السلام عليكم ورحمة الله وبركاته
بسم الله الرحمن الرحيم
المشكلة الأزلية ... حواء والوزن
يا متينة وتبي تضعف ... يا ضعيفة وتبي تمتن
وفي الحالتين المجتمع له دور كبيييييير بالتأثير على ثقة الوحدة بنفسها
وهذي قصتي مع الوزن الزايد
قصدي الزاااااااااااااايد
طول عمري متعقدة من جسمي من كنت صغيرة ... مو لأني كنت متينة! لأ لأنه أختي وأمي الله يخليهم لي ضعاف
كلما أحد شافنا عبير مو طالعة عليكم عبير عندها خصر، عبير مو مثلكم عبير متروسة، عبير مو مثلكم عبير سمرة، عبير عبير عبير عبير
لين خلوني أحس إن عبير بنت البطة السودة :krkrkr:
زائد إني أصلا عندي اهتمام بالقراءة وأحب بالذات أقرا عن الغذاء وفوايده والفيتامينات وهالسوالف
وكنت دايما أقرا إن السمنة سبب رئيسي لعدة أمراض
ما صار عمري 10 سنين إلا وآنا أنتبه على أكلي خصوصا لما درسنا المجموعات الغذائية بالعلوم
الخبز والحبوب - الحليب والألبان - الخضار والفواكه - البيض واللحوم والبقول
لول سمّعت لكم الدرس
من وقتها وآنا وايد مهتمة بهالموضوع وأحرض على إن كل وجبة آكلها تكون تحتوي على صنف من كل مجموعة
وصار الموضوع هوس
وعلى فكرة بهالوقت كنت أصلا ضعيفة بس قصة جسمي غير عن أمي وأختي لأن حوضي كان عريض
في أولى متوسط كان وزني 25
وبثالثة متوسط 37
وبرابعة متوسط كان بين 45 - 48 يزيد وينقص
بالثانوية كان يتراوح بين 53 - 56 ما يزيد عن جذي
وأيام الجامعة وصلت 64 ... وزني كان زايد لأن طولي 1.52 بس وايد مناسب حق شكلي
وكنت خفيفة أتحرك وأروح وأيي وألبس كل اللي بخاطري وما أحاتي
بس عاد اللقافة اشلون صايرة
قمت سويت ريجيم ... مثل اللي عمره ما تبخر، تبخر واحترق :eh_s(14):
صمت صمت وفطرت على ريجيم كيميائي
مع إني كنت سامعة عن أضراره بس سويته وآنا ما أدري إنه كيميائيرحت وشريت هالخضار والفواكه والستيك ومقادير شوربة الملفوف
وسويته لمدة 5 أيام نزلت فيهم 5 كيلوات وكنت راح أطير من الفرحة
وقفته اليوم ... رديتهم دبل
الريجيم الكيميائي كان غلطة حياتي ... لعب بجسمي وعفسني وصار جسمي قابل للزيادة بشكل أسرع بالفترة اللي عقبه
