رجيمي لتنقية الجسم من السموم والدهون وازالة الكرش

[ميـريام]

بسم الله الرحمن الرحيم


راح اسوي عدة رجيمات بأذن الله كل فتره بغير
بالبدايه 3 ايام رجيم التفاح يعني تفاح في تفاح فقططط وشرب ماي وجاي اخضر

الرجيم الثاني بيكون رجيم التمر واللبن بشوف شكثر اقدر اصبر عليه

الرجيم الثالث بيكون اكل صحي مع الغاء وجبة العشاء واستبدالها بروب خالي الدسم + اعشاب

طولي 158
وزني 75
الهدف 60
نوعية جسمي تتراكم السمنه في منطقة البطن والجنوب يعني عندي خوش كرش جنه عندي 3 عيال مع اني بنت بنوت

يارب اوصله بصحه وعافيه ,, دعواتكم


واللي تحب تشاركني حياها معاي

 

[Madrideya ~]

موفقه حبيبتي انا نفس تقسيمه جسمج سمتني فبطني
ونفس وزنج وتقريبا نفس طولج قبل كنت أمتن من الحين بوايد بس الكروشه باطه جبدي لي الحين ماراحت
رغم أني ضعفت وايد بس يا انا يا هي وأكيد إذا وصلت ٦٠ بتختفي أن شاء الله

والله يوفقج حبيبتي بس رجيمج وايد صعب ...

 

[نيرفان]

موفقات ي الغوالي نوصل للوزن اللي نريده بصحه وعافبه
وقوة ايراده

 

[ميـريام]

موفقه حبيبتي انا نفس تقسيمه جسمج سمتني فبطني
ونفس وزنج وتقريبا نفس طولج قبل كنت أمتن من الحين بوايد بس الكروشه باطه جبدي لي الحين ماراحت
رغم أني ضعفت وايد بس يا انا يا هي وأكيد إذا وصلت ٦٠ بتختفي أن شاء الله

والله يوفقج حبيبتي بس رجيمج وايد صعب ...

ماشاءالله اهنيج على نزول الوزن وانتي قدها
و راح تختفي ان شالله بالاراده والرجيم صح صعب شوي بس الحلو فيه انه يصغر المعده وينظف القولون عشان بعدها من تاكلين شوي تشبعين جنج مسويه تحزيم بس طبيعي : )

 

[ميـريام]

موفقات ي الغوالي نوصل للوزن اللي نريده بصحه وعافبه
وقوة ايراده

اجمعين غاليتي
كلشي ممكن يصير بقوة الاراده+ الدعاء
الله يسهل امورنا ونوصل للوزن والجسم اللي نبيه غيرنا مو اشطر منها

 

[ميـريام]

بأذن الله باجر الصبح راح يبتدي اول يوم لي مع رجيم التنقيه بالتفاح وراح اكتب لكم التفاصيل
تابعوني ~ وادعولي

 

[ميـريام]

طريقة رجيم التفاح :

وهو عبارة عن انك تستمرين لمدة 3 أيام على أكل التفاح والماء فقط..
واليوم الثالث قبل لاتنامين تشربين لك 3 ملاعق زيت زيتون..
ونقلا عن إللي جربوه.. يقولون طلع بلاوي من بطنهم ..
ونقصهم مدري كم ..

 

[أم وليد الشمري]

الله يوفقك ياااارب ...
استمرررررري وبتحققين هدفك بإذن الله

 

[ايمان الغساني]

متابعين لج والله يوفقج

 

[نيرفان]

متابعتك اول ماتعدي 3 ايامحقت التفاح واذا نفع معك حسويها
كـ انا قلت لك استمري ي عسل بالتوفيق

 

[بريق أنثى]

موفقة انتي قدها بس مش كان رجيم التفاح شديد
عليك بالمشي والهرولة ساعة يوميا تمسح الكرش
والزبادي خالي الدسم رووعة لدهون البطن​

 

[عذااب العااشقين]

موفقه ويارب تضعفين وخصوصا منطقة الكرش احسها بصمةوعلامة جودة لكل كويتيه
واذا نفعت تجربتج ان شاء الله بسويها



متابعه لج بأذن الله

 

[تووته البسكوته]

يالله حبووووبه موفقه وكلنا ناطرين تعطينا النتيجه الله يوفقج

 

[ميـريام]

بأأأك

بنات بالنسبه لرجيم التفاح (التنقيه) كلش كلش ماناسب معدتي قامت تعورني منه ونزلت الدوره وتركته

حاليا انا بسوي رجيم تخفيف يعني اقلل الكميه حيل بدال الصمونتين نص صمونه وراح اكل كل ساعتين الى 3 ساعات ورياضه خفيفه

وزني اليوم 78 مادري شلون زدت 3 كيلوات

اللهم لاسهل الا ماجعلته سهلا

الهدف 60
مدة الرجيم 3 شهور

 

[ميـريام]

اول ماقعدت من النوم شربت بطلين صغار ماي روضتين

بعدها بنص ساعه صمونه صغيره سمره وفيها جبن سلايس وعصير كيديدي كوكتيل صغير وبس

بعدها بنص ساعه شاي الاعشاب ( كمون ,زنجبيل,ليمون,قرفه)

 

[ميـريام]

غداي : بيضتين بدون صفار مع صمونه اسمر صغيره وروب خالي الدسم