رجيم التمر واللبن لمدة أسبوعين ...حيااااكم معاي

[تووووووتة الكويت]

حياااكم الله بموضوعي ..
شرايكم نبدي برجيم التمر واللبن لمدة أسبوعين
مع المشي لمدة نص ساعة على الأقل
وكل يوم نكتب يومياتنا ونشجع بعضنا..
ونهاية كل أسبوع نحط أوزانا..

منو تبتنضم معاي؟؟؟؟:eh_s(9):

طولي:156
وزني: 81

 

[أم عامر]

عسى ربي يوفقج

ترى في تجمع تمر في القسم انضمي لهم احسن لأن البنات صعب ينقسمون بموضوعين نفس الرجيم

 

[تووووووتة الكويت]

مشكووووورة حبيبتي
بس التجمع باديين من زمان أنا ودي أبدي خلال هاليومين لمدة أسبوعين وبعدين نتبع رجيم ثاني...

 

[كيكه توفي]

موفقه ان شاء الله

 

[تووووووتة الكويت]

كيكة توفي
مشكورة على الدعوة​

 

[ام_حبيبي]

السلام عليكم
توووووته انا معاااج
يالا شجعيني ابي اضعففف
انا سويته من فتره هالرجيم وضعفت يهبل بس بسرعه رديتهم
والحين امفكره نفسج ان اسويه واضعفلي جم كيلو وعقب اتبع ريجيم ثاني عشان اثبت الوزن اللي نزلته وانزل على راحتي

*

 

[to0taa]

موفقين جميعا
ان ريوقي تمر بس لازم اتغدا سلطه و اتعشى روب ماقدر كله تمر حاارج
يعطيج العافية

 

[ام_حبيبي]

انا ان شاءالله باجر ببدي الله يكون بالعووون 
توته بديتي بالرجيم ويلا بعد ؟

 

[((shoOoshoOo))]

موفقه يارب

 

[تووووووتة الكويت]

أم حبيبي
حياج الله معاي وبإذن الله الانطلاقة من باجر بكتب يومياتي
وبنطرج شرايج تبدين معاي؟؟؟ بس جم طولج ؟؟ووزنج؟؟؟
ترى كلها أسبوعين سهالات ههههههه

هلا بالسمية
بس مو تخربطين أكثر وحاولي قدر الامكان تلتلزمين
لأن الهدف من الرجيم تصغير المعدة بعدين نبدي رجيم ثاني
يالله شدو الهمة غدا الانطلاقة بإذن الله​

 

[تووووووتة الكويت]

ام حبيبي
بإذن الله باجر تبدي الانطلاقة نحو التغيير
بس جم طولج ؟؟وزنج؟؟ علشان نحاسب بعض
هلا بالسمية
بس حاولي قدر الامكان تلتلزمين بالرجيم
هو عبارة عن 21تمرة + 3اكواب لبن قليل الدسم
ترى سهااااااااااالات واحنا قدها
بس لا زم نشجع بعض ونكتب يومياتنا
لان الهدف منه تصغير المعدة بعدين نتبع رجيم ثاني
موفقين يا رب ​

 

[ام_حبيبي]

هلا توته انتي ليلحين مابديتي ؟
انا خنتج واليوم اول يوم
طولي ١٦٩
وزني ٧٦
بس توته موجنه اسبوعين وايد اسبوع واحد موكافي حق ريجيم التمر

 

[تووووووتة الكويت]

ام حبيبي
شالخيانة بس يلا باجر إن شالله بلحقج
شلونج مع أول يووووووووم؟؟؟؟؟
خير الامور الوسط خليها 10 أيام نلتزم بالرجيم لأن اسبوع مايسوي شي لازم 10 ولا اسبوعين
نبي الهمة قوية
يلا شدي حيلج.....​

 

[ام_حبيبي]

الحمدلله اليوم خفيف وعده على خير
ماخربطت كلش
الريوق ماتريقت
غداي طبعا تمر وحليب خالي الدسم بس كليت تسع تمرات مو سبع لأني ماتريقت 
وعالساعه تسع شربت نسكافيه حليب خالي الدسم وشكر من غير سعرات حراريه
والحين انشاءالله بتعشا
بس مالعبت رياضه مع الاسف ان شاءالله من باجر بلعب عالجهاز الغزال الطائر

وبسسس هذا يومي

آخخخ ابي اضعف قبل ايام الضعف كان وزني ٦٥ بس عقب الولاده انتفخت وكرشت ياااارب نضعف بصحه وعافيه *

 

[ام_حبيبي]

انا هدفي انزل ١٥ كيلو
ادري ان بالاحلام
شكلي بنزل خمسه وبخق 
بس لا لا مابي ابي اكمل شجعيني توته
كافي خدود وزنود ههههه

 

[ام_حبيبي]

توووته وينج خونتي فيني خليتيني اسوي الرجيم وانحشتي 

 

[&دلوعة القمر&]

أنا بدي من. بأجر ان. شاالله.

 

[تووووووتة الكويت]

ام حبيبي
كاني موجودة اليوم تريقت 3تمرات وماي
والغدا 7 تمرات مع قلاص لبن قليل الدسم
بحاول العب بالجاري 10 دقايق وحاسبين إذا ما لعبت
وتستاااااااااهلين تصفيق حار على التزامج
خنشوفج اليوم شتسوين؟؟؟؟؟​

 

[تووووووتة الكويت]

دلوعة قمر
حيااااااج الله معانا
بس الله يعافيج حطي وزنج وطولج؟؟؟
ولا تنسين تكتبين لنا يومياتج
​

 

[تووووووتة الكويت]

ام حبيبي
ويييييييييييينج ؟؟؟مالج حس ولا خبر
لايكوووون خربتي؟؟؟؟​