رجلي يقول انتي منتي واثقه من نفسك عشان ؟؟؟

[شهد العسل ومر]

بدخل بالموضوع سيده توني متزوجه مالي 3 شهور
زوجي طيب ويحبني وللحين متفقين بس باط جبدي بشغله
كله يقول بتزوج عليك بطريقة مزحه طبعا انا ادري يبي يثير غيرتي ويبي يعرف قدر حبه بقلبي تعرفون الرياجيل بس قاهرني بشغله وفاقعه مرارتي كل ماطلعت وحده حلوه بالتي في يقول شحلاتها تهبل انا اقوم امزح معه اقول لاتطالع اذبحك يرد علي ليش مانتي واثقه من نفسك ؟
شكلك مانتي واثقه من نفسك دايم مشكلتك بنات قهرررررررررني رديت عليه قلت لا واثقه بس حبيبي مابيه يشوف احد غيري وانا من داخلي بموت من ردة فعله


شرايكم بنات دايم يعيد الموضوع علي شنو ارد عليه مره ثانيه تكفون قهرررررررني

 

[انا لها شمس]

انا مادري ريلي مو جذي ابد
بس اختي تضحكني بسوالفها
كل ماطلعت بنت حلوه تقول اقعد اعذرب فيها
لان ادري ريلي يطالع بجمالها

واهوا يكررررره عمليات التجميل... فتقعد تقوله شوف شوف خشمها شلون رافعته بالعمليه

شوف شلون ماطه عيونها لي فوق
استغفر الله كل شي صناعي يلعبون ويغيرون بخلقة الله


وهذا موالهااااا


لحد ما عقب كم سنه زواج صار يقول لها انا شاك انج مسويه عمليات تجميل لج

هههههههههههه تعقد نسيبي خنت حيلي

 

[نور دنياه]

عااادي حبيبتي ريحي راسج، الريايل جذيه يحبون يعرفون قدرهم. مثلا انا زوجي لما كنت اشوف مسلسل (روبي) يقعد يبقق عينه وعيونه تطلع مترين جدام منها ومن جسمها. عاد انا اقوله لاتصدق كله تجميل. ينصدم ويكرهاا عقب خخخخ

بس مابين له اني ميته وغيرانه تلاقيني امشي وياه بالسالفه انه تجميل والخ الخ هو اهني يحتر اني ماغرت ولا قلبت القناه :krkrkr:
وصج احيانا عادي عندي لو علق على مذيعه او ممثله شدعوه بغار من كل وحده، عندي ثقه بنفسي الحمدلله

 

[بقلبي انت]

عادي كل الازواج جذي يحرون حريمهم ويبونهم يغارون لكن الذكيه اهي إلي تسكت وتكون واثقه من نفسها بهالمواقف
رياجيل مالهم علاج عيون زايغه سمعس وطنشي احسن لج

 

[a7la siorah]

عادي انا يسوي فيني جذيه

اول شي كان عاجبته قمر وانا بعد عاجبتني

فلما قال جدامي انها حلوه وقاعد يقول طاع الجسم وميت عليها

جان اعطييه الضحكه واقوول هاا حبيبتك هذي ؟ خلاص بسميها حبيبتك

جان يطالعني منصدم وبعدها كل ماتطلع اقوله شوف شوف حبيبتك يقول ختولي هههههههههه

بس صج مره كنا حاطين فنون في بنت تمشي ووتتمايل ع البطيء الي لابسه ازرق

هذي نفس الشي قام يقول جدامي انها حلوه اهنيه انا جتني ام العبنده عصبت حيل ههههههههههههه

 

[om Fouz]

المفروض انك تتغدين فيه قبل لا يتعشى فيك

اذا قالك بتزوج ، قولي له اول شي طلقني علشان اتزوج انا بعد

واذا قال هذي حلوه قولي له مو احلى من المذيع اللي امس شفته


بس

وحده بوحده

 

[بكيزة هانم]

عادي عادي

 

[جوك احلى جو]

غـــــــــــلــــــــــــــط

المفروض ماتضحكين معاه ولا تجارينه قوليله انت ترضى امدح فنان ولا مذيع جدامك فهذا معناته انا ما احترمك السالفه مو سالفه غيره وخرابيط السالفه سالفه احترام وكرامه وهذا اهم شي تغرسينه فيه باول الزواج ان يكون بينكم احترام ولا ترا بيفتلت بالحجي عيب يمدح بنت جدام مرته لاتعودينه علي هالامور باجر يتعود حتي لو بدر منه مثل هالحجي سكتي ولا تعلقين بيني له ان الكلام مو عاجبج وان عيب ولا تبينين له انج غيرانه سوالف اذبحك ما اذبحك انتي ونستيه وبيتعود علي تكرار هالتصرفات او انج تردينها له بمدح جدامه فلان وعلان ماراح تخلصين قطعي الشر من عرجه


وترا الميانه الزايده بين الزوج وزوجته مو حلوه تطيحين الكلفه سواء بالموضوع اللي انتي طارحته او نكته وصخه او ماشابه خليه يحترمج بتكبرين بعينه

 

[PuPa^^SWeeT]

المفروض ماتغشمرين وياه



انتي عطييتييه باااااب انه يتمادى للاسف




وهذي السالفة مافيها ثقة



اهي غيرة و بس

 

[brettey]

انتي عطيتيه مجال يتمادى كان المفروض تسكتين ولا تبينين له انج مهتمه
تدرين لو كنتي بارده معاه ومثلتي عليه ان مو هامج بينقهر
كان المفروض انج تسوين هالشي

 

[جذابه بنت ذيابه]

بالعكس مفروض تسكتين عنه انا كنت بالبدايه نفسج بس بعدين خليته براحته ..
بس لا طلعت وحده اقول يو كلها عمليات تجميل او اقلب واقول التمثيليه بتجي يقول ما اخبرج راعية تلفزيون هههههه

 

[بنت أبوي 1]

لو انا بقول وانت ويش تبغالها
ولو عندي رموت كنت بغير القناة ما اخليها

 

[حبيبي مالكني]

احسن شي انج تحقرينه لما يقولج ان هالبنيه حلوه
مرة مرتين بلاحظ انج ما تهتمين ولا تنفعلين
عشان جذيه مراح يقول او يسوي جذيه مرة ثانيه

 

[نشيج الروح]

حقريه ولا تردين عليه 
والشي الثاني لا تحطين وتشوفين برامج مع ريلج فيها اغراءات

 

[Zinab BH]

انا بقولج شغلة في الريايل
انتي تمي تحنين و تزنين ان اهما مب حلوين
و كرهيه فيهم و شنيهم بعينه و قولي وع
وانتي زيني بنفسج وقولي انا شحلاتي مافي احلى مني
ترى يرسخ الشي براسه ان انتي الحلوة واهما لا
وهذي مجربة
اقولج سالفة اختي بتركيا مع زوجها تقول تجوف البنات حلوين شحلاتهم واهيا محترى مع زوجها
عاد اهي من الحرة تمشي وتقول وعي مب حلوين انا شحلاتي كأنهم قطاوة
بعدين الا زوجها يقول اي والله كأنهم قطاوة مب حلوين فمارسي انتي مثل الشي
حتى اذا في ممثل حلو قولي حبيبي زوجي احلى و اغلى من كل هالممثلين
عززي الثقة بداخلج و داخلة ولا عليج والله يوفقج و يسخره لج و يسخرج له يارب

 

[كارلوفي فاري]

الرجال بطبعه يحب يطالع بس لازم يحفظ لج احترامج يعني بس قوليلها انا واثقه من نفسي بس من باب الذوق والاحترام لي مو حلوه بحقي تمدحها قدامي

 

[بقلبي جرح]

بلاغيرة بلاهم كلا يعمل اللي براسة

 

[امـ خــزامـى]

ياحلوه عااااااااااادي جدا
بالعكس تدلعي على زوجك وخليه بعد يتدلع ويشوف غلاته

خليه يشوف غلاه عندك بس كل شي بحدووووووووووود

يعني لو حسيتي بدا يتمادى بالمزح ويمدح بهالفنانات قوليله احترمني خلاص عاد يكفيي
وضحت لك اني احبك واغار عليك بس انت حاليا تماديت

واتوقع غيرتي وحبي لك وضح ووصلت لك المعلومه
لو بتعيد وتزيد بهالاسلوب اسفه اقولك ان هذي وقاحه ومافي ذرة احترام

^
انت عطيه مثل هالكلام القوي عشان يعرف حدوده
اهم شي لاتنفعلين بمشاعرك دائما خليك هاديه


موفقه حبيبتي

 

[m'3rOoOra]

سمعي وحطيها قاعده عندج وعند كل وحده تتزوج حديثا ههههههه

اذا زوجج مدح فنانه امدحي واحد بجسمه وشكله والله العظيم ان عمي يقولي اول ماتزوجت وصاني قال مااوصيج اذا مدح اي وحده امدحي اي واحد يطلع وشوفيه راح يسكت ولا يتكلم وماراح يبطل حلجه

 

[همآليل]

ههههههههههههههههههه ياحليلك انتم على ممثله
اختي زوجها كل شوي يقول لها :
ب اتزوج عليك (( بس ب مزححه )) يبي يشوف غيرتها وشطانتها وش تسوي .؟؟؟


بس انتي احقريه واذا مدح اللممثلات لاتردين عليه ... واذا قال شفيك ساكته ماتردين .. قولي هااااذي كلها على بعضها تججميل ... شنو تبيني اقول .. !!

ومثل ماقالوا الاخوات قوليله .. شوف خشمها كيف ماطينه .. شوف عينها وش مسوين فيها .. ولا براطمها فيها كيت وكيت ..

بس الاغلب الاغلب لاتردين عليه .. بعدين بيشوف مافيه ردة فعل وبيسسكت .. وبيحس انه غبي وهو يكرر هالموضوع وماحد يمه ..