحه

 

[*ماي الورد*]

رد : ربي الكريم رزقني بحمل بتوأم ,, بس حدي خايفه

الحين عليج بالراحة التامة علشان الثقل و خلي احد يجهزلج خلج علطول بالفراش لا تطلعين الا للطبيب
و الناس اول او تالي بيعرفون
و الله يعينج
الثقل بتحسين فيه من السابع و النوم بيصير عزيز

 

[اختكم بالله]

اول شي مبروووووك الحمل والله يثبتهم ان شاءالله والله يسهل عليج ولادج
والله ماعندي خبر عن التوينز

عسى الله يسهل عليج يارب

 

[قايد الزين]

رد : ربي الكريم رزقني بحمل بتوأم ,, بس حدي خايفه

مبروك والله يثبتهم لج ماعندي فكره ماعندي عيال بس حبيت ادعيلج

 

[@ دهن العود @]

مبروك والله يثبتهم

وعاااااااادى يا قلبى هونيها تهون وتوكلى على الله ولا تحطين شى فى بالج

انا عندى تونز والحمدلله سهااااااالات صج تحسين بالثقل مبجر بس عادى ترا حتى البطن ما يختلف عن البيبى الواحد لا تنخشين ولا شى

 

[ام نوونه]

لاتحاتين انشالله سهالات من رب العالمين

 

[tbola]

رد : ربي الكريم رزقني بحمل بتوأم ,, بس حدي خايفه

انشالله ربي يثبتهم لج

 

[mo0on-q8]

حبيبتي عسى الله يهون عليج يارب ..
وبالنسبه للاسئله ماعندي علم فيها ياليت امهات التوينز يفيدونج فيها ..

 

[كوب كابتشينو]

مشكوووووووورين بنات وجزاكم الله خير ,, انا صح احس ان بطني مثل شكل حملتي بولدي ما فرق معاي وايد بالعكس جنه اصغر ههههههههه
انا الحين بنص الخامس والله واروح وايي عادي بس انني احاتي الولادة


ما قصرتو ياليت اللي جربت التوينز تقوللي

 

[ام كوشه منكووشه]

رد : ربي الكريم رزقني بحمل بتوأم ,, بس حدي خايفه

ماشاءالله عسى ربي يثبت حملج ويسهل ولادتج ان شاءالله

حياتي احنا ماشاءالله بعايلتنا واايد عندنا توائم والحمدالله الامهات بفتره الحمل يكون وضعهم تمام ماعدا بالاشهر الاخيره يحسون بثقل شوي بالحركه بس واللى اعرفهم كلهم ماشاءالله اولدوا بالتاسع.. لا تحاتي ربج ييسرها لج ان شاءالله

 

[جذابه بنت ذيابه]

رد : ربي الكريم رزقني بحمل بتوأم ,, بس حدي خايفه

الله يثبتهم ويبغلج فيهم يارب


حبيبتي عليج بالرااحه .. ومو شرط تعلمين احد بس اذا سألو علمي

مو جايبتهم من الشارع انتي <محشومه



وخلي املج بالله قوووي


وعسى ربي يعينج على تربيتهم



وان شاء الله توافقين بينهم يارب

 

[رفيف الورد]

ماشاء الله تبارك الرحمان ربي يثبت حملج حبيبتي ويرزقج فيهم مشافين معافين ويحقق لج ربي كل اللي يتمناه قلبج عاجلا غير آجلا آمين يا رب العالمين

أنا من حزب الطماشه

 

[^noonaa^]

الله يعينج عالثقل والتربيه

حبيبتي لا اتفكرين ولاا اتحطين ابالج انج ابتولدين امبجر وخلج داااااااايما مرتااااحه

وبالنسبه لولادتهم السهاله من الله ان شاءالله

والتربيه شوي صعبه بالبدايه وان شاءالله تتعودين


وانا بالنسبه لي ماعلمت الناس الا بالثامن لان الصراحه خفت قلوبهم اتفز اذا درو اني ولدت توأم

 

[wafa82]

رد : ربي الكريم رزقني بحمل بتوأم ,, بس حدي خايفه

حبيبتي الله يهون عليج ويقومج بالسلامه ماعندي فكره عن التونز

 

[++The DuchesS++]

لا تجهدين نفسج وريحي على الاخر
وحتى لو ولدتي بالسابع الله لا يقوله سهاااالات لا تحاتين
اهم شي النفسيه والثقل راح تحسين فيه مبجر عادي
وافضل بحالتج الولاده بمستشفى حكومه احسن
والله يسهل عليج ان شاء الله

 

[مندوبة ام بندر]

الله يتمم عليج وتولدين بالسلامه وتشوفين احلى تؤام

 

[كوب كابتشينو]

ما قصرتو والله ,,,, رفع

 

[LOLETA]

حبيبتي طالما ولدت

من قبل

فلاتخافين سهالات


وظلي حصني نفسج

واذكري الله



وبالتوفيق انشالله