ربي يجعل هذه السنه خير وصلاح وتحقق امنيات اللي ترد علي .....

[فديت أبوي وأمي]

السلام عليكن .....

أخوااااتي الكريمات ...ربي يجعل هذه السنه خير وصلاح وتحقق امنيات اللي ترد علي .....:yaaaaaarb:


انا الوالد ربي يحفظه يعمل رجيم ومايبغى يأكل المأكولات الدسمه مثل الرز والمكرونه والبطاطس ...

ودوامه طووووويل ....وايحب الاكل اللي فيه سكر كثيييير ....

وانا محتاااره شنو أطبخ له بالغـــــــــــــــــــــــــداء ......:eh_s(10):


ياليت تعطوني اكلات وطبخات حلوه تشبع بس ماتكون فيها رز ومكرونه ...

طبعا غير الايدامات لاني دايم اسوي له وحابه الحين اغيييير وانوع له بالطبخ ...:eh_s(11):

بلييييييييز ساعدوووني :eh_s(22):

 

[glby7sas]

ممكن تسويله صينيه البطاط بالكريم والدجاج والسبانخ
او تسويله سبانخ بالكريمه
عندك صينيه الربيانه وايد لذيذه

صينيه كور البطاط بالدجاج والكريمه طريقتها معروفه شوفي قوقل
صينيه السبانخ بالكريم سهله اهو انج تحطين بالمقلا زيت وبصل وشري ثوم وتحمرينهم بعدين تحطين مشروم وشوي تقلبينه بعدها حطي دجاج وقلبيه لين يستوي بعدها حطي السبانخ وقلبيه لين يستوي بعدها حطي الكريمه وقلبي وبس طبعا الملح انتي تحطين الكميه على حسب رغبتج


صينيه الربيان
قصصي بطاط مكعبات كبار واقليهم بعدها حطي بالمقلا زيت ووحمري بصل وثوم بعدها حطي البطاط ( البطاط تكونين قاليته من قبل ) وحطي ربيان ( الربيان يكون مفيوح وخالص ) ورشي عليهم ملح فلفل اسوي شوي حيل وقلبيهم بعدها رشي عليهم شكر وقلبيهم وبعد اورقانو وبس عليج بالعافيه ( ملاحظه احب اسريها بالزبده بدل الزيت العادي طعمه يصير احلا )
وسلامتج هذا كل اللي عندي

 

[glby7sas]

سويت اكله وايد حلوه اعجبتني قلت اقولج ياه
شوفي فوحي ديايه بعدها نتفيها مثل الشاورما
وييبي مقله حطي زيت وثوم وبصل وحمسيه لين اشوي يذبل بعدها حطي الدياي وحمسيه بعدها مشروم وذره وييبي اشوي كريمه حمره حطي فوقه اشوي مو وايد بعدها ييبي صينيه اللي تنحط بالفرن وصفي فيها بطاط مقصص حلقات مقلي وفوقها حطي الدياي اللي خلطتيه فوق ييبي جبن قلاص ثلاث قفشات وخلطيه مع الكريمه وصبيه فوق الدياي بالبايركس كله يعني وييبيلج جبن الموزاريلا وحطيه كله دخلي الفرن وحطي الحراره فوق وتحت 10 دقايق وسكريه وحطي فوق الجبن زيتون مقصص حلقات ودياي وطماط الصغير قصي بالنص ورشيه وفتحي النار من فوق لين يتحمر وعليج بالعافيه

 

[زوجة الوزير]

سمك مشوي وروبيان مشوي
انا مثلك ابي اكلات للقولون لاني تعبت مره

 

[$قطوه$]

هلا وغلا فيج

انصحج اتعلمينه ياكل اكل صحي وكل ما طبختي صحي تعلم على الاكل

انا احب اسوي طبخات لذيذه وبنفس الوقت مفيده

مثل عندج دياي بالخضراوات

اول شيء تقطعين ديايه كامله على شكل مكعبات وطبعا تتخلصين من الجلد والعظم وبعدين تحمسينها مع فلفل رومي وبصل وثوم وتضيفين مكعب ماجي ورشه ملح وفلفل وزنجبيل وبهارات دياي وبعدها تضيفين الماي وتخلينها تفوح على نار هاديه

بعدها عقب ما تستوي شوي حطي عليها خضروات مجهزتهم من اول مقطعين بشكل متوسط

جزر وبطاط وزهره واي خضرا جاهزه عندج وخليهم يكملون استوا طبعا هذي اكله مفيده وقدميها مع طبق سلطه وعصير طبيعي وبالهنا والشفا


واذا في اي شيء جديد راح اكتب لج

وسنه سعيد ع الكل