السلام عليكم
حبيت اذكر تجربتي مع حنة الذوق كله بعد مامر عليها ثلاث شهور والله ثم والله ثم والله اني ليومكم ادعي لها عسى الله يوفقها ويوفق عيالها يارب ويسعدها في الدارين الدنيا والآخره.
للحين الشعر ناعم النعومه الي تهبل جنه طبيعي وحيل ناعم على فكره لما اتسبح بس انشف الماي بالفوطه والسشوار عالخفيف بعدها يصير رهيب والله جنه مستشور ... الي خلاني اكتب تجربتي للمره الثانيه اولا لاني مستخدمته قبل 3 شهور ويمكن اكثر وللحين ماصار الا الخير بشعري وماتندمت اني استخدمتها وباذن الله كل مايروح مفعولها استخدمها مره ثانيه .
ثانيا امس يقول زوجي ماشاء الله تبارك الله كنت اشوف الشعور الي بالدعايات عن الشامبو وكنت اقول مو صج جذابين بس لما شفت شعرج شلون روعه شكله عرفت انه صج في شعور حلوه هالكلمه بصراحه اهي الي خلتني اكتب تجربتي مع اني كنت متخوفه اكتبها مو عن شي بس اخاف تقرا كلامي وحده وتستخدمها وماتضبط معاها وتدعي علي بس حسيت اني انانيه مثل ماستفدت من الحنة حبيت افيدكم وباذن الله ان نفعت ماتضر بس مثل ماقالت الذوق كله الله يسعدها الي شعرها يطيح لاتحطها الا بعد ماتعالجه
وانا اخذت منها زيت شجرة الآس وباستخدمها وبكتب تجربتي عنها بعد شهر ان شاء الله عشان تستفيدون
بارك الله لج في رزقج اختي الذوق كله والله انج تستاهلين ورزقج حلال وهم اخذت الحنه مره ثالثه منها وباستخدمه لبنيه صغيره وهم راح اكتب لكم التجربه ان شاء الله قريب .
ملاحظه : الي يقرا ردودي من قبل يدري انه ماتربطني بالذوق كله اي علاقه شخصيه رغم انه يشرفني هالشي.. وان هالكلام والله العظيم مو دعايه لها لكن مايصير احتفظ بالتجربه لنفسي وحبيت افيدكم
تحياتي لكم عامه وللذوق كله خاصه
