ربي يوفق اللي ترد علي :(

[مزوحيه]

السلام عليكم و رحمة الله و بركاته



بنات انا كنت ادرس بجامعة الكويت و مشكلي اني ما اعرف شي
كنت ادبي و فكرت اني اروح اسحب اوراقي و اعيد الثانويه عشان
ادرس علمي بس من غبائي رحت سحبت اوراقي قبل لا اروح اسأل
عن القرار بالوزاره و يوم رحت اسحب مادري ان في سالفة موعد سحب
و الموظفة ما قالتلي ان ما يصير ارجع بعد مره و يوم سحبت و خلصت
رحت اسأل عن قرار اني اعيد الثانويه علمي قالولي مافي القرار هذا
و متوهقه حدي احس مستقبلي قاعد يضيع فكرت ادرس تربيه اساسيه
بس احس مو حابه ابي ارجع الجامعه و انا سحبت اوراقي مو بموعد السحب
تكفون شنو الحل ابي ارجع بأي طريقه ساعدوني بنات و حتى لو واسطه
انا ما عندي وين اروح و شنو اسوي الله يوفقكم ساعدوني
​

 

[هاجس ..]

موفقه .. روجي العمااده واسالي مٱعڼدي فكره ❤

 

[دلوعه كندا]

امممم مادري والله اب اب

 

[مزوحيه]

موفقه .. روجي العمااده واسالي مٱعڼدي فكره ❤

جزاج الله خير :eh_s(17):

 

[مزوحيه]

بنات اللي تعرف شي او تقدر تساعدني لا تبخل علي ربي يوفقها و يحقق لها كل اللي تتمناه

 

[مولاي الفرج]

حبيبتي سوي استخاره واذا عاجبتج تربية اساسيه وتبين مدرسه درسي وايد يقوولون ان سهل واسهل من جامعه الكويت اكيد

وكل شي بالعربي بعد


الله يوفقج وكل شي خيره

ونصيحه لاتتسرعين مرة ثانية الا لما تتاكدين وتسئلين

 

[مولاي الفرج]

واذا مصرة على جامعه الكويت سئلي بشويخ اكيد بيعطونج الحل اذا بامكانج ترجعين

 

[HayaaB]

سئلي بالعماده الشويخ
اذا ماكو أمل عندج حلين:
1- التربية الاساسية

*-بعثة داخلية من الحكومة ل ( جامعة الخليج gust، الجامعة الامريكية auk، جامعة الشرق الاوسط aum،
كلية القانون)

بالتوفيق

 

[كيكه الكويت]

نصيحة من جامعية تربيه اساسية ارحم و لا تضيعين عمرج يمكن هشي اللي صار لج فيه خير
ترى احنا بالجامعه نقعد ثلث سنين علما نتخصص عكس تربيه اساسية اول سنة متخصصين
ولا الميداني عندهم سهل احنا لازم ١٢٠ وحده قانون جديد لعب فينا تدرين يعني شنو يعني كل المواد اخلصها بس تربيه عمليه يعني الميداني و حلقه البحث هذا اللي مو حاسبينه حسبي الله عليهم والله اني منقهره والله
حتى بالجامعه مافي تخصصات حلوه مثل رسم بدنيه حاسوب
ماعندنا هالتخصصات تخصصات محدوده صلي استخاره و شوفي شصير بعدين دامج تبين تصيرين مدرسه تربيه اساسيه اسهل

 

[سندس 90]

امبيييه من صجج
هذا قرااار صععب تاخذينه بدون لا تسألين تستفسرين



صراحه بدون لا تزعلين انتي الغلطااانه

دشي تربية اساسيه ترا حلوووه

 

[لـولـيـتـا]

بالتوفيق يارب بس اتوقع حتى لو مو بموعد سحب تقدرين ترجعين للجامعه ان شالله لان قرار السحب منج ماياج قرار فصل من العماده
وهم سئلي بشويخ اهم يفيدونج اكثر

 

[يا كويتنا]

انا سحبت اوراقي بعد 4 سنوات دراسه كان علي ثلاث انذارات وخفت يفصلوني وقالتلي السكرتيرة حسبي الله عليها وين ماتروح سحبي اوراقج وماعلمتنيان عندي فرص واجد منها صيفي وبعد لج للانذار الرابع بالجامعه



الحين سجلت بلاساسيه وانطر موافقتهم

 

[مـلـكـه_ذاتـي]

انا تربيه جامعه الكويت انصحج من جد انصحج تقدمين على التربيه الاساسيه والله الجامعه تعب حيل ومافيها مثل تخصصات التربيه الاساسيه ويمكن خيره الي صار لج واذا مصره على جامعه الكويت راجعي العماد
الله يوفقج ياااارب

 

[MaKe-Up]

خيره لج حبيبتي

هذا الشيء أحسن لأن التربيه أحسن

من الجامعه و هذا ربي كتبه لج واكيد خيره

وعسى ربي يوفقج وين ما تروحين جامعه أو تربية

 

[~ طـــواري ليل ~]

وعليكم السلام والرحمة

حبيبتي اذا تبين الجامعه .. وانا قريت كلام البنات عن التربية!
دشي الجامعه وحولي كلية الشريعه اذا نسبتج ما تساعدج تدشينها فوري ..

كلية الشريعه سهله حيل ودكاترتهم روعه وتقدرين تصيرين مدرسة تربيه اسلاميه
وبرأيي اسهل من التربيه .. لان مثل ما قالوا خواتي المواد التربوية تلعوز


وصدقيني بتستانسين بالشريعه

 

[~ طـــواري ليل ~]

اذا ما تقدرين تراجعين الشويخ ( العمادة )

هذا رقمهم كلميهم عن وضعج وقولي ما كنت ادري وابي ارد قيدي !

24842976

وموفقه يا رب

اذا ما فادوج قوليلي ادزلج ايميل د. مثنى الرفاعي عميد الجامعة ..