رجيمي ... يوميات ومعلومات وفضفضة بالصور

[shak!shoka]

هلا بسكوته الله يعافيج يا عمري

طبعا مكمله و بحماس الحمدالله


امس عقب الريوق ما يعت لي المغرب اكلت بطيخ و يشبع حييييل
و ع الساعه ١١ شربت نسكافيه و نص خبزه كنت حيل يوعانه







اليووووم الصبح


شربت نسكافيه و توسته سمره شريحه وحده مع جبن سلايس خالي الدسم


وبس




بلعب رياضه

و الغدا من ايدام البيت و سلطه و ماي
و العشا الله كريم



و اكيد ختامها رياااضه

 

[shak!shoka]

د سعاد حلو نفس وزني يالله شدي حيلج و خلونا نوزن اخر الاسبوع يعني يوم الجمعه باذن الله شرايكم ؟

 

[Madrideya ~]

الله يسلمج حبيبتي ولج بالمثل يا رب

كلام أمج صح ... كنت بقترح عليج نفس الاقتراح

طبيعي لما تخربطين يزيد وزنج بس زيادة مؤقتة تستمر تقريبا 3 إلى 4 أيام وبعدين يبدا الحرق عندج يزيد

بالنسبة حق عدد السعرات الحرارية كتبي في قوقل how many calories in وكتبي اسم الشي اللي تبينه يطلع لج إن مثلا تفاحة وزنها 150 جرام فيها كذا كالوري

http://ejabat.google.com/ejabat/thread?tid=5007651b8f5ba2cf

وهالرابط يساعدج تحسبين عدد السعرات اللي تحتاجينها

بس ترى مو مضبوط 100% بس زين ممكن يفيدج

وعشان تسوين رجيم لازم مثلا إذا المفروض تستهلكين 1200 كالوري تسوينهم 1000 مثلا

وكلما تسوين رياضة أكثر كلما قدرتي تزيدين كالوريز على كيفج

وبسألج سؤال ... اشلونج بالانقلش؟



بالسفرة آنا أشجعج اكلي كل اللي بخاطرج بس راعي الكمية

وبعدين ما شالله تركيا أكلها أغلبه صحي مشويات وأنوااااااع الفواكه

وان شالله راح تمشون وايد فكل هالأشياء ؤاح تساعدج ان شالله

فدييييييييتج حبيبتي إنتي والله نصآيحج لي وآيد فآدتني إنتي غيير عن كل بنآت اللي بالمنتدى
لأن بعض البنآت لمآ تستفترين منه شي مآ يعطونج الجوآب تحسين فيهم نحآسة مآيبون يفيدون غيرهم طبعآ مو الكل البعض عشآن مآنظلم الغييير .. حتى كلآمج وآسلوبج نفس امي بس الفرق هي تقولي هالكلآم بعصبية هههه مسكينة تحاتيني تبيني آضعف

عآد تصدقين بخصوص زيآدة خربطة العيد مآ طرت على بآلي إنهآ زيآدة مؤقتة لأني من ثآني يوم عيد رحت للميزان على طول ..

وبخصوص السفرة إيه بآكل سلطآت ومشآوي وسمج وديآي هالآكل الصحي وطبعاً آلآتراك هنآك يتفنوون
بالدندرمة (( ايس كريم بس بالتركي اسمة دندرمة )) بس بقآوم :eh_s(16):وإذا عن شهوة بآخذه مره أو مرتين بالسفرة كلهآ وعآد آبوي متحلف فيني يقولي بذبحج مشي ههههه آبوي مآشآء الله رشيق من يوم آنخلقت مآعمري شفته متنآن لآنه حركي ويحب الحركة وآكله كله فواكهه يعني عادي عنده باليوم ما ياكل الا تفاح ههههه ما أدري ليش مآطلعت عليه :eh_s(16):
وآذآ رديت الكويت مآرآح آوزن على طول برتآح 3-4 آيآم وبعده بوزن لأن عضلآت جسمي بتكون مشدودة من المشي ورآح يعطيني وزن غير وزني يعني بيزيدني ( هالمعلومة من آمي مآآدري عن صحتهآ بس العادة آمي معلومآتهآ عن التغذية والرجيم سليمة )

عاد بقولج عن سالفة صارتلي اليوم بالجمعية جيان اللي بالسالمية اول مادخلت الجمعية
سسسيييييدة رحت صوب الكاكاوات والحلويات والبطاطات وهالخرابيط عشان بختبر عندي الارادة وفعلاً كل ما اشوف شي مآ آخذه يعني آكلتهم بمجرد النظر وحتى يوم قررت آخذ كاكاو رحت صوب الكاكاوات اللي فيهم اقل سعرات حرارية واللي يكون داخلها بسكوت يعني مو دسمة ولما اخذتلي قعدت اطالع السعرات الحرارية طلعت ( 27 غرام ) يعني تقريباً 130 سعرة حرآرية الزبدة اكتشف إن رجيمي مو بس نزول بالوزن والسلام لااااااااا حييل غير فيني آول شي صار نظامي بالاكل اليومي حيل صحي يعني مااكل أي شي إلآ إذا تأكدت منه اذا صحي أو لا حتى الكاكاوات هالخرابيط ما صارت تستهويني حيل نفس قبل يعني ما اشتهيها الا بالاسبوع مره عكس قبل كنت يوميا اكل جوكلت وباقي الخرابيط ، وفوق هذا بشرتي بعد حيييل تحسنت صآرت آحسن بوآيد من قبل حبوب الشباب ودهنيات الحين خفت وآيد عن قبل خصري بدآ يبيـن جسمي بدآ ينشد نفسيتي صآرت احسن ثقتي بنفسي صآرت هم آحسن .. صرت آثق بأنوثتي ومآ آستحي من شكلي نفس قبل معني مآوصلت للوزن المثالي والمشوار طويل جدامي وكل هالاشياء تغيرت فيني لا وصلت للوزن اللي ابيه والمثالي شبيصير فيني ؟ الله يرزقني على قد نيتي يارب ..


يااا كثرر قرقتي بس حبيت آفضفض
بخصوص اللغة .. آمممم تمام بالانجليزي يعني تعطيني 70% باللغة



وموااااااااااح آحلى بوسة لآحلى بسكوته بالدنيا <3
وآدعيلي آوصل بالسلآمة بآجر طيآرتي بليييل ..

 

[د-سعاد]

ماعليش بنات نفسيتي دماااااااار بأحط يومي وارجع لكم بعدين

أمس الثلاثاء كان فطوري كوفي وتوست وجبن

وغداي توست وتونه

وعشاي كمثرى

وأكلت حبتين بسكوت

وماأخذت فيتاميناتي :eh_s(4):

ومشيت ساعه

أشوفكم على خير

 

[$نسيم الصباح$]

العنب فيه نسبت سكر وايد , من عطاج إياه مع الرجيم ؟؟؟؟؟؟؟؟؟؟

 

[shak!shoka]

نسيم انا اجاوب عنها
اهيا مو مسويه رجيم مسويه تخفيف

يعني تاكل الي بحاطرها بكميات قليله و مشاللع نزل وزنها


مو لازم نحرم نفسنا علشان نضعف



والله انا سويت رجيمات اهلكتني و طيحت حظي يوووووع و حرمان اشوف الاكل اتعذذذذذب



الحين ماشيه ع التخفيف اكل كل شيييي و العب رياضه

وزني نزززل



عقب باجر اوزن عدل و احط لكم الوزن

وانتو بعد بنات

 

[shak!shoka]

اليوم قعدت الضحى
شربت حليب خالي + قفشه وسط نسكافيه و قفشتين وسط سكر اسمر + حبتين بسكوت بيتي بور


حسبت الكالوري طلع تقريبا ١٢٥




قاعده احاول باليوم ما يتعدا الكالوري ٧٠٠ او ٨٠٠

حاطه دفتر و احسب كل شي

 

[د-سعاد]

يسعد صباحكم بنات :eh_s(17):

يومي الأربعاء أفطرت تووست أسمر وجبن وكوفي

وتغديت تونه وتوست أسمر

وما تعشيت بس خبصت شوي أكلت شوي مكرونه من غدا بنتي وشبس برضو من بنتي ذواقه بس

والأسو جداً اني ما مشيت :eh_s(16):

ولا أخذت فيتاميناتي

يومي مررره سيء ونفسيتي فيه كانت سيئه

باذن الله اليوم أفضل

حبوبات بما اانكم مو متفقين على يوم أفضل ان الميزان يكون صباح السبت من كل اسبوع
وبلاش الفري دام احنا مو محتاجين نخليه لعزيمه والا لطلعه

وش رايكم حبايب

 

[د-سعاد]

بنات فكرت اتبع نظام النقاط مريييييح مره مشيت عليه قبل ككذا الحلو فيه انه مثل التخفيف تاككلين اللي تبين بس بحسبه بسيطه جداً عشان ما تتجاوزين نقاطك

ليه فكرت أمشي عليه؟؟؟

ببساطه لأن مرات نعتقد احنا ماشين تمام ولما نحسب نلقى نفسنا تجاوزنا المسموح من عدد النقاط

فعشان اعرف اني ما شيه تمام راح أبدأ احسب وجباتي من اليوم الخميس

 

[بـ سـ كـ وتـ ة]

حياتي انتي رفعتي معنوياتي ههههه والله يخلي لج أميمتج
والدندرمة لا تحرمين روحج منها حتى لو تناشبين أهلج كل يوم تاخذين من واحد قفشة عشان ما يملون خخخ
وهم على قولتج اكلي مرة مرتين عشان ما تقولين راحت علي لووول
عاد تدرين أول الكويتيين يسمون البرد دندرمة؟
معلومة أمج أول مرة أسمع فيها بس أحسها منطقية وغير جذي مع الوقت لما تسوين تمارين تقوي العضلات يزيد وزنج عالميزان بس شكلج راح يبين عليه الضعف
العضلة وزنها أكبر من الدهن بس مادام في عضلات الشحوم تحترق لأن العضلات يحرقون حتى وانتي نايمة
وصراحة أحييج على هالروح الرياضية ... أحسن شي إنج تحديتي نفسج
وعلى فكرة ترى هالسوالف إدمان ... إذا قطعتيها فترة ما تشتهينها
بس كل ما تعطين جسمج يبي بعد، عاد تصدقين آنا بعد بشرتي تحسنت؟ حتى البنات في الدوام لاحظوا J
ان شالله توصلين الوزن المثالي بصحة وعافية يا رب
وبالعكس حياج الله ... أصلا عنوان موضوعي فضفضة


آنا سألتج عن اللغة عشان أقولج عن موقع ان شالله يفيدج
www.sparkspeople.com
جربيه عجيييييييييييييييييييييييب
فيه قصص نجاح أشخاص بالوصول للوزن المثالي
وفيه فيديوات رياضة
وفيه بعد مكان تحطين كل شي كليتيه إذا تبين تعرفين جم كالوري
وحتى يطلع لج بالضبط جم كالوري تحتاجين على حسب نشاطج البدني والمدة اللي تبين تنزلين فيها الوزن

ممتاز هالموقع وايد مفيد
فديتج خدودي صاروا حمر لول
تروحين وتردين بالسلامة ان شالله استمتعي عيشي حياتج وادعي لي آنا بعد أسافر قريب

 

[بـ سـ كـ وتـ ة]

​

د-سعاد​

​

ليش عاد نفسيتج دمار؟ خلج قوية ولا تسمحين حق شي يأثر عليج​

​

عليج بالعافية حبيبتي​

​

يعطيج العافية ونشوفج قريب ان شالله​

​

 

[بـ سـ كـ وتـ ة]

​

​

نسيم الصباح​

ما راح أزيد على كلام شكشوكة شي​

تعالي يوم السبت ان شالله وجيكي على أوزانا وراح تشوفين بعينج ​

​

شكشوكة​

مشكورة حبيبتي عالرد ​

عليج بالعافية ان شالله​

جربي موقع sparkspeople اللي قلت حق مدريدية عنه​

وايد يساعدج​

وفيه ميزة روعة ... تحطين مكونات أي وصفة وكمياتها​

وتتقسم على جم شخص​

تحسب لج الكالوريز ملوت السيرفنج​

وتقدرين تخزنين وصفاتج عشان ترجعين لهم في المستقبل بسهولة​

​

​

 

[بـ سـ كـ وتـ ة]

د-سعاد

آنا أحس إني ما أحتاج أصلا يوم فري لأن الحمدلله كل اللي بخاطري قاعدة آكله

وإذا ثقلت بوجبة أخفف اللي بعدها

وبالنسبة لي على راحتكم الميزان تبونه الجمعة أو السبت على راحتكم

آنا أصلا هالفترة كل يوم قاعدة أقيس وزني على ما أتخلص من هوس الميزان ان شالله لول

بنات أحبكم صرت ما أستغنى عنكم في موضوعي أحسكم زايريني في البيت ونسولف سوالف حريم

 

[shak!shoka]

قوه بنات
بسكوته فديتج والله انا بعد حابه الموضوع و ادش مخصوص علشان اكتب صار امر الزامي هههه



امس رحت استقبال وحده والده و اكلت بس الحلو كل شي عندها كان ميني
الكبه و الورق عنب و الغريبه و الفطاير مشالله شغلها اينن
اكلت من كل شي حبه حبه و كلهم نتفه

و العشا مشويات



اليوم وزنت


وزني سابقا : 71
اليوم :69.9



مشالله



عاد اليوم

مفتووووووح


هههههههه

وانشالله باجر التزم بالتخفيف و رياضه





يالله بشروا

وانتو

 

[د-سعاد]

صباحكم رضا :eh_s(17):

حبوبات وزني 70.1

الحمد لله لو شديت أكثر نزلت أكثر بس برضو حلو اللهم لا اعتراض

 

[بـ سـ كـ وتـ ة]

صباح الخير رشيقات

ولهت عليكم

اليوم الحمدلله قست وزني نازل



يوم الأربعا كان 76.3 بس الخميس والجمعة ما سويت رياضة وخربطت سوي بالأكل

عموما آنا مابي أنقص بسرعة عشان ما يرجع الوزن بسرعة

 

[بـ سـ كـ وتـ ة]

مبروك نزول أوزانكم بنات

يالله ان شالله أسبوع على أسبوع ما نشوف نفسنا إلا وصلنا الوزن المثالي يا رب

أمس الجمعة 31 أغسطس



ريوقي أومليت بالسبانخ والبقدونس والجبن

زهرة مفيوحة شوي ومعصور عليها ليمون

وبطل ماي 600 مل

سناك عنب



الغدا فتة حمص

(نخي+ خبز محمص+ روب + ليمون وخل + بقدونس + هردة + لحم مفروم + مكسرات لوز وصنوبر)



وقبل ما أنام كليت تفاحة خضرة وشربت بطلين ماي صغار 330 مل الواحد


اليوم 1 سبتمبر 2012


ريوقي


بطل ماي صغير





بيض ومايونيز ومسترد وسيحت فوقه جبن


وخيارة وحدة


طبعا كمية البيض وايد بس ما كليتها بروحي تريقنا آنا وبنوتي الحلوة مع بعض


والسناك

http://www.up-king.com/



تفاحة خضرة + جبن رومي + جبن مونتري جاك + بطل ماي 330 مل

 

[shak!shoka]

عوافي ع قلوبكم جميعا


انا ماكو شي يديد
بس متعايزه اسوي رياضه مالي خلق


لازم اشد حيلي

 

[بـ سـ كـ وتـ ة]

ليش ما تجربين تمشين مع المدربة Leslie

عندها موقع وفيديواتها موجودة عاليوتيوب

بس كتبي Walk at Home وبتحصلين أكثر من فيديو لها

تونس فيديواتها ما اتعب وبنفس الوقت تزيد عدد دقات قلبج ... حتى لما تخلصين التمرين يبقى جسمج يحرق

ومنها ما تحسين بالذنب إنج ما سويتي رياضة

مو شرط كل يوم عالجهاز

الله يعينا ان شالله ووحدة تشجع الثانية

آنا عشان جذي أحب أدش أشوفكم شمسوين

لما أشوفكم مشيتوا ولا سويتوا رياضة أقول حق نفسي كاهم البنات اشزينهم ما شالله عليهم سبقوني وآنا خليني قاعدة في مكاني

لول أزف نفسي وأتشجع أقوم أسوي رياضة

 

[sad feeling]

الله يوفقكم ان شاءالله ...........اختي بسكووته نفس سالفتي سويت كيميائي قبل رمضان اسامه حمددي وتمنيت اني ماسويته نزلت من 82 الى 73 وسويت يوم او يومين مفتوح رجعت 4 كيلوو كان اليوم المفتوح قبل رمضان بيومين ودخل رمضان ماقدرت اتابع جدد انقهرتت على التعب والكررف
اللحين وزني 80 :eh_s(2):
بنات توني دخلت 20 تتوقعون اني بمرحله انقص وزني بسرعه ولا خلاص كبرت :eh_s(2): لاتضكون علي بس بنت تقولي ان اللي يدخل العشرين ماينقص الوزن مثل قبل صحيح هالكلام ولا لا :eh_s(2):