رجيم الحليب و التمر

[مزوحيه]

السلام عليكم و رحمة الله و بركاته :eh_s(17):


بنات انا بخاطري حيل اضعف وزني كان 97 و طولي 167 و بخاطري يوصل
وزني لـ65 يعني محتاجه ينزل وزني 32 كيلو قبل رمضان و لقيت اسهل رجيم
الحليب و التمر طبعا انا قلت فوق كان وزني 97 قبل 3 ايام سويت رجيم السوائل
و اليوم قست وزني صار 94 الحمدلله نزلت 3 كيلو ب3 ايام و لله الحمد ..

بنات انا محتاجه تشجيع و خصوصا اني ما احب اسوي رجيم الا لما اتأكد من تجاربه
و اشوف مميزاته و عيوبه و لقيت ان رجيم الحليب و التمر ممتاز ينزل 30 كيلو بالشهر
و ان في دكتور يقول ماله مضار اذا استخدمناه لمدة 6 اسابيع فقط ..

و في بنات يحلفون ان عقب ما ضعفوا من هالرجيم ما رجع وزنهم و في بنات يقولون رجع
الدبل لانهم مجرد خلصوا الرجيم ما عطوا نفسهم فرصه و بدوا ياكلون بشراهه
يعني الله عرفناه بالعقل اكيد راح يرجع الوزن دبل لازم عشان نبدا نثبت الوزن اللي وصلناه
نبدا الاول بالتخفيف لي ما يتعود الجسم و تدريجيا نزيد الاكل و بهالطريقه يثبت الوزن
ان شاء الله ..

طبعا انا قريت واجد عن هالرجيم ماله مضار و لله الحمد ..

و انا بديت فيه من اليوم بالاضافه الى شرب 8 اكواب ماء يوميا انا معاي بطل الماي مالي
بس اعبيه و اشرب بهالماي يسد الشهيه و مفيد لنا ..

ما اطول عليكم بنات رمضان قرب و العيد لازم نطلع بشكل غير نخلي كل اللي قالوا صايره
دوبه و صايره متينه يشوفون اجسام واو تجنن نصدم اللكل
كلها شهر عادي نصبر دام نبي نوصل لي هدف تعبنا من هالشحوم و هالكروش حتى حركة
عجزانين نتحرك لازم هالشحوم تطيح بإذن الله و نوصل للهدف اللي نبيه ..

الرجيم بنات

الفطور ===> 7 تمرات و كوب حليب خالي الدسم يفضل
الغداء ===> 5 تمرات و كوب حليب خالي الدسم
العشاء ===> 5 تمرات و كوب حليب خالي الدسم

و الافضل عقب الساعه 6 ما ناكل شي نخليها سوائل بس و يكون افضل لو جاي اخضر
او كوب كمون و ليمون و تمشين بالبيت نص ساعه انا ما عندنا حوش و لا آلة رياضه
آمشي بالبيت و اتحرك و اذا شفت اهلي ياكلون ع طول اروح اعبي البطل ماي و اشربه
كله حتى لو غصب عشان تنسد شهيتي و الله ياكلون جدامي و عادي مو هامني ..

بكتب الهدف اللي بوصله و بقولكم يومياتي و جم اوصل كل اسبوع و اللي حابه تشاركني
تتفضل و بنات لاهنتم مابي وحدة تقول بشارك يوم و يومين و بعدين طاف لا نبي لمدة شهر
نشجع بعض و بإذن الله نوصل للوزن اللي نبيه ..

الوزن الحال ==> 94

الهدف الاول ==>85

الهدف الثاني ==>75

الهدف الثالث و الاخير ==>65

وربي ينزلنا و نوصل لاهدافنا بصحة و عافيه ..
​

 

[مزوحيه]

الله يجبر بخاطركم و لا رد

 

[*wns*]

انا مستعده ابدا بس ياليت في قروب وتس اب او بي بي احسن من هنا المنتدى لاني مادش واجد

 

[MRS.coupe]

الله يوفقج وا ن شاء الله توصلين للوزن الي تبينه وانا باذن الله بعد ببدي دايت وزني ليلحين 79

 

[*wns*]

تبدين حليب وتمر ولا ؟؟

طيب لو ابدا الحليب والتمر من الحين الى العيد عرسي عادي مايأثر؟

 

[أمي قرة عيني]

^

يازين ما اخترتوا من رجيم
بنات من تجرررررررربة يصفي البشرة ويوحد اللون ويخلي ويهج نضر بس ما انصح اللي متعود على اكل وايد تطبقة لازم تسوي تمهيد يومين لانها بتيوع وتكره الرجيم
عني جربته كنت بكسر ثبات الوزن نزلت * ب 6 ايام يمكن من سنه هالكلام

الله ينحفنا بصحة وعافية

 

[أمي قرة عيني]

نزلت كيلوين **

 

[مزوحيه]

انا مستعده ابدا بس ياليت في قروب وتس اب او بي بي احسن من هنا المنتدى لاني مادش واجد

حلو بعد لو واتس اب او بي بي ما عندي مانع بس تبدين متى انا بديت من امس

 

[مزوحيه]

تبدين حليب وتمر ولا ؟؟

طيب لو ابدا الحليب والتمر من الحين الى العيد عرسي عادي مايأثر؟

الف مبرووك وربي يتمم عليج بخير .. جم باقي حق عرسج ان شاء الله و جم وزنج ؟

 

[مزوحيه]

نزلت كيلوين **

حلو حلو و ان شاء الله ما يردون فعلا هالرجيم عجيب ان شاء الله تنزل اوزانا بصحة و عافيه :eh_s(9):

 

[مزوحيه]

مسسساء الورد انا قبل شوي قعدت

و خذيت لي 7 تمرات مع ماي لاني ما احب الحليب
اي و نسيت اقولكم وزني امس كان 94 اليوم صار
93.5 وناااااااااااااسه مشاء الله لا احسد عمري
​

 

[روح فـهـد]

بنات انا معااااككم من اليوم باديه

 

[M!SS.LOBY]

الله يووفقج

 

[انوار87]

بناات مره سمعت ان حدج سوينه 21 يوم وعقب توقفين و بعد فتره تردين لعده اسباب
1- راح تعودين جسمج على سعرات حراريه قليله ف يبدي يخزن
*- تملووون
انا نصيحتي لكم خففوا اكل وزيدو من البروتينات وقللوا نشويات 5 ايام بالاسبوع ويومين سوو رجيم التمر واللبن
مع الرياضه
وانا شخصيا كل اثنين وخميس اصوم واسوي التمر واللبن والايام الباقيه تخفيف

عشان تضعفون بصحه وماتردون الوزن

 

[مزوحيه]

بنات انا معااااككم من اليوم باديه

دام معانا اجل من باجر تبدين و نبدي معاج لازم نشجع بعض و يارب نضعف

 

[مزوحيه]

يعني الحين اللي معاي بالرجيم

روح فهد و wns


​

 

[أمي قرة عيني]

^
ينفع ادش معكم ؟؟ بس تواجدي قليل بالمنتدى يعني يمكن اعطيكم الاحداث كل 3 ايام او اسبوع
بنات نصمممل ان شاء الله ليييييييييييييين رمضان

 

[أمي قرة عيني]

بنات خليكم مع رجيمي والله بتنحفو راح اعيدو كل مره علشان كل وحده فيكم تستفيد


مرحبا اخواتي حبيت انقل لكم تجربتي في نزول وزن كان وزني 80 كيلو والآن اصبح وزني 60 كيلو وبدون تعب او دوخه او جوع وهدفي رحت السوق ودخلت ستي ماكس وقررت اشتري ملابس بمقاس ميديوم حتى يكون عندي هدف واشتريت احلى الملابس ومن وقتها قررت ابدا رجيم التمر واللبن بس بشويه تعديل مني وعن جد فادني ونحفني مع شويه تمارين بطن خفييفه واشتريت بدله الساونا من صيدليه النهدي ب 90 ريال وكنت امشي بالبيت نص ساعه يوميا معلش طولت عليكم ابدا بالرجيم

اليوم الاول ..
الفطور: 7 حبات تمر + كوب لبن
الغداء: 7 حبات تمر + كوب لبن
العشاء: 7 حبات تمر + كوب لبن


اليوم الثاني ..
الفطور: 7 حبات تمر + كوب لبن
الغداء: 7 حبات تمر + كوب لبن
العشاء: 7 حبات تمر + كوب لبن


اليوم الثالث ..
الفطور: 7 حبات تمر + كوب لبن
الغداء: دجاج مشوي او سمك مشوي او لحم مشوي بدون دهون + صحن سلطة مشكلة بدون طماطم لان الطماطم يثبت الوزن ويجمد الدهون
العشاء: 7 حبات تمر + كوب لبن

اجباري لا زم تكسري ثالث يوم ا الغداء علشان الجسم ما يتعود على نوع واحد من الأكل
وممكن اللبن يكون كامل الدسم او قليل الدسم او خالي
والتمر يفضل تمر اخلاص ويستبعد السكري
وفي ثالث يوم العصائر مسموح هانا كنت اشرب عصير اناناس او جريب فروت كي د يدي او سيزر
بشرط انها تكون طبيعية وبدون سكر وهذي الأنواع مضمونه

اليوم الرابع :
الفطور: 7 حبات تمر + كوب لبن
الغداء: 7 حبات تمر + كوب لبن
العشاء: 7 حبات تمر + كوب لبن

اليوم الخامس:
الفطور: 7 حبات تمر + كوب لبن
الغداء: 7 حبات تمر + كوب لبن
العشاء: 7 حبات تمر + كوب لبن

اليوم السادس :
الفطور: 7 حبات تمر + كوب لبن
الغداء: دجاج مشوي او سمك مشوي او لحم مشوي بدون دهون + صحن سلطة مشكلة بدون طماطم لان الطماطم يثبت الوزن ويجمد الدهون
العشاء: 7 حبات تمر + كوب لبن

اليوم السابع :
مفتوح يعني تاكلي كل شي صحي من فواكهه وخضروات وعصير ودجاج او سمك او لحم مشوي بس تيجي الساعه 8 قفلي فمك افضل وانا كنت اشرب كل يوم مرتين شاي الضيافه

بأذن لله تستفيدو من رجيمي والله صحي وما يجوع واي سؤال انا حاضره ونصيحه لاتوزنو الا آخر الإسبوع






منقوووووووووووووووول من للفائدة احسه حللللو جذي عشان لا نمل وكلها شهر واسبوعين تقريبا ياررررب نقدر

​

 

[ام نواف العجمي]

وانا معاكم اوكي

 

[ام نواف العجمي]

انا يبيلي بس ١٥ كيلو وخلاص
وزني حالياا ٧٠ و٨٠٠ وطولي ١٥٤

وزني المثالي٥٥

ابي اوصل لوزن المثالي يارب نوصله ونحنا بصحه وعافيه