رجيم البطاطس المسلوقه .. 5 كيلو بـ 4 ايام !!(مدة الموضوع شهر من تاريخه)

[_ظل الياسمين _]

ريحانه الظاهر الرجيم مو ماشي مع جسمج
انا من امس باديه فيه والوضع اوكي
حتى من امس كان في امساك بس الحمدلله الحين الوضع اوووكي
وقلت خل اونس نفسي وصعدت عالميزان ولا نازله كيلو و200 جرام حدي استانست

لا ياااقلبى..
انا امس اخذذت دوا واصفه لى الدكتور للروماتيزم..
وكنت امس بااااديه اول يوم بالريجيم..مااقدرت اكمل الدوااا لعب فينى دوخه وترجيع تكرمون..
ونبضاات قلبى صااارت سريعه..مو من الريجيم..
الريجيم انا جربته قبل شهر ..ونزلنى كيلوين باربع اياام ولله الحمد..
بس الدوا صادف مع الريجيم امس ولعوزنى..باذن الله باجر برجع ابدا من اول..
لانه الصرااحه خوش ريجيم لوما الملل من البطاط والله يوفق الجميع.

 

[dream]

dream : لوول ايي معقوله ليش لا .. معروف انه اسرع رجيم يضعف اهوا رجيم النوع الواحد .. طريقه الرجيم

انج تاكلين طوول اليووم بس بطاااط مسلووق او مشوي بدوون ملح .. بس الليمون والفلفل الاسود عادي .. وشربي ماي

واايد .. يعني اهوا بصراحه طعمه واايد كان مليق بالنسبه لان ماحب البطاط المسلوق اصلا حتى مع ملح بس كل شي

في سبيل الرشااقه يهووون .. وترى البطاط المسلووق واايد له فواايد غير ان يمتص الدهون اللي بالجسم ويضعف : )

انزين شوغار ليبس سوري على أسئلتي ..

يصير احط مايونيز ...؟

ويصير اكل سلطات او اشرب عصاير او دايت ..؟

والريجيم لمدة جم يوم ..؟

اسبوع ولا 4 أيام ..؟

 

[SuGaR-LiPs]

ريحااانه : فديتج والله سلامتج يا قلبي ماتشوفين شر .. اسمله عليج انشالله مافيج الا العافيه .. شدي حيلج وديري

بالج على نفسج ولما تصيرين اوكي بلشي بالرجيم اهم شي صحتج :eh_s: .. وانشالله اقولج نتايج رجيمي اول باول : )

سارونه87 : يقويج هلا والله .. بخير انتي شلونج ؟ .. اي ادري طعمه مليق :/ اللي اعرفه مايصير تخلطين معاه

كجب وهالسوالف .. واااي ونااسه مبرووك النزوول والله حدي استانست لج يلااا كملي وانشالله تضعفين اكثرر :ggdw:

dream : عادي حبوبه اخذي رااحتج بالاسئله ^_^ .. مايونيز مايصير بس كجب مال دايت في بنات جربو وضعفو

عادي يعني انشالله ما يأثر .. سلطات وعصير وهالسوالف ممنوووع .. اهوا بس بطاااط بدون اي شي ثااني .. الرجيم

تقدرين تسوينه 3 ايام والرابع يكون فري او تسوينه 4 ايام واليوم الخامس يكون فري .. موفقه حبوبه : ) ​

 

[سارونه87]

شووووووووقر اليوم كليت الصبح بطاطه
والظهر بطاطه مع كتشب شوي
وقبل شوي اشتهيت البطاط المشوي مع الجبن والكاتشب واكلت وحده بس يلا الحمدلله اني كليت بطاط ولا خرتها بغيت اكل ورق عنب هههههههههههههههههههههه
وكنت بشرب سفن اب بس مسكت نفسي الحمدلله
ورفيجاتي شاريين فطاير وكاكاو ومسكت نفسي
اليوم الثاني عدا على خير الحمدلله
باجر 3 يوووم الله يعيني يارب ويعينكم

 

[سارونه87]

اممممم بنات
صايره اشرب وايد نعناع وبابونج وهالسوالف واحط شويه سكر معاهم لان ماحب الشي طعمه مر

 

[dream]

شوفي بعون الرحمن راح أسويه لمدة 3 أيام وابلغج بالنتيجة ...

:ggdw:

 

[سارونه87]

دريم انا من امس اسويه والوضع عندي اوكي
موفقه

 

[طيب^الكويت]

انزين اصير نحط البطاط الودجز بالمايكرويف من غير زيت ويمشي حاله

 

[سارونه87]

طيب ماادري والله
بس انا يوميا اسوي بطاط مسلوق وافك عمري خخخخخخخخخخخ

 

[SuGaR-LiPs]

سارونه87 : ساااروونه الكجب طوفنااه بس الجبن قويه .. حرام الرجيم ماشي مع جسمج لا تخربطين :/

عفيه عليج والله قاومتي الاكل .. لاحقين عليه بعدين اهم شي نضعف .. شربي نعناع وهالسوالف بالعكس وايد زين

يساعدج تضعفين اكثر بس حرام لا تخربين مفعوله بالشكر :/ عالاقل حطي شكر تروبيكانا عجيب حدده .. والله يوفقج

انشالله : )

dream : موفقه يا قلبي وياارب توصلين حق اللي تبينه : )

طيب^الكويت : انتي تسوينه بالبيت اوكي .. بس الجاهز لا لان اول شي يقلونه اهما .. اذا كان بدون دهن اكيد يمشي حاله

وموفقه حبوبه : ) ​

 

[سارونه87]

شلونكم
اليوم انا الوضع عندي شبه اوكي
لان كليت بس نص بطاطه مو مشتهيه اكل وشربت بابونج الصبح مع شكر رجيم
وكليت علج اكسترا

 

[صلاتي-حياتي]

بنات صراحه ماقدرت اكمل طعمه مررررررررررررر

ماكو عزيمه كلللللللللللللش

بس كلامكم يونس
شكلي ابردله بس بحط ملح شوي لأن ماأقدر آكله جذيه

موفقيييييييين

 

[_ظل الياسمين _]

بعد عمرى يا شوقر لبس انا اللى فديتج على هالكلااام يالغاليه..
ربى يخليك ويستر عليك ويحقق لك كل امنياتك الحلوة يااا حلوه:eh_s(7):
اليوم بديت من يديد..وكنت ماشيه اوكى..بس رحت المستشفى ورديييت ميته يووع..
اكلت بطاط ومااقدرت ابلعه ..والله انه طبع فينى مااقدر ابلع من غير سوائل:0bee2e8d89:
قبل يوم كنت يااااهل بس اشرق بالاكل:dddds:
الله يخليج لا تعصبين على ولا تقوليلى غلط قصى على وقوليلى كل شى اوكى
بس عشاان نفسيتى ماتسوا اكثر:krkrkr:
خخخخ قصب :tomato2:
انتى وين وصلتى بريجيمك قولينا وان شاء الله فيه نزووول حلوووو_03BA:

 

[سارونه87]

توني كليت بطاطتين وشوي كاتشب
الحمدلله باجر رابع يوم

 

[الصمت@]

يعطيج العافيه على موضوعج القيم ومشكوره ياليت نجربه ونستفيد
يسلمووووووووووووووووووو

 

[سارونه87]

الصمت هلا فيج
انصحج فيه خوش رجيم

 

[سارونه87]

بنات اليوم شهيتي كلش مسدوووووده عن الاكل وحاسه بخمول ودوخه
شكلي باكل شي غير البطاط
يمكن اكل لي برتقاله او اتغدا عالخفيف اليوم 3 يوم لي رجيم البطاط
الحمدلله نزلت 3 كيلوات بثلاث ايام

 

[غرور انسانه]

ماشالله والله شوقتوني بنااااااااااات على هالرجيم عاد انا امووووووت بالبطاط !!
انشالله اتصير عندي عزيمه وابلش فيه !!

انزين حبيبتي sugar lips اذا كليت البطاط بروحه من غير جاي الليمون هم ينزل ولا لازم هالجاي ؟؟؟؟

واعتقد عادي احط فوق البطاط ليمون عالاقل اذا ممنوع الملح صح ؟؟

 

[SuGaR-LiPs]

سارونه87 : واااي ونااسه مشالله عليج الله يتمم عليج انشالله ومبرووك النزول حبيبتي .. شوقتيني ارد اسويه بس ماقدر

اتحمل طعم البطاط احس اذا شفته برجع تكرمون :eh_s(2): .. بس شكلي برد اسويه لول عادي تلوع جبدي المهم

اضعف .. وموفقه يا قلبي كملي لما توصلين حق الوزن اللي تبينه : )

صلاتي-حياتي : الملح مو شي حق الرجيم يمتن .. جربيه مع كجب مال دايت .. انا بعد ماقدر اتحمل طعمه بس بجربه مع

الكجب .. وموفقه حبوبه : )

ريحااانه : حبيبتي والله اجمعين انشالله :eh_s(7): .. شنو شربتي معاه ؟ يلا عادي بطوفهاا هالمره بس المره اليايه

ماكوو خرابيط التزمي شوي وانسي الاكل :/ ماعليج حتى لو خربطتي عاادي خلي نفسيتج حلووه وخلج دووم

متفائله :eh_s(15): .. انا الحمدلله ليلحين ملتزمه برجيمي ووناسه اليوم فري لول ليلحين بصراحه ماشفت وزني

بس باجر بروح اسجل نادي راح اشوف وزني ويبين شكثر نازله واقولكم انشالله .. ياارب تكون النتيجه حلوه .. وموفقه

ياارب : )

الصمت@ : الله يعافيج حبوبه والعفوو ولوو .. انشالله ياارب الكل يستفيد والله يوفق الكل انشالله : ) ​

غرور انسانه : اي حبوبه عادي بدون الجاي انا اشربه جذي من كيفي عشان اضعف اكثر .. والليمون والفلفل الاسود عادي

تحطينه فوق البطاط بس الملح ممنوع .. وموفقه يا قلبي : )

 

[miss angel]

موفقين بنات ^_^