- إنضم
- 22 سبتمبر 2011
- المشاركات
- 708
- مستوى التفاعل
- 0
- النقاط
- 0
السلام عليكم خواتي اليوم رحت إشتركت بدايت كير فرع شرق وأخذت الآشتراك الكامل قالي عندنا عرض بشوال 215 وبما اني أول مرة فلازم أفتح ملف ب 25 وصار حسابي كله 240 شامل كل الوجبات ريوق غدا وعشا ومع السناك الحليب والفاكهة وقالي التوصيل في من الصبح فترة 6 الى 7 وفي فترة 11 الى 2 إنا اخترت فترة الثانية اللي هي من 11 صراحة ما أقدر من الصبح 7 وأيد مبجر وعلمني طريقة أسويها أنه أول يوم ريوق ما أكله وأخطة لليوم الثاني ؤجذيه راح ابتدي كل مرة طبعا أنا رايحة لهم من غير موعد وما كنت أدري أنه لازم موعد قال لي راح نحطلج موعد مع الأخصاءية تاريخ 2 / 9 حاولت ويأهم أن يحطولي موعد أبجر بس فل مافي مجال وعطاني ورقة أعبي بياناتي وبعدها عطاني أوراق اختار فيهم الأكل اللي أبيه لمدة اسبوعين وطأااحت أيدي وأنا أعبي واختار وحسيت أكلهم حلو ومتنوع وأنا اختار وبعد ما خلصت خذتني موظفة الاستقبال و قاست وزني طولي وزني 47.6 يعني قريب النص خخخخ وطولي 159 عاد قبل كنت ?58 مادري شلون زدت سانتي خخخخ يمكن من الجوتي لأني ما فصخته وقاستني وسألتني بعدها عن عمري قلت لها 23 سنة قالتلي شنو سبب الآشتراك بتمتنين خخخخخ قلت لها لا وين أبي أضعف لوووول المسكينة أنصدمت قلت لها أنا من قبل مسوية رجيم قااااسي وأكلي موو صحي وصار عندي تساقط فضييع بشعري فاشتركت معاهم حتا أعدل من تغذيتي وبشرتي وشعري وأكون مسوية رجيم على أكل صحي ومفيد وما يضرني صراحة معاملتهم وأييد حلوة وبالهم وسيع بس اللي تضايقت منه بنات شيء واحد اللحين التوصيل قالولي عقب باجر يعني بتاريخ 28 /8 يوم الأربعا انشألله وأكيد راح أحطلكم الصور والملاحظات بس أبي منكم تشجيع أنه انتظم وما آخربط ولو اني أبد ما احتاج تشجيع احتاج زف عالرجيم لوووول المهم خواتي اللي عرفته أنه لازم الأخصاءية تشوف نسبة الدهون بالجسم وتعطي السعرات. الحرارية المناسبة لج أنا بس قاسوا طولي ووزني وتوصيل عقب باجر شلون جذي عيل راح يتابعوني ياليت اللي إشتركوا من قبل بدايت كير يفيدوني شنو فائدة الأخصاءية وهل عادي إنه ما تشوفني الأخصاءية إلا بعد إسبوووع !! واللي عند الرسبشن حطتني عند أخصاءية اسمها على ما اعتقد نور شمس الدين قالتلي أردنية أو فلسطينة في أحد مجربها ! صراحة أمدحولي دكتورة فرح الرفاعي بنات أقدر على موعدي للاخصاءية. أغير الدكتور واللي ضايقني بعد اني سويت تحليل دم سي بي سي ومجهزة نفسي ومستعدة آخر شيء ما طلبوه مني !!! ولا سألوني عنه معني قارئة يوميات البنات طلبوا منهم حسيت ما اهتموا فيني من شافوا ضعفي معنة في مناطق بجسمي فيها ذهوون لكن ما يبين علي باللبس فاللي تعرف تفيدني حبائبي وإنشالله إذا شفت ردود وتشجيع راح أحط لكم كل يومياأتي وبالصور أول بأول ومع الوزن طبعااا بأي بانتظاركم تجاوبوني على أسألتي. لأنه حتى نصائح ما نصحوني بشي !! إذا أمشي أو ما أمشي !! جم لتر إشرب ماي إشرب عصائر أو لا محد نصحني وخصوصا أنه شفت بقاءمة الأكل مأافي عصائر ما يقدمون غير لبن أو حليب !! فاللي تعرف تفيدني بنصائح دكتورتها وجم سعره احتاج أنا لو أوصل لوزن 45 زين بلنسبة لي بس لاااا امتن لا إشوف أكلهم يمتن عاد صج راح اتحسف على قطة الفلوس ههههههه أسفة عالطوالة خواتي
